《《اللهم كما زينت بحار أرضك باللؤلؤ والمرجان زين قلوبنا بالتقوي والغفران والعتق من النيران》》
❣(البارت الواحد والعشرون)❣
🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱
يعد انقاذ بيسام تتعرض هنا للخطر ويجري عليا باهر لينقذها من رصاصه طائشة من فاخر ابن عمتها وياخدذها في حضنها
ويتدحرج بيها فوق المنحدر لتسقط علي بطنها عدت مرات ويروح باسل ورؤوف وصلاح ليمسكوهم قبل سقوطهم من اعلي المنحدر وسامح يقبض علي فاخر هو واخوه سليم
وييتفحص رؤوف باهر ويحاول ان يوقف النزيف لينظر باهر لهنا اللي في حضن ابنه باسل ويشوفها فاقدة الوعي وفي حالة نزيف شديد ليقاوم تعبه ويحاول يقوم لكنه يروح في غيبوبة ويتم نقله هو وهنا للمستشفي وهناك تقع بيسام بعد كل الاحداث اللي مرت بيها في يوم واحد و وتنزف لتجهض الجنين لكن الدكتور يؤكد انه بخير وتستطيع تعويض الجنين
ام باهر يدخل معاه رؤوف ويتم اخراج الرصاصه اللي كانت بعيدة عن القلب من حسن الحظ ويتبرع له رؤوف بالدم
وتدخل هنا اوضة العمليات وبعد وقت قصير ينطلق صراخ طفل ليعلن عن وصول طفل جديد لهنا وباهر لكن حالة هنا كانت اصعب من انها تتخطي مرحلة الخطر بعد انفصال المشيمه وتعرضها لنزيف شديد نتيجة ارتخاء الرحم ولان امكانيات المستشفي ضعيفه لم تتسطيع توفير الدم اللزم لانقاذها في الوقت المتاسب وخرج الدكتور يخبرهم بحالتها
ويسالها رؤوف في لهفه وخوف علي مرات صديق عمره
رؤوف:-ارجوك يا دكتور طمني علي هنا هي عامله ايه دلوقتي
الدكتور:- بصراحه احنا استسلمنا بعد شدة النزيف وعدم تجهيز المستشفي بالبلازما اللازمة لتعويض النزيف الشديد وفقدنا الامل في استعادتها بالذات لعدم وجود دكتور جراحه تاني ليجريلها عملية ازالة الرحم لوقف النزيف لكن عادت انقباضات الرحم فجاء وعاد للنبض مره اخري وقف النزيف تلقائيا وبسبب تمسكها بالحياه كان ده دافع لعودته لينا تاني بس محتاجين دم بسرعه لنعوض جزء من الدم اللي فقدته
الدكتور:- يبص لرؤوف المدام دي اتكتبلها عمر جديد فعلا
باسل:- انا جاهز انا نفس فصيلة ماما خدو كل دمي
رؤوف:- بلاش انت يا باسل انت تعبت وقاسيت نفس اللي قاسته بيسام ممكن تاخد مني انا نفس الفصيله
الدكتور:- انت متنفعش لان اخدو منك دم كتير لعملية المهندس باهر وده كفيل يدخلك في فقدان وعي وغيبوبه
سامح:- انا نفس فصيله باهر وتحت امرك يا دكتور
الدكتور:-كويس جد اتفضل معانا بسرعه روؤف انا جاي معاكم
وبعد مرور اكثر من ساعه تفوق بيسام وتسال عن امها وابوها
صلاح:- الحمد لله بخير باباكي خرج من العمليات وفي الافاقه ومامتك لسه شويا بعطوها ليه دم وهي ولدت بالسلامه
باسل:- حمدلله بالسلامه يا تعباني مكنتش اعرف اني بحبك اوووي كده يا تؤامي الغالي
بيسام:- لولا انت كنت مت الوحيد اللي كنت بشوفه وبيشجعني اني اتحمل واتمسك بالحياه
ويدخل عليهم رؤوف وعلي وشها الارهاق ووراه سامح
باسل:- طمنا ماما عامله ايه دلوقتي
رؤوف:- الحمد لله بقت بخير امك انقذووها بمعجزه فعلا
بيسام:- عايزه اقوم اطمن عليه انا ليه متركب ليا محاليل
صلاح:- يحضنها علشان النزيف اللي كان عندك رجع تاني والبيبي نزل وقبل اي كلام الدكتور قال انك بخير وتقدري
