سر حياتي

الفصل التاسع عشر

بس بهالطريقة رح نخسر اهم حليف النا بالسوق !! ............... التفت جلال على نازك وهو بيسأل بأستهزاء .. وشو بتحبي تضيفي كمان يا مدام!! ...................... اطلعت بالموجودين بقاعة الإجتماعات .. قبل ما تكمل .. اعتقد الموجودين كلهم بشاركوني الرأي .. شركة ال ".." شركة قوية والتحالف الى بينا بقوي الطرفين .............. التفت جلال على باقي المدراء وهو بيسأل .. مين منكم مع رأيي مدام نازك !؟ ................ اطلعت فيهم نازك بإستغراب وعدم تسديق .... نزلت راسها بغضب وهي بتقول لحالها .. خطوة فاشلة ميه بالمية ................. رجع جلال التفت لها وهو بيقول .. لازم تعيدي حساباتك وتتخذى قراراتك بجراءة اكبر ............... وقفت بسرعة وهي بتقول .. عن اذنك مارح شارك بشي انا مو موافقة عليه ........... مشيت بسرعة للباب.. وقفت بنص الغرفة لما سمعت ابوها بيقول .. نازك .. استنيني بمكتبي ...................
بتوتر استنت ابوها بالمكتب .. اول مادخل وقفت وحاولت تتجنب نظراته .. قعد جلال على كرسي مكتبه وهو بيقول .. انت رح تستلمي هالمشروع ................ بس يابابا ...................... سكتها بحركة من ايده قبل مايكمل .. رح تبقي دائما ضعيفه يانازك ومشاعرك هى الى بتحركك .. الشغل غابة ولازم تكوني دائما الأقوى .. اذا ماكنتي وحش مفترس رح تاكلك باقي الوحوش ................ تقدمت خطوة من مكتبه وهي بتقول .. نحن مو بغابة نحن بمجتمع حضاري .. هالشركة بالذات .................... قاطعها .. ماعاد لي خاطر فيها .. ماعادت تفيدني .. لازم ازيحها من طريقة .......................... هدا قطع ارزاق و خراب بيوت !! ............................ بلا مبالاة رفع اكتافة وهو بيرد .. مو مشكلتي ........................ اتكتفت وهي بتقول .. مابدي هالمشروع خلي حدا من اخوتي يمسكه ........................ ضحك جلال ضحكه غريبة قبل مايقول .. اخوتك !! تنهد قبل مايكمل .. مابيفكروا الا بنفسهم .. مشغولين بمشاريعهم الخاصة ...................... خلي حدا من الموظفين يمسكه ............................ لأ .. انت رح تمسكيه ........................... بقلة حيلة توسلت .. بس يابابا .............. قاطعها بعصبية .. اااايه وبعدين نازك .. من متى بتجادلي قراراتي !! ............. مسك الملف ورماه امامها وهو بيكمل .. عندك اسبوع واحد بس لتجهزي الخطة ............................ فتحت عيونها على الأخر .. اسبوع !! لو بشتغل 24 ساعة مابلحق .. بدها على الأقل شهر ........................ وقف جلال وهو بيقول .. اسبوع مافي غيره وتكون الدراسه مع الخطة جاهزة ..... اطلع فيها بإستغراب وهو بيضيف .. عهدي فيكي نشيطة .. ولا سالم غيرك !! .................... يابابا مابلحق والله ...................... اسبوع وبس .. روحي شوفي شغلك .................. بتوسل حاولت .. ماعندي هالوقت الكافي لأخلص بأسبوع ....................... اطلع فيها بنظرات حاده قبل ما يحسم الأمر .. روحي شوفي شغلك ........... تناولت الملف من امامها وبسرعة طلعت من مكتب ابوها .. ماراحت لمكتبها .. نزلت للمصفات وركبت سيارتها وبسرعة ساقتها لبيتها ............. دخلت غرفتها ركض ورمت حالها على السرير وكملت بكاء ولوم لحالها .. خبت وجهها بالمخدة وصارت تصرخ وهي بتضرب الفرشة .. ليش ما رفضتي المشروع !! ليش مارفضتي استلامه .. ليش ما اصريتي على زيادة المدة !! .......صرخت بأعلى صوت عندها وهي بتضيف .. ليش ماقلتي له بدك اجازة ليش ليش ليش يا نازك !! .... كانت مجهزة طلب الإجازة ورح تقدمه له اليوم .. كل الى بدها اياه 3 ايام تقضيهم مع سالم .. سالم الى صبر عليها كفاية وكانت حابه تفاجأة بهالإجازة ... هلأ رح تفاجأة بأنها مشغولة اكتر من قبل ...... كملت صراخ ولوم لحالها .. ماهيك اتفقنا يانازك .. ما هيك اتفقنا ..................