في حياة عاشق
للكاتب: علي الحياني
اني كلش فرحت لان راح اخذ حبيبتي وبنت عمي وهيا حياتي بالدنيا.....
يارب يمتى يجي باجر مو اتعذبت اريد بس الوقت ايمر ابسرعه ...
ثاني يوم اخذة موج وابوي وعمامي ورحت للمحكمة مسكنه عكد ورجعنه للبيت لكيت ام موج كاعدا بالحوش تنتضر اول من طبت موج كالت يمةةةة وحضنتها وكامت تبجي ...
امها كامت تبجي وامي تبجي ع الواهس ههههه وبجو الناس.....
اني كلت كافي يلا طبن جوه الزلم مليان الشارع ..
طبينه والشباب سوو حفلة وخبصو الدنيا والاغاني ابعلات الصوت وفرحانين ومكيفين ...
شو مانسمع الا صوت الرمي والطلقات حركة الدنيا خوالها عرفو موج مسكت عدك واختهم شردة من عدهم اجتي ابنتها اجوي كوانه ...
وولد عمي وخوالي استلموهم بلا رحم اعاين حسن مضروب بايده اخوي سجاد مضروب اني انصابيت ..
هما شافو المواجها شلون حمت وشافو الزلم الخشنه شالوا نفسهم وراحو بس اذيناهم ..
وخلينا عبره الهم الي يندك ابحايطنه الزلمة اب 10 زلم منهم ...
اخذنه المصابين للمستشفى ووتعالجو اني ضمدت جرحي ورجعت للبيت لان مااكدر اعوف البيت ..
اول من طبيت البيت موج حضنتني وتبجي كالتلي مبيك شي موو كلبي نار عليك حبيبي ..
كتلها موهياتي واكف حدج شكو بعد تبجين ...
كالت اخاف عليك ...
كتلها لتخاافين علوش ميعوفج ابحدج انتي قدري وانتي قسمتي هسه ارتحتي ...
كالت ابقى اخاف عليك وبالي عليك ..
ابوي ناداني وكالي تعال انت وموج...
اجينه شو ابوي كالي وليدي يمتى الزفه ..
كتله بكيفك يابه ..
كال وليدي اليوم ثلاثاء الخميس الجاي زفتكم ماشي ..
كتله التكوله ايصير ..
اني فرررحتتت كلللش يربي ممصدك واخيرآ راح اتصير موج مرتي ...
اباوع الموج عيونها تضحك وتباوع عليه كتلها ابسوط ناصي احبج ...
كالت لبوي بابا ابنك ايكولي احبج ....
خرب اهلج اسكتي فضحتيني هههه..
ابوي كام يضحك كال بنيتي هوا لعيونج خلا الزلم تتسلح .....
ولد عمي عرفو انو الخميس زفتي اتعاهدو الا يكلبون الدنيا وراح ايسون زفه مثلها بالتاريخ ماكو ..
اني شايل هم والله مراح انلحك الخشابيه والجهاز ينرادله وكت.....
اجيت كتله يابه الجهاز ينرادله وكت ..
كال بويه اني اشترتلك كلشي وهسه اخوتك راحو ايجيبون الاخشاب و ولد عمك وياهم ...
اني بويا شلون اجازيك حملتك عذاب فوك عذاب الدنيا ..
كال وليدي انت ابني وهالشي كل اب ايدور سعادة ابنه ..
اني حضنت ابوي وبسته من ايده ومن راسه ..
طبت امي كالت هااا ايي بس ابوك اتبوسه ...
اني ههههه ولج يمة انتي ملكة روحي واجي وبوسها من ايدها ..
طب موج كتلها كملت هههههه...
كامو يضحكون ...كتلها انتي حصتج الخميس مو هسه وغمزتلها ....
موج. كامت تضحك..
فتح موضوع الدرس واني وموج مالحكنه ندرس سادس راحة علينه السنه ...
موج كالت لمي ..
يمة عادي اكمل دراستي ...
امي كالتلها يمة بكيفج بس شوفي علي شيكول..
موج يمة علي يكولي ابكيفج اتريدين اتكملين كملي متريدين بطلي ....
