قدري

قدري $ البارت الثالث عشر

قدري $ البارت الثالث عشر

تجلس امينة ومنيرة  في حديقة القصر ولكن منيرة قلبها يكاد ينفطر من شدة قلقها الزائد علي ابنتها ياسمين
امينة:- مالك يا منيرة شكلك قلقان اوي
منيرة:- مش عارفة حاسة ان قلبي واجعني اوي
امينة:- متقلقيش وعلشان تطمني اكتر تعالي نرن عليها ونطمن
هاتفت منيرة ياسمين لاكثر من مرة ولكن هاتفها مغلق
منيرة بقلق:-التلفون مقفول اكيد فيه حاجة
امينة:-متقلقيش مفيش حاجة ان شاء الله خير
كانت امينة قلقة اكثر من منيرة ولكنها تطمئنها وتخفف من روعها.

حينما راي زين رسالة ياسمين المرسلة له جحظت عيناه للخارج ووقع الهاتف من يديه
راضي:-فيه ايه يا زين يا ابني مالك
نظر له زين في حيرة شديدة وكادت الدموع ان تنهمر من عيونه ولكنه امسكها علي اخر لحظة احس زين بان النيران تنهش قلبه اخرج زين طاقة الغضب في تكسير كل شئ محيط بيه وهو يصرخ بوجع من شدة الصدمة ظل زين فترة ليست بقليلة يدمر كل شئ حوله هداه راضي ظل زين يبكي بحرقة شديدة وهو ملقي بين يدي راضي
راضي:- مالك بس ايه اللي حصل
زين ببكاء شديد:- ياسمين بعتتلي رسالة بتقولي فيها انها سبتني خالص وان الصور حقيقية وهي عمرها ما حبتني وهربت سبتني ومش هشوفها تاني
ظل زين يصرخ كثيرا ويهتف ب ياسمين محبتنيش يا عم راضي .........ياسمين مبتحبنيش ياسمين كانت عارفة اني مضايق بسبب موضوع الصور وسبتني خلاص سبتني ليه ااااااااااه انا مخنوق اوي ليه محبتنيش ليه ليه
ظل زين علي هذا الحال فترة ليست بقليلة ارتمي باحضان راضي وظل يبكي بشدة علي معشوقته التي احبها كثيرا ولكنها هجرته.

افاقت ياسمين من اغمائها وجدت نفسها ملقاه ع الارض ويديها وقدميها مربطين بالحبال بطريقة شديدة وعلي فمها لاصقة تمنعها من الكلام دخلت عليها كندا ولكنها كانت ملتمة لكي لا تدركها ياسمين
كندا:- منورة يا ياسمين هانم
اشارت كندا لشخص ما ليكي ينزع الاصقة من علي فم ياسمين
ياسمين:- ااااااه انتي مين وعايزة مني ايه
كندا:- كل خير عاوزة اندم جوزك علي اليوم اللي سبني فيه وراحلك انتي عاوزة اخليه يتعذب ويتقهر بسبب اللي هعمله فيكي
ياسمين:- انتي كندا صح
كندا:- ماشاء الله طلعتي زكية كمان
ياسمين:- انتي عاوزة ايه مننا ابعدي عننا بقااا
كندا:- عاوزة اندم زين علي اليوم اللي طردني فيه من فيلته عاوزاه يتعذب باقي حياته
ياسمين:- زين بيحبني ومش هيحصل اللي انتي بتفكري فيه دا
كندا وهي تضحك بصوت عالي جدا:- زين خلاص يا حبيبتي كرهك وكرهك اوي كمان اااه نسيت اقولك اني بعت ل زين صور ليكي وانتي في حضن حد تاني وكمان بعتله رسالة من تلفونك ان انتي هربتي مع عشيقك وانك عمرك ما حبتيه يعني زين دلوقتي لو شافك مش بعيد يقتلك
ياسمين بصراخ:- انتي زبالة اوي زين مش هيصدقك زين بيحبني زين بيحبني يا كندا انتي فاهمة.

افاق زين من انهياره واقسم بداخله انه من المستحيل ان يطرق الحب ابواب قلبه مرة اخري اما عن ياسمين فهو سيزيلها من حياته تماما عزم زين علي الرجوع للقصر ارتدي ملابسه وودع راضي وترجل داخل سيارته وانطلق بها الي القصر اثناء دخول زين للقصر هرولت اليه منيرة وامينة
منيرة:- زين يا ابني ياسمين فين
امينة:- ايوه يا زين هي ياسمين مش معاك ولا ايه
لم يجيب عليهم زين ببت كلمة ولكنه صعد الي غرفته اثناء دخوله الغرفة تذكر جميع ذكرياته معها ولكنه سرعان ما افاق من تلك الذكريات وهم بتجهيز حقيبة ملابسه صااااح زين علي حارس القصر ل يأت له
الحارس:- ايوه يا زين بيه
زين:- خد الشنطة دي ونزلها علي تحت حطها في العربية
الحارس:- اوامرك يا زين بيه
اخذ الحارس الحقيبة اما عن زين فألقي نظرة اخيرة علي الغرفة وابتسم بوجع علي تلك الذكريات الجميلة التي ضاعت في لحظات اغلق زين الباب ومن ثم نزل للاسفل
امينة:- زين انت رايح فين
زين:- زي مانتي شايفة ماشي
منيرة:- طب ليه يا ابني ومراتك فين
امينة:- ياسمين فين يا زين
زين:- معرفش ومحدش يسالني عنها تاني
تركهم زين سريعا وقلبه يتمزق مما فعلت بيه ياسمين ولكنه لايعلم ان كل هذا من تخطيط كندا وان ياسمين حقااا تعشقه.