《《اللهم اجعلني خيراً مما يظنون ولا تؤاخذني بما يقولون واغفر لي ما لا يعلمون لا اله الا انت سبحانك اني كنت من الظالمين》》
_________________//
البارت الخامس والعشرون❣🌻
🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁
في شركة باهر الهندسية
تدخل هنا مكتب باهر اللي مكنش موجود فيه حد وفجاءة يخرج ليها من اوضة جانبيه ويرحب بيها ويحضنها بحب
باهر:- تعالي في حد عايز يسلم عليكي
هنا:- مين ده
باهر:- تعالي وياخدها ويفتح باب الاوضة الجانبية وتتسمر هنا علي باب الاوضه وترجع لورا لكن باهر يمسكها بقوة ويشدها ليه ويثبتها جمبه ادخلي يا هنا
هنا:- مين جاب دي هنا انا مش طايقاها ليه كده يا باهر وتلف علشان تخرج لكنها تقع من طول مغمي عليها
باهر:- يلحقهاقبل ما تقع ويشيلها وينيامها علي الكنبه ويفوقها هنا:- تفتح عينها وتبكي بحرقه وتحضن باهر بخوف
باهر:- اهدي يا هنا انا مرديتش اجيبها السرايا خفت من رد فعلك ده ان ممكن الاولاد من خوفهم عليكي يطردوها
هنا:- يعني عارف اني مش طايقاها ولا عايزه اشوفها تاني ورغم كده استقبلتها في مكتبك وكمان جايبني اسلم عليها انت ناسي دي ابنها كان هيموت بنتي وهيموتك انت كمان ده غير اللي عملته فيا ايام ما كانت بتربيني وخليتنا جاهلة وخادمه عندها وعند ولادها البنات
باهر:- يمسك ايد هنا اسمعي انتي سامحتي خالي عزت رغم اللي عملو فيكي وكان هيخسرنا حبنا وابننا وانا سامحتها علشانك انتي لازم نمحي الحقد من قلوبنا انتي علمتيني درس مهم لما سامحتي خالي وقولتيلي مدام انت معايا هسامح الدنيا كله وانا بردك مدام انتي معايا هسامح اي حد اذاني فيكي ياريت انتي كمان تفتكري انها الوحيدة اللي باقيه ليكي علي فكره انا عملت ليه العمليه والحمد لله بقت تقدر تمشي بس رفضت ترجع لبلدها هي ومرات ابنها غير لما تسامحيها
هنا اسمعيني عمتك ملهاش حد ولادها الاتنين اتسجنو وابنها بدر لسه صغير وبناتها نسيوها بلاش انتي كمان نسيبها وحيده
متنكريش انها هي اللي ربيتك وصحيح كانت قاسيه عليكي بس يمكن كان هو ده سبب اننا نقابل بعض اتخيلي كده لوهي كانت طيبه وبتحبك مكنتيش جيتي مصر ولا كنت شوفتك وحبيتك ولا اتجوزنا وبقينا عيله
هنا انا واثق في طيبة قلبك سامحيها علشان ابوكي وصلة الرحم اللي بينهم ولا انت عايزه ولاد باسل يقاطعو ولاد بيسام في يوم من الايام اوصلي علشان تتواصلي في اولادك واحفادك وكفاية اللي شافتها وهي جاية تطلب السماح منك وارحميها دي مهما كان ست ضعيفه ومحتاجه للعطف وربنا هيعوضك خير في حياتنا واولادنا ان شاء الله
هنا:- تبكي انت صح يا باهر حاضر هسامحها علشان معاك لازم يكون قلبي صافي وبالي مرتاح لاني بحبك حصلت علي كل الخير اللي بالدنيا وربنا عوضني بيك كل سنيني اللي فاتت
ولازم اطوي صفحة الماضي بكل ما فيها من الم ووجع
وتدخل لعمتها وتاخدها بحضنها حمدلله بالسلامه يا عمتي
تفيدة:- اه يا حضنك الحنون يا هنا سامحيني يا بنت اخويا
انا والله عمري ما كرهتك بس مش هنكر كنت قاسية عليكي لكن ربنانصرك وعلي مقامك وبقيتي احسن من الكل وسامحي ولادي لانهم مكنوش عايزين يؤذوك كره فيكي لكن حسبوكي
حطيتي راسنا بالوحل وجبتي لينا العار سامحيهم يا بنتي
و هما خدو جزائهم حتي اخوهم بدر اتحبس وطلع لانه قاصر
ومبقاش ليا غير مرات فاخر وبدر هما اللي بيسالو عني بعد ما بناتي جحدو عليا بعد ما كنت بظلمك واريحهم علي حسابك وجوزك ابن الاصول والناس المحترمه خدني وسفرنا بره اعمل العمليه ورجعت سليمه لكن قلبي مكسور وحزين لاني ظلمتك وحرمتك من الحنان واستغليت طيبتك وحنانك وشغلتك
