* فى أوضة سما
ريم : انتى حبتيه يا سما
سما : انا مش عارفه ياريم احساس جديد اوى بس خايفه
ريم : خايفه من ايه بس ياحبيبتى دا باين انه هو كمان حبك انا شوفت دا فى عنيه
سما بدموع : بس ياريم امير شاب كويس ومليون بنت تتمناه ليه هيبوص لوحده عاجزة زايى
ريم بحزن على اختها : ايه عاجزة دى انتى الف واحد يتمناكى على فكرة وبعدين انتى مش عاجزة و لا حاجه انتى بإذن الله هتخفى وهتكونى كويسه وبعدين انا عارفه ان اختى قوية وصبورة ازاى تقولى كدا
سما : غصب عنى ياريم انا مش قادرة اساعد نفسى هساعد زوج ازاى فيما بعد
ريم : انتى ليه محسسانى انك هتعيشى عمرك كله كدا سما ياحبيبتى الطب بيتقدم اوى صدقينى وبإذن الله خير
سما : متوقعش ان ممكن الطب يتقدم فى حالتى دى
ريم : سما ممكن ناجل كلام فى الموضوع دا بعدين نامى دلوقتي وريحى نفسك أحسن
( نرجع للأبطال ) فى بيت يوسف
يوسف : ماما ياام يوسف انتى فين ياحبيبتى
ام يوسف : تعالى يا حبيبى انا فى المطبخ
يوسف : طب ثانيه واحده وجيلكم اقعدوا
ام يوسف : انت حد معاك برا
يوسف : اه ياامى مازن وامير جايين يسلموا على حضرتك تعالى شوفيهم
ام يوسف : طب يا حبيبى يلا
مازن : اهلا اهلا ب حبيبة قلبى إللى وحشاني
يوسف : ماتقوم تاخدها بالحضن أحسن ماتلم نفسك ياض دا انا حتى واقف
مازن : طب ينفع تقعد علشان اعرف اعكسها براحتى
ام يوسف : ههههههههههههه مش هتبطلوا مناقرة مع بعض أبدا
امير : ازيك ياخالتى عامله ايه
ام يوسف : الحمدلله يا حبيبى انت عامل ايه
امير : الحمدلله انا بخير انتى عامله ايه وصحتك عامله ايه دلوقتي
ام يوسف : الحمدلله ماشى الحال مامتك عامله ايه
امير : بخير الحمدلله والله بتسلم عليكى جدا
ام يوسف : طب تشربوا ايه
امير : انا عن نفسى عايز فنجال القهوة الجميل من ايديك الحلوة دى
ام يوسف : بس كدا من عنيا وانت يامازن
مازن : انا عايز كوبية شاى حلوه كدا زايك ياقمر
يوسف : الله ما طولك ياروح ياض دا انا لو ابويا عايش كان زمانه قتلك والله العظيم انا كمان عايز شاى ياامى
امير : معلش هنتعبك معانا بقى ياست الكل
ام يوسف : تعبكم راحه يابنى
( طبعا انتم اكيد مستغربين معاملة امير و مازن لأم يوسف ويوسف بس هما صحاب من زمان جدا من وهما صغيرين وداليا تعرف سماح ام يوسف وبتعتبرها اختها واقترحت عليهم يعيشوا معاهم فى الفيلا بس يوسف رافض دا نرجع نكمل )
امير : انا بكرا هكلم والد سما واخد منه معاد
يوسف : بالسرعه دى ما تستنى يابنى تتعرف عليها أكتر
امير : لا ياعم انا اتعرفت عليها بما فيه الكفاية وخلاص بقى بجد نفسى اتجوزها النهاردة قبل بكرا
مازن : دا انت فعلا واقع واقع
ام يوسف : دا مين دا إللى واقع بقى
يوسف : دا امير ياامى ناوى يخطب
ام يوسف : والله طب كويس ربنا يكملك على خير يارب
امير : ربنا يخليكى ليا يارب انا بقى مش محتاج غير الدعوة الحلوة دى
مازن : طب وانا والنبى مفيش دعوة ليا
ام يوسف : انت ربنا يوفقك فى كليتيك دى وتخرج منه
