العمياء والأمير

الفصل الثاني عشر ( عرض )

" أثناء كلام امير وسما النور انطفى فجأة ولم يكن هذا سواء مفاجاة ريم وهى ماسكه الميك والكل بيصقفلها
ريم : النهاردة فعلا يوم مش عادى سما هتكمل 23 سنة وخلاص بقيتى عروسة حلوة عارفه ياسمسم عايزه اعترفلك حاجه انا مش بشوفك اختى انا بحسك امى فى خوفك علينا ونصايحك لينا انا مش بتمنى اى حاجه من الدنيا غير انى اشوفك سعيده ومرتاحه happy birthday sama
"نسبهم بقى يحتفلوا ونروح لمكان اول مرة نشوفه"
فى فيلا ادهم عز
هايدى : انت متأكد يا ادهم من إللى بتقوله دا
ادهم : طبعا ياحبيبتى انتى تعرفى عن ادهم عز انه بيجيب اخبار مش صح
هايدى : معقول مستوى امير نزل للدرجة دى
ادهم : لا بس بصراحه البت قمر جمال كدا مفيش منه
هايدى : انت بتستفزنى صح بص انا عندى كلامى معاك بس على شرط
ادهم : عيونى
هايدى : نخلص منها مش واحده عمياء زى دى تاخد امير منى
ادهم بنبرة شر :طب وعلى ايه الجمال دا كله يموت جبيلى انتى الصفقة من امير وسيبى حكاية سما دى عليا انا
هايدى : اشطا وانا من بكرا هعمل إللى اتفقنا عليه
ادهم : تمام
( نتعرف عن ادهم بقى ادهم عز 30 سنة اكبر عدو لأمير دا غير أنه من الجزء الغامض فى عائلة العامرى بيحقد عليه و بيتمنى اى حاجه فى ايد امير تكون ليه وهيكون ليه أحداث كتير فيما بعد ) نرجع الحفلة ....
ريم : كل سنة وانتى طيبة وبخير يااحلى سمسمة حياتى
سما : وانتى طيبة ياحبيبتى ربنا يخليكى ليا يارب
يوسف : happy birthday سما انا يوسف صديق امير ومازن
سما : اهلا بيك ريم اختى الصغيرة
يوسف : هو انا شوفتك قبل كدا
ريم : انا لا معتقدش
يوسف : يمكن
مازن : احم سما هى فين الهبلة اختك
رنا : هو فيه حد بيجيب فى سيرتى هنا
مازن : بسم الله الرحمن الرحيم لا ياشبح هو حد يقدر يقول حاجه
سما : ههههههههههههه خد بالك يامازن دى بتاكل بنى آدمين صدقنى
رنا : بقى كدا طب امشى من هنا بدل مااكلك ياعسل
" طبعا كل دا وبطلنا التالت عقله مشغول وهيتجنن ويعرف هو شافها فين  "

#الساعه 11 باليل
ريم : الحفلة كانت جميلة جدا
رنا : اه كانت ممتعة تعالى بقى ياسمسم نفتح الهدايا
سما : اوك
( فضلوا يفتحوا الهدايا وينبهروا لحد ما وصلنا لاهم هدية واكيد لم تكن سواء هدية امير )
ريم بدهشة وصوت عالى : يالهوى
سما : اى فى اى خضتينى
رنا : يا بنت المحظوظة ياسما دى تحفة
سما : ماتفهمونى
ريم : ياستى امير جبلك حتة خاتم ألماظ إنما اى يجنن فعلا لا وكمان على زوقك رقيق وشيك
سما : طب هاتى كدا " طبعا لمسته وحست بجماله وفرحت جدا مش علشان الهدية لا علشان هو كان معاها فى يوم زى دا "
رنا : خلاص انا فصلت على الاخر هروح انام بقى
ريم : وانا كمان تصبحى على خير ياسمسم
سما : وانتم من اهل الخير
( عدى اليوم دا غير خير وسعادة للجميع ) فى صباح يوم جديد
