( مقابلة مع الشخصيات )
بارت اجوبة ع اسئلتكم للشخصيات
من #رواية_حين_يعبث_القدر
الاسئلة كانت للمتابعين ع الفيسبوك اذا حبيتوها اخذ اسئلتكم من الواتباد ع المقابله القادمه .
ملاحظة قبل منبدي المقابلة ويه الشخصيات اكو اسئلة كانت مستقبلية واسئلة خارج معلومات الشخصية لذلك راح ارتب السؤال بما يناسب وضع الشخصية داخل الراوية ضمن انسياق الاحداث،
يله نبدي ومقابلة ممتعة 🤗🎤📹📝 ...
: مرحبا محمد شلونك ؟
: من غاب عني الصبح والليل فد لون ، الحمدلله ع گل حال .
: محمد المتابعين كتبولك اسئلة ومنتظرين اجوبتك عليها، مستعد اجاوبهم ؟
: اتفضلي .
#س/ محمد هم راح تفكر بالزواج وترتبط بعد موت حنين؟
#ج/
: بصراحة الكلمة الوحيده الممكن تطلع مني ع هذا السؤال هيه مستحيييل .
: بس الحياة تستمر .
: اي صحيح لكن ماگدر اربط انسانه بمشاعرها وحياتها وياي واني لساعني ماگدر اتقبل فكرة..حنين خلص ماعادت موجودة بحياتي ، الانسانه الي اربطها بيه لازم انصف حقها ومادامني ما اگدر ع هلشي فهيه مالها ذنب حتى اورطها بزواج فاقد معانيه .
: افهم من كلامك اذا تخطيت الموضوع بمرور الزمن ممكن ترتبط بأنسانه ثانيه؟ .
: أؤمن ان الحب مرة والمرة من عمري انتهت .
#س/ زين الشكوك الي مريت بيها حسيت انها صنعت فجوة بأدلة موت حنين؟
: واقعياً كولشي كان يدل ع موت حنين لكن بگلبي اركض ع اي دليل واهن يگولي انها بعدها عايشة لكن الصدمات لازالت تتواله وره بعضها وكل شكوكي تلاقي الفشل واعتقد لازم اتقبل الحقيقة هذا اختباري من ربي والموت حق .
#س/ لنفترض حنين عايشة لكن فاقدة الذاكره وعايشة حياتها وفق هلشي، والصدفه جمعتكم راح تحاول تستعيدها وترجعها لحياتك وبنتك وله راح تتركها بحياتها الجديدة ؟
: يگول جبران ، ان عدنا غرباء يوماً فتعرف عليَّ من جديد ، حنين الاعرفها مراح تسامحني اذا استسلمت لذاكرتها ، اكيد راح اسوي المستحيل حتى ترجع ذاكرتها وترجعلي .
: #كلمة_اخيره تگولها لمتابعينك ؟
: اقضوا وقت اكثر مع احبابكم متعرفون بيا ساعة ياخذهم القدر من حياتكم ، حتى متتندمون ع هواي تفاصيل كان لازم تعيشوها .
:شكراً الك محمد ع سعة صدرك ويانه واجوبتك ع اسئلة المتابعين نتمنالك القوة والصبر وحياة سعيده.
: ع الرحب ، شكراً لأهتمامكم ودعمكم الي، شكراً .
//////////////////
وهسه حبايبي ننتقل وياكم لـلاسئلة الموجهة الى " ليان "
: مرحبا ليان
: اهلا بيچ
: المتابعين وجهولچ بعض الاسئلة مستعدة تجاوبين عليهم؟
: اؤكي .
أنت تقرأ
حين يعبث القدر
Ficción General( القصة عراقية وباللهجة العراقية) #روايات_ألهام_الخفاجية ... " "لطالما كانت الاحلام من حقنا لكن الواقع ؟! .. " اول رواية اقدمها باللهجة العراقية اتمنى تنال اعجابكم 💜
