في حياة عاشق

بارت 2

في حياة عاشق
للكاتب :علي الحياني

اني همات فتحت الباب لكت اخوي حسين الاصغر

مني جان جاي ايشوفني ويشوف اشمحتاج...

اني وحسون علاقتنا فووول صداقة و خوه ومحبا
كلش احبه وحترمة .....

لشوي وراح حسون للبيت وبقيت اني صار الدنيا عصر طلعت اشوفها وين راحت .....

مجانت موجوده اني رحت نمت ...

ثاني يوم طلعت للمدرسه رحت اجيب بطاقة الوزاري وجان اشوفها جاي تسد باب بيتهم وهيا طالعه.....

اني كلبي يدك يربي شجاي يصير بيه شو كمت ارجف وبس اباوع لعيونها هيا بتسمت بوجهي واني تسودنت ..

راحت تمشي واني طلعت المدرستي بالسياره ...

ياربي شلون سالفه هسه وكت الحب واني امتحاناتي قربت و وقتي يادوب درس اووف ياربي ....

هيا جاي تمشي اني كلت والله راح اروح وحجي وياها وشتسوي خل اتسوي لان مابعد اتحمل من اول نضره وهيج صار بيه اووف...

المهم قربت عليها وجان انزل الجام مال سياره وكتلها اوصلج المكان .....

التفتت عليه بويا اشهل عيون الشهل صلاوات على محمد  .....

هيا ردت عليه ....لا شكرآ لاني رايحة للمدرسه

كتلها عادي اوصلج ابطريقي .....

كالت اخاف اسوي عليك زحمة .....

كتلها لازحمة ولاشي بعدين الجو صاير نار ...

ركبت وياي واني كلبي ايددك وعقلي متشوش شهل شعور هذا ...

كالت شسمك ؟؟

اني ..ها اي اسمي علي ...

هيا ..ههه اني اسمي موج ..

كتلها عاشت لاسامي كلش حلو اسمج ..

كالت اتعيش ايامك...

كتلها ياصف انتي ؟

كالت اني صف ثالث ...

كتلها واني هم ثالث ..

كالت صدك شلون درسك ..

كتلها ايي صدك درسي زين لان كعدة ابهذا البيت بس حتى ادرس ..

كالت اها زين ..

كتلها ابيتنه هوسه وجهال واني معرف ادرس ابنصهم ...

كالت ههههه الله ايعينك والله اني وامي بس بالبيت ..

كتلها صدك والله ..

كالت والله بابا متوفي وبس اني وامي بالبيت وخوالي دائمآ يترددون علينه ويشوفون اشمحتاجين بس كلمن ملتهي بعيلته ...

كتلها اني موجود اشتحتاجون ان شاء الله مراح اقصر وياكم ..

كالت تسلم والله متقصر بس الحمدلله مكضيه ...

بويا اشهل اسلوب الي عدها جمال وسلوب بالحجي ملاك مومثلها ...

وصلتها للمدرسه وكتلها اتحبين ارجعج كالت لا اني ارجع وي صاحبتي ...

كتلها ماشي لعد وسلمت عليها ومشيت ...

بس احس روحي اتغيرة عقلي وكلبي وينهم اريد الزمهم ماكو هههه ..
رجعت للبيت ودرست

رجعت ادرس شو بعد شوي اندك الباب طلعت وجان موج كبالي.....

اني بقيت واكف ابمكاني وبس اباوعلها..

كالت اتشكرك اليوم وصلتني وهاي غدويتك عرفت ابحدك كلت اسويلك غدة ..

خوب اني كلبي طار من الفرح ..

كتلها شكرآ يعني هاي كروة توصيلة وباوعتها ابعين وحده ..

هيا... هههههه لاوالله بس حبيت اشكرك ..

كتها ولو تدللين والله اخذة الاكل منها وطبيت البيت يربي ياهيج اكل وطعم يا ميحتاج .....

شو للعصر شفتها واكفه ع البلكونه اشرتلها كتلها انزلي للباب ..

هيا هم نزلت ..

انطيتها الصينيه وتشكرتها ..

رجعت للبيت كالت علي ممكن طلب ..

اني التفتت عليها وكتلها ايي اتفضلي ..

كالت الرياضيات شوي صعب عليه كتلها ياموضوع عادي اني اشرحلج هوا ...

كالت اتسوي فضل ..

كتلها الفضل لله ...

كالت خل انطب جوة محد اكو بس ماما ..

اني خدودي صارآ حمر  من الخجل ههههه...

يربي شنو هاي ممعقوله هيج حبيتها اصلآ اني ممفكر بالحب اشجاب الحب عليه ..

والله شو كالت اتفضل اخذتلك طريق ...

اني همات طبيت للبيت استقبلتني امها

كالتلي ..اهلا وسهلا بيك اوليدي شلونك ..

كتلها ابخير وعافيه ..

كالت الله يجعلك ابخير ...

موج ...ماما اني وعلي راح ندرس لان الرياضيات مواضيعه صعبه ...

امها ..ايي عادي ابنيتي الله ايوفقكم ...

اني هم كعدت ادرس موج وشرحلها وفهمتها ع المواضيع كالت بس هيج والله طلعن سهلات واني مدري هههههه...

اني كتلها... الرياضيات مبي شي صعب كلش سهل عندي...

موج.... وعندي همات سهل لان هسه افتهمت كل المواضيع ...

كتلها راح امتحنج ..

اني وجاي اخلي الاسئله هيا تباوع عليه وعيونها تكتل كتل لاحضتها بطرف عيني وهيا شلون تباوع اني اكتب السؤال الاول كتب السؤال الرابع هههه...

.........يتبع

في حياة عاشق
للكاتب: علي الحياني