البارت الثاني
***************************
سهير تحضن هنا وتهون عليها حزنها علي حالة
وتتصل بدكتور خالد المسؤول عن حالة هنا
طوال السنين اللي فاتت
دكتور خالد:- اهلا دكتورة سهير طمنيني علي هنا الجميله
عامله ايه في حياتها الجديدة
سهير:- هنا محتجالك اكتر من الاول
دكتور خالد:- ازاي صحته ممتازة ومش بتشكي من اي مرض عضوي او نفسي جرالها ايه
سهير:- هنا مش قادرة تتعايش مع حياتها الجديدة واولادها
ومش عارفه تتعامل معاهم علي انها ام
بالعكس احساسه كله في الماضي مع حبه وجوزها وبس وولادها بقو واقع مفروض عليها رافضة تتقبله
ونفسيتها تعبان جدا بسبب كده
دكتور خالد:- متقلقيش عليها هي قاست كتير في حياتها
في سن صغير ونفسها تعيش الوقت الوحيد اللي كانت
مىتاحه فيه وهي مع جوزها ولادها كمان كبار
عدم احتياجهم ليها عمل حاجز بينهم في التعامل
اسمعي في منتجع طبي مشهور في سويسري
متخصص في الحالات اللي زي حالات هنا اللي رافضه تتعايش مع واقعها لخوفه انه يرفضه
او انها صعب تتكيف معاه
ومن كلامك عنها انها جاهله واولادها متعلمين وطلاب
جامعيين اكيد هيكون في هوة في التفاهم بنهم
اتخلقت بعدم معاشرتهم ليها طول عمره
انا هتصل احجز ليها مكان لازم تروح قبل ما حالتها تسوء
وممكن تكره وجود اولادها لانها من المؤكد ابوهم
هيحاول يعوضهم اتفقدهم لامهم
وده هيعتبر نوع من التحدي بينهم بالنسبه ليها
وبين اولادها مين الاحق بحب وحنان جوزها
سهير:- هو جوزها ينفع يكون معاها بالمركز
دكتور خالد:- ياريت لانه اهم شخص في حياتها حاليا
ووجوده معاهاةهيكون دافع لتقبل فترة العلاج اللي ممكن
تكون طويله عليها لوحده
والمركز يعتبر منتج اكتر منه مركز طبي علاجي
يعني يقدرو يقضو وقتهم مع بعض ويعوضو اللي فاتهم وكمان المركز فيه قسم تعليمي لضعف السمع
والكلام يعتي يقدرو يتعاملو معاها ويعلموها كويس
المركز هيأهلها كويس لمواجهة حياتها والتعامل مع كل
مطلبات ومسؤوليتها الجديدة كأم وكسيدة مجتمع راقي
سهير:- شكرا جدا يا دكتور خالد ابداء اجراءات الحجز
وانا هقول لجوزها ويبداءو رحلة العلاج في اسرع وقت
وتقفل معاه وتحضنها هنا بحب
متقلقيش يا حبيبتي هترجعي واحسن من الاول
وكمان هتبقي سيدة مجتمع من الدرجة الاولي
والباب يخبط وتفتح بيسام الباب وتدخل
هنا:- تبصلها وهي محتارة تقولها ايه
بيسام:- مالك يا ماما فيكي ايه طمنيني يا دكتورسهير
جرالها ايه وليه كانت بتبكي كده قلبي وجعني عليها
سهير:- معلش يا بيسام احنا ضغطنا عليها جواز واولادد
ولسه هي مش مستوعب اللي بيحصل حواليها
يارا:- مش قولتلك اكيد الاحداث كتيره في وقت قصير
كان صعب تتقبلها بسهوله
بيسام:- تروح تحضنها سلامتك يا مامتي انت وجودك في وسطنا بالدنيا وما فيها متعرفيش يا ماما احساس اليتم
واني اتحرمت من امي وحنانها علشان ترجعيلي انتي
ام وحبيبتي وصديقتي وكمان اب انتو هدية من ربنا
هنا:- لا جربت اليتم وعشتها طول حياتي امي اللي ماتت
