🌹🌺البارت الاول🌹🌺
**********************
في سرايا ممدوح الدرملي
ينزل باهر وهنا ليفطرو مع اسرتهم تاني يوم زواجهم
باهر:- صباح الخير جميعا ويوطي يبوس ايد باباه
هنا:- صباح الخير عليكم
بيسام:- تقوم تحضنها صباح الخير يا اجمل ام بالدنيا
باسل:- بابا صاحي بدري انت وماما ليه هو في عريس
بيصحي بدري اووووي كده يوم صباحيته ويغمز ليارا
انا لم اتجوز هسهر طول الليل وانام طول النهار
باهر:- بس يا لمض جهز نفسك علشان تجي معايا الشركة
اسلمك امور ادارتها واعرفك علي الموظفين واعرفهم بيك
باسل:- انت بستغلني بقي وخليتنا ابنك طمع فيا وفي ذكائي ومجهود لا انا منسحب يا بابا
بيسام:- انا لحد دلوقتي مش مصدقه ان ليا اب وام
وكمان بالشباب والجمال ده
باهر:-مالك يا هنا ساكته ليه ولا العيال دول بيغلسو عليكي
هنا:- هتكلم اقوال ايه عايزه اسمعكم وكفايه اني معاكم
باهر:- يروح يحضنها بعد اذن بابا طبعا انت من النهاردة مسؤولة عن شئون السرايا والعيال دول
ولادك وولاد بهيرة يارا وعلاء
هنا:- يعني هعملهم ايه ما شاء الله كلها كام شهر ويتجوزو
ومش هيحتاجوني في حاجه
علاء:- سيبك منهم انا هبقي معاكي علي طول يا طنط
ومدام بيسام هتتحوز اونكل صلاح اكتفي بيكي انت
وعلي فكرة يا طنط هنا انت اجمل من بيسام بكتير
باهر:- طبعا علشان تعرف زوق خالك يا علاء
بيسام:- ماما لبسك ده مش مناسب ليكي تعالي انزلي
معايا انا ويارا نجيب ملابس جديدة ليكي وليا
يارا:- فعلا يا طنط انا هجبلكم ملابس علي الموضة
باهر:- لا طبعا لا انت ولا هي انا برتب نفسي لسفرية انا وهنا
وانا اللي هختار ليها الموضة اللي هتناسبها
خدي انت بيسام يا يارا واختارو اللي انتو عايزينه ومتنسوش طلبات زفافكم ولا تحبو نأجل لحد ما تخلصو دراسة
انا عن نفسي مش فاضي ليكم عايزه اعوض هنا ونفسي
عن حرماني انا وهي السنين االي فاتت
باسل:- ليه بس يا بابا كنا حلوين لا طبعا زي ما احنا
صح با يارا انت وبيسام
بيسام:- اللي بابا يشوفه بس كل ما كان اقرب يبقي احسن
لان صلاح راح شقته ورافض يقعد هنا معنا غير بعد الجواز
ممدوح بيه:- لانه راجل ويعرف في الاصول وانا احترمتة جدا علشان رفض الاقامة هنا لانكم مخطوبين
باسل:- بس صلاح زي اخ لينا ده هو اللي كان مسئول عنا
ومربينا مع سهير بعد ماما الله يرحمها
باهر:- الله يرحم دادة سعدية بس دي امكم هنا فاهم
وبلاش ماما وبابا دي احنا لسه شباب علي اننا نخلف
اولاد في سنكم دلعو ماما بقي ودلعوني
باسل:- هههه لا بس انا مشتاق اقول بابا وماما ولا انت
عايز تصغر علي حسابنا يابابا
بيسام:- طبعا ماما انا سعيدة اوووي ان ليا ماما وهنبقي اصحاب واحكي ليها حاجات كتير
هنا:- ماشي يا بيسام باهر احنا هنسافر امتي
باهر:- يومين بس ارتب اموري يلا با باسل جهز نفسك
هتجي معايا الشركة دلوقتي
ممدوح بيه:- بس يا باهر متحملهوش فوق طاقته
متنساش انه لسه مخلصش دراسته
