( فى فيلا احمد الشافعى بعد ما الكل نام )
سما : هو احنا هنبداها برن فى عز الليل بقى
امير : الله مش بقيتى خطيبتى ولازم اطمن عليكى قبل ماانام
سما : ههههههههههه والله ماشى ماشى هعديها
امير : اه الله يخليكى عديها بس تعرفى انا بجد عايش أسعد لحظات حياتى مكنتش متخيل ان ممكن احب بالشكل دا وشكلك كان جميل اوى النهاردة
سما : احم شكرا
امير : بعد كل دا شكرا روحى نامى ياسما روحى ياحبيبتى انا صغير على السكر
سما : ههههههههههه بعد الشر عليك
امير : ضحكتك وهى خارجه من قلبك جميلة اوى
سما : ......
امير : سما
سما : نعم
امير : بحبك
سما : تصبح على خير
امير : وانتى من اهل الخير هكلمك بكرا ان شاء الله بحبك
سما : ان شاء الله سلام
امير : سلام " بعد ما قفل " دا انا هيطلع عين امى معاكى بس اعمل أى بردو بحبك
سما : وانا كمان شكلى بحبك ( بس قطع كلامها مع نفسها دخول ابوها )
احمد : لسه صاحية ياسمسم
سما : اه يابابا اتفضل
احمد : مكنتش اعرف ان وجود امير فى حياتك هيظهر ملامح السعادة دى على وشك بالشكل دا
سما بحرج : بابا الله
احمد : هههههههههههه بتتكسفى منى انا يا سمسم
سما : عايزه اسألك سؤال بس جاوبنى بصراحه
احمد : اه هى ياسما
سما : عرفت منين انى هسالك السؤال دا
احمد : هو أنا مش عارف دماغ بنتى بس قوليلى عرفتى ازاى
سما : من كتر ما كنت بتحكيلى على البنت إللى كنت بتحبها زمان ملامحها اتحفظت جوايا فعلا والنهاردة لما سمعت نبرة صوتك وانت بتتكلم مع طنط داليا وحسيت بدقات قلبك عرفت انها هى حسيت ب ايه يابابا لما شوفتها
احمد : حسيت ان الزمن رجع تانى لوراء مكنتش شايف اى حد معانا كنت شايفها هى بس شوفت نفسى رجعت احمد المراهق قاعد مع البنت إللى خطفت قلبه أول مرة
سما : لسه بتحبها
احمد : عمرى ما حبيت غيرها
سما : طب وماما
احمد : مامتك كنت عايش معاها بعقلى مش بقلبى ياسما ربنا وحده إللى يعلم انى كنت بحاول اتقى ربنا فيها ازاى بس هى إللى فى الاخر طلعت متستاهلش
ويلا اسيبك بقى تنامى تصبحى على خير ياحبيبتى
سما :وانت من اهل الخير
( تسريعا للأحداث مرت الايام بسعادة وحب على بعض الأشخاص وبحقد وغل على بعض آخر وبعودة ذكريات جميلة مع الباقى ) لحد اليوم المنتظر يوم الخطوبة
" عند البنات "
رنا : لولولولولولولولولولولولولى واختى خطوبتها النهاردة اخيرا عقبالى يارب
ريم : احنا لازم نقرصك فى ركبتك علشان نحصلك ماليش دعوة
رحمة : الحمدلله يارب عرفت اوقع الواد وكلها كام يوم واتجوز
سما : ربنا يشفيكم انتم اتجننتوا
رحمة : طب شغلى الاغانى يلا رنا
( وفضلوا يرقصوا بسعادة هما الاربعه ) " اما عند الشباب فى بيت امير "
يوسف : مش قادر اصدق عشت لليوم إللى اشوفك فيه من سنجل لخاطب ياحبيبى لا مش قادرة اهى اهى اهى
مازن : خلاص ياحبيبتى اهدى متعمليش فى نفسك كدا شده وتزول
امير : يا خفة اهاليكم انتم الاتنين قولولى كل حاجه تمام
يوسف : ياعم دى المرة الخمسين إللى تسأل واقولك اه القاعة كويسه والتجهيزات فيها على ما يرام خلاص اسكت بقى مش كدا
امير : امال ماما فين
مازن : ماما راحت عند سما البيت