احمد : يابنتى اطفحى على مهلك مش كدا
رنا والاكل فى بوقها  : يابابا متأخرة الله
ريم بضحك هسترى : هههههههههه اى المنظر دا دى بجد محتاجه تتصور وهى وكدا
رنا  بنفس الحالة : ياخفة ياخفة اسكوتوا بقى خالونى اعرف أكل
سما : قال يعنى لو مسكتناش مش هتعرفى تاكلى دا انتى مش بعيد تاكلينا ياحبيبتى
رنا : أقسم بالله انتم رخمين انا ماشيه يلا يابنتى
ريم : حرام ياجماعه سدتوا نفسها يلا يلا ياسما
احمد : لا روحوا انتم السواق مستنيكم برا سما هتمشى معايا
سما : خير يابابا فيه حاجه
احمد : لا ياحبيبتى متقلقيش
ريم : خلاص هنمشى احنا بقى
احمد : ماشى خدوا بالكم من نفسكم بقى
رنا : ماشى ياحبيبى باى
سما : خير يابابا فيه اى
احمد : بصراحه ياسما انتى جايلك عريس
سما : عريس ليا انا غريبة
احمد : اى الغريب فى كدا وبعدين مش تستنى تعرفى مين
سما : ياترى مين
احمد : امير شريكى
سما بصدمه : امير
احمد : وليه لا ياحبيبتى انتى مليون حد يتمناكى ها قولتى اى
سما : لا يابابا انا مش موافقه
احمد : ليه بس ياحبيبتى امير شاب محترم وابن ناس وهيتقى ربنا فيكى كويس و كمان انا حاسس ...
سما : والف بنت تتمناه يابابا علشان كدا انا منفعهوش امير يستاهل واحده كامله يابابا مش عاجزة زايى
امير : بس انا عايزك ياسما ومسمحلكيش تقولى على نفسك الكلمة دى تانى
سما : امير
امير : انا اسف ياعمى انى جيت بدرى كدا ومن غير معاد بس كنت عايز اتكلم مع حضرتك والدادة قالتلى انكم قاعدين هنا وبالصدفة سمعت كلامكم بس بعد إذنك ياعمى ممكن اتكلم مع سما شوية
احمد : ماشى يابنى البيت بيتك انا مستنى فى المكتب
سما : ليه بتعمل كدا ياامير
امير : بعمل ايه بس ياحبيبتى انا فعلا مش بتمنى حد فى حياتى كلها غيرك
سما : حبيبتك
امير : اه حبيبتى سما انا فعلا بحبك جدا ( رومانسى اوى ابن اللذينه 😂 )
سما : امير انت مش فاهم انت بتعمل ايه انا منفعكش صدقنى ولا انفع اى حد اصلا انا مقدرش اشيل مسئولية نفسى علشان اشيل مسئولية زوج ارجوك ابعد عنى أحسن
امير : مستحيل يا سما انا بحبك ومش هتخلى عنك أبدا وبعدين ازاى تكونى فنانه جميلة وتقولى على نفسك كدا انا محظوظ فعلا انا قابلت حد زايك وافقى بقى ياسمسم
سما : امير افهمنى
امير : افهمينى انتى بقى انا الحالة الوحيده إللى ممكن تخلينى ابعد عنك فعلا فيها هى لو كان فى حد فى حياتك وانا واثق ومتأكد أن مفيش حد يبقى اى المانع بقى
سما : المانع ان زى ما قولتلك انا منفعكش انت رجل أعمال كبير و شخص مشهور وليك معجبات كتير ليه تربط حياتك بواحده زايى
امير : ببساطه لانى حبيتك وعيونى مبتشفش غيرك ومن الاخر هتجوزك يعنى هتجوزك يا سما وبطلى عناد بقى وخليكى واثقه ان مفيش اى حد فى الدنيا دى ممكن يحبك ربع الحب إللى انا حبتهولك تمام وهعمل زى ما اللمبى قال لكوتة اى حد يقربك هغوزه فاهمه يلا بقى باى
