قدري

قدري $ البارت الرابع

قدري $ البارت الرابع

"ايه بتقول ايه يا عاصم انت متاكد "
قالتها جيسي بانفعال حينما اخبرها عاصم ان ياسمين ستتزوج من زين الهواري .
عاصم:-زي ما بقولك كده قابلتها في الشركة وقفت معاها فجاءة ولقيت زين جاي وبيقول انها خطيبته وهيتجوزه بكرة.
جيسي:- طب وايه اللي عرف زين ب ياسمين بنت خالي دا حتي مش من مستواه خالص هوا فين وهي فين
عاصم :- القلب وما يريد يا جيسي وبعدين ياسمين بنت كويسة وتستاهل كل خير ربنا يسعدهم.
جيسي بغضب:- بنت كويسة اوي لدرجة انها عرفت توقع زين الهواري مرة واحدة.
عاصم بانفعال :- ما كفاية تكبر بقااا يا جيسي فيه ايه ليه بتكرهيها اوي كده وبعدين زين الهواري محدش يقدر يلعب عليه ولا يوقعه كفاية تكبر يا جيسي مش عارف امتي بس هتتغيري انا زهقت بجد.
ترك عاصم الغرفة لجيسي اما عن جيسي فكانت في حيرة كبيرة وغضب شديد فكيف لبنت خالها الفقيرة ان ترتبط بزين الهواري الملياردير المشهور .

في المساء في منزل ياسمين كانت تجلس في منزلها وسط اهلها وجيرانها واحبائها في جو مملوء بالاغاني والزغاريد والفرحة كانت ياسمين تتمني بداخلها ان تتمتع بحياة سعيدة في بيتها الجديد وفي حياتها الجديدة هتفت منيرة علي ياسمين واخذتها بداخل غرفتها و.......
منيرة وهي تجلس علي الاريكة:- تعالي يا ياسمين اقعدي جمبي هنا يا حبيبتي.
ياسمين وقد جلست بجانب منيرة علي الاريكة :- خير يا ماما
منيرة:- بصي يا حبيبتي طبعا انتي بكرة هتكوني في بيت جوزك عاوزاكي تخلي بالك من نفسك وتصوني جوزك وهوا موجود وهوا غايب برضوا وهوا زعلان شوفي ماله وخففي عنه همومه وهوا مضايق ومتنرفز متجيش جمبه سبيه لما يهدي وبعدين شوفي ماله مطلعيش سر بيتك او جوزك برااا وربنا يسعدك ويوفقك يا حبيبتي.
ياسمين وعيونها قد امتلئت بالدموع:- يا حبيبتي يا ماما ربنا يخليكي ليا وتفضلي جمبي كده علطول انا زعلانة اني هسيبكم.
منيرة بحب:- لا يا حبيبتي متقوليش كده كل بنت مسيرها تسيب بيت اهلها وتروح بيت جوزها وبعدين زين ابن حلال وشكله طيب ومحترم وبيحبك .
حينما هتفت منيرة بهذه الكلمات تذكرت ياسمين السبب الذي دفع زين للزواج منها.

في صباح اليوم التالي افاقت ياسمين علي صوت دينا ويارا

دينا :-كل دا نوم زين برااا مستنيكي انجزي بقااا علشان هتتاخري علي الكوافير.
يارا:-بس ايه شكله قمر اوي النهاردة
دينا:-الله مش عريس
ياسمين:-هي الساعة كام
دينا :- الساعة داخلة علي ٢ الظهر
ياسمين وهي تقفز من علي السرير:-ايه بتقولي كام
دينا:-بقولك داخلة علي ٢
خرجت ياسمين لخارج الغرفة فوجدت زين يقف امامها دخلت ياسمين غرفتها مسرعة ضحك زين علي مظهرها الطفولي بشدة اما عن ياسمين
ياسمين:-مش تقولولي ان زين براااا كده يشوفني بالمنظر دا
دينا :- منا قولتلك وانا بصحيكي يا فالحة
دخلت منيرة عليهم الغرفة وقالت:- ايه يا ياسمين كل دا زين مستني بقاله كتير
ياسمين:-حاضر هلبس هدومي واجي
منيرة :-طيب متتاخريش