وهي بتولدتي وعمتي اللي عمرها ما حنت عليا
وابويا اللي قلت هرتاح في كنفه لكن مات قبل ما احس
بحنانه واعيش معاه ايامي ده اليتم اللي عشته
انت اتربيتي في بيت مع ست حنينه كانت ام ليا قبل
ما تبقي ام ليكي وتربيكي مع اخوات بيحبوكي
وبيت كله محبة وحنان وتضحية
ابعدي عني يا ببسام انت متحرمتيش حرماني مش
هسمح ليكم تاخدو حياتي اللي فضلالي ابعدي عني
وعن باهر هو اللي فضيلي في الدنيا كلها
سهير:- اهدي يا هنا مهما كان حنان امي علي بيسام مش
هيكون زيك وبلاش تعامليها كده وتكسري فرحتها
برجوعك ليها انتي وباباها انا حسا بيكي والله
بيسام انتي مثقفه ومتعلمة ومامتك مش هتقدر تتعامل
معاكم زي ما انت متخيله بسهوله محتاجه تتاهل الاول
وتقدر تخطي السنين اللي بعدت عنها عن التعامل مع العالم
بيسام:- انا مش زعلانه وفاهمه كلامك كويس بس بردك
يكفيني وجودها في حياتي وانا واثقه ان حنانها
هيحتويني وهتكون احسن امي في الدنيا ليا ولباسل
سهير:- كويس انك فاهمه كده كويس
انا هتصل بباهر هو قالي مش هيتاخر
و تتصل بباهر جرس يرن مره اتنين ويرد باهر بقلق
باهر:- سهير خير في ايه انت لسه موصلتيش لهنا
سهير:- لا انا مع هنا من بدري انت فين عايزه اكلمك ضروري
باهر:- انا نص ساعه واكون عندكم انا لسه داخل الشركة
انا وباسل هعرفه علي الشركة الموظفين اللي فيها واجي
سهير:- طيب وانا مستنياك سلام
باهر:- في ايه ياتري حصل قلقتيني يا سهير
باسل:- في ايه يا بابا مالك دكتورة سهير قالتلك حاجه
باهر:- لا ولا اي حاجه بس صوتها في قلق وياخد ايد
باسل تعالي اقعد هنا علي مكتبي ويتصل بالسكرتيرة
عايزك تعملي ليا اجتماع ضروري مع رؤساء الأقسام حالا
السكرتيرة:- تحت امرك يا باشمهندس
باهر:- استني يا سلوي احب اعرفك علي ابني باسل
وهو اللي هيكون المسؤول عن ادراة الشركة الفترة الجاية
السكرتيرة:- هو فين ابن حضرتك دي وهيدير الشركة ازاي
باسل:- ايه شايفاني صغير مقدرش ادير شركة بابا والعيله
السكرتيرة:- انت حضرتك ابن باهر بيه مش ممكن ازاي
باهر:- متفكريش كتير هتتعبي يلا روحي جهزي للاجتماع
باسل:- عندها كام سنه سلوي دي يا بابا
باهر:- اتلم انا خال خطيبتك قبل ما ابقي ابوك وانا اللي مربيها بلاش شغل الخلبصه دي لاخلي يارا تتطلع عينك
باسل:- انت مشوفتش نظرة عينها كانت هتاكلني اكل
شكلي هقضي وقت فل هنا بالشركة
باهر:- انا جيت لقيتها بصراحه هي بنت ممتازه كانت بترسيلني باستمرار ايام ما كنت في ايطاليا
واعرف انها مخطوبة لمهندس هنا بالشركة
وقبل ما تتشاقي فكر بسمعتك وسمعة العيلة والشركة
باسل:- انا بضحك يا بابا يارا وبس اللي في القلب والعين
وبعد دقائق تطلب السكرتيرة الاذن لدخول رؤساء الاقسام
باهر:- خليهم يدخلو بسرعة ويرحب بيهم
ويبداء الاجتماع الاول باهر بعرفهم بباسل وان ادارة
الشركة هتكون تحت مسؤوليته من النهاردة
وهو طالب هندسة يعني عنده خلفيه عن شغل الشركة
وطلب منهم انهم يساعدوه في ادراة الشركة