سما : انت مجنون
امير : بحبك
( وخرج امير وساب بطلتنا فى صدمته وحيرته مش عارفه تعمل ايه تمشى وراء قلبها إللى حب امير من اول ما عرفته والا عقلها إللى ديما بيحسسها أنها اقل من غيرها ) نسبها بقى تفكر ونروح لمكان تانى
" فى شركة امير الشافعى "
مازن : أى يابنى مالك سرحان فى ايه من الصبح كدا
يوسف : فى حاجه غريبة اوى حصلت معايا
مازن : خير فى اى يابنى
يوسف : امبارح فى العيد ميلاد شوفت بنت واثق انى شوفتها قبل كدا
مازن : بنت مين وعادى يعنى ممكن يكون تشابه يابنى
يوسف : لا لا مش ممكن انا حاسس انى سوفتها فعلا بس لو افتكر
مازن : ياعم سيبك متشغلش بالك عادى اتصل كدا شوف امير مجاش ليه لحد دلوقتي دا كان قايلى انه هيجى ورايا على طول
يوسف : حاضر ( نرجع لابطالنا تانى )
امير : انا هستاذن بقى ياعمى وهاجى انا وامى بكرة باليل ان شاء الله
احمد : أى يابنى مالك مستعجل كدا ليه طب مهد للولدة الأول
امير : انا حكيت لامى ياعمى وبعدين خير البر عاجله وإلا ايه
احمد : على بركة الله ياحبيبى خلاص تنورنا بكرة بإذن الله
امير : إن شاء الله يلا مع السلامه
احمد : سلام يابنى ....... يلا يا سما احنا كمان علشان تلحقى الجامعه بتاعتك
سما : ماشى يابابا يلا انا جاهزة
( وبالفعل وصلها احمد الجامعه بتاعتها وطلع هو على شركته ) فى الجامعه بعد المحاضرة
رحمه : معقول كل دا حصل
سما : احم اه
رحمة : طب بصراحه كدا ياسمسم انتى رأيك ايه فيه
سما : بصراحه هو شخصية محترمه جدا وانا بحس بمشاعر اتجاه اول مرة احسها فى عمرى كله
رحمة : اوبا انتى خلاص طبتى ياسمسم بقى
سما : فعلا مش عارفه بس خايفه
رحمة : ليه بس ياحبيبتى انتى تستاهلى كل خير
سما : رحمة انا خايفه لكون فى مكان انا مش قده انا مش بعمل اى حاجه لوحدى كل حاجه بابا واخواتى بيساعدونى فيها
امير : طب ياستى ايه المشكلة انا كمان حابب اشاركك فى كل حاجه زايهم
سما : ايه دا انت جيت امتى
امير : انا حظى حلو ديما بااجى فى الوقت المناسب ازيك يا
رحمة : رحمة اسمى رحمة انت عامل ايه
امير : تمام ها يستى كملى كلامك
رحمة : طب اسبكم انا تتكلموا براحتكم وانا هجيب حاجه وجايه
سما : ماشى
امير : تعرفى انك وحشتينى
سما : انت شوفتنى الصبح على فكرة
امير : مش عارف اقولك اى والله بجد فصلتينى فعلا
سما : ههههههههههههه اصل انت غريب فعلا
امير : طب تعرفى انك أكتر حد تعبنى معاه بالشكل دا من الصبح وانا رايح جاى وراكى فى كل مكان
سما : خلاص يا امير سيب كل حاجه على ربنا
امير : بمعنى
سما : احم بمعنى انى موافقه
امير بصوت عالى : اخيرااااااا انا بحبك اوى
سما : بس يامجنون الناس مش كدا
امير : بحبك
#على الجانب الآخر
هايدى : انت بتقول ايه .......
......................... استوووووب كدا