سر حياتي

الفصل الرابع

الكل بعّد للمدير الشاب صاحب الخطوات السريعه والى دار هالشركه خلال ال8 سنوات الماضيه بقبضه من حديد ... بتعليمه العالي وأصراره أستطاع يخلى هالشركه تتميز وتبرز في سوق العمل محليا وعالميا ......... صباح الخير سيد نضال ... صباح الخير سيد نضال ... مر من بين الموظفين وهو بيرد عليهم بهزه من راسه .... دخل مكتبه بسرعه وسكر الباب وراه .. مو قادر يفتح عيونه من وجع راسه .. 3 أيام مرت عليه متل الكابوس ... شلح نظارته السودا وصار يدلك جبينه ويحاول يسترخي على الكنبه الموجوده بمكتبه .... من غير مايتحرك أو يوقف عن تمسيج جبينه أذن للشخص الى بيدق باب مكتبه بالدخول ........... دخل سعيد سكرتير نضال الشخصي وهو شايل بأيده مجموعة ملفات .. صباح الخير سيد نضال .. ألف مبروك ان شاء الله .............. سند نضال راسه على الكنبه وهو مغمض عيونه وقال بتعب .. سعيد .. فنجان قهوه وحبتين بسرعه .. ومابدي أي حدا يدخل علي من هون لساعه .. مفهوم ..................... حاضر ...................... دقائق قليله ودخل سعيد بصينية القهوه ....... مشي للكنبه المتسطح عليها نضال وقال .. تفضل سيد نضال .................. من غير مايفتح عيونه شاورله ان حطها على الطاوله ............ طيب ... التوتر الى كان بيصوت سعيد خلاه يفتح عيونه ويسأل .. شو !! في شي !؟ ....................... بتردد رد .. سلمى من العلاقات العامه برا .............................. غمض عيونه بتعب ...... تنفس بعمق قبل مايقول .. دخلها .......... هز سعيد راسه بطيب وطلع ... ثواني وتدخل سلمى .. بالأول مشيت بهدوء لداخل مكتب نضال .. وبعد ماسكر سعيد الباب أسرعت بخطواتها لنضال وهي بتقول بصوت مليان عاطفه وشوق .. حبيبي .......... قعدت على ركبها جنبه ومسكت أيده وباستها وبأيدها التانيه مشطت شعره بلطف ونعومه وهي بتقول .. حبيبي سلامتك ............ فتح عيونه وهو بيقول بتعب .. سلمى شو أتفقنا !! ............... حطت أصبعها على تمه وهي بتقول .. هش لا تقول شي .... قامت ورفعت راسه وحطته على حضنها وبدأت تدلكله أياه منشان يخف الألم ......... براحه قال وهو مستمتع بلمساتها .. دائما بتعرفي شو بريحني ياسلمى منشان هيك بحبك ................. مالت عليه وباست جبينه وهي بتقول بدلال .. أنا الى بحبك ... رجعت باست جبينه مره تانيه وهي بتهمس .. نضال .. أشتقتلك ................... جلس حاله وهو بيقول بعتاب .. سلمى ............ تجمعت الدموع بعيونها وهي بتقول بدلع .. نضال الله يخليك لا تكون هيك ناشف معي .. لو تعرف شو صار فيني بهالكم يوم الى ماشفتك فيهم ............... مسك أيداها ضغط عليها بحب وهو بيقول .. سدقيني حبيبتي لما بقول لك أني بتمني قربك اليوم قبل بكرا .. بس لازم تتذكري أني متزوج هلأ .. والخيانه مو من طبعي .. لحتى أشوف حل لهالزواج لازم يكون في حدود للعلاقه بينا .................... رفعت راسها له وهي بتسأل .. ومتى رح تشوف الحل !؟ ................. تنهد وهو بيقول .. مابعرف ياسلمى مابعرف ......... ملامحه وماطمنتها أبدا ..... والفضول رح يذبحها لتعرف .. بتردد سألته .. طيب بليلة عرسك .. أنت .. أنت ............... نظرة نضال الحاده سكتتها فورا .. بصوت لا يقل حده قال .. سلمى مو لأني بحبك رح أسمحلك تدخلي بحياتي .. أو حتى تسألي .. ألزمي حدودك معي أحسن ................. حبيبي لا تلومني .. أنا بحبك .. ومتل أي وحده بتحب بغار على حبيبي وبدي أياه ألي وحدي من غير ماتشاركني فيه وحده تانيه ...................... بنفس النبره قال .. الوحده التانيه هي أكتر شخص متضرر من هالقصه كلها .. وبعدين لا تنسى أنها مرتي وعلى أسمي منشان هيك ما رح أسمح بكلمه زايده عنها .. سامعه .. وبتكوني ذكيه أذا فهمتي كلامي منيح ونفذتيه ................ بدلع رفت عيونها وهي بتقول .. يعني زعلت مني .... قربت منه زياده وهي بتقول .. طيب تعال أراضيك ............. وقف نضال وهو بيقول .. الأفضل أنك ترجعي لشغلك .. وبطريقك أندهي لسعيد .................... بتعرف طباعه منيح وحافظتها عن ظهر قلب .. الأحسن هلأ انها تبعد حتى ماينقلب مزاجه وتجيه موجة الغضب الحاد ... وقفت وهي بتقول .. أمرك حبيبي .. أنا رايحه على شغلي .. وبالخدمه متى ما أحتجتني ................