العمياء والأمير

الفصل التاسع ( قدر )

فى غرفة داليا ( بتفتكر من 30 سنة )
داليا : هتعمل ايه يااحمد
احمد : مش عارف ياداليا صدقينى انا حاسس انى عاجز انتى مشوفتيش إبراهيم كان بيكلمنى والفرحة فى عينه ازاى وانتى عارفه إبراهيم دا اخويا مش مجرد صاحبى
داليا : يعنى ايه يااحمد هتتخلى عنى وتسبنى
احمد : غصب عنى صدقينى مينفعش أخدك منه
داليا باانهيار : طب ماهو عايز يخدنى منك انا بحبك انت عايزك انت مش هو
احمد بدموع : مش هقدر يا داليا مش هقدر أكون انانى واخطف سعادة اخويا على الاقل هو ميعرفش إللى بينا والا مكنش راح طلبك انا عارف إبراهيم كويس إبراهيم بيحبك اوى مش هقدر اكسر قلبه واخدك منه صدقينى
داليا بدموع : لكن تقدر تكسرنى انا وتسبنى طب ليه انا بحبك وقولتلك مستعدة أخسر الدنيا كلها علشانك انت بس خليك جنبى
احمد : سامحينى ياداليا انتى سعادتك اغلى حاجه عندى وانا واثق انك هتكونى سعيده مع إبراهيم عمرى ماهنسكى أبدا بس انا عايزك تنسينى وتعيشى حياتك مع إبراهيم هو يستاهل كل خير صدقينى انا هبعد هبعد خالص علشان انتم الاتنين اغلى الناس عندى ومااتمناش انى اخسركم أو اسببلكم أى مشاكل
داليا : بسهولة دى يااحمد عايز تنهى كل دا
احمد : بالعكس ربنا وحده إللى يعلم قد ايه دا صعب بالنسبالى
داليا : تمام يااحمد انا ماشيه وهوافق على إبراهيم بما ان دا إللى انت عايزه بس من النهاردة مش عايزه اشوف وشك تانى خلاص هنسى ان فيه حد اسمه احمد دخل حياتى ياخسارة حبى ليك بجد عن اذنك
احمد بعد ما مشيت : انا اسف ياحب عمرى لكن مقدرش اعمل كدا باباكى مش هيضحى أبدا ب إبراهيم وبمركزه ويقبل بيا انا لو عملت كدا هبقى خسرتك وخسرت صاحب عمرى
        ###########                  
( وفعلا داليا اتجوزت إبراهيم العامرى صحيح علاقتهم مكنش فيها حب قوى من ناحيه داليا لكن كانت مليانه بالاحترام والتقدير وحب الزوج للزوجة وبدليل انهم كونوا عائلة ناجحه واحمد سافر وقرر يعمل لنفسه اسم وكيان واتجوز صفاء بس مكنش بيحبها وكان بيقنع نفسه ان دا سببه شخصيتها وأسلوبه المتكبر لكن فى الحقيقة ان لسه حبه الأول مسيطر على قلبه ) نرجع للحاضر
###########                   
داليا : ياترى نسيتنى يااحمد فى الفترة دى كلها والا لسه حبى جواك زى ماهو جوايا ورافض ينتهى
" نروح للجانب التانى  "
رنا : يابابا ياعم الحج
احمد : بس ايه الحنجرة دى كلها
ريم : مش هتكون رنا غير لما تعمل ازعاج كدا
احمد : على رأيك والله دى رنا هانم ملكة الإزعاج
رنا : الله بقى هو انا ديما الطرابيزة المايلة بتاعتكم
احمد : بس ياهبلة جتك نيلة اسمها حيطة مش طرابيزه
رنا : حيطة طرابيزه اهو كله ليه علاقة بالديكور كفاك ياابو حميد
احمد بصرامه : بت فيه ايه
رنا بواقفه ظباط : احنا اسفين ياباشا اتفضل
سما : ههههههههههههه انتى مش هتتغيرى أبدا هتفضلى مجنونة طول عمرك
رنا : دا ذنبى انى بضحكم طب انا طالعه بقى خاليكم قاعدين كدا لوين بوزكم من غيرى عن اذنكم سلام ياباشا
