في حياة عاشق

بارت 5

في حياة عاشق
للكاتب: علي الحياني

رحت لبوي كتله بويا اني كبرة وزلمة صرت ...

كال بويا انت زلمة...

كتلة بويا اريد ارجع البيتي اتعوده ع العيشه الوحدي خليني اعتمد على نفسي ...

كال بويا اني اخاف عليك والوضع ترى ماطيب ..

كتله بويا لتخاف الوضع مابي شي هاك عشت شهرين شومصارلي شي ..

امي جانت تسمع اني وبوي اشجنه نحجي ..

كالت يمة هاي شبيك ليش هيج مليتنه وتريد تطلع بعدك صغير يمة ضل يمي عيني ع الله ثم عليك ..

كتلها يمة اني مطالع الخارج العراق ترى اني قريب عليج وسياره وعندي ويوميا اني يمج ..

ابوي كال.. بويا انت كبرت وتعرف الصح وين والغلط وين سوي الانت مقتنع بي وشتريد وشتحتاج اطلب ...

كتله بويا محتاج بس رضاك عليه ...

كال بويا اني راضي عليك الله يرضه عليك ...

وبسته من ايده وبست امي من راسها وسلمت ع اخوتي وطلعت ..

وصلت البيت  ...

خابرت ع موج..

كتلها حبيبتي شلونج مشتاقلج ..

كالت تمام يروحي واني اكثر ..

كتلها وينكم ..

كالت بالبيت ..

كتلها اهااا زين لعد ..

كالت ليش حبيبي اكو شي..

كتلها لايعافيتي بس اتذكرة من جنت اوكف ع البلكونه وباوع عليج ..

هيا ضحكت كتلها اطلعي اوكفي عليها ...

واني وكفت ع البلكونه هيا فتحت باب البلكونه وعاينتلي ...

احس طفلة وشافت ابوها وتكمز وتصيح علووش ...

كتلها اششش فضحتينه بنت الاوادم ..

شو نزلت ركض جوة واني نزلت ...

مر على علاقتي ابموج سنه وحنى انطب سوى ونطلع سوى حبنه يوم ورى يوم جاي ايزيد ...

فديوم من الايام  اسمع صوت ابيت موج صوت زلم وصوتهم شوي عالي ...

اني طلعت اشوف شكو لكيت ام موج وموج بالسياره وجاي تبجي ...

اني انصدمت شكو ياربي اشصاير وياها ليش جاي تبجي اخابرها ومترد عليه ضليت اتصل لليل شو خابرتني ...

كتلها اشبيج شكو ترى كلبي مثل النار ..

كالت حبيبي خالي اتوفى ...

اني ..انالله وانا اليه راجعون  حبيبتي الله يرحمة ويجعل مثواه الجنه ...

مرت اربع ايام وموج ماكو بالمنطقه احسها تخنكني كلت العصر اطلع اتمشى شوي ..