العمياء والأمير

الفصل الثالث عشر ( بداية المؤامرة )

هايدى : انت متأكد من إللى بتقوله دا يا ادهم
ادهم : ايوه ياهايدى زى ما بقولك كدا طلب ايدها من ابوها خلاص ومش بس كدا دا وراها من مكان لمكان
هايدى : ازاى على جثتى ان الجوازة دى تمت اسمع ياادهم ورق الصفقة معايا مش هتطول منه حاجه غير لما اسمع خبرها فاهم
ادهم : اهدى بس ياحبيبتى مش كدا مش واحده زى دى إللى هتعصبك كدا
هايدى : اتصرف يا ادهم يااما هتصرف انا بمعرفتى فاهم
ادهم : طب بصى بقى انا هعمل ايه ............
" فى المستشفى "
يوسف : طمنى يادكتور الإشاعة فيها حاجه
الدكتور : لا الحمدلله كل شئ طبيعى
يوسف : امال حالة الإغماء دى بتيجى ليه
الدكتور : يعنى السن على عدم انتظام الأكل كل دا ممكن يؤدى لفقدان توازن
يوسف : سامعه ياامى بالله عليكى بقى خدى بالك من نفسك
سماح ( الأم ) : حاضر يابنى متقلقش نفسك انت انا كويسه والله
الدكتور : انا هكتبلك على العلاج دا اتمنى تاخديه بإستمرار بقى
سماح : ان شاء الله
الدكتور : اشوفكم الاستشارة الجايه
يوسف : بإذن الله بعد إذنك ......... سمعتى بقى ياحبيبتى الدكتور قال ايه علشان خاطرى بقى خدى بالك من نفسك اكتر من كدا يعنى هو انا ليا مين غيرك يا ست الكل
سماح : حاضر ياحبيبى ربنا يخليك ليا
يوسف : ربنا يخليكى انتى ليا يلا ياحبيبتى
" وبالفعل نزلوا من المستشفى لكن هما ونازلين موبيل يوسف رن "
مازن : اى يابنى انت مختفى فين
يوسف : ازيك يامازن انا مع امى فى المستشفى
مازن : ليه وازاى متقوليش انت فين بالظبط انا هجيلك
يوسف : لا خليك زى ماانت دول شوية تعب والحمد لله امى بقيت كويسة واحنا ماشين
مازن : طب انا هجيلك على البيت سلام
يوسف : ماشى سلام
سماح : ليه بس يابنى قلقته ما انا بخير اهو
يوسف : ياامى انتى عارفه مازن كان هيعملى مصيبة لو مكنتش قولتله اركبى يلا ياحبيبتى هو هيجلنا على البيت
سماح : ماشى ياحبيبى ( نروح للشركة بقى )
مازن : ياسمين انا خارج لما امير يرجع خليه يكلمني ضرورى ولو حصل حاجه كلمينى عادى انا تليفونى مفتوح
ياسمين : تمام يا مستر مازن ( نرجع لابطالنا )
امير : انتى عندك محاضرات النهاردة
سما : حضرت الاولى وكان فيه محاضرة كمان بس دكتورة سميرة لغتها فهمشى بقى
امير : تمام يبقى تعالى اوصلك انا رايح على الشركة وتقريبا نفس الطريق
سما : لا مش هينفع السواق هيجى ياخدنا دلوقتي علشان رحمة بتمشى معايا
امير : طب خلاص ياستى هوصلها انا عادى يعنى
سما : مش عايزه اتعبك
امير : يالهوى هو أنا اطول اتعب بسبب قمر زيك كدا
سما : وبعدين معاك بقى انت بتحرجنى بكلامك دا
امير : وبعدين معاكى انتى حتى وانتى ومكسوفة تجننى
سما بكسوف اكبر : اميرة شوف رحمة فين ويلا نمشى
امير : ههههههههههههههه حاضر " بعد خمس دقايق "
قوليلى يا انسه رحمة انتى ساكنه فين بقى
رحمة : انا ساكنة فى ..........