احمد : مخلف سواق توك توك وانا مش عارف والا ايه
ريم : متنكرش يابابا ان دمها خفيف اوى
احمد : ماهو دا إللى مصبرنى على لماضتها يلا ربنا يهديها خدى بقى اختك ياريم واطلعوا غيروا علشان نتغدا سوا انا هقول لدادة مرفت تجهز الأكل
ريم : ماشى يابابا يلا ياسمسمه
( وبالفعل طلعت سما وريم وراح احمد علشان يقول لمرفت تجهز الأكل ) فى غرفة سما
ريم : لبسك على السرير تحبى اعملك حاجه تانيه
سما : لا ياحبيبتى شكرا روحى انتى وانا هنزل لوحدى متقلقيش عليا
ريم : حاضر
سما بتفتكر كلام ريم : ياترى ممكن يكون كلام ريم صح لا اكيد لا
( نروح بقى لمكان جديد خالص فى شقة فى حي بسيطة )
سماح ( الأم ) : يا حبيبى تعالى روحت فين
يوسف : انا جيت اهو يا ست الكل امورينى " وبيبوس ايدها
سماح : عامل ايه يا حبيبى واخبار شغلك ايه
يوسف : الحمدلله ياحبيبتى كله تمام ببركة دعاكى
سماح : ربنا يوفقك يارب يا نور عينى ويكرمك بزوجة صالحه يارب
يوسف : الله بقى انتى ايه حكايتك بقى ياجميل شكلك زهقتى منى وعايزه تطردنى من هنا بالزوق صح
سماح : ههههههههههه بس ياواد متقولش كدا هو انا حلتى غيرك يعنى ربنا يخليك ليا يارب
يوسف : ويخليكى ليا يارب قوليلى مش محتاجه حاجه
سماح : هحتاج ايه غير حسك فى الدنيا
يوسف : بتكلم بجد ياامى فى حاجه ناقصكى او حاجه
سماح : لا يابنى ربنا يخليك
يوسف : طب قولتى ايه فى موضوع السكن
سماح : انت لو مكنتش ابنى وعرفاك كنت هقول انك مستعر من المكان هنا
يوسف : بقى كدا ياحجه انت تظنى فى ابنك كدا ربنا وحده يعلم انا قد ايه بحب الناس هنا بس ياامى كل الحكاية انى ببقى خايف عليكى صدقينى انا ببقى فى شغلى وقلبى واكلنى عليكى المسافه من هنا للشركة بعيده انتى متعرفيش انا لما بتصل بيكى وبتكونى بتصلى او بتعملى حاجه ومش بتردى انا ببقى خايف ازاى انا مش ممكن ياامى استعر من البيت إللى اتربيت فيه ولا من اهل منطقتى أبدا انتى مربتنيش على كدا يا ست الكل
سماح : ربنا يخليك ليا يابنى ويكملك بعقلك خلاص يا حبيبى إللى تشوفه
يوسف : بجد ياامى يعنى موافقه اخدلك شقة جنب الشغل
سماح : بما انك كدا هتكون مرتاح البال ف اتكل على الله
يوسف : ربنا يخليكى ليا يارب ياحبيبتى طب انا هنزل أقابل مازن وأمير عايزه حاجه منى
سماح : عايزه سلامتك يا حبيبى وسلملى عليها اوى
يوسف : حاضر يوصل يلا سلام عليكم
سماح : وعليكم السلام يا حبيبى ربنا يحميك من كل شر
( فى فيلا امير )
امير : ماما انا خارج انا ومازن اتعشى انتى بقى ياحبيبتى
داليا : ماشى يا حبيبى بس رايحين فين كدا
مازن : متفهميش غلط ياحاجه احنا هنسهر مع جو
داليا : حاجه يابنى انت لسانك دا جيبه منين بس
مازن : من السوبر ماركت إللى على اول الشارع
امير : ايه ياض الخفة دى يلا ياخويا يلا سلام ياماما
داليا : سلام يا حبيبى ( خرجوا ورحوا مكان عادة بيسهروا فيه وكدا )
مازن : مقولتليش ناوى تعمل ايه فى موضوع سما
امير : هطلبها من ابوها طبعا انا حاسس انى حبيتها
مازن : عشت وشوفت اليوم إللى اخويا طب وحب فيه
امير : لا بجد يامازن سما دى حاجه تانيه عمرى ما قابلت ولا هقابل حد زيها أبدا تحس ان فيها جمال كدا وسحر مش موجود عند اى حد تانى
مازن : ها وإيه كمان
امير : تصدق ياض انك عيل رخم ( بعد شوية جيه يوسف )
يوسف : ازيكم عاملين ايه
مازن : تمام ياابو الصحاب
يوسف : امير امير انت ياعم روحت فين
امير : مازن بقولك ايه مش دى هايدى صح
مازن : اه تصدق هيا قابل بقى ياعم ( هايدى كانت خطيبة امير وكان بيحبها بس اكتشف انها كانت على علاقة بشاب تانى وسابها )
يوسف : اوف بقى هو احنا مش هنخلص منها
هايدى : كنت فاكرنى مش هعرف اوصلك ياامير لما ماتردش عليا
امير : يابنتى انتى ايه معندكيش دم اعمل ايه علشان تحلى عنى
هايدى : ياامير انت ليه مش عايز تصدق انى بحبك تعالى نرجع لبعض واعتبر إللى حصل دا غلطة ومش هتتكرر
مازن : يابجاحتك يااختى بكل سهولة كدا بتقولى غلطة
هايدى : ممكن ماتدخلش انا بكلم امير وبعدين انت ازاى تتكلم وانت السبب فى إللى حصل دا
امير : انتى ليكى عين تتكلمى ثم هو يتكلم براحته بجد كفاية انه كشف حقيقتك قدامى
مازن : يلا ياجماعه يلا علشان الجو بقى يخنق اوى هنا وانتى مش عايزين نشوف وشك دا تانى
يوسف : يلا يابنى باى باى ياحلوة
مازن : بت لازقة اوى مش فاهم كنت مرتبط بيها ازاى دى
امير : يلا اهى غلطة والحمدلله صلحتها
مازن : طب هتعمل ايه فى موضوع سما
امير : هكلم باباها بكرا واتقدملها
يوسف : مازن كلمنى عنها وقال انها كفيفة مش كدا
امير : ودى فيها ايه يايوسف
يوسف : متفهمنيش غلط بس مامتك هتوافق على كدا
مازن : فعلا يا امير احنا مجبناش سيرة الموضوع دا قدام ماما
امير : ماما قلبها طيب جدا ومش هتعترض لما تعرف انى بحبها وحتى لو اعترضت انا مش هسيب سما
يوسف : للدرجة دى بتحبها
امير : وأكتر ياجو انا معاها بلاقى نفسى مش بحس بالوقات وانا جنبها ببقى نفسى اشيلها جوايا ومخاليش حد غيرى يشوفها
مازن : الله ياناس على الحب
يوسف : لاحظ اننا سناجل ياباشا مش كدا
امير : الا هو مقالكش
يوسف : مقاليش على ايه
امير : رنا
مازن : احم يابنى انت فاهم غلط والله الموضوع مش زى ما انت ما فاكر
امير : والله
يوسف : لا استنوا افهم بقى فيه ايه ياعم انت كمان
مازن : يابنى دى اخت سما الصغيرة عليها لسان عايز قطعه بس مقولكش على جمالها عسولة اوى مش زى بنات اليومين دول فى أسلوبهم لا دى تحسها راجل كدا فى نفسها وانا بعشق النوع دا
امير : كل دا ومش زى ما فاهم اه منك ياميزو
يوسف بيمسك خدود مازن : ياخراشى كبرتى ياحلوة وبقيتى بتحبى
مازن : ابو راخمتك اوعى كدا دا انت عيل رخم
يوسف : خلاص ياعم براحه انا هروح بقى لان سايب امى لوحدها
امير : استنى اوصلك واطلع اسلم عليها هى وحشانى اوى
مازن : خلاص تمام بينا يا عم على البيت ( نسبهم بقى ونروح للبطلة شوية ) فى أوضة سما
ريم : انتى حبيته ياسما
سما : .........
............................ بس استوب كدا