حين يعبث القدر

يومنا الاول البارت 4

#رواية_حين_يعبث_القدر ( البارت الرابع )

عصر يوم الخميس ......

ناس ملتمه، هوسه ورگص والفرحة تارسه البيت
وهيه عروس مثل الاميرة گاعدة منتظرة سفينة حياتها تبحر ع أمواج الحياة ...
صوت رياجيل يهوسون بهوسات شعبية وهلاهل ، صوت ينبه على دخول العريس حتى ياخذ العروس
الكل اتستر اتقربت مرة عم حنين وهمسة بأذنها: من يدخل تنهضين روحج وترجعين تكعدين حتى ينهض الخير وياكم،  هزت حنين راسها وهيه كلما تسمع اقتربو يدخلون اكثر والرجفه والمغص يجيها، توتر وخوف غريب شكد متهيئ نفسها لهاي الليله وهذا الموقف يبقه صعب دخل محمد بهندامة الرزن وبدت الهلاهل من قبل اقاربه وهوسات كامت حنين واتقرب محمد وباس راسها باوعلها وابتسم وهيه دنكت خجلانه اخذ ايدها بين اديه نزعها الحلقه من اليمنه ولبسها باليسره ورفع ايدها باسها والكل كعد يصفك ويضحك واكو يهلهلن وهيه منصيه خجلانه ، اتقرب يم اذنها وهمس : مبروك ياعروس،  وعض شفه ، دنگت راسها بتوتر وخجل : وانت مبروك ، ابتسم. دخل ابو حنين يودعها بصعوبة هاي العزيزه من ريحة العزيزة وداع يصاحبه الدموع وكثير من المشاعر الجياشه لبسها عقد ذهب وبي احجار كريمة وگلها هذا كان لأمج اعتبري هديه منها ورفع ايدها ولبسها ابتوت ذهب وباس راسها وحنين بس الدموع تجري حضنت ابوها حيل وباسة ايده وراسه ومحمد يباوعلهم مبتسم ويكله لاتخاف عليها احطها بعيوني وابوها يوصي بيها هواي هواي اخر شي نزل محمد البرگع وغشوها بالعباية وگادها وطلع والهوسات علت والهلاهل واطلاقات النار رجفت من صوت الطلق خايفه ومسكت ايد محمد حيل مسد بأبهامه ع جف ايدها و فتح باب السيارة وصعدها وصعد وياها وبده مشوار الرحلة ...
بالطريق لبغداد گضوها كل 10 كيلوات ينزلون يركصون ويهوسون ويرجعون يكملون الطريق
لحد مزفوهم للفندق .....

حنين كاعدة ع السرير وتلعب باصابعها بتوتر وهيه تفكر شلون بيها هليله وليش هيج الخجل ماكلها

*حنين

من زفوني للفندق بقت مرة عمي وياي وبقت تحجي وياي وتهديني لان التوتر ماكلني اكل شويه وطلعت وسمعت صوت محمد و ويا ناس يهوسوله واخر شي انفتحت الباب ودفعو علكيف دخل والضحكه تارسه وجهه سد الباب وانتجه عليها ويباوعلي ومبتسم اخذ نفس وهو يباوعلي اني خجلانه مدري شبيه ماكدر اباوع بعيونه عين عليه وعين ع اديه اخر شي اجه هوه گعد بصفي ميل راسه ع جتفي وباسه واني الرعشه سرت بجسمي احس بعد شويه واگوم ابجي مدري ليش هيج حيل توترت سحب ايدي وشبكها بين اصابيعه وقربها عليه وجر منها نفس باسها بدفو: هاي ليش هيج ترجفين تره ماكل بشر اني،  رفعتله راسي غمزلي نصيت راسي اريد احجي احس الساني انبلع حمحمت شويه اريد اتأكد من صوتي جان يضحك : يله حتبقين بالبدله متنزعيها، صفنت بوجهه: شنو بهلسرعه؟!! ، ضحك : ليش تكدرين اصلين بالبدله؟ لو ابالج غير شي وغمز
احس كمت ادخن يحسسني بشي ويحجي شي كمت من مكاني: لاحروح انزعها بالحمام،  ماحس غير سحبني اله وكعدني بحضنه : خاف متكدرين اني اساعدج ، جان يمشي ايده ع اديه لحد موصل للسحاب مال البدله وبده يفتحها احس روحي صرت حمره وراح يغمه عليه من الخجل اني شورطني وقبلت ازوج، باس ظهري وجان اطفر : لامحمد عفيه ماكدر هسه ، وكف واجه يمي : ريحانتي تستحين مني ،: مو مو هيج ، حوط اخدودي بديه: مـ ميشو : اشتعلت صفة ميشو احترگت عشيرتي ، بس باوعتله باسني حاولت ابتعد عنه بس مُحال، شويه ووخر مبتسم : هسه راح تتعودين غمزلي وكال : اخذي راحتج اني حغير بالحمام ، عافني ودخل للحمام ، جنت لازمه البدله لاتوگع بسرعه بدلت ولبست ثوب نوم ابيض طويل بدون اردان وفوگه روب تور وكعدت افتح التسريحه بهالاثناء طلع محمد واجه وكف ورايه ع المرايه اخذ العطر ورش منه ريحته تجنن جان لابس تراك والترواكه مالابس جواها شي لان مامسحبها كلش ومبين صدره : ع كيفج راح تاكليني دصلي ع النبي ، يابه فد استحيت رأسا درت وردت ابتعد عنه جان اعيط خررب بحظي جلب شعري بسحابة ترواكته: لحضه لحضه ، بقه راسي ع صدره اسمع دكات كلبه قويه كانو راح يطلع من صدره ماحسيت ع روحي غير حضنته حيل وهوه بادلني وضمني لحضنه قوي شويه وكال : جوعانه تاكلين؟ هزيت راسي بمعنى اي، :يله خل نصلي علمود ناكل، گعدنه نصلي يربي شمحلاته وهوه يصلي كملنه باوعلي وابتسم وراح اكو ثلاجه زغيره بالغرفه وفوكاها كان اكو صحن وسط مسلفن كعد يرتب الاكل ع ميز الطعام الزغير الموجود بالغرفه وفتح الثلاجه وطلع منها عصاير وحلويات كعدنه ناكل وهوه كل شويه يلفلي لكم ويوكلني وطبعا كعد يسولفلي مواقف مضحكه صايره ويا وعن طفولته اشياء ماجنت اعرفها واني اندمجت كلش ونسيت حتى الليلة شنو وهوه منطلق كلش وفرحان ، كملت اكل اباوع للماعين فرغن خررب هاي شوكت خلصناهن هسه يكول شكد تاكل هاي ووو يله وشسويله مماكله شي من الصبح من وراه كمت غسلت واجه هوه يغسل رجعت لكيته لامهن رحت للمرايه باوعت لنفسي اخذت الحمرة وخليت باوعت لروحي ابتسمت اخذت عطر ورشيت شويه اندرت واشوف محمد منتجي ع الحايط وصافن عليه ابتسمتله اجه حضني وهمس بأذني: تره بعد ماتحمل اشوف كل هلجمال كبالي سهليها خل تسهل، عاد اني تجرئت شويه وبوسته خفيف بين ركبته وصدره شو هذا استلمها اشاره رأساً شالني واخذني للسرير وبينلي حبه هلمرة بالفعل مو بالكلام صرنه روح وحده واثبت انو اني مُلكة ومَلكته و مملكته كان يوم من اجمل ايام حياتي ...