خدامة لينا كلنا وحرمتك من التعليم والراحه وانتي طلعتي احسن مني وقلبك زي قلب ابوكي الطيب اللي عاش عمره كله ليكي ومقابلتيش الاساء بالاساءه وسامحتيني يا غاليه
هنا:- خلاص يا عمتي اللي فات مات واحنا ولاد النهاردة وبيت بنت اخوك مفتوح ليكي وربنا يخرجلك ولادك علي خير
وانتي يا فتنه يا بنت الراجل الطيب انتي بنت اصول وربنا هيعوضك خير في بنتك زي ما اكرمتي بنتي وتقلع سلسلتها الدهبيه خدي دي هدية بسيطه لانك اخدتي بالك من بيسام
فتنة:- اللي يكرمك يا ست هنا ويباركلك في اولادك وجوزك الراجل الطيب الشهم اللي متخلاش عنا من يوم سجن فاخر وسليم وجه زارنا وبنا لينا الدار وجاب لينا عفش جديد كله لاجل خاطرك وكمان قالي هيصرف علينا لحد.ما فاخر يخرج من الحبس والله ما قصر معانا ربنا يباركلك فيه يارب
هنا:- باهر ده اعظم انسان في الكون ربنا عوضني بيه عن كل اللي حصلي من يتمي وانا صغيرة لحرماني من ابويا وبقي ليا الاب والام وكل دنيتي ربنا ما يحرمني منك يا حبيبي
باهر:- اروح اجيب باسل ووليد يسلمو علي جدتهم ويخرج ويسيبهم وعمة هنا تحضنها وتبكي وتقولها اه يا غاليه يا بنت الغالي سبحان الله اللي عوضك خير عن كل اللي شوفتيه
هنا:' الحمد لله يا عمتي وانا هكون في كرم حوزي وهطلعك الحج السنادى وانا كمان هطلع معاكي وندعي لبابا بالرحمه
تفيدة:- النبي حبيبك يا هنا بالله عليكي وديني ازور قبر اخويا واطلب منه السماح واقراء ليه الفاتحه
هنا:- حاضر يا عمتي هروح انا وانتي والاود لانهم مزروش جدهم ابدا قبل كده
ويدخل باسل وعلي ايده اخوه يديه لامه ويسلم علي عمة امه
اللي تحضنه ماشاء الله شبه امك واختك معرفتش اشوفك يومها كنت تعبان بسبب اختك تؤامك
باسل:- اهلا يا تيته انا اتشرفت بحضرتك وهنا تناولها وليد وده ابني اللي كنت حامل فيه واخر اولادي
تفيدة:- ياماشاء الله يا ماشاء الله زي القمر ربنا يبارك ويسلم
وتاخده منها وتروح لباهر وتبص ليه بحب
هنا:- انت ايه وازاي قادر تحمل كل الحب ده كله ليا في قلبك
باهر:- لان معاكي عرفت الحب وبيكي اقتنصت كل الحب اللي بالعالم ليكي لوحدك يا حبي عمري وعشقي الوحيد
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀
وفي المساء تتجمع عائلة باهر وعمة هنا ومرات ابنها علي العشاء ويرحب بيها ممدوح بيه وببسام ويارا وعلاء
ممدوح بية:- اهلا بيكي شرفتينا اخوك متولي كان اخ ليا مش مجرد بواب عندي وكان بينا عيش وملح
تفيدة:- تسلم يا بيه ده من كرم اخلاقك انك تعتبر اخويا الغلبان اخ ليك انت فين وهو فين
ممدوح بية:- لا متقولي كده متولي كان صديقي ورفيقي وعلشان كده فرحت لما ابني اتجوز بنته وربنا رزقهم الاولاد اللي هو جدهم زي بالظبط وده شرف ليا لانه كان راجل طيب
تفيدة:- والله يا بيه وشي منك ومن ابنك ومن بنت اخويا في الارض انتو كرمكم معايا انا وولادي تخطي المعقول
بيسام:- ياتيته خليكي معانا يومين واحضري فرح عمتو نجلاء وكمان نتعرف عليكي اكتر ماما بتقول انك شبه جدو متولي خالص وبالمره نزوره
تفيدة:-والله ما ينفع يا غاليه يا بنت الغاليه علشان مرات سليم ولدي لوحدها بالبلد هي وبدر وانا غبت عنهم كتير بسبب سفري للعمليه"
تعالي في حضني يا بنت الغاليه تعرفي انه بسببك وصلت لبنت اخويا والحمد لله طلبت منها السماح يعني لولاكي مكنتش عرفت طريقها ولو مت دلوقتي هقابل وجه رب كريم وانا مرتاحه
هنا:- بعد الشر عليكي يا عمتي هو انا فاضل ليا حد غيرك من اهلي ودمي ربنا يطولنا في عمرك وتفرحي ببدر
تفيدة:- اللهي يسترك يا بنت سنيه وما يحرمك من حبايبك
هنا:- تحