A Buccaneer's Tale

Chapter Six

"Dad and Miss Kendra sitting under a tree. K-I-S-S-I-N-G." Pakanta-kanta si Arielle sa kanyang ama habang nglalagay siya ng peanut butter sa loaf bread.

         "Sneaky, girl. Bad yun!" Itinagilid ni Ethan ang frying pan at sinalok ang mainit na manitka para ibuhos sa ibabaw ng piniprito niyang itlog.

        "Dad! What is the most obvious thing that you're doing out there with Miss Kendra? Well, I won't mind if you two we're kissing." Nagningning ang mga mata nito. "You should be, by the way, 'cause there's this guy in the party and I think he likes her."

         Nabutas ni Ethan ang dilaw ng itlog na kanyang niluluto. "May lalaking pumoporma sa kanya? Sino?"

         "Another guest. I think his name is Hans? Or Vance? Lance?"

         "Samahan mo ko sa office mamaya, may ID ang mga guests naten. Ituro mo sa'kin kung sino doon."

       "Later, Dad. Miss Kendra will teach me some of her karate-moves." Isinilid ni Arielle sa kanyang water bag ang mga sandwhich at nagpaalam sa ama. "How come you never asked her to go out for diving or snorkeling yet?"

         "Because I'm running this island, Angel."

         "Well, that Hans guy? He already asked her out and I just saved your ass by volunteering you. You are just so slow!" Nagtatakbo ang bata palabas ng kusina. 

         "Big girl na si Arielle." Napapailing si Ethan habang inililipat ang sunny side up sa plato. Matured itong mag-isip para sa kanyang edad. Aggressive din ito tulad niya. Malayo sa ugali ng kanyang ina. Higit sa lahat ay naghahanap na ito ng mother-figure sa tahanan nila at tama ang anak niya, mabagal siyang dumiskarte kay Kendra.

        Mabagal pa ba iyong nangyari kagabi? She responded to his kisses passionately. Hindi naman siya nakatanggap ng mura o sampal. Pero bakit hindi siya nito hinintay? Naubos ni Ethan ang kanyang breakfast kakaisip kung anong mali sa kanyang ginawa. Nangako siya sa sariling tapusin ang nasimulan nila ni Kendra sa lalong madaling panahon.

         NAKITA PA NI KENDRA SI LANCE na nakasuot ng kanyang diving suit. Kumaway ito sa kanya bago sumakay sa kanyang privately-rented boat. Saka niya natanaw si Arielle sa may dulo ng beach. Halos umabot din sila ng isang oras sa pagtuturuan ng self-defense.

      "Hindi sa lahat ng oras ay kailangan mong umatake sa kalaban. Relax ka lang dapat at pag-aralan mong mabuti ang kanyang bawat galaw. Ang mga pressure points na dapat mong tamaan ay tuhod, leeg, mata, ilong at iyong maselang parte ng katawan. Remember those points and your instinct will follow." Paliwanag niya kay Arielle.

         "You're just so awesome, Miss Kendra." Humihingal na sagot ni Arielle. "I wish Dad was here so that we could try it on him."

         "Some angel just rubbed the magic lamp." Napaigtad sa gulat si Kendra sa boses ni Ethan. Hindi niya alam kung gaano na ito katagal na nanonood sa kanila.

        "Dad! We're just wrapping up the lesson but I really want to see Miss Kendra's karate-moves in action." Hinila ni Arielle ang kamay ni Kendra. "Please, please can you do a little sparring with dad?"

        "Okay, pero pwede ba'ng Tita Kendra na lang ang itawag mo sa'kin?" Kinindatan niya ang bata.

     "Marami bang itinuro sa'yo si Kendra, Angel?" Nakapamewang nitong hinarap ang dalaga. Tinitigan niya ito ng derecho sa mata. "Tinuruan ka din ba niya kung paano mag-ninja-moves?"

         "Ninja-moves? What's that? You've got to teach me that too Tita Kendra." Nakatingala ang bata sa kanilang dalawa na ngayon ay kapwa magkaharap at ilang pulgada lamang ang pagitan sa isa't-isa.