امير : تمام ( وهو طبعا إللى كان بيسوق العربية بس دا ميمنعش انه كان مركز مع سما وتفاصيل وشها جدا وكأنه بيستغل اى فرصة علشان يملى قلبه بملامحها ) رحمة : بس هنا ي امير
سما : هكلمك باليل بقى ماشى
رحمة : خلاص تمام سلام
امير و سما : سلام
امير : تسمحيلى بقى اخطفك شوية ونروح نقعد فى مكان علشان حابب أتكلم معاكى
سما : اكيد مش هينفع معلش من الافضل توصلنى على البيت وبعدين انت مش قولت رايح على الشركة
امير : سما متقلقيش مش هاخرك وكمان انا استأذنت عمى طبعا ف عادى بقى والشركة ياستى تستنى عادى
سما : اوك بس نص ساعه ونمشى
امير : حاضر ياستى تحبى تروحى فين بقى
سما : اى مكان عادى
امير : امممم طيب
( راحوا مطعم قريب ) فى المطعم
سما : ها كنت عايز تقولى اى بقى
امير : انتى مستعجلة كدا ليه طب نشرب حاجه ياستى الأول قوليلى تشربى ايه
سما : ممكن عصير مانجا ( اصل انا بحبها😂 )
امير : لو سمحت عايز اتنين مانجا ....... اسمعي بقى ياستى انا حابب اعمل الخطوبة الاسبوع الجاى وان شاء الله لما تخلصى دراستك نتجوز اى رايك
سما : بس أسبوع قليل اوى ياامير انا لسه متوترة من الموضوع
امير : لا ياحبيبتى مش قليل ولا حاجه انا هظبط كل حاجه متقلقيش وكمان انا حابب اخد خطوة رسمى علشان اقدر اشوفك براحتى ونتكلم وكدا
سما : انا مش عارفه اقولك ايه بس قلقانه
امير بيمسك ايدها : سما انا بحبك ومش هسيبك ابدا ومش حابب اشوف تعبيرات القلق والخوف دى على وشك سيبى كل حاجه على ربنا وصدقنى لما نكون مع بعض هنقدر نعمل ونتخطى كل حاجه
سما سحبت ايدها من تحت ايده بحرج : إن شاء الله
( نسبهم يتكلموا ويشربوا براحتهم ونروح لباقى الأبطال )
رنا : لا ماانا لازم افهم
ريم : انتى زنانة النهاردة كدا ليه
رنا : لا ياروحى انا زنانة من زمان مش من النهاردة متظلمنيش
ريم : عايزه اى يارنا
رنا : عايزه اعرف اى إللى شغلك كدا ياجميل
ريم : بصراحه اصل حصل حاجه كدا وانا مقولتش لحد عليها غير سما كنت فاكره انها حكاية وخلصت بس حصلت حاجة غريبة اوى
رنا : حاجة ايه دى امممم أسرارك بقيت مع سما بس ماشى ياريم الكلب
ريم : يابنتى اسرار اى دا موقف حصل معايا وكنت راجعه البيت مضايقه ومتوترة وحكيت لسما بس الجديد بقى انى شوفته وهو معرفنيش
رنا : شوفتى مين ومعرفكيش
ريم : دا موضوع كبير اوى هحكيلك لما نرجع هخلص محاضرتى واجيلك ماشى
رنا : ماشى يا ريمووو باى ياقلبى
ريم : باى ( كل واحده فيهم راحت على كليتها ) " اما عند بطلنا التالت يوسف " الباب بيخبط
يوسف : دا اكيد مازن هروح افتحله
مازن : اى يابنى فى ايه مامتك مالها
سماح : انا كويسه ياحبيبى تعالى
مازن : اى بقى ياجميل مش هطبل دلع علينا
يوسف : احم احم انا واقف ياخفيف
مازن : يوسف ممكن اطلب منك طلب ياصديقى العزيز
يوسف : اتفضل اما نشوف اخرتها
مازن : جوزنى الست العسل دى
يوسف : وحياة امك وفضل يجرى وراه فى الشقة
سماح : ههههههههههه بس يامجانين اهدوا
مازن : الحقينى ابنك المفترى دا هياكل دراعى
يوسف : دا انا هاكلك كلك على بعضك مش دراعك بس
سماح : يا عيال بطلوا شغل الأطفال دا امال امير فين يا مازن
مازن : والله معرف قافل تليفونه ومظهرش النهاردة
يوسف :طب تشرب ايه
مازن : لا ياعم مش عايز حاجه انا همشى بقى علشان محدش فى الشركة