لما تتحسني تحملي من جديد فداكي يا حبي بس شدي حيلك خلينا نعوضه بسرعه ولا ايه ويمسح دموع اللي نزلت عنيها
بيسام:- تعيط قدر الله وما شاء فعل كنت حسا من ساعة ما صحيت الصبح اننا ملناش نصيب فيه
باسل:- احكيلنا اللي حصل وازاي خطفوكي والباب مفهوش كسر ويمسك صلاح صباعه لقاه مشقوق والممرضه ضمادته
صلاح:-وليه قلعتي خاتمك وجرحتي نفسك ولا هما عملو كده
بيسام:- هقولكم كل حاجه الاول فين الخاتم اوعي يكون ضاع
صلاح :-متقلقيش الخاتم معايا اتفضلي اهو بس هلبسهولك لما صباعك يخف ان شاء الله احكي بقي لو تقدري
بيسام:- انت بعد ما خرجت حاولت اقوم علشان الحق افطر مع ماما لكني حسيت بدوحه وبعدها لقيتني بنزف والملايه اتغرقت دم حاولت اوصل للموبيل وقع مني معرفش راح فين
وحاولت اروح للحمام علشان اغسل وشي واخد شاور يمكن افوق لكن مكنتش قادر وحسا بدوار شديد وبقيت استنجد باي حد ينقذني ولقيت حد بينادي عليا فيكي ايه وانتي مين قاومت الدوخه وفتحت الباب وكان الشخص اللي لقيته عندك بتحقق معاه اتخضيت وخفت لكنها حملني ودخل بيا علي اوضة النوم ساعتها حسيت بقبضه في قلبي ولما شاف الدم علي السرير خرج بيا تاني وانا حاولت امسك في اي حاجه لكن صباعي اتزنق بين قفلة الباب وفضل يشد وانا اصرخ ووقعت منه علي راسي مفتكرتش حاجه بعدها غير لما شفت باسل قدامي وافتكرت اللي كل حصلي في بيتهم ومراته اللي اهتمت بيا وكانت بتخاف عليا منهم حتي امهم اللي قالتلي مش هاين عليا انهم يؤذوكي لكن ابنها خدني هو واخوه وكنت هتخنق لما لفوني بالملايه وطلعنا معاه مكان ما جيتو وانقذتوني بس انتو وصلتو ليا ازاي وتعرفوهم منين
صلاح:- يحكي ليه دول مين وازاي امها اتعرفت عليهم من اسم فاخر لما شك جدها ان ممكن اللي خطفك يكون حد من عندي لما جيتي تزوريني ويصادف انه ابن عمة والدتك وحسبوكي هنا وانك ماشيه بالحرم من طريقة دلعك عليا بالمكتب وخطفوكي علشان يغسلو عارهم وده اللي مامتك اتنبأت بيه ومنقذكيش منهم غير الشبه اللي بينكم رغم انه هو نفسه سبب خطفك بس انا زعلان من نفسي لاني كتت السبب في اللي حصلك من اول الليله اللي بسببه حصلك النزيف وبقيتي ضعيفه انك تقوميهم وممكن كنتي تموتي لو هما موصلوش ليكي يمكن لو مش خطفوكي كان زمان حالتك صعبه او متي لا قدر الله انا كنت لازم اوصلك السرايا واطمن عليكي بنفسي سامحيني يا حبي كنت هضيعك مني ويحضنها
باسل:- نسيبكم مع بعض واروح اطمن علي ماما وبابا
ببسام:- باسل انت اكبر نعمه ربنا بعتهالي واغلي هديه من بابا وماما ربنا ما يحرمني منك يا خويا ويحضنه ويقولها ارتاحي
ويخرج يطمن علي باباه اللي كان بدا يفوق من البنج
ىاهر:- يفتح عينه باعياء شديد واول ما يشوف باسل يساله
هنا عامله ايه طمني عليه وعلي اختك بيسام
باسل:- اهدي يا بابا ماما بخير عمو سامح انقذ حياته واتبرع ليها بالدم وكمان ولدت والله نسيت اسال ولدت ولد ولا بنت
باهر:- عايز اروح اطمن عليها مش هرتاح وهي بعيدا عني
رؤوف:- اهدي يا وحش انت كمان نزفت كتير وعملت عمليه جراحيه انا هحاول اطلب ليكم طيارة طبيه تنقلكم لمصر علشان الرعاية هنا ضعيفه جدا بس الحمد لله انقذوكم كلكم