امير : كويس علشان متحسش انها لوحدها
يوسف : امال مامتها فين ياامير انا مشوفتهاش خالص ولا حتى هما جابوا سيرتها هى متوفية
امير : لا عايشه بس منفصلة عن عمى من زمان اوى وهما مش معترفين بوجودها يعنى
مازن : معقول اى ان كان الزعل مش كدا بردو
امير : انت مش فاهم حاجه عمى حكالى على كل حاجه لما كنت معاه فى الشريكة من يومين كدا
عودة للماضى ( احمد : كدا كله تمام وانا دراست والموضوع بنفسى وكل حاجه زى ما اتفقنا عليها ماشيه
امير : هايل كدا ان شاء الله المصنع هيجهز فى الوقت إللى اتفقنا عليه " قطع كلامهم تليفون الشركة "
السكرتير : مدام صفاء عايزه تقابل حضرتك يافندم
احمد : مش وقته انا فى اجتماع
السكرتير : قولتلها كدا بس هى مصمم تقابلك
احمد : طب خليها تنتظرنى شوية
" بس طبعا صفاء مسمعتش الكلام ودخلت المكتب على طول "
صفاء : هى حصلت يااحمد بنتى تتخطب وانا معرفش
امير : اتفجئ لانه كان فاكرها ميته
احمد : وطى صوتك ياصفاء مش واحده زايك إللى تيجى وتعلى صوتها على احمد الشافعى ثم انتى فاكره دلوقتي أن ليكى بنات دا انتى ياشيخه لو شوفتى ريم او رنا فى الشارع مش هتعرفيهم
امير : طب استأذن انا ياعمى
احمد :لا خليك ياامير وانتى لو مخرجتيش برا حالا انا هقول للامن يطردوكى فاهمه ( لما مشيت )
امير : هى دى مامت سما
احمد : مع الاسف
امير : انا كنت فاكرها متوفيه
احمد : هى كدا فعلا
امير : لا مش فاهم حاجه
احمد : انت مبقتش غريب دلوقتي انا هفهمك دى فعلا كانت مراتى بس احنا سبنا بعض من اكتر من 15 سنة من ساعة حادثة سما
امير : ازاى
احمد : لانها السبب فى إللى حصل لسما كانت ام مهملة خدتها وخرجت وانشغلت مع صحابها ودى النتيجه سما عملت حادثة وفقدت بصرها دا غير انى علاقتى بيها مكنتش تمام مكنتش شايفها ام كويسه لبناتى لدرجة ان ريم ورنا هما وصغيرين كانوا بيخاوفوا منها جدا وبيتعاملوا مع مرفت على انها مامتهم
امير : اه فهمت طب هستاذن انا بقى وعلى فكرة انا حجزت القاعة
احمد : تمام ( نرجع زى ما كن )
مازن : معقول فى ام كدا
يوسف : علشان كدا متعلقين ب ابوهم اوى كدا
امير : اه يلا نجهز بقى علشان الوقت بيجرى
" نروح لفيلا الشافعى "
داليا : امال البنات فين يادادة مشيو وإلا ايه
مرفت : لا ياحبيبتى موجودين فوق فى أوضة سما تحبى اوصلك ليهم
داليا : لا تسلمى انا هطلع لوحدى
مرفت : ماشى
" فى أوضة سما الباب بيخبط "
سما : ادخلى يادادة
داليا : لا انا مش الدادة
ريم : دى مامت امير ياسما
داليا : ممكن تسبونا لوحدنا بعد إذنكم
رحمة : طب تعالوا احنا برا يابنات
داليا : امير كلمنى عنك كتير اوى مش عايزكى تحسى انك لوحدك انا مش هقولك انا زى مامتك لا انا هكون مامتك فعلا وربنا يقدرني على دا
سما : ان شاء الله مش عارفه اقول لحضرتك ايه انتى فعلا طمنتينى بكلامك دا اوى
داليا : لا لا النهاردة خطوبتك ياقمر مينفعش الدموع دى دا انا سايبه امير على نار ولا كأن الفرح النهاردة مش الخطوبة قومى يلا اجهزى علشان نلحق نروح للكوافير مفيش وقت
( ابتدوا كلهم فى تجهيز نفسهم للخطوبة وكانوا كلهم فى منتهى الجمال ) فى القاعة
