سر حياتي

الفصل الخامس

خبطت بأيدها على طاولة الأجتماعات لتنهي النقاش الحاد بين المدراء .. لو سمحتوا .... ضافت بحده بعد ما عم الهدوء .. أعتقد جلوسي على رأس الطاوله ماهو عبث ....... حاول أحد المدراء يقاطعها .. بس يادكتوره نازك ..... رفعت أيدها بحده لتسكته وهي بتقول .. سجلي عندك يامريم .. أنتهى الأجتماع على **** .. أطلعت بالكل بعد ما نهت الأجتماع وأملت أوامرها على السكرتيره .. شكرا لحضوركم .. أنتهى الأجتماع وبتقدروا تباشروا أعمالكم هلأ .. وقفت وهي بتقول .. مريم تعالي عاوزتك ............. دخلت نازك مكتبها وهي بتفك بكلة شعرها وبتتركه ينزل بنعومه على أكتافها .. قالت وهي بتحرك أصابعها بين شعرها بعصبية لترجع له حيويته .. بدي نسخه عن أجتماع اليوم يتوزع على كل المدراء الحاضرين ... بحده ضافت .. والله عال .. من أيمتى هالتغير صاير بوجودي !! .. ألتفتت لمريم وهي بتقول .. الى بيرفض التنفيذ .. أنا بعرف شغلي معه .......... ملامحها لنازك لانت وأنرسمت على وجهها أبتسامه خجوله وهي بتلتفت للصوت الى خلى قلبها يرقص بمكانه .. ناك ناك .. سالم وصل ليخطف حبيبته من بين كوم الأوراق الى مابتنتهي ................. من غير ماتحيد عيونها عنه قالت وهي بتشاور لسكرتيرتها منشان تروح .. مريم .. بعدين بنكمل .................. مشي سالم لمكتب نازك وعيونه معلقه بعيونه وهو بينتظر بفارغ الصبر لتطلع السكرتيره حتى يسلم عليها بطريقته .. أول ماسكرت السكرتيره الباب وراها .. وقفت نازك ومشيت لعنده بخطوات خجوله لحتى ألتقوا بنص الغرفه .. رفع سالم أيداه وحاوط فيها وجهها وهو بيقرب من شفايفها وبيهمس بحب .. أشتقتلك سوبرومن ....... غمضت عيونها بأستسلام وهي بتتمسك بقميصه السبور .. بتحبه من كل قلبها وخايفه .. خايفه تخسره .. مارح تتحمل تخسره .. دمعت عيونها مع هالفكره وأيداها تمسكت فيه أكتر .... بعّد عنها شوي وأطلع بوجهها المورد من الخجل وعيونها الى بتبرق بحب مستحيل يتخبى .. مسح بطرف أصبعه دمعه معلقه برموشها وهو بيقول .. مع كل بوسه في دمعه !! .. والله يانزوكتي خايف عليك من ليلة عرسنا !! شو رح تعملي وقتها !؟ ............ نقلت نظراتها الهايمه فيه بين عيونه وهي بتهمس بكل صراحه .. مابعرف !! .................. ضحك من قلبه قبل مايميل ويطبع بوسه سريعه على شفايفها .. بأبهامه لمس خدوجها المحمره بنعومه وهو بيقول .. دائما بتفاجئيني بأجاباتك العفويه ....... بقيت ساكته وهي بتطلع بعيونه بحب وبتضغط بخدها على أيده لتستمتع أكتر بلمسته الحنونه ................. قطع هاللحظه صوت معدتها الى زاد من أحمرارخدودها ... أطلع فيها سالم بلوم وهو بيقول .. أكيد ما أكلتي شي من الصبح ؟ ............... سكتت ومارد عليها وعيونها بتلمع بالذنب ...... تنهد .. ياحبيبتي لازم تهتمي بحالك .. مابيصير كل وقتك شغل بشغل ........... عضت طرف شفتها وهي بتقول لحالها .. أنت أهتم فيني .. أنا محتاجتك جنبي كتير ياسالم منشان تهتم فيني ................ كمل سالم وهو بيتأبط أيدها وبيقول .. مافي وقت نضيعه .. أول شى العشا وبعدين بنفكر وين نسهر مع بعض ................ بتوتر قالت .. طيب لحظه بس أخبر السكرتيرا اني طالعه ....................... لف خصرها بأيد تناول شنتتها بالأيد التانيه وهو بيقول .. ونحن طالعين قولي لها الى بدك أياه .. يالله حياتي بطنك بزقزق وهالصوت بيقهرني ...............