حين يعبث القدر

البارت 12

#رواية_حين_يعبث_القدر

البارت الثاني عشر ( البارت " 12 " )

#تركيا

اول ما اخذتني الخاله فريدة ع غرفتي من التعب نمت ماحسيت غير ع الساعة 5 العصر گعدت افرك بعيوني گمت من افراشي وطلعت للصاله شفت اياد بحضنه طفل يلاعب بي والطفل يضحك ويصيحله بابا بعد بعد ،
باوعتله مستغربه ليش هوه مزوج وعنده طفل؟! ، حچيت بأستفهام : هذا ابنك؟ ! .... "
انتبهلي : گعدتي ، اومئتله وتقربت عليهم باوعلي الطفل مستغرب ابتسمت بوجهه صفن بوجهي شويه وانوب ضحك، فدوة شلون حلو ، ابيض وشعره اشگر ملفلف محابس وعيونه زرگ ع رصاصي مثل عيون اياد ، : ماصارت فرصه احجي ، هذا ابني سيروان ، ابتسمتله : شگد حلو ربي يحفظه الك، شگد عمره؟ ، : خمس سنوات، : حبيبي ربي يحفظه، لعد امة وين؟ ماشفتها من اجيت ! ، حسيت عيونه لمعن اخذ نفس : من سنتين فارقتنا، الله يرحمها ، : ئ الله يرحمها، اسفه ذكرتك، نفه براسه، : اكيد جوعانة، ابتسمت وهزيت راسي اي ، گام : تعالي ناكل، مشه واني اتبعه وسيروان لازم ايد ابو ويباوعلي مبتسم اتقرب عليه لزم ايدي ابتسمتله، التفت علينه اياد ابتسم ، دخلنا للمطبخ كلش واسع وحلو والريحه الطيبه تارسه المطبخ : خاله فريدة ، : نعم ابني ، جر نفس والابتسامه ع وجهه : ما سرُ هذهِ الروائح الطيبة، ضحكت وفتحت الفرن طلعت صينية حلويات : قلتُ لنفسي أُعدُ بعض الحلويات من اجلك انظر كيف تبدوا قد خسرت الوزن لاشك انك اهملت غذائك هذه الفتره ،انظر لقد حضرت لك غذاءاً صحياً لتعوض مافاتك في تلك الايام، ابتسملها واخذ اديها بين ايده ، : سلمت يداكِ ، ابتسمتله بحنان و حطت الاكل وكعدنا ناكل الظاهر اياد هم مجان ماكل كعد يسولفلي عن طفولته وعلاقته القويه بخاله فريده وسبب حبه الها لان كانت اله ام ثانية من اخذه ابو يعيش عنده يعني صارلها سنين تشتغل عدهم وعلاقتهم كانو عائلة رغم وجود الرسمية بكلامهم امام الظيوف لكن في اوقاتهم العادية تنشال الرسمية عجبتني طيبتهم بالتعامل وحسيت اشكد اياد انسان راقي وطيب ، .....

#بغداد

رجعت من الطبيب للبيت سويت شوربه حمره و وكلت ريحانة و انطيتها دوه ونامت ، طبعاً جوعان بس مابيه حيل اسوي غير اكل صبيت من الشوربه وطلعت اخيار وطرشي وگعدت اكل ، دخلت عليه الوالده : ها يمه رجعتوا شلون صارت ريحانة، : هله يمه هله، گمتلها بوست راسها : انطيتها علاج ونامت ، : سودة علية ييمه الجو بده يبرد ديربالك ع ملبسها كله من وره موطة البارحة كلتلكم لاتنطوها طفلة ماتتحمل بسرعة تتمرض بس عاد شيقنعكم واحدكم حاسب نفسه طالگ وجايب عشر مرات، : حاضر حجية حاضر شنسوي شويه شويه نتعلم، استريحي، اجت تگعد باوعت ع ماعون الشوربه، : ها يمه تاكل شوربه وامك موجودة ، : سويتها لريحانة واشتهيتها وگعدت اكل ، : اممم اشتهيتها، الف عافية مادام اشتهيتها ، تلفتت ع البيت ورجعت حجت، : والله عاد البيت يحتاجلة مره تملي ، شلت الماعون بسرعة وگمت : مايحتاج بيتي احد ، رحت للمطبخ وگمت اغسل الماعين اجت وراي : اي ضل اغسل اماعين ،: ماجاوبتها، : استغفر الله استغفر الله، عافتني وطلعت ، كملت البيدي ورحت تمددت يم ريحانة و نمت ...