في حياة عاشق
للكاتب: علي الحياني
اجه يوم الاربعاء واني كلش فرحان اليوم زفتي تعب عمري راح اتصير الي فرحتي ممنطيها لحد وسعادتي متنوصف .....
كلت خل اروح اشوف اشمحتاجين شيريدون ...
طبيت لكيت موج وبوي كاعدين يحجون وام موج كاعده يمهم ...
سلمت عليهم وباوع بعيون موج اشرتلها تعالي ...
هزة ابراسها ولحكتني ...
طلعنه برى للحوش كتلها اليوم تكمل فرحتنه وتصيرين ام بيتي ...
كالت علوش متوتره وخايفه ...
اني ههههه ولويش عود خايفه ...
كامت تضحك كالت علوش هالشي طبيعي الكل بنت راح تزوج اتحس بالي اني احسه ....
كتلها شو اني مااحس ابشي بس فرحان واعتبر نفسي اسعد رجل بالكون ...
كالت ايي انتو الزلم معدكم احساس ...
خزرة بعيونها ..
كالت اهووو ميتحمل شقه ..
كتلها بلا هالشقه ماله الزوم ...
كالت ايي زين اني الك بسيطة علوش ....
كتلها مسمعت شنو ..
كالت ولاشي هاي اشبيك حبيبي ...
كتلها يلا اروح اطلع اشوف اشمحتاجين ...
كالت دير بالك على روحك ...
كتلها انتي روحي ديري بالج عليه ...
طلعت يم الشباب مخلوني امد ايدي الشي.....
طلعنه للحلاق وزينة والشباب ايغنون ويهلهلون فوك راسي كلبو الدنيا العالم بس اتباوع ...
والنوب طبينه الحمام السوك وسبحون والاغاني ابعلات صوتهم ...
جانت زفتي ابقاعة الاعراس لان بيتنا ميسع الناس الي راح تجي ...
صارة الساعه بل ثلاث العصر طبيت الغرفتي وبدلت وطبت امي وعماتي وخلاتي بالهلاهل والجكليت ...
النوب طب ابوي وخذنه صوربالغرفه ...
طلعت و ولد عمي وخوالي حركو الدنيا بالطلقات سووها جبها ...
ابوي طلع عليهم رزلهم ومنعهم يرمون طلقات لان هالشي اياثر ع الناس ومامنه فايده ...
راحت امي وعمتي جابو موج من الصالون ودوها البيت عمي سعدالله بيتهم ابنفس فرعنه ...
زفيتها من بيت عمي.....
رحنه القاعة الاعراس والطريق كله الجنود يرمون طلقات وشبابنه يرمون طلقات ع الواهس ههههه...
طبينه القاعة الاعراس والدبكات والاغاني والناس فرحانه ومخلو قصرة وياي ...
خالي كال يلا علاوي اخذ مرتك وكوم روحو البيتكم ...
اني همات اخذة موج وطلعت و ولد عمي وراي يزفوني وامي وخالاتي وعماتي ملو الدنيا بالجكليت والورد ......
اجو عمام ابوي ايسلمون عليه اباب قاعة العرس وصدقائي اجو ايسلمون عليه ويباركولي .....
زفيت حب حياتي البيتنه وجان ليلة من العمر ابقى اتذكرها الحد ماموت ...
مرت الايام والاشهر ورجعت حياتي طبيعيه ومبيها شي ولد عمي وخوالي كلمن رجع البيته والحياته ....
اني وموج قررنه نرجع ندرس ...
وبدينه بالدرس وكمنه نتنافس بالدرس وكلمن ايطلع درجة اعلا اله هدية من الثاني.....
عشت حياتي ابين اهلي وبحضن مرتي ....
قربت الامتحانات الوزاريه صف سادس وجان حلمنه اني وموج انو ندخل كلية الطب ولازم انحقق الحلم ...
طبينه الامتحانت وحنى واثقين انو راح انحقق حلمنه.....
الحمدلله جانت الاسئله كلش سهله وكدرنه نتغلب ع كل الصعوبات ....
بيوم استلام النتائج جنت كلش متوتر وخايف لان هذا مستقبلنه وموج نفس الاحساس ...
طب حسين للبيت ويصيح ...علوووووش موووج نجحتو تعالو هسه طلعة النتائج وشفتها ...
اني طرت من الفرح ...
