في حياة عاشق

بارت 6

هاي مفاجئة خليتها الكم

قرائه ممتعه

في حياة عاشق
للكاتب:  علي الحياني

اني رجعت البيت ابوي اشوفهم وجاي احجي وي ابوي ...
كتله بويا الله ايكويك ..
كال هلا بويا شلونك ..
كتلة ابفضل الله مرتاح الحمدلله بس بويا جايك ابشغلة ..
كال تعال احجي وليدي اشبيك ...
كتله بويا هاي صارلي اشكد اني وبعيد عن بيتكم ...
كال من صف ثالث وهسه انت سادس يعني 3 سنوات ..
كتله بويا احد جاب اسمي بالشينه...
كال لابويا بالعكس انت رفعت راسي بس خيرك احجي اشبيك ...
كتله بويا انتو عدكم بنت وهالبنت كبرانه وصايرة حرمة ومن جمالها اتكول للكمر اني احلامنك ....
كال بويا خوالها جلاب وطلابين شر ..
كتله بويا وعمامها تحركهم حرك ..
كال اوليدي استرعليه اني رجال تالي عمري مابيا دور مشاكل وطلايب ..
كتله بويا اني جاي اكلك هالكلمة وطالع من يمك ..
بويا بنت عمي اني احبها وهيا اتحبني وهاي صارلي اسنين وياها وربك والخلقك اسوي خوالها وذر وذر وشمرهم للجلاب ...
كال بويا هاي كل عقلك ليش وينها وشجابك عليهم ...
حجيتله القصه كلها ..
كال بويا اجمعلي ولد عمك ودز خبر الخوالك  يجون والكعده ابيت ابوي ...
لليل البيت انكلب زلم و ولدعمي  وخوالي..
ابوي سولف بيهم وكاللهم..هلا بجيتكم وبجمعتكم بس اني طالبكم ..
كلهم صاحو العد عيناك جبيرنه كبل صغيرنه ..
كاللهم كفو منكم هذا عشمي بيكم ..
علي ايريد بينت عمه جارالله الي صارلها سنين يم امها وبنتنا لازم انردها بالقانون بالشرع بالعشاير لازم انجيبها ...
كلهم كالو علي رجال وسبع ماشاءالله عليه وخلوق وخوش ولد والناس تمشي بامرة ...
ابوي كاللهم الباجر اتدزون طارش لمها انو ابن عمها رايدها..
دزو طارش وصل الحجي الهم وخوالها كلبو الدنيا شلون يردون هاي احنى ربيناها وهيا بنتنا وهما مالهم حق وهيج سوالف ...
ابن عمي اسمة محمد كال لبوي ..
هيج يتهددون والله لناخذها من عيونهم هاي بنتنا ومتصيرلهم حرمة ...
عمام ابوي كالو احنى راح نتصرف ونروح ونحجي وياهم ونجيب بنتنا ...
ابوي كاللهم لاتروحون هذول ناس ميحترمون احد ولا ايقدرون جبير..
المهم راحو عمام ابوي وحجو وياهم بس ماقبلو خوالها ينطوها ...
ابوي و ولد عمي كالو يا بروحنه يابروحهم  والدم بيناتنه اذا مو بنتنا ترجعلنا ....
وكفت اني بينهم وكتلهم اذا شغلة دم احنى كدها وكدود وعدنه الزلم الواحدهم ايهد اجبال بس ياعمامي انطوني عطوه  24 ساعه وبنت عمي راح اتكون يمكم ...
الكل اتعاين عليه كالو وشلون اتجيبها وخوالها مينطوها ..
كتلهم اني اجيبها بس هدو السلاح وخلونه نهدا وبنت عمي الي ..
رد عم ابوي كال ياناس هدو ويصير خير انشاء الله...

طبيت الغرفت ابوي وشلت المسدس ابصفحتي وكلت خل اروح البيتي وشوف اخبار موج ..
طلعت من البيت وجان ايلاكيني ابن عمتي عمار... كال ماعوفك اتروح الوحدك ....
كتله خويه رايح للبيت .....
كال اني جايك وياك متريد خاطر.....
كتله الله محييك امشي وياي ..
رحنه للبيت وجان اول مانطب البيت نسمع صوت اصياح ابيت موج .....
اني طبيت السرعتي للبيت كليت حمودي كاضها من شعرها وجاي ايصيح انتي الي راح اتصيرين الي وماخليج اتروحين العمامج وهيا تبجي وتصيح ....
اني عقل ماضل بيه ودمي فااار ......
كتله لك شيل ايدك عنها وجي وضربه على كلبه ابدفره ابتعد عنها....
امها كامت اتحرب وهيا اتكولي بس عوفه خل ايولي

كتله اتمد ايدك علي بنت عمي اموتك  واني ابن عبد الرحمن .....
اجة وضربني عمار شبع بي كتل كام ضرب عمار ابسجينه ابطنه .....
اني رفعت المسدس وضربته ابطلقه برجلة ...
اجيت شفت عمار جاي ينزف بس جرحة سطحي ...
لزمت حمودي لعبت بي طوبه ...
وخذة موج بهدوم العليها وخذة عمار واجيت البيت ابوي ...
ام موج تتوسل بس عوفها ..
كتها لو زلم اتعيش وزلم اتموت بنت عمي متصير يمج بعد.....
وموج اتكولي علوش مكدر اعوف امي وتبجي كضيتها من ايدها وخليتها بالسياره...
وكلت لامها اذا اخوتج كدها خل يجون وياخذوها ....
وهيا تبجي ماتعرف شتسوي ....
ركبت بل سياره كالتلي موج الله ايخليك بس امي اريدها علوووش جيبلي امي ....
كتلها ماوكت امج امشي بعدين اني اجيبلج امج ...
طبيت والبيت هوسه وكل الزلم كاعدين صيحت بحسين كتله تعال ..
اجة حسين يركض كال شكو...
كتله حسين هسه تاخذ عمار للمستشفى وماريد احد يعرف عمار مضروب ....
كال بس شكو ....
كتله هسه روح للمستشفى وخذه خل ايضمد الجرح ....
كال منو هاي البنت كتله هاي موج...
حسون صفن شلون جبتها ..
كتله هسه امشي ولي للمستشفى مو الولد دمة خلص ...
اني اخذة موج وطبيت البيت كله زلم ولد عمي وخوالي.....
صيحت بخواتي اجتني سجى كالت ها خويه ...
كتلها هاج هاي امانتي يمج واشرتلها ع موج ...
كال شسالفه ..
كتلها هاي بنت عمي جارالله ...
كامت اتصيح علي جاب بنت عمي  جارالله.....

...............يتبع

في حياة عاشق

للكاتب:علي الحياني