مازن : يا رب يارب علشان انا خلاص زهقت من الكلية الخرا دى بجد
امير : طب يلا يامازن نمشى احنا بقى
يوسف : ايه يابنى ماتخليك شوية
امير : لا حلو اوى كدا يلا تصبحوا على خير
يوسف وامه : وانت من اهل الخير
( فى فيلا امير )
مازن : انا هطلع انام بقى تصبح على خير
امير : وانت من اهل الخير انا هشوف ماما وهروح انام انا كمان
مازن : ماشى ياكبير
امير بيخبط على مامته : ماما انتى صاحيه
داليا : اه ياامير ادخل
امير : كنت عايز اخد رأيك فى حاجه
داليا : خير يا حبيبى حاجه ايه
امير : انا هكلم عمو احمد الصبح واخد منه معاد علشان نطلب ايد سما
داليا : ماشى يا حبيبى وربنا يكتب لك كل خير
امير بفرحة : ربنا يخليكى ليا يارب ياامى يلا تصبحى على خير
داليا : وانت من اهل الخير
( عدى اليوم على خير ونبدا يوم جديد ملئ بالمفاجئات ) فى فيلا احمد الشافعى
احمد : يلا بقى يابنات انتم ديما ماخرنى كدا
رنا وريم : خلاص يا يابابا احنا جهزنا
سما : وانا كمان جاهزه يا حبيبى يلا
رنا : بابا عايزه اقولك حاجه فى ودنك
احمد : لا وخلصوا انا ورايا اجتماع مهم
رنا : تعالى بس مش هقولك توت والله متخافش
سما : ههههههههههههه توت والله مش بعيد عليكى
ريم : وبعدين اسكيوزمى بقى حضرتك المفروض انت المدير تروح وقت ما يعجبك وتتاخر براحتك
سما : ولما يعمل كدا هيكون قدوة للموظفين ازاى يافالحه
احمد : والله انا ماخلفت غيرك ربنا يكملك بعقلك يابنتى شايفين يااذكياء
رنا : يالهوووووى يعنى انت مش ابويا ولقيتنى قدام جامع انا كنت حاسه بكدا أهلى فين ياعم انت
احمد : لا انا كدا هتشل امشوا انتم التلاته من غير صوت والنبى انا مش ناقص هبل
رنا : بقولك ياسما تعالى انا وانتى نروح نستناهم فى العربية علشان بابا الصبح كدا بيقلب ابو لهب فجأة
احمد : اه ياجزمة طب شوفى مين إللى هيجبلك الفون إللى انتى عايزاه
رنا : يا حبيبى قطع لسان إللى يقول عليك كدا بس ياسما هو فيه زى بابا حبيبى وحنية بابا
سما : ههههههههههه طب يلا يااختى
احمد : فيه ايه بقى حاسس ان فيه حاجه
ريم : يابابا انت ناسى ان النهاردة عيد ميلاد سما
احمد : لا طبعا مش ناسى انا حجزت قاعة والتورتة وكل حاجه وانتم بقى اعزموا صحابكم
ريم : الله عليك يابابا ياجامد ايوا كدا
احمد : انتى قاعدتك مع رنا بوظت لسانك امشى حسبى الله ونعم الوكيل
ريم : ههههههههههههه بقى كدا ياحاج ماشى ماشى
احمد : صبرنى يارب
" وبالفعل رنا وريم راحوا كليتهم واحمد وصل سما كليتها وراح على شغله "
" فى الجامعه " الساعه 3
احمد : هى رحمة فين بقى
سما : مش عارفه والله بس هى قالتلى أنها هتقف قدام باب الجامعه
احمد : اه خلاص شوفتها اهى
رحمة : اتاخرت عليكم
احمد : لا خالص احنا لسه جايين خدى بالك منها بقى
رحمة : حاضر متقلقش
احمد : عايزه حاجه منى ياحبيبتى
سما : عايزه سلامتك ياحبيبى وخد بالك من نفسك
احمد : حاضر اول ما تخلصى هتلقينى واقفلك على الباب
رحمة : خلاص تمام ياعمو بعد إذنك علشان المحاضرة