كال وثنينكم طبيه ...
كامت اتكمز موج واني حاضنها ..شو امي كالت موووج ديري بالج مازيلج اتكمزين ..
اني باوعت ع امي تبتسم ...
كالت اشبيك اتباوع ترى حامل ..
واني صار العيد عيدين والفرحة ملة الكون وحياتي كلها حب وسعاده ....
صار يوم التقديم للكليه...
كتلت الموج يلا كسوله كومي اليوم انروح للكليه ورانه تقديم ..
وهيا اتكول فدوه بس ربع ساعه والله ماشبعانه نوم ..
كتلها يلا كومي بلا كسل ...
سحبت البطانيه من عليها وخليتها اتكوم غصبن عنها.....
ورحنى اني وموج للكليه حتى انقدم ......
جانت سياره تلحكنه .....
اني خابرت حسون و ابن عمتي عمار .....
كتلهم اكو سياره جاي تلحكني من طلعت من البيت ...
كلو جايينك ..
اني همات ضليت اسوق ومخليت موج اتحس ابشي كل شوي اكللها انتي الحلوووو مااالي ...
وهيا اتكول وانت ملكي واميري علوش الحلو مالي ...وحاجيها ونضحك ونتشاقه الحد ماوصلت نفق الجامعه .....
موج .......وصلنه النفق وجان تطلع سياره من كدامنه....
الطلقات اجتي علينه ابشكل المطر ....
اني كمت احرب وصيح اباوع العلوش سابح بالدم ..
فقدة وكمت اباوع العلوش شلون جاي ينزف ...
نزلت من السياره اتوسل بالعالم بس ياخذونه للمستشفى محد قبل ياخذه او يتقرب عليه الحد ماوصل حسون وعمار ....
واني حضنته وكمت ابجي....
يسحبوني من عليه واني فقدة وعيي ...
شالو علوش ع المستشفى حاولت اروح وياهم وعاندة بس مخلوني اروح ...
اخذوني ع البيت عيوني صارة دم من البجي روحي احتركت علوش ...
يارب علوش اريده منك يارب احفضلي علوش نخيت اسمك ياربي ابجاه ال البيت ....
ربي يتمتني وخذة ابوي واني ابصغري ياربي لاتاخذ علوش مني هوا روحي بالدنيا ....
طبو وشايلين علوش بالسديه كالو مات ....
اباوع النسوان تلطم والزلم تبجي اني متت بجي وصيح لاااااا يارب اخذة روحي مني ابجي واني بلاوعاتي ....
ام علي غمة عليها والنسوان اتصحي بيها ...
النوب اني اتخربطت ...
صحيت الدكتوره فوك راسي وصورة علوش ابعيني وبس ابجي ...
كمت اصيح يالله اخذة سندي وبو بيتي ....
يالله اخذروحي ولتبقيني بالدنيا ....
علوش ارجعلي اني طفلتك ليش عفتني علوش موانت اتكول ماعوفج ليش عفتني وحركت كلبي ....
شالو علوش من كدام عيونه وحنى موتنه حالنه عليه ...
ومن هذاك اليوم ...اني اليل كله ما انام وبس ابجي اتذكر علوش نار ابكلبي تحركني حرك ..
امي الي هيا ام علوش اتطب عليه اتكولي يمة الي ابطنج اله حق عليج ميصير هيج متاكلين ...
كضيت فترة الحمل واني اعرف الي ابطني ولد ...
رزقت ولد كالو انسمي حسن كتلهم لا علوش راد اسمي جواد ..سموو جواد ....
........................................................................
هاي جانت قصتي وي علوش ...هاي حياتي الي عشتها وحبيت اكتب القصه بلسانه حتى يبقى صوته بالدنيا وكلامة تقرا كل الناس ...
امانه عليكم تترحمون عليه وتدعوله بالرحمه
وانشاء الله اموت حتى التقي بي ...
هاي قصة في حياة عاشق
النهايه.....
في حياة عاشق
للكاتب: علي الحياني
....يتبع 👈
أنت تقرأ
في حياة عاشق
Romanceقصه واقعيه تتكلم عن حياة شاب من اهل الموصل الذي عشق ابنت عمه ..فهل تعشقه مثل عشقه لها؟ ؟وهل هوا سوف يضحي من اجلها؟ ؟ في حياة عاشق للكاتب علي الحياني