امي يمة لعد ابكيفج بس نصيحة كملي انتي وصلتي سادس علمي خوش مرحلة حرامات تنهين مستقبلج هيج ...
موج ماشي ماما اني راح اكمل دراستي ...
العصر شغلو الاغاني وكامو يدبجون والهلاهل بس ماخذين حذرنه لا هم يرجعون خوال موج وهالمرة عيب علينه انخليهم يرجعون عدلين ...
طبينة ادبج وياهم واني كلش فرحان ....
لليل اجتي رساله من رقم غريب جان كاتبلي ...
طلقتين لااكثر ..
اني كلت هذا تهديد ورحت العمامي شوفتهم الرساله ..
ابن عم ابوي هوا ضابط استخبارات كال اني اطلعلكم هوا ..
واني كلت هيا الحياة هيج نحيه ونموت لان مخايف من الموت وهل بالموت بس لاغدر ...
اجيت اشوف موج جانت واكفه بالحوش ولازمة تلفونها وجانت اتخابر ..
اني وكفت وراها دشوف منو الجاي يتصل عليها ....
موج حياتي من نتزوج انتي اول وحده تجين ... عرفت صديقتها رسل لان هيا ورسل صداقتهم كلش حلوة ...
سدة الفون من عدها وجان اتباوع عليه ...
كالتلي هلا بريحة هلي هلا بلي الي هلا بخوالي وعمامي وكل هلي ....
كتلها عمامج ايي خوالج شيليهم من بالج ....
كالت اووي علوش اعرفك طيوب وحباب مو قاسي ...
باوعتتها ورافع حواجبي كتلها يالمايعه بطلي حركاتج ...
كالت شعليك مضغوط...
كتلها بنت المضغوط اشهل حجي ...
كال اووي ليش تغلط ع بابا موعمك ...
كتلها معليج اني وعمي ننجاز انتي شكو ...
كالت ايي زين يلا امشي روح من هين ...
كتلها ليش عود...
كالت البيت كله بنات واني اغار عليك ..
كتلها بنات ...؟
كالت ايي لعد شنو ..
كتها بربي بس بلاسم بنات ...
كالت ليش يابا ...
كتلها الوحده البيجن جنها ضابط شواربها نسر يوكف عليه وتكوليلي بنات ....
هيا ههههههه امشي امشي يلا ...
كتلها دشوف ماروح ..
كالت فدوه اروحلك ضل كدام عيوني والله لوبيدي اخليك ابجنطتي وماخلي احد ايشوفك ...
اني صفنت عليها كتلها كل عقلج انجنيتي ولج ...
كال العشق مايرهم بس للمجانين كليباتي ...
كتلها دتعالي يمجنونه وجان احضنها و💏....
كالت هاي اشسويت علووش لحد ايشوفه ولك ..
كتلها وميشوفون شسوي مرتي وحلالي ...
كالت ايي عود كللهم متزوجين من يعرفون ويشوفون ....
كتلها خل اطلع منا احسلي انتي راح تجلطيني ...
كالت مشكلتك عليش حبيتني محد جبرك ...
اني باوعتلها ابغضب كتلها شنوووو...
كالت لالا والله جاي اتشاقه وياك .حبيبي غصبن عنك انت الي ....
كتلها ماتجون الابالعين الحمره ...
هيا تضحك وتكول فديتو ابو بيتي ...
اني طلعت من يمها وجان حسون ايطب ..
كتله خيرك شكو كال مكو شي بس جينه الخشابيه والغراض مالك ..
كتله اوكفلك ابزفتك ..
كال حياتي اشكم علوش عندي غير افرح بخوي ...
اني ابتسمت ابوجها وكتله ابوالسان محد يكدرلك ....
..............يتبع
نشرتلكم تكملة القصه
في حياة عاشق
للكاتب :علي الحياني
أنت تقرأ
في حياة عاشق
Romanceقصه واقعيه تتكلم عن حياة شاب من اهل الموصل الذي عشق ابنت عمه ..فهل تعشقه مثل عشقه لها؟ ؟وهل هوا سوف يضحي من اجلها؟ ؟ في حياة عاشق للكاتب علي الحياني