باسل:- متخافش يا جدو انا قدها وقدو ابن الوز عوام
باهر:- طيب يلا يا عوام ويروح يبوس هنا هتوحشيني
يا عمري لحد ما ارجع بس اقعدي مع يارا وبيسام
واتعرفي علي حياتهم وطلباتهم وعلاء كمان
هنا:- حاضر ابقي اتصل بسهير عايزاها ضرورى
باهر:- اسف حبيبتي ضاع عن بالي وانا جاي هجيبلك
موبيل علشان لما توحشيني اكلمك بقولك ايه
هنا تعالي اقولك علي حاجه ضروري
ويشدها لاوضتها القديمة ويحضنها هتوحشيني اوووي
مش عايز اخرج واسيبك بس محتاج اخلص شوية شغل
قبل ما اسافر انا وانتي ويبوسها برقه علي شفايفها
علي فكرة مشبعتش من عسلهم وكمان اعملي حسابك
جهزي ليا طقم جديد نودعه زي اللي قبله وكمان
هنقضي ليلتنا هنا زي كل ايامي اللي فاتت اللي كنت
بقضيها لوحدي مع ذكرياتك وريحة هدومك وانفاسك
زي اخر يوم كنتي بحضتي فاكرة
هنا:- تتنهد فاكرة حبيبي وتحضنه بشده باهر انا مش مصدقه ان خلاص مفيش حاجه هتبعدنا عن بعض تاني حسا اني بحلم والعمر واقف بيا ليوم ما ودعتني بنفس الاوضه
باهر:- مالك يا هنا حسك حزينه رغم ان بعد جوازنا امبارح
واشهاره وكمان اولادنا وبابا اللي سعيد بوجودك وبقيتي
سيدة نفسك والسرايا كل ده و مش حسك سعيدة ليه
هنا:- مش عارفه بس حسا بحاجه فاضية جوايا
وجودي جمبك بس اللي بيسعدني زي زمان اي حاجه
تانيه مش حساها انا لولا شغلك مش كنت سببتك تخرج
باهر:- طيب اهدي انا هوصل باسل لشركة وارجعلك
علي طول متقلقيش وكمان مجهزلك مفاجاءة حلوه زيك
هنا:- ماشي يا عمري وتحضنه بشده وهو ما يصدق
ويطبقه علي شفايفها يلتهم منها قبله طويله
ويرفع وشه في عيونها ياه معرفش ايامي عدت عليا
ازاي من غيرك انا هدلعك دلع فوق ما تتخلي
يلا بقي بلاش تعطليني لاما وحياتك عندي اقفل عليا
انا وانت واوريكي عينه من اللي حصل امبارح
هنا:- تضربه في كتفه لا قوم روح لشغلك انا كمان محتاجه
اتكلم مع بيسام ولا ناسي انها عروسة ومحتاجه حاجات
تجهزها نفسي افرح واعيش السعادة اللي اتحرمت
منها عمري كله الا وقتي اللي بعيشه معاك
باهر:- يضحك مع العلم الوقت ده كان سبب عذابك
وسبب حرماني منك السنين دي كلها
هنا:- حضنك وحبك ببعوضني كل لحظه من عذابي
يلا للتاخر علي باسل وبابا ممدوح هيقول عنا ايه
باهر:- هيقول عرسان فرحانيين ومبسوطين مع بعض
هنا:- طيب خلاص روح وانا هجهز نفسي واشوف
اي طقم هتقطعه زي اخوه وياريت تبطل العادة دي
هتضيع فلوسك علي الهدوم االي بتقطعها كده
باهر:- طيب وفري عليا وعليكي وخليكي من غير هدوم
هنا:- احتشم يا باهر وبلا نخرج اتاخرت علي باسل
ويخرج وهي بحضنه وبيضحكو
بيسام:- اتفضل يا استاذ باسل واتعلم الرومانسيه
شوف ماما وشها احمر ازاي يابختك يا ست ماما
بي بابا العسول ده اوعدني يارب
باسل:- ايه رايك يا يارا اتعلم منه ولا كفاية عليكي رومانسيتي الهادية مش الجامحه زي باباتي
يارا:- هو انا شفت منك حاجه لا رومانسيه ولا غزل
انت ضحكت عليا خطوبه من غير ما اعرفك كويس