وانهم يعرفوه كل صغيرة وكبيرة لانه وريث العيله
والكل يرحب بيه ويطلب من جعفر اللي كان بيدير
الشركة وهو بايطاليا انه يكون معاه في الادارة وقت
اللزوم وينتهي الاجتماع بعد الترحيب بباسل
وتهنئة باهرعلي عثورة علي ابنه بعد كل السنين دي
جعفر:- انا اسعد انسان بوجودكم معانا يا مهندس باسل
لانك قريب من سني وشكلنا هنبقي اصحاب كمان
باسل:- انا اسعد والله اتفضل انت يا بابا معايا جعفر
هيوريني كل الاقسام ويعرفني اتعامل ازاي بس متنساش
تبلغ يارا في اللي طلبته منك واحنا حايين علي هنا
باهر:- ماشي هبلغها خلي بالك منه يا حعفر وانت يا باسل
اي ورق او قرار تاخده ارجع لجعفر الاول هيعرفك تعمل ايه
انا ماشي دلوقتي واتصلو بيا في الضرورة بس سلام
ويروح مشوار الاول يغيب فيه ربع ساعه
ويرجع بعدها علي السرايا وهو سعيدة وفرحان
*****************************
في السرايا في اوضة هتا
بيسام:- ماما ممكن اطلب من خاجه
هنا:- تطلبي مني انا عايزه ايه
سهير:- قولي يا بيسام متخافيش هنا طيوبة جدا بس
هي مش مستوعبة عمرها اللي جري بسرعة اوووي
وحياتها اللي اتغيرت في يوم وليلة
بيسام:- ممكن نبقي اصحاب انا وانتي زي ما انت صديقة
لسهير ايه رايك انا مش هقولك ماما غير لما تطلبيها مني
يارا:- وانا كمان يا طنط هنا عندي حاجات نفسي احكيها
ومحتاجه حد يسمع مني ويكون ليا اصحاب
سهير:- برافو عليكي يا بيسام اننا نخفف الضغط عليها
ونبداء واحدة واحدة نعامها تتكايف مع حياتها
هنا:- موافقه وتبص ليارا انتي قولتي عندك اعتراف
عايزة تقوليه ليا قولي اعترافك يا يارا ايه
يارا:- قبل ما اتكلم اوعدواني انه يكون سر ما بينا
سهير:- اكيد يا يارا اهدي كده وانتي بتحكي ليه التوتر ده
يارا:- قبل ما نسافر ايطاليا وبعد موت ماما كنت بحب
اقعد مع تيتة نورهان هانم لانها كانت بتحبني اوووي
ودايما كانت بتبقي سعيدة بوجودي وفي يوم الممرضة بتاعتها اخدت علاء اخويا تغيرله الحفاض بتاعه وتتغدا
وانا دخلت الاوضه لقيتها لوحدها وكانت نايمه ولقيت علبة
الكبريت بتاعة جدو فضلت العب فيها ولقيت النار مسكت
في الملاية بتاعتة السرير اللي تيته نايمة عليه
حاولت اطفيه والنار مسكت فيها
وانا دلقت الميه علي الارض علشان تنطفي النار
لكن جسم تيته كله ولع وخفت وخرجت اجري
علي اوضتي وسمعت بعدها صراخ وصويت وطفو النار
لكن خدو تيته ومشفتعاش تاني وعرفت انها ماتت
ورجعو ووضبو السرايا بس خالو مطقش يقعد فيها
وسافرنا ومن يومها وانا كاتمة السر ده جوايا ومخبياه
عن خالو وجدو لكنه بيعذبني وباستمرار بشوف تيته
ونظرة الالم والدموع في عينها وهي بتتحرق قدامي
وبلوم نفسي يمكن لو نزلت استنجد بيهم كانو انقذوها
وتحضن هنا اللي تطبط عليها وتمسح دموعها
هنا:- يا سبحان الله حرقت قلبي وموتتني بالحياه
وتجي بنت بنتها تحرقها وتموتها بالحياة زي ما عملت فيا
فعلا ربنا منتقم جبار وانتي تخبي سرك علشان تجي
تقوليه ليا وتحسسيني ان ربنا انتقم ليا منها سبحانك يارب
