العمياء والأمير

الفصل الواحد والعشرون والاخير ( نور )

امير : خير يادكتور
الدكتور : الحمد لله جيه فى الوقت المناسب وقدرنا نسيطر على الحالة هو حاليا مافقش من البنج وان شاء الله هننقله أوضة عاديه وتقدروا تتطمنوا عليه فى اى وقت
سما : الحمدلله الحمدلله
داليا : الحمدلله يارب مازن اتصل ب البيت وطمن رنا وريم بسرعه
مازن : حاضر
سما : امير
امير : عيون امير
سما : عايزه اطمن على بابا وصلنى عنده
امير : حبيبتى بابا الحمدلله كويس زى ما سمعتى ممكن بقى تسمعى الكلام وتعالى ننزل للدكتور يعالج الجروح دى وتستريحى شوية
سما : لا لازم اطمن على بابا
امير : ماتسمعى الكلام يابت انتى يابت بقى جتك نيلة فى حلاوتك حتى وانتى متبهدلة كدا حلوة امشى معايا وانتى ساكته الله انا على اخرى من التعب
داليا : امير معاه حق ياحبيبتى اسمعى كلامه ومتخافيش على بابا هو بخير وانا هفضل معاه وبعدين انتى شوية وأمير هيجيبك اكيد
سما : حاضر
( وبالفعل امير خد بطلتنا للدكتور كشف عليها و وصلها الفيلا عنده لان ريم و رنا فى انتظارهم هناك داليا محبتش تسبهم لوحدهم فى الفيلا )
#فى فيلا امير
ريم بدموع : سما وحشتينى اوى مكنتش اعرف انى متعلقة بيكى اوى كدا
رنا : اوعى بقى سبيهالى شوية وحشتنى انا كمان
سما : والله انتم كمان وحشتونى بس براحه عليا كسرتوا ضلوعى اكتر ماهى متكسرة
امير : سلامة ضلوعك ياحبيبتى
ريم : نحن هنا يااستاذ
امير : ياساتر هو الواحد مايعرفش يستفرد بخطيبته شوية
رنا : امير بابا فعلا بقى كويس
امير : اه الحمد لله اطلعوا مع سما الاوضه وخلوها تاخد شاور وتغير هدومها وناخد العلاج دا وتنام شوية ولما تقوم من النوم اخدكم ونروح المستشفى
سما : هو انتم ليه قاعدين هنا اصلا مش فى بيتنا ليه
امير : وهو دا مش بيتكم يعنى ياسما
سما : لا طبعا ماقصدش بس مستغربة
ريم : طنط داليا جبتنا نقعد معاها هنا علشان تكون جنبا
امير : يلا بقى كفاية رغى
سما : طب
امير : طب ايه قولى ياحبيبتى
سما : انا جعانه
امير : بس كدا اطلعى انتى بس جهزى نفسك ودقائق الأكل هيكون جاهز
رنا : طب يلا بقى علشان العصفورة قالتلى ان فيه حد هنا بيعمل أكل حلو وانا بصراحه بضعف قدام الاكلات الحلوة
امير : ومين قالك انك هتاكلى معانا انا هعمل لحبيبتى وبس
رنا : بقى كدا يا امير يا خسارة تعبى فيك اعاااااا
امير : خلاص خلاص هتاكلى اى دا مازن رقم اتنين معايا ياربى يلا اتفضلوا بقى
( وفعلا سمعوا كلامه وطلعوا غيروا هدومهم واكلوا وأمير اطمن على سما و وصلها الأوضة اللى هتنام فيه علشان تستريح وبعدها بشوية كلهم راحوا المستشفى علشان يطمنوا على احمد )
#فى المستشفى
سما قاعده جنب ابوها وماسكه ايده : حمدلله على سلامتك يابابا مكنتش هسامح نفسى أبدا لو كان حصلك حاجه
ريم : الحمدلله فترة وعدت عايزين ننسى بقى كل القرف دا ونعيش حياتنا
يوسف : فعلا ريم معاها حق ان شاء الله مجرد ما تخرج من هنا كلنا نحذف الفترة دى من حياتنا
امير : بالظبط وانا اتجوز بقى