باسل:- بابا اونكل رؤوف اتبرعلك بالدم هو كمان
باهر:- ده شقيق عمري مش صديقي بس ربنا ما يحرمني منك
رؤوف:-هروح اطمن ممدوح بيه واشوف اجراءات نقلكم لمصر
باهر:- رؤوف خلي بالك من هنا وبيسام والبيبي انت مكاني دلوقتي ومعاك باسل يا صاحبي
رؤوف:- حاضر كلهم في عيني يا صاحبي ويخرج ويسيبهم
🌿🌿🌿🌿🌿🌿🌿🌿🌿🌿🌿🌿🌿🌿🌿🌿
وفي صباح اليوم التالي قام رؤوف بتجهيزات نقل باهر وهنا للقاهرة في طيارة طبيه مجهزة وكانت هنا ما تزال في غيبوبه
وتنقلهم عربيات الاسعاف باهر في عربه ومعاه باسل وسامح
والعربة الاخرة فيها هنا ومعاه بيسام وصلاح ورؤوف يطمن علي كل مؤاشرتهم الحيوية وتحلق الطائرة عائدة بيهم الي القاهرة لكن باهر كان فايق واصر يقوم يطمن علي هنا الغائبة عن الوعي تماما ويمسك ايدها ويبوسها بكل حنان ورقه
باهر:- بصوت حزين ومجهد وحشتيني يا هنا نفسي ترجعي ونتهنا مع بعض ولا ملناش نصيب نرتاح وانتي يكون ليكي من اسمك نصيب يا هنا يلا قومي بسرعه ابنك محتاجالك
بيسام:- تجيب اخوها الصغير لابوها اللي يحضنه ويكبر في ودانه ويبص لبيسام خلي بالك منه لحد ما ماما تقوم بالسلامه
عارفه يا بيسام ان ده اول طفل اشيله حتي علاء كنت مريض وعلي ما قمت من العمليه كان بيمشي
باسل:- شدو حيلكم وكفاية كده اولاد ليكم وجهزو نفسكم علشان تشيلو ولادنا انا وبيسام وهنخليكم جدو وتيته
باهر:- يضحك بتعب ماشي يا سيدي بس اسمع انا لسه صغير ومراتي كمان ونقدر ننافسك انت واختك ولا ايه يا رؤوف
رؤوف:- طيب ممكن بلاش كلام كتير وترجع تنام تاني وانا اللي هتنافس معاك بس مقولتليش هتسمي الولد ايه
باهر:- هسميه الوليد لان بولادته هنشوف احلي ايام باذن الله
وتصل الطالرة للمطار وكان في استقبالهم ممدوح بيه وبارا وعلاء وسهير وبنتها فريدة اللي اتبهدلت معاها وتدي البنت ليارا وتروح تجري بسرعه علي هنا تحضنها وتمسك المصحف اللي في رقبتها تبوسه
سهير:- بحق كلامك الجليل احفظه يارب ورجعهالنا بسرعه
وكانت عربيات اسعاف مجهزه بانتظارهم لتنقلهم علي المستشفي واول ما توصل هنا للمستشفي يدخلو بيها اوضة الانعاش ويقومو بتركيب بلازما ليها كي تستطيع تعويض الدم اللي نزفته وكاد ان يودى بحياتها وباهر كذلك لكن قوة بنيان باهر ساعدته يتحمل فقدان الدم وتقوم طبيبة النساء بعمل عملية تنظيف لبيسام لتتاكد من انه لا توجد اي عوالق تأجل الحمل مره اخري ويمر ثلاث ايام علي ابطالنا
ويسمح لباهر بالقيام من السرير ونقله لغرفه عادية بعد تحسن حالته واول ما يروح اوضته يرفض الانتظار ويروح لهنا اللي خرجت هي كمان من الانعاش وفاقت بالامس فقط وكانت باوضة عادية ويدخل عليها باهر بلهف وحبه المعهود
باهر:- والدموع بتجري في عيونه وحشتيني يا جميلة الروح
ويحضن ايده وهنا تبصله بحب لا متناهي
هنا:- سمعتك بتتاديني وانا في الغيبوبه وبتقولي متسبنيش محتاجالك موووت من غيرك اموت رجعتلك علشان نفسي اعيش واتهني معاك بباقي ايام حياتي اللي مش بلاحق اعيشها ولا افرح بيها وافرح بابني واربيه معاك