باهر:- فعلا يا هنا ربنا انتقملك منها لكنها كانت امي ولازم تترحمي عليها حسابها دلوقتي عند ربنا
واحنا نتمنا ليه المغفرة والرحمة وبس
يارا:- خالو انا انا وتحاول تخرج تجري من الاوضه
وهي منهارة من البكاء ولان خالها عرف سرها
باهر:- يحضنها بس يا يارا ده قدرها وانتي كنتي طفله
واكيد مكنش قصدك تموتيها بلاش احساسك بالذنب
انا مش هشيلك ذنب موتها كفاية عذابك وانتي طفله
وتحمل الم الذنب طول كل السنين اللي فاتت
انسي اللي فات واطلبي ليها الرحمه وعيشي حياتك
يارا:- تبكي انت حنين اوووي اووي يا خالو
ربنا ما يحرمني منك ومن حبك وحنانك عليا
وتحضنه بشده وتروح بيسام تحض باباها
بيسام:- يا بختنا بيك يا بابا انت اعظم اب في الدنيا
سهير:- تلاحظ ملامح هنا اللي اتغيرت وبعدين معاكم
يلا مش خلاص ارتحتي يا يارا كان حادث والحمد لله انك بخير وانت يا ست بيسام روحي اتصلي بصلاح علشان
عايز باباك في موضوع مهم خلينا نخلص منكم
وانا كمان جاية معاكم ونسبب العرسان مع بعض شويا
بيسام:- يلا يا يارا شكلنا كده بنتوزع بالذوق
يارا:- تبوس خالها تاني انا بحبك اوووي اووي اكتر من
باسل كمان صحيح يا خالو هو جه معاك ولا فين دلوقتي
باهر:- بقي بتحبيني اكتر منه طيب هو في الشركة
وهيفضل فيها لحد الساعه ٥ وطلب مني اقولك
جهزي نفسك تنزلو تختارو الشبكة ومدام صلاح جاي
تنزل معاكم بيسام تختار شبكتها بالمره
وياريت سهير تنزل معاكم اهي تنصحكم في الاختيار
سهير:- اه انا شكلي بتوزع زيكم عايز تستفرد بعروستك
باهر:- في عندك مانع يا مدام سهير
اقولك تعالي انت ورؤوف نخرج نتعشي بره ايه رايك
سهير:- مش هينفع رؤوف اغلب وقته بره الفيلا بياسس
العيادة بتاعتة ليا وليه وقالي انساه اليومين الجايين
خلي العزومة دي علينا بعد ما ترجعو من السفر
وتليفونها يرن تبص تلاقي دكتور خالد
سهير:- هرد علي التليفون ارجعلك عايزاك في موضوع
وتخرج وتاخد معاها يارا
وبيسام اللي تسيبهم وتروح تتصل بخطيبها صلاح
باهر:- يقفل الباب وراهم ويروح لهنا اللي عيونها مليانه
دموع حبيب قلبي حزين ليه اللي وحشني مش فرحان
ليه ايه موحشتكيش يا قلبي انا
تروح تجري علي حضنه وحشتني مووت مووت موووت
باهر:- عارفه انا غبت عنك ٣ ساعات كل ساعه بسنه
الساعه فيها ٦٠ دقيقه ممكن تعوضيهم حب وحنان من
حضنك ويشدها عليه اكتر وياخدها فوقه علي السرير
هنا:- بس احنا بالنهار والكل صاحي اختشي يا باهر
باهر:- اختشي ايه انا ما صدقت رجعت البيت وانتي
وحشاني بقولك عوضيني مش حاسبيني وتعالي هنا
ليه الدموع في عينك والحزن كاسي ملامحك انت مش سعيدة انك رجعتي لينا ولا كلام يارا زعلك
هنا:- انا حزنت علي نورهان هانم كانت طيبه معايا صحيح اذيتني بالكلام ووسبيتني في شرفي بس انا اللي غلطت
لما بصيت لفوق وحبيتك وهي كانت بتحافظ عليك
باهر:- فوق ايه وتحت ايه انت ملكة احلامي وعمري
انت حبي واميرتي وحياتي كلها صدقيني ماما ندمت
كتير بعد ما تعبت وكنت هموت عليكي ولو كانت تعرف