يوسف : تمام انا مش هاجى النهاردة بقى
سماح : لا ياحبيبى انزل مع مازن انا بقيت كويسة
مازن : لا طبعا اكيد مش هنسيبك لوحدك
سماح : انا بقيت كويسة و هروح اريح على ايه يعطل نفسه اسمعوا الكلام روحوا شغلكم وانا هكلمكم فى التليفون متقلقوش وسلمولى على امير اوى
مازن : حاضر
" فى الشركه "
ياسمين : مستر مازن كنت لسه هكلم حضرتك
مازن : فى اى يا ياسمين
ياسمين : كارثة حد اخترق ايميل الشركة واتكلم مع مندوب شركة المانيا ب اسم شركتنا وغير كل اتفقنا والمصيبة أن ورق الصفقة كله اختفى
يوسف : يانهاركم اسود ازاى حصل كل دا وانتم كنتم فين يابهايم امير عرف وإلا لسه
ياسمين : لا يا فندم لسه بكلمه تليفونه مقفول
مازن : انا هفضل وراه وانتى اعملى اجتماع ضرورى كمان نص ساعه نكون وصلنا لأمير
يوسف : تفتكر مين ممكن يعمل كدا
مازن : يعنى انت مش عارف مين إللى عاوز ياذى امير هو فيه غيره
يوسف بصدمة : معقول ادهم بس ازاى وصل للورق دا الورق دا موجود فى الشركة هنا استنى كدا اه انا فهمت خليك ورا امير وانا هعمل حاجه و جاى
مازن : ماشى .... افتح تليفونك بقى ياامير
( عند ابطالنا )
امير : بس ياستى دى كل حكايتى ومن وقتها وأنا ماسك كل الشغل وما صدقت انى خلصت دراسة لانها كانت واخد جزء كبير من وقتى
سما : انا مبسوطة انى اتعرفت على كل دا انت فعلا شخصية اى بنت تتمناها
امير : بس انا بتمنى واحده بس ومش عايز غيرها ومش عارف هى من ضمن إللى بيتمنونى والا لا
سما : امممممم هى الساعه كام انا اتأخرت اوى
امير : ياه انا قافلت تليفونى ونسيت افتحه ثانيه واحده معلش ( بعد ما فتح و صلتله مسجات كتير من ياسمين ومازن ويوسف ) اى كمية المكالمات دى
سما : فى حاجه وإلا ايه
امير : مش عارف والله ياسما بس مازن و يوسف كلمونى كتير اوى
سما : خير ان شاء الله طب شوف فيه اى وانا كمان هكلم ريم اشوفها فين
امير : ماشى عن إذنك ثوانى ( وبيرن على يوسف )
يوسف : الوووو اى ياامير انت فين كل دا
امير : انا مع سما فيه اى
يوسف : فيه مصيبة تعالى الشركة حالا
امير : طب خلاص هوصل سما البيت وجاى
يوسف : حاول متتاخرش
امير : تمام سلام ( اما سما بقى )
سما : اى يا ريم انتم فين
ريم : احنا فى البيت يابنتى
سما : معقول خلصتوا محاضراتكم
ريم : اه من بدرى انتى فين
سما : انا مع امير بس مش عارفه عنوان المطعم هكلمك تانى علشان تبعتيلى السواق
ريم : ماشى ياحبيبتى يلا باى
سما : باى
امير : معلش يا سما تقريبا فى مشاكل فى الشركة هطر اوصلك وامشى
سما : لا مفيش داعى عايزك بس تبعت مسج لريم وتقولها انا فين وهى هتبعتلى السواق
امير : بتهزرى طبعا انا يستحيل اسيبك كدا وامشى يلا بينا
( ومسك ايدها ومشى وصلها البيت وبعدين طلع هو على الشركة ) فى مكتب يوسف
يوسف : ياسمين انتى معانا من زمان وانا بثق فيكى زى ما بثق فى نفسى انا حاسس ان فيه جاسوس بينا تقدرى تخمنى معايا مين الشخص دا
ياسمين : مش عارفه والله يا مستر مازن اصل باقى الموظفين المشرفين على المشروع دا محل ثقة حتى الترجمة كان مستر امير إللى مسؤل عنها مش مترجم غريب
امير : لا فى حد غريب بينا السكرتيرة الجديدة
ياسمين : السكرتيرة الجديدة تقصد حضرتك هند
....................... استوب كدا