سما : نعم
امير : اه انا هتجوز يعنى هتجوز مش هستنى تانى بجد حضرتك هتخرج بكرا ان شاء الله ياعمى وانا هجيب ممرضة تقعد معاك فى البيت عقبال ما اجهز للفرح تكون حضرتك بقيت كويس والا ايه ياجماعه
يوسف : قرر صح جدا وانا كمان هتجوز عمى لو سمحت انا بطلب ايد ريم من حضرتك
مازن : الله بقى هى جت عليا عمى انا بحبك وعايز اتجوزك
احمد بضحك : خرجوا الواد دا برا
مازن : لا لا اقصد بحب البت دى وعايز اتجوزها بقى
جوزهالى الله يخليك
رنا : نعم ياخويا بت اى انت شايفنى بالعب معاك فى الشارع
مازن : طب ياعمى انا غيرت رأيى انا لسه فى عز شبابى اخاف على نفسى منها والله
احمد : ههههههههههه على خيرة الله انا عمرى ما هلاقى زايكم لبناتى ربنا يسعدكم ياحبايبى
داليا : طب خلاص بقى ان شاء الله نعمل فرحهم مع بعض هما التلاته اى رايك يااحمد
ريم : ازاى يا طنط مينفعش السرعة دى
سما : مش معقول كدا ياجماعه هنتكلم فى الموضوع ده دلوقتي
امير : سما معاها حق يلا كلنا نخرج برا ونسيب عمى يستريح دلوقتي
سما : انا عايزه افضل مع بابا ممكن
احمد : خلاص اتفضلوا انتم وسيبوا سما معايا هى وحشاني اوى
( وبالفعل خرجوا كلهم وفضلت سما مع باباها لوحدهم )
احمد بيمسك ايدها : وحشتينى اوى يا نور عينى
سما : وانت اكتر يابابا
احمد : عملوا فيكى اى الكلاب دا ياحبيبتى انا شايف فيه أثر جروح عليكى
سما بدموع : مش عايزه افتكر يابابا زى ما ريم قالت عايزه انسى كل القرف دا
احمد : الحيوان دا عملك حاجه
سما : الحمدلله يابابا امير انقذنى منه
احمد : الحمدلله ياحبيبتى تعالى بقى جنبى يلا انا بقالى كتير اوى مانمتش وعايز انام وارتاح
سما : وانا كمان ياحبيبى
( بعد شوية دخل امير الأوضة علشان ياخد سما ويمشوا بس لقها نايمه فى حضن باباها وشايف علامات الأمان مستقرة على وشها وادرك قد ايه هى متعلقة ب ابوها وخد عهد على نفسه انه هيحافظ عليها ويحميها من العالم كله )
امير : سما سما حبيبتى قومى
سما : ايه ياامير
امير : يلا ياحبيبتى علشان ماشين معاد الزيارة انتهت
سما : مينفعش افضل معاه
امير : لا ياحبيبتى تعالى يلا نروح انا اتكلمت مع الدكتور بابا هيخرج معانا بكرا وهيكمل فترة علاجه فى البيت ان شاء الله هو مش محتاج غير الراحة وبس ودا سهل اننا نوفره
سما : طب هصحيه أسلم عليه قبل ما امشى
امير :على ايه بس ياحبيبتى سبيه نايم أحسن
سما : ماشى ( وباسة باباها من دماغه وخرجت مع امير ) بعد ما خرجوا
امير : ها قوليلى بقى ياحبيبتى اى رايك فى اقتراحى لبابا بخصوص فرحنا
سما : مش بدرى كدا يا امير
امير : لا بدرى ولا حاجه انا لو طولت اتجوزك بكرا هعملها والا انتى مش عايزه تكونى معايا
سما : ازاى تقول كدا ربنا وحده اللى يعلم
امير : بحبك
سما بحرج : ايوه يا ريم جايه ( وسابت ايده ومشيت قدامه )
امير : ههههههههه طب استنى يامجنونة
