في حياة عاشق

بارت 1

في حياة عاشق
للكاتب :علي الحياني

يل راسم بعينك كل جمال الكون
معذور القلم لو يرتكب غلطة
ومعذور العقل بيك إنسطر مجنون
وبحبك يهيم وينضرب جلطة
يل صوتك أحلى لحن ملحون
وأظن صوت الكناري بوحشة السنطة
طبيت الگلب من ياباب ياشباك ؟؟
وسويت إنقلاب وشردت الشرطة
وسبحان المصور بيك الحسن مصبوب
وبحبك طحت وتورطت ورطة

في كل زمان رجال وانا رجل زماني
اانا العاشق انا الحبيب
انا الطبيب وهل تعلمون من انا ؟؟

انا اسمي علي من مدينة الموصل من مواليد1996 شاب حلو و مثقف اني طالب اعدادي صف سادس جان كل حلمي انو اصير دكتور ودخل كلية الطب ....
ابوي متزج اثنين اني ابن الثانيه عدي ثلاث اخوه شباب واني رابعهم ..جنه احنى خمسه بس اخوي الاكبر مني الله يرحمة اتوفى يوم 10/11/2007....

وعدي ثلاث خوات خواتي متزوجات..

هنا روحي بالدنيا كلش احبهن

جدي ابو ابوي شيخ طبعآ الناس اتهابا والكل تسمع كلامة محد يكدر يرفضلة طلب ...

اني عندي عمام اثنين. واربع. عمات عمامي الله يرحمهم اتوفو واحد انكتل بالحرب الايرانيه العراقيه جان امر لواء 72 انكتل بام الرصاص ...

وعمي الثاني جان مصور صدام حسين والرجل السابع مثل مجانو ايسموه ...

ابوي دائمآ يحجيلي عن عمي جارالله ايكول عمك كلش قوي وسبع وميهاب احد ومحد يكدر يحجي وهوا حاضر....

هوا متزوج ثلاثه وعندا من مرته الاولى الي اتصير بنت خاله عندا ولد وبنت هذول اكبر ويلاده ...
ومن مرته الثانيه عندا ثلاث ويلاد وبنت ...
ومن مرته الثالثه عندا بنت وحده...
اجتي للدنيا جان عمرها 3 سنوات وعمي اتوفى ....

امها بعد ماعمي اتوفى وفضت الفاتحة بعدها ابكم يوم اخذة البنت وراحت بيت اهلها وبتعدة عن الكل يعني حتى بنت عمي اني مشايفها ولا اعرف عنها شي بس اعرف هيا بالموصل ..

عماتي جانو ايروحون ايزوروها بس امها متخليها تطلع اتشوفهم وتطلع حجج.. امها بعدتها علينه ...

ضل ابوي الوحيد الجدي وهوا الي جان يشتغل ويصرف على اهلة لان جان حصار و وضع العالم جان كلش تعبان ...

اني جنت طالب ثالث متوسط مجنت شايل هم للدرس مثل بقية الطلاب جنت العب طوبه والحمدلله اخذت الميداليه الذهبيه وطلعت افضل حارس ع متسوى العراق اجتني هواي عروض انو التحق بالمنتخب بس ابوي وجدي مخلوني لان اخوي من ابوي همات جان لاعب كرة قدم ولعب بالمنتخب العراقي بس غلبت الواسطات وضطرو انو يبعدون اخوي من المنتخب..
ماحب ابوي ايعيد الغلطة الي سواها بخوي ومنعني من هالشي وخلاني اكمل دراسه واني همات احب الدرس كلش لان بسرعه افتهم ع الدرس وعندي قابيلة حفظ سريعه ...

اجتي عطلة الاربعين يوم مال وزاري واني اعرف شي بسيط عن المواد كلت لبوي احب اطلع من هوسة البيت خليني اروح البيت خوالي لان خوالي وجدي ابو امي ايحبون ابوي كلش .....

كال لا وليدي راح ااجرلك بيت وطلع ادرس بيه الوحدك وكل يوميا ادز اخوتك يمك ....
اني عجبتني الفكرة كتلة ماشي يابه ....
دورت ع بيت قريب عن اهلي ملكيت المهم صديقي عرف اني اريد بيت للايجار
كال .....علي عندي بيت بس بعيد عنكم كتلة عادي مومشكلة هوا اني دا ادرس بيه اريد ابتعد عن الكل .....
اتفقت وياه ورحت عزلنه البيت وخذة امي وخواتي رتبن البيت وصرت ادرس بالبيت ...

فديوم من الايام واني وادرس حسيت ابتعب وبعد ما اكدر اكمل درس كلت خل استراح وجان وكتي كلش قليل يعني تسع مواد بربعين يوم المهم طلعت ع البلكونه مثل السطح صغير ايصير يم غرفتي ......

اني طلعت اشوي اشتم هوا وجان اشوف بنت جيرانه واكفه ع البلكونه بالجها الثانيه اني شفتها بوياي عقلي وقفل بس ضليت اباوع الها يمة اشهل جمال صلاوات على محمد..
هيا باوعتلي اني دنكت راسي خجل منها وطبيت الغرفتي رجعت اكمل درسي....
شو فجئا اجتي صورتها اكبالي ابتسمت وكمت افكر شنو هاي اووف والله حلوة ....
ياربي اشجاي اسوي اني ابوي دزني حتى ادرس ....

كملت وقت الدرس وخذة استراحة كلة خل اطلع اشوي ع البلكونه ....
اني همات طلعت عيني راحت الصوب بيتهم مجانت موجوده باوعت للشارع وجاي اشوف العالم اتروح وتجي....
رفعت راسي وجان اتصير ابعيني انصدمة معرف اشجاي ايصير بيه كلبي يرجف وممتحمل نفسي وبس اباوع الها ابتسمت ابوجها والله شوهيا ابتسمت ودنكة راسها اني اتذكر جان عندي عقل بس طار هههه من شفتها اتسودن ابكلبي العشق ....

شو فجا ونزلت تركض اني كلت اشبيها راحت باوعت لشوي مااجت كلت خل اروح اكمل درسي ...

درست وقريت وجان يندك الباب ابصوت عالي

........يتبع

اتمنى تعجبكم وشاركوني ارائكم