باهر:- خلاص يا عمري مفيش فراق تاني ولا بعاد ولا مؤامرات ولا نفوس مريضه هتبعدنا عن بعض تاني كله خلاص انتهي الا حبنا اللي دايما بيبداء ويميل يحضنها علشان ترفع نفسها ليه وتضمه بشوق واشتياق وباهر يضمها ليه بقوة وحنان
سهير:- ها وبعدين مش هنخلص من روميو وجوليت دول مش كفايةان لسه ولادة وبراعي المدام كمان بتحركو مشاعرنا واحنا تعبانين من الولادة قوم يا عم البطل علي اوضتك يلا
باهر:-هش هش من هنا مكاني جمب هنا بصي هنهون صغنونه وهتاخدني جمبه وافضل بحضنها يلا خدي بنتك وروحي مع السلامه بدل ما اخلي جوزك يطردك بالعافيه
سهير:- بنتي ولا ابنك انا برضعهم الاتنين ومش بقيت قادرة ارتاح من زنهم وانت جاي تفرسني وتقولي انام في حضنها
ويدخل رؤوف ويشوف باهر وهو قاعد علي سرير هنا وحضينها من كتفها وبيغيظ في سهير
رؤوف:- انت ايه جايبك هنا يلا علي اوضتك قدامك كمان يومين واخرجك من المستشفي كله انت مريض مزعج جدا
باهر:- خلينا هنا في حضن مراتي وانا مش هزعجكم ولا ايه يا حبي ويبص لهنا يلقيها زعلانه وحزينه يساله مالك يا عمري
هنا:- زعلانه من سهير ليه رضعتيهم علي بعض كنت نفسي اجوز ابني لبنتك حرمتي الاصحاب يكون بينهم نسب كمان
رؤوف:- ومين قال انه مينفعش يتجوزو بعض اسمع بما ان فريدة اكبر من ابنك بيومين انا بطلب ايد الوليد ليها ايه رايك يا باهر ونكمل صداقتنا برابط بين بنتي وابنك
باهر:- خلاص مش هينفع با فالح انت ومراتك الدكتورة الناصحه رضعتهم الاتنين وبقو اخوات في الرضاعه
سهير:- تضحك هنا مش عايزه تشوفي ابنك وتروح تجيبه في سريرة وفريدة كمان وتشيله تديه لهنا اتفضل خدي رضعيه
انامرديتش احرمك م امومتك ويكون اول لبن طبيعي يرضعه منك انا كنت بعمله رضعه صناعي وفريدة رضعتها طبيعي
ومكنش في بالي حكاية جوازهم يمكن ربنا الهمنا بكده علشان يبقي ليهم نصيب مع بعض ويبقي بينا صداقه ونسب
هنا:- تحضن ابنها الله جميل اووي يا باهر واسمه اجمل
مش مصدقه اني كنت عايزه انزله شكرا يا سهير انك وقفتي في وشي ومسمحتيش ليا اخسر ابني الوليد
باهر:- هنا في حاجه لازم تعرفيها اللي انقذك من الموت واتبرعلك بدمه سامح اخو نجلاء وابن خالي عزت
هنا:- تمسح علي خد باهر حبيبي انا مش في قلبي حقد او زعل من حد طول ما انا معاك مسامحة الكل حتي دنيتي سامحته علي عذابها ليا مدمت بحضنك وعايشه بحبك ومعاك
باهر:- ياه انتي اطيب قلب اتخلق في الوجود انتي اثمن جوهرة ملكتها او هملكها في يوم من الايام هنا انا بعشقك فوق العشق عشق السنين والايام وكل كلمة حب اتقالت اول هتتقال او لسه ما اتوجد ليها وصف في كل معاجم اللغه او اي قاموس مهما تكون هو ده حبي وعشقي ليكي يا نور العين
هنا:- تحضنه وتعيط انت كتير عليا اوووي وانا اوعدك مش هسمح لحاجه تبعدني عنك تاني ابدا ابدا
سهير:- تتنهد اه اتعلم من صاحبك مفيش عندك حس رومانسي خالص شوف بيحبها ازاي يارب اوعدنا
رؤوف:- باهر ده بتاع كلام لكن وربي ما حد عشق عشقي ليكي يا مجنونه انتي سبيني واتطلقتي ورغم كده كنت هموت عليكي ويوم ما عرفت انك هتتجوزي كنت زي المجنون ونزلت جري ليكي كل ده مش حب سيبك من الاونطجيه دي بتاعت باهر وتعالي اقولك كلمه في بقك ولا خليها لما نروح الفيلا احسن ونكون لوحدنا ❤❤
