في حياة عاشق
جدول المحتويات

    أنت تقرأ

    في حياة عاشق

    Romance

    قصه واقعيه تتكلم عن حياة شاب من اهل الموصل الذي عشق ابنت عمه ..فهل تعشقه مثل عشقه لها؟ ؟وهل هوا سوف يضحي من اجلها؟ ؟ في حياة عاشق للكاتب علي الحياني

    #حب #حرب

    بارت 7

    1K 71 90 
                                            
    
                                                  
    في حياة عاشق
    
                              
    للكاتب: علي الحياني 
    
                              
    طبيت الجلسة الزلم ..
    ابوي كاعد كتله يابه الامانة جبتها.....
    كال شنو يابه ..
    كتله بنت عمي جبتها ..
    كامو ولد عمي وكفو على حيلهم كالو شلوون جبتها ...
    كتلهم كعدو هسه افهمكم ...
    وحجيتلهم شلون جبتها ..
    رد ابن عمي كال خويه لعد حضرو نفسكم اليوم مراح اتعدي ع خير هالسالفه ...
    عمام ابوي كالو وعساها لتعدي خل يجون يمنه وحنى الها الى انرجعهم بجفان وللمكابر ...
    ابوي كال هسه كلشي ماكو اكعدو ويصير خير انشاءالله بنتنا ورجعناها النه ..
    طبيت الموج عيونها صايرين دم من البجي كعدة يمها وكتلها حياتي لاتبجين هاي انتي ابنص اهلج لويش البجي ..
    كالت علوش وامي ..
    كتلها وعد مني امج الا اجيبها بس هسه اسكتي ولاتبجين ...
    كالت تعبانه اريد انام ...
    كتلها يلا كومي نامي ..
    شو خلت راسها على جتفي وحضنتني كالت اخاف ايصيرلك شي والله امووت ..
    كتلها يروحي ميصيرلي شي وانتي وياي شو عاينت عليها كتلها يلا غمضي عيونج وفكري بيه ونامي ...
    بستها من راسها وطلعت ...
    اني اليل كلة ماجاني نوم كاعد وي ولد عمي ونسولف ونضحك الحد الصبح ...
    غفيت شوي .. 
    شو اجه ابن عمتي يركض كال اكو زلم مسلحة طبو شارعكم احنه كلمن شال سلاحة وطلع وكف بره..... انتخو عمام ابوي اجو من الدجل ....
    ابوي عرفهم كام ايصيح هلا بعمامي الجاين فزاعه هلا وميت هلا ..
    اني شفت الزلم ونخوت عمامي مدري اشصارلي شعور مينوصف ..
    طبو للديوان وستقبلناهم وقمة بضيافتهم ...
    كالو لبوي هاي الزم كلها انتخت لجل عيونك انموت ونوكع زلم فوك زلم ومنخلي احد ايجيسكم ابشي ..
    
                              
    ابوي كفو منكم اهلي ونخوتي ورفعت راسي ...
    رد واحد من عمام ابوي اسمة ابو سجاد...
    كال اهل بغداد فزعتهم توصل اليوم سمعت طارش محضرين الزلم وجاييك ..
    ابوي كال اليجي الله محيي هذول وبنتنا جبناها من عدهم بس اعرفهم يغدرون بينه ...
    كال ايخسون والله محد يتدنا عتبتكم وحنى موجودين ...
    لليل طبو اهل بغداد احنى بعد منعرف شنسوي كل هالزلم الاجت الواحد البيهم ايهد الدنيا بصوته ....
    