انا بفكر الاول نتعرف علي بعض ونعيش قصة حب كلها رومانسيه وحب وخصام وحرمان وعذاب وبعد كده ننخطب
باهر:- كل ده ليه علشان استفردت باليمامه بتاعتي يا شوية غجر منك ليها ليه ليها هنهون حبيبتي العيال دول بيحسدونا
ممدوح بيه:- بس يا اولاد سبيهو دول عرسان وكويس انهم
نزلو يفطرو معانا مدلعوش علينا يلا يا باهر خلص شغلك
وتعالي خد عروستك وسافرو اتمتعولكم يومين
قبل ما تتدبسو في تجهيزات زفاف اولادكم
باهر:- حاضر يا بابا وانتو حاضر ان ما طلعته عليكم
بس اصبرو عليا ويكلم باسل يلا يا شبح خلينا نمشي
ويوشوش هنا اختاري طقم نقطعه لتتقطعي ويبوسها بخفه
علي شفايفها ويبوس بيسام في جبينها هي ويارا وعلاء
خلي بالكم من مزتي لحد ما ارجعلها
ممدوح بيه:- خدوني معاكم عايز احضر جلسه بالمحكمه
علاء:- خالو عندي تدريب النهاردة ابعتلي السواق يوصلني
باهر:- تعالي معانا نوصلك للنادي والسواق يرجع ياخدك
يلا يا كابتن وهتصلك بسهير تجيلكم علشان تتفقو
علي ترتيبات الزفاف سلام
⚘⚘⚘⚘⚘⚘⚘⚘⚘⚘⚘⚘⚘⚘
بيسام:- ها يا مامتي احكيلنا بقي عن حكايتك مع بابا
انا معرفتش منكم امبارح غير سبب فراقنا عنكم
يارا:- وانا كمان يا طنط هنا عايزه اعترفلك
بحاجه محدش يعرفها سر مخبياه حتي علي نفس
من ١٢ سنه وكانت سبب لانطوائي وبعدي عن الناس
طول السنين اللي فاتت وخوفي من خسارة حد تاني
هنا:- هتعترفي بايه يا يارا ويعني ايه انطوائي دي
يارا:- يعتي اتجنب الناس واعيش لوحدي بعيد عنهم
بيسام:- هو سر هتقوليها لماما يعني تحبي اخرج يا يارا
يارا:- بالعكس انا محتاجه لحد اتكلم معاه غير جدي وخالو
دول هما كل اللي عشت معاهم من يوم موت ماما
لكن ربنا اكرمنا باخت ليا وكمان ام زيك يا طنط
هنا:- انا ام ليكي ولا لبيسام انا زيكم محتاجه ليكم
ومحتاجة احس بالامان والدفئ والحنان
وفي خلال حديثهم تدخل عليهم سهير
سهير:- هنا حبيبة قلبي وتحضنها اقولك صباحية مباركة
ولا لسه بستحي زي زمان ووشك يحمر زي التفاح
هتا:- جيتي في وقتك يا سهير محتاجينك معانا
سهير:- اصبري عليا عايزه احضن خطيبة اخويا وتحضن بيسام االي تحضنها بشوق كعادتها معاها
وتحضن يارا مرات اخويا التانيه بم اني باسل في مقام صلاح
يارا:- ربنا ما يحرمني منك يا دكتورة سهير
هنا:- سهير انتي عارفه ان في ترتيبات لزفاف الاولاد
وباهر عايز فرح ليهم يليق بمكانته بس انا هسافر كمان
كام يوم وعايزه اعرف الضروري ايه علشان اجهزه قبل ما اسافر انا وباهر لشهر العسل زي ما هو عايز
سهير:- حبيبتي انتي ام العريس والعروسة اللي تقولي عليه
هنفذه ثم صلاح كان عايز طلب منكم
انه يتجوز في شقته وبلاش موضوع انه يقيم في السرايا
هو طلب مني اكلمك انت وباهر بالموضوع
هنا:- كلمي باهر انا مش عارفه حاجه ولا فاهمه حاجه
وتحضن سهير وتنهار من البكاء
بيسام:- ماما مالك فيكي ايه لكن هنا تتجنب الكلام معاها
وتحضن سهير اكتر واكتر