احمد : ماشى سلام
سما ورحمة : سلام
رحمة : كل سنة وانتى طيبة ياسمسم
سما : وانتى طيبه ياحبيبتى تصدقى انك اول حد يقولى واضح انهم كلهم نسيوا
رحمة : لا طبعا ياحبيبتى ممكن يكونوا حابين يفجئوكى باليل انهم فاكرين ها هتعملى بارتى طبعا
سما : لا مش هعمل انا قولت لريم تقول لبابا انى مش حابه احتفل
رحمة : ايه الرخامه دى اشمعنا بقى ان شاء الله
سما : عادى يابنتى ماليش مزاج و بطلى رغي بقى هنتاخر ع المحاضرة
( على الجانب الآخر )
ريم : كدا فاضل مين مقلنلهوش
رنا : تقريبا كدا عرفنا الكل
ريم : تمام هنعمل ايه مع سما بقى
رنا : امممممم مش عارفه طب كنت عايزه اقولك حاجه
ريم : ايه
رنا : ايه رايك نعزم مازن وأمير
ريم : ماااااازن
رنا : وأمير وبطلى اسلوبك دا ياعرة
ريم : الله هو انا قولت حاجه
رنا : أحسب
ريم : طيب يلا يااختى اتصلى ب بابا وشوفيه فين بقى وخاليه هو يعزم امير بصفته شريكه فى الشغل ويعرف سما وكدا
رنا : طب تفتكرى مازن هيجى معاه
ريم : صبرنى يارب ماقولنا واقعه محدش صدق
رنا : خلاص دا انتى ما بتصدقى بصى انا مش هكلم حد اصلا بابا ذكى وهيشك فينا
ريم : تفتكرى
رنا : اه وانا جتلى فكرة حلوة ايه رايك ناخد لبسنا واكيد فى اوضة فى القاعة إللى فيها الحفلة للبس وكدا وبعدين نتصل بسما ونقولها اننا هنيجى ناخدها بدل بابا ونحطها قدام الأمر الواقع بقى
ريم : امممممم هو احنا كدا هنكشف المفاجأة بس هو مفيش حل غير كدا بس بردو فيه مشكلة بابا مش هيرضى يسبلنا العربية
رنا : يوووووه بقى اهو نحاول ياريم انتى كل شوية تطلعلى خازووووق
ريم : عبو الفاظك ياشيخه اتفضلى طيب يلا اتصلى ب بابا
رنا : لع كلميه انتى انا بيتعصب عليا
ريم : طيب ( وبالفعل بترن على ابوها بس مش بيرد ) مش بيرد عليا
رنا : يالهوووووى ابويا اتخطف لا انا عايزه بابا مين هياكلنى ويفسحنى ويجددلى الفون من بعدك يابابا
ريم : خطفك مترو الانفاق يارب اتخطف ايه ياحمارة تلقيه مشغول او حاجه
رنا : طب ماتقولى كدا الله هاتى انا ارن
( بعد كام رنة كدا )
رنا : يابابا كل دا علشان ترد
احمد : عايزه ايه انا فى اجتماع
رنا : ابعتلى العربية
احمد : ليه
رنا : هنروح نجيب سما ونطلع ع القاعه
احمد : خلاص تمام هتصل بالسواق يوصلكم ويرجع العربية تانى يلا سلام دلوقتي وهيبقى اكلمك كمان ساعه
رنا : ماشى يلا تيكير يابيبى
احمد : صبرنى يارب
ريم : قالك ايه
رنا : وافق طبعا يابنتى السواق جاى دلوقتي تعالى بقى نقف برا ومش مهم محاضرات النهاردة انا اصلا ماليش مزاج اه وكلمى رحمة وتابعى معها
ريم : تمام
.........................."استووووووووب كدا "
أنت تقرأ
العمياء والأمير
Romanceأولا : احب اشكر اصدقائى إللى تابعونى فى حب من طرف واحد ولسه مكملين معايا وان شاء الله أول ما اخلص الجزء الثاني هنزله على طول ثانيا : دى روايتى الجديدة العمياء والامير اتمنى انها تعجبكم هنزل كل يوم شبتر جديد وهستنى رأيكم فيها ثالثا : اى حد عنده اى ت...
