قدري

قدري $ البارت العاشر

قدري $ البارت العاشر

تجلس مع والدتها وقصت لها ما حدث بينها وبين زوجها في صباح امس
اميرة:- حقه يا جيسي بصراحة انتي كنتي مزوداها اوي معاه
جيسي بدموع:- وانا اهو ندمت ورحت اعتذرله اعمل ايه يعني اكتر من كده
اميرة :- اتغيري من جواكي يا جيسي بجد مش علشان عاصم بعد عنك يبقي تندمي تتغيري وخلاص لا لازم تتغيري علطول.
جيسي:-طب رجعيلي عاصم وانا والله اوعدك اني هتغير انا بحبه اوي يا ماما ومش عارفة اعمل ايه
اميرة:-هدي نفسك دلوقتي وان شاء الله هيرجعلك الزعل مش حلو علشانك وانتي حامل.
جيسي:- يارب يرجعلي

كعادتها المرحة تجلس بصحبه شقيقتها الصغري تشرح لها بعض المسائل الحسابية ولكن يارا هذه المرة شاردة  في شئ ما وغير منتبهه لشرح ياسمين
ياسمين:- ايه يا يارا مالك كده سرحانة في ايه
يارا:- ها ولا حاجة
ياسمين:- لا والله اكيد في حاجة هتخبي علي اختك الكبيرة
يارا :- انا هقولك كل حاجة

"فلاش بااااك"
كادت يارا ان تتركه وترحل امسكها من معصهما و.................
جمال:- يارا
يارا واحست بان قلبها يخفق بشدة وهي لاتعلم لماذا كل هذا التوتر:- ايوه
جمال وهو يضع يده علي شعرها:- انا بحبك اوي
نزلت هذه الكلمات علي مسامع يارا وحواسها وكانها  صاعقة جمدتها في مكانها ركضت يارا سريعا الي ان ابتعد ،عن جمال مسافة ليست بقصيرة.

"باااااااك"
يارا:- بس هوا دا اللي حصل
ياسمين:- اممممممممم طيب والولد دا ايه ظروفه
يارا:- زميلي ومن عيلة غنية جدا وهوا محترم واخلاقه عالية بس
ياسمين:-طيب سبيلي انا الموضوع دا وانا هتصرف
يارا:-هتعملي ايه
ياسمين:- ولا حاجة هكلمه واعرف اذا كان بيحبك بجد ولا بيسلي
يارا:- ودا ازاي ان شاء الله
ياسمين:- ملكيش دعوة انتي بقاااا دي بطرقتي
يارا:- تمام

علي شاطئ البحر تجلس وهي مددة قدمها و خصلات شعرها  الاملس تداعب وجهها اتي هو من خلفها و................
وليد:- دينا
دينا:-وليد ايه جابك هنا و عرفت منين اني هنا
وليد وهو يداعب شعرها بيده:- العصفورة قالتلي انك هنا
دينا:- العصفورة دي شكلها بقااا مراقبني
وليد:-سيبك من العصفورة دي دلوقتي انتي وحشتيني اوي وانا مش قادر اخليكي تبعدي عني اكتر من كده
دينا:- وانت كمان يا وليد وحشتني اوي
وليد:- بجد يا دينا
دينا وهي تنظر للاسفر بخجل:- بجد
وليد وقد اقترب منها اكثر  ثم قبلها بنهم شديد
وليد بهمس:-بحبك
دينا:-وانا كمان بحبك

في شركة الهواري :-
كان اليوم ملئ بالاجتماعات والمقابلات  كان زين منهك جدا اثناء عمله رن هاتفه برقم كندا لم يجيب عليها زين واكمل باقي اعماله بعد لحظات طرق باب مكتبه
زين:- ادخل
السكرتيره:- زين بيه في حد ساب لحضرتك الظرف دا
زين:- طيب سيبيه واخرجي انتي
التقط زين الظرف وقام بفتحه ولكن قبل ان يري ما بداخله جاء وليد وهتف ب :- زين
زين:- نعم
وليد:- وقعلي الاوراق دي حالا
زين:- اوراق ايه دي
وليد:- دي اخر اوراق للمشروع بتاع الساحل
اخذ زين الاوراق ووقعها ثم هتف ب:- كده اوراق المشروع دا خلصت باقي التنفيذ
وليد:- ربنا معانا
زين:-يارب