في حياة عاشق

بارت 4

في حياة عاشق
للكاتب علي الحياني

اتونسنه ورجعنه للبيت الساعه بل 12 بليل ..

اني نزلت من السيارة شفت موبايل موج واكع منها اني هم اخذته وخليته ابجيبي كلت الباجر ارجعه الها ....

شوي وجان ايدك الموبايل اني باوعت رقم ..

كلت ماافتحة شلي دخل يمكن احد من اهلها ...

رجع دك الفون مرة ثانيه كلت لا لازم ارد اشوف منو واذا طلع احد من خوالها اكلة الموبايل لكيته ....

واني  رديت شو طلعت ام موج اتخابر...

الووو..

كتلها الوو...

كالت منوانت...

كتلها يمة اني علي ...

كالت هلا يمة الموبايل يمك ...

كتلها ايي يمة لكيته بالسيارة خل تطلع موج تاخذه ...

كالت ماشي يمة ..

والله طلعت اخذته بس مبين بعيونها جانت تبجي ..
كتلها هاج الزمي وبعد لتضيعي هالمره اني المره الجايه الله اعلم منو حياخذه ..

كالت الصور كلها بالموبايل ...

كتلها انقلي صورج ع  الابتوب وحذفيهم من الفون ..

كالت ماشي هم راح اسوي هيج ...

كتلها يلا تصبحين ع الف خير ..

كالت وانت من اهل الخير ...

دا ارجع وجان اتصيحني علي ..التفتت لكيتها وراي...
كالت انطيني رقمك ..

كتلها ماشي سجلي ونطيتها الرقم ...

ضليت احجي وي موج بالفون ويوميا اشوفها الحد ماخلصت ال 40 يوم واجت الامتحانات ...

اني مجهز نفسي للمتحان وقاري كلش زين ..
خابرت موج كتلها اني رايح للمتحان اوصلج
ابطريقي كالت ماشي ...

كتلها اني واكف بره ..

كالت هسه اني طالعه ..

شوي  فتحت الباب و وصلتها للمدرسه بالطريق كالتلي ...

علي كلش خايفه ومتوتره ياربي اخاف ماجاوب والله اموت قهر ..

كتلها كولي يالله اول شي اتوكلي ع الله وخلي ثقه ابنفسج وكوني ايجابيه ..

كتلها ولج حتى اني عديتيني كمت اخاف اهووو..
كامت تضحك واني كل اشوي اكللها خوفتيني وهيا تضحك ...

طبيت يم محل مال حلويات اشتريت ككاو لان ايخفف التوتر  ..

كالت شنو هذا ..كتلها ككو ايخفف التوتر... كالت صدك..

كتلها هاج الزمي ....

وصلتها للمدرسه واني رحت المدرستي جانت قاعه امتحانيه ...