                              
    الصبح اجتي دورية شرطة ونزل منها عقيد و وياه ملازم اول والجنود ..
    ابوي استقبلهم وطبو الديوان ..
    كال العقيد انتو متهمين ابخطف بنت وخوالها رافعين دعوة عليكم ...
    ابوي كاله يابنت خويه هيه البنت بنتنا شنو دعوة ايش ..
    ابوسجاد قيادي ابحزب ابغداد كاللهم دعوة شنو هاي الدعوة خلوها الكم احنى مانمشي ابدعوات ...
    كاله الضابط هذا القانون ..
    رد ابو سجاد هذا القانون احنى لنمشي انتو لتدخلون ابشغلنه احنى شغلتنه عشاير خل القانون يطلع منها ..
    كال اني ملزم اطبق القانون ....
    عليكم امر والامر جاي باسم عبدالرحمن ...
    عمام ابوي وخوالي كامو ذبو عكلهم كالو لو عبدالرحمن يطلع من هين هالعكل ماترجع الا ابدم ....
    سيادة الظابط اخذ جنودك وخلولها ابسلام ....
    اني كلت للضابط كتله الخاطف مو عبد الرحمن اني الرحت جبت بنت عمي ومن يم امها جبتها واجتي ابرضاتها البيتي وهسه هيه ابين نسوانه...
    كال ممكن اسمع منها هالحجي ...
    باوعت لبوي كال وليدي نادي عليها ...
    الشباب طلعوا من الديوان بقو بس الضباط وكباريتنه ...
    سئلها الضابط بنتي احد خاطفج ...
    كالت لا محد خاطفني اجيت بارادتي ...
    كاللها باوعي اذا احد هددج او جاي يضغطون عليج كولي اني اعرف شلون اتصرف وياهم ...
    كالتله اهلي واني بنتهم شلون يخطفوني ...
    كللها خير ان شاء الله لعد احنى نرفع الزحمة والدعوة انغلقة ...
    عمامي ماخلو يطلع الا يتغدا بس مقبل لان جان عندا شغل ... 
    طبيت لكيت موج كاعدا وي امي وجاي يحجون بس عيونها كالبتهم دم من البجي....
    اجيت وكعدة يمها وكمت احجي وياها واضحكها ...
    طبت مريه كالت لمي يمة هاي بنتكم اشكد حلوة ..
    امي كالتها يابنت خيه ...
    كالتها هاي الكاعدا حدج ...
    كالتها خويه هاي بنت المرحوم جارالله ..
    كالتها خويه الله يرحم ابوها شلون جان زلمة اخو خيته وجلمته متصير اثنين لعد خويه اخطبها من عمها والله عجبتني اريدها لبني ....
    امي كالتها خويه هاي البنيه الي الزم برة شايله سلاحها وحاميها وبعدين هاي خطيبت ابني علي ...
    جان اتكول خويه السموحة ماعبالي هيا والله حكها الزلم اتموت وتحتي لاجل عيونها ....
    شو موج ابتسمت كلتلها لوعبالي تبتسمين الهلحجي جان حجيته ابدالها ...
    شو ضحكت .....
    واني ضحكت ....
    لشوي طبو خواتي وامي كاعده بيناتنه وجاي يحجون ... 
    كتلها بنت عمي اسمعي هالكلام الي راح اكوله وهاي امي وخواتي كاعداة ويسمعن اني وانتي انجمعنى بامرالله وحبينه بعض وكل هالمشاكل تنحل بس ابشرط ...
    كالت شنو هوا الشرط ...
    كتها لازم ننخطب ونتزوج هيج خوالج مالهم حجة علينه ومو يوميا ايدزون دوريه ودعوة خطف ...
    
                              
    امي كالت والله خوش حجي بنيتي فضوها ونتزوجو ع خير ...
    كالت اريد اشوف عمي ..
    اني همات ناديت لبوي اجه هيا كعدة يمة وحضنت ابوي وكامت تبجي ..
    ابوي كاللها بنيتي كفي البجي عيونج راحن وانتي تبجين ...
    كالتله انت ابوي واشوف بيك ابوي علي ايريد ننخطب ونفض هالمشكلة .....
    كاللها بالخير والبركة ...
    كالتله بس اني محتاجة امي اريدها يمي فدوه خل تجي ..
    ابوي كاللها ابشري اليوم امج تجي بعد بس بنيتي لاتبجي دمعتها غاليه عليه ..
    باوعت لبوي وبتسمت ..
    كتلها هاا اشكلتي نتزوج ..
    كالت الامر بيدك وشتسوي اني وياك ..
    
                              
    ابوي كال الباجر نمسك عكد بالمحكمة ...
    
                              
    ........يتبع
    
                              
    في حياة عاشق
    للكاتب: علي الحياني
    في حياة عاشق حيث تعيش القصص. اكتشف الآن