( عدت الايام وصحة احمد بدأت تتحسن وابطالنا كلهم عايشين فى سعادة امير فعلا بدأ يجهز للفرح و سما علاقتهم كل يوم بتتقوى ب داليا و ريم ويوسف أدوا فرصة لحبهم ينموا ويظهر وطبعا رنا ومازن كالعادة مش بيبطلوا مناقرة مع بعض واقتنعوا اخيرا انهم يتجوزوا مع بعض وأخيرا وصلنا لليوم المنتظر يوم فرحهم )
#فى أوضة فى القاعة اللى هيتعمل فيها الفرح
رنا : انا مش قادرة اصدق نفسى معقول هتجوز اخيرا لا ومش اى حد مع واحد اتخانقت معاه اول ما شوفته طب لما ولادى يسالونى اتعرفت على بابا ازاى هقولهم اى الله يخربيتك يامازن
رحمه : ههههههههههه اه ياستى شوفتى حب من اول مشاجرة بس دى حاجه حلوة اوى تلاته اخوات هيتجوزا تلاته اخوات
سما : فعلا معاكى حق
ريم : جوزك جاى
رحمه : اه اكيد قالى قبل ما يجى هيتصل بيا
سما : هى ماما مش جايه
ريم : معرفش بس بابا قالها على معاد الفرح
رنا : انا عرفت من بابا انها سافرت ف ممكن متجيش
سما : طب طنط داليا مجتش ليه كل دا هى فين
رحمه : تحت بتطمن على كل حاجه بنفسها لان امير ومازن ويوسف بيجهزوا للفرح
سما : ماشى
( الوقت بيمر عليهم وكل واحد فيهم مشغول بعمله الشباب بيجهزوا للفرح والبنات كذلك الأمر وداليا واحمد بيشرفوا على ترتيبات الفرح والضيوف اللى بدات تيجى لحد ما كل حاجه خلصت وعرسنا التلاتة وصلوا القاعه وكل واحد فيهم مستنى احمد ينزل بمحبويته وفعلا ظهر احمد وسط الزفة وهو وماسك سما التى اقل ما يقال عنها حورية من الجنة بفستانها الرقيق وحجابها اللى زادها جمال مع الميك آب و وصلها الأمير إللى اتسحر من جمالها اول ما طلت عليه بعدين نزل ب عروستنا التانيه التى لا تقل عن سما جمالا طبعا ريم و وصلها ليوسف وباس ايديها اما بطلتنا التالته رنا ف كانت ماسكه ف ايد باباها ومازن مستناش أنه يوصلهاله لا دا راح بنفسه وخد ايديها منه لحد لحظة كتب الكتاب وما هى إلا دقائق وأصبحت سما زوجة امير شرعا وقانونا وريم و رنا ليوسف ومازن بس حصلت المفاجأة المنتظرة )
المازون : بارك الله لكما وبارك عليكما وجمع بينكما في الخير
احمد : طب وانا ياسيدنا
المازون : انت ايه يابنى هتتجوز
احمد : الله يعنى هى جت عليا يرضيك كلهم يتجوزوا ويسبونى انا والغلبانه دى لوحدنا ( وبيشاور على داليا )
امير بخبث : ودى تيجى بردو ياعمى يلا ياسيدنا شوف شغلك
داليا بحرج : امير
مازن : امير ايه بس اسكتى احنا عارفين من زمان ان الراجل دا عينه منك يادودى يلا ياعم الشيخ عايزين نرقص بقى
المازون :على بركة الله
رحمة : مبروك ياجماعة
الجميع : الله يبارك فيكى ( وفضلوا يرقصوا كلهم ويستمتعوا باليلة عمرهم )
( وأخيرا كل أبطالنا اتجوزوا وعاشوا حياة سعيدة ومش بس كدا بعد كام شهر من جوازهم امير سافر هو وسما ايطاليا لانه عرف أن فيه دكتور كويس جدا عالج حالات كتير زى سما وبالفعل ربنا رجع النور لعنيها ودى كانت احلى مفاجأة للجميع واكتشف ان سما حامل فى بنوتة وقرر يسميها نور وبالفعل ولدت وجابت بنوتة جميلة واخده ملامحهم هما الإتنين وعاشوا فى سعادة ونور للأبد وبكدا انتهت قصتنا مع العمياء والأمير )
صورة نور👇👇

تمت بحمدالله
#ندى إبراهيم