انك عايشه كانت رجعتك ليا هنا انت قلبي اللي عايش
بينبض بحبك وبطلي بقي الدراما دي وهاتي بوسه
لاعمل معاكي الواجب في الفستان الحلو ده ويبقي مصيره
زي اللي قبله ها هتجيبي بوسة حلوة ولا اتصرف انا
هنا:- تبوسه بكل خجل وحياء علشان يشده ليه
باهر:- لا الرقه والكسوف ده مبنفعش معايا عايزك شرسة
كده ويلتهم شفايفها في قبله محمومه تنسي معاها
كل خجلها وتستسلم لرغبته فيها ويرجع لعادته ويمزق
فستانها علشان يمنع اي حاجز بينه وبينها
وينهمك في تقبلها واثارتها وايده تعزف علي جسدها
معزوفة عشقه ليها ليتمكن منها ويعيشو لحظات رومانسية
فوق الوصف والخيال من حب وعشق لا ينتهي
ويزيد من انتهاله لشهد عسل قبلتها ولا يسكتفي منه
ويفوقو من سحرعلاقتهم علي خبط علي الباب
هنا:- باهر باهر بس كفايه في حد بيخبط علي الباب
باهر:- هو مفيش ذوق عارفه لو ابنك او بنتك هضربهم
هاتي الروب من جمبك مش لسه هلبس انا
هنا:- خد يلا قوم انا مسكوفه اوووي
باهر:- خليكي هنا هتروحي فين انا راجع اكمل معاكي
واتغطي كويس ويشد المئرز عليها ويقوم من جمبها
ويفتح الباب ويلاقي سهير قدامه ويخرج ويقفل وراه الباب
باهر:- تصدقي انتي رخمه عايزه ايه ما ترروحي لجوزك
قاعدة بتزعجيني هنا ليه
سهير:- كلمتين يا هندسة وروح ليها تاني
خد دول تذاكر سفرك لسويسري انت وهنا في منتجع طبي
هنا محتاجه علاج نفسي ضروري هبقي افهمك بعدين
السفر الفجر لان لازم تتسجل بكره لان الاماكن محدوده
باهر:- بس انا كنت هسافر بيها فرنسا او ايطاليا
سهير:- المركز ده هيأهل هنا لحياتها الجديدة
لو هنا مش اتعالجت بسرعة حالتها هتدهور اسمع الكلام
وهو منتجع سياحي كمان يعني هتقضو وقت ممتع
دول هدية مني زي هدية شهر عسلنا انا ورؤوف
لما تسافر ابقي كلم دكتور خالد هيفهمك كل حاجه
وانا هروح اجيب نادر واجي اتغدا هنا مع الاولاد
علشان اخدهم وبعدها ننزل نجيب الشبكه للبنات
تكون حضرتك انت والمدام صحيتو وتكلم مع صلاح
علشان عايزاك قبل ما تسافر ماشي يا عريس
باهر:- شكرا علي الهدية يا دكتور بس عكرتي مزاجي
كده لازم اجهز نفسي الباسبور بتاع هنا كان هيطلع بكره
كده هشوف هعمل ايه علشان اطلع النهاردة
يلا بقي روحي هاتي ابنك علي ما اشوف هعمل ايه
سهير:- ماشي سلام خلي بالك علي هنا مش حملك يا وحش
باهر:- شكلي هتوحش عليكي وهاكلك لولا صاحبي
بس كنت خنقتك وخلصت منك يلا بقي
ويدخل الاوضه يلاقي هنا راحت في النوم
يقلع الروب ويطلع جمبها علي السرير ويحضنها لصدره
تفتح عينها بكسل وعيون نعسانه
هنا:- مين كان بيخبط
باهر:- انت صحيتي ليه و بلاش عيونك النعسانه دي كنت
هاخدك في حضني وبس لكن انتي بقي جبتيه لنفسك
ويضم جسمها لجسمه ويقولها كنا وصلنا لفين فكريني
هنا:- تضحك بدلع احنا كنا خلصنا يا باهر
باهر:- يلتهم شفايفها ببوسه قويه وماله نبداء ومن اول
وجديد ويكمل في قبلاته ليها ليبدا عشقهم من جديد
💥💥💥💥💥💥💥💥💥💥💥💥💥💥💥💥
يتبع......
بقلمي/ سلمي سمير