سهير:- مالك يا هنا فيكي ايه تعالي نطلع فوق ونتكلم
براحتنا تحكيلي في ايه وتاخدها وتطلع اوضتها
هنا:- تكبي دموعها كأنهار مش قادرة تسيطر عليها
بيسام ويارا يستغربو رد فعل هنا االي بدون سبب
بيسام:- مش عارفه حساه بتبعد عني انا وباسل بدل
ما تقرب منا وتفهمنا وتحتوينا زي اي ام
يارا:- انا بشك انها لسه مصدومة اللي حصلها في يومين
كتير تستوعبه بعد فترة مرضها الطويل وعزلتها عن العالم
بيسام:- بس اعتراف ايه اللي كنتي هتقوليه لماما
يارا:- خايفه اقول محدش يسامحني بس نفسي احكي
السر ده تاعبني من سنين ونفسي افضفض مع حد
ومليش اقرب منكم اتكلم معاهم
بيسام:- قولي وانا سمعاكي انتي بنت عمتي يا بارا
وكلها كام شهر وتبقي مرات اخويا واختي كمان
يارا:- هحكيلك كل حاجه بس الاول نطمن علي طنط هنا
تعالي نعملها حاجه دافيه تشربها ونطلع نطمن عليها
^^^^^%%%%^^^^^%%%%%^^^^^^^^
في اوضتة هنا
سهير:- هنا مالك يا هنا حصلك ايه باهر زعلك في حاجه
هنا:- باهر بالعكس ده هو الانسان الوحيد اللي حسا
بالراحه في وجودها واني رجعت لحياتي تاني زي الاول
سهير انا تعبانه ومش عارفه اعيش مع الاولاد
ولا عارفه اتعامل معاهم ازاي وحساه حمل عليا كبير انا
تعبت كتير من شيل هم غيري وياما قدرت عليع
لكن ولادي مش قادرة اتحمل وجودهم
ولا عارفه اكون ام ليهم زي اي ام
سهير:- تحضنها بس اهدي طيب الواضح اننا اتسرعنا
بمواجهتك للواقع من غير ما نأهلك
انا هكلم دكتور خالد وهو هقولنا نعمل ايه انتي كنت
في صدمة بعدتك عن العالم ١٩ سنه ازاي نتوقع
هتتعامل معاه بسهوله ويسر بدون تعقيدات
هنا:- بس انا بتعامل مع باهر عادي وحتي باباه ممدوح
سهير:- اكيد لان دول الماضي اللي عشيتي فيه وكمان
ثقافتك وعدم تعليمك مش هتقدري تتواصلي مع الاولاد
لو ربتيهم كنتي هتخلقي طريقه لتعامل معاها وتتفاهمو بيها
لكن في يوم وليله بقي ليك اولاد اكبر منك في تفكيرة وسنهم العام عن تفكيرك المحصور في سنك وانتي ١٤ سنه
صحيح صحتك العامة ونضوجك يؤهلك لتعيشي الواقع
لكن عدم خبرتك بالحياه وجهلك خلق فجوة
بينك وبين اولادك ولازم يكون في نقطه لتواصل
علشان مشاعر الامومه اللي جواكي تتجسدفي تعاملك
مع اولادك وواقعك الجديد
هنا:- ارجوكي يا سهير مليش غيرك اقدر اقوله عن
اللي بحسه اولادي مش حساه بالعكس بغير من اهتمام
باهر بيهم وحبه وخوفه عليهم
ليه هو معاهم بيتعامل كاب وانا لاء ماهو بعد عنهم زيا
سهير:- باهر غيرك لانه عاش سنه وتواكب مع الواقع
مشكلتك انك معشتيش سنك وكبرتي مع الايام
متقلقيش اكيد في طريقه تقدري تعوضي فارق السنين
بينك وبين اولادك لانك امهم ومشاعرك محتاجه لدافع
قوي علشان تحرك جواكي مشاعر الامومة وحنانك عليهم
واحتضانك واحتوائك لمشاكلهم واحتياجهم ليكي
انا هتصل بالدكتور واكيد عنده الخل
وتتصل بالدكتور خالد اللي يقولها الحل
اللي هيريح الجميع واولهم هنا
💥💥💥💥🥀🥀🥀🥀💥💥💥💥🥀🥀🥀🥀💥💥
يتبع......
بقلم /سلمي سمير