رنا : اى الشياكة دى كلها ياامير امال فى الفرح ياعم هتعمل فينا أي
امير : ههههههههههه دا من بعد ما عندكم يا رنا طبعا
رحمة : مبروك يا امير دا علي خطيبى وان شاء الله معزوم على فرحنا
امير : اكيد طبعا مبروك
على : الله يبارك فيك ومبروك ليكم
سما : الله يبارك فيك " بعد ما مشيوا "
امير : بس ايه الجمال دا كله مش هتبطلى تحلوى بقى يابت انتى
سما : وبعدين معاك مش هتبطل تكسفنى كدا ديما
امير : لا عمرى ما هبطل بحبك
سما : وانا كمان
امير : ايه قولتى ايه
سما : الله بقى
امير : طب اى بقى هنفضل قاعدين كدا قومى نرقص يلا ( نسبهم بقى يرقصوا ونروح للثنائى التانى ) برا القاعه
يوسف : انا عرفت انا شوفتك فين
ريم : احم والله طب كويس الذاكرة رجعتلك
يوسف : انتى عارفه انى اتمنيت انى اشوفك تانى بجد وسبحان الله ربنا جمعنا تانى اهو
ريم : طب انا لازم ادخل
يوسف بيمسك ايديها : طب مانقف شوية انا حابب أتكلم معاكى
ريم سحبت ايديها :وقت تانى بقى
يوسف : طب استنى هوصلك ازاى
ريم : سيبها بظروفها سلام
يوسف : طب يا ريم استنى
ريم : باى
يوسف : اى بقى انا طبيت والا ايه لا أجمد ياجو
(وعدى اليوم بسعادة على الجميع وبقيت سما خطيبة امير رسمى قدام الكل ) فى صباح يوم جديد
" عند سما "
سما : صباح الخير
الجميع : صباح النور
احمد : عامله ايه ياحبيبتى
سما : الحمدلله يابابا
احمد : طب يلا اقعدى افطرى علشان نمشى
رنا : معقول احمد بيه ذات نفسه هيوصلنا النهاردة
احمد : اه طالما ام اربعه واربعين دى بدأت كلام يبقى ربنا يستر
ريم : على فكرة بقى معاها حق
سما : اه يابابا انت شغلك الفترة دى واخدك مننا اوى
احمد : حتى انتى يا سمسم انا عارف والله بس انا مشغول اوى فعلا وعلشان تكونوا مبسوطين اى رايكم نتعشى برا النهاردة
ريم : ياسلام اهو كدا يابابا يا احلى بابا فى الدنيا
سما : اه ياريت يابابا ونعمل شوبنج بالمرة علشان عايزه اشترى لبس وحاجات علشان فرح رحمة
احمد : خلاص كدا هتتجوز ان شاء الله
سما : اه ياحبيبى خلاص كمان اسبوعين كدا
احمد : ان شاء الله على فكرة يا ريم اعملى حسابك انى محتاجاك معايا الفترة الجاية
ريم : بس كدا انت تؤمر
احمد : طب ايه يلا
البنات : ماشى يلا
( فى مكان تانى )
ادهم : الورق اللى جبتهولى مالهوش ستين لازمه معرفتش اعمل بيه حاجه
هايدى : وانا اعمل ايه انت قولتلى انك محتاج ورق الصفقة دى وانا عملت اللى قولتلى عليه
ادهم : مش هينفع كدا انا لازم انجز بقى
هايدى : صورهم ماليه الإنترنت ياادهم
ادهم : انا فى ايه والا ايه وبعدين قولتلك متقلقيش كل شئ مترتب وهيحصل فى اقرب وقت امير حسابه كتر معايا اوى
هايدى بحقد : ماشى يا امير اما وريتك
............................ استوب كدا
أنت تقرأ
العمياء والأمير
Romanceأولا : احب اشكر اصدقائى إللى تابعونى فى حب من طرف واحد ولسه مكملين معايا وان شاء الله أول ما اخلص الجزء الثاني هنزله على طول ثانيا : دى روايتى الجديدة العمياء والامير اتمنى انها تعجبكم هنزل كل يوم شبتر جديد وهستنى رأيكم فيها ثالثا : اى حد عنده اى ت...