سهير:-يوه منك مش بتعرف تكمل رومانسيتك للاخر ابدا يلا اهو احسن من غيرك وكفاية انك حبيب قلبي وعشقي الوحيد
باهر:- بقولك ايه يا رؤوف ما تخليك جدع واكتبلي علي خروج او انقلني هنا جمب هنا كفايه فراق بقي
رؤوف:- بص يا صاحبي خروج لا كله الا صحتك وازي كانت صحتك هتتحسن وانت جمب هنا موافق هنقلك سريرك جمبها بس اسمع مش عايز فضايح يعني تفضل هنا باحترامك اتفقنا
باهر:- موافق طبعا وخلي سرير البيبي هنا كمان وتعالي هنا هات ايدك في ايدي نقراء فاتحة الاولاد ولا هترجع في كلامك يا صاحبي
رؤوف:- لا ده احب ما علي قلبي ويمد ايده ويقراءو الفاتحه
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
وهناك في منزل عزت الدمنهوري سامح يرجع وهو غضبان
عزت:- مالك يا حضرة الضابط مبقتش طايقنا انا واختك ليه
سامح:- عارف يا بابا بسببك ابن عمتي كان هيموت
عزت:- ليه هو انا اللي ضربت عليه نار مش قلت اهل مراته بنت البواب اللي راح اتجوزها وهي من بيئة واطيه
سامح:'- انت مش متخيل عملت فيهم ايه قلبت حياتهم عذاب وخليت اولادها يبعدو عنها بعد سنين من الفراق انت معندكش قلب شايف ابن اختك الوحيدة بيتعذب وكنت سعيد ومبسوط ازاي انا نفسي افهم كنت بتقدر تنام ازاي وهما حياتهم اتقلبت جحيم وانتي يا نجلاء كنت عايزه تتجوزيه ليه وهو كان ميت من غير حبيبته عارف يا بابا باهر كان عنده استعداد يموت وعرض نفسه للموت علشانها كل ده ولا ان هنا يجرالها حاجه
اسمع يا بابا مشاعر الحقد اللي في قلبك ده لازم تخرجها وتغسل روحك من الكره اللي ساكنها وخرب حياتنا احنا كمان وكانت السبب في الوحده اللي عايشين فيها احنا ملناش حد غير ولاد عمتي كفاية قطع لصلة الرحم خلينا نرجع عيله تاني
نجلاء:- ياريت يا سامح حاول تصلح اللي كسرته انا وبابا
انا عايزه ابداء حياتي مع جعفر وانا ليا عيلة اتشرف بيها هما سامحونا وادونا الفرصه لازم احنا كمان نستغل عطفهم ونسامح وننسي اخطاء الماضي ونبداء من جديد مع اهلنا
عزت:- ياه يا ولادي انا كنت بحسبكم هتنتقمو ليا من سجني وسرقة ثروتي لكنكم سلمتم بسرعه من اول جولة كده
سامح:- بص يا بابا انا عرفت كل حاجه جدي هو االي ضيع ثروتنا وكان عمي ممدوح بيه راجل معاكم وادالك ادارة الشركة اللي كنت بتسرقها وكان عارف وسايبك علشان خاطر عمتي وكمان كنت عايز تسرق قضيه وتبيعها وتشوه سمعته كنت عايز يعمل ايه سامحك في سرقته كتيركنت متخيل هيسامح في سمعته اللي عايش بيه لا يا بابا انت اخذت جزائك وبالقانون اللي بقيت رجل من رجاله ولو معرفتش ادي الحق لاصحابه مستحقش اكون منهم وامثلهم انا بطلب منك تراجع نفسك ورغم كل ده عم ممدوح سامحك ودخلك بيته وحافظ علي صلة الرحم اللي محفظتهاش انت كانت مراته عنده اغلي من اختك عندك اسمعني لاخر مره
انا هعمل اللي عليا وارجع لابن عمتي لانه انسان اتشرف بيه
ويخبط الباب وتروح تفتح نجلاء الباب وترجع متوترة
سامح :- مين اللي كانوبيخبط ومالك كده وشك مخطوط ليه
نجلاء:- اصل اصل ويدخل رجل وفي عيونه غضب عارم
عزت:- انت ..........؟؟؟
💥💥💥💥💥💥💥💥💥💥💥💥💥💥💥💥💥
يتبع.......
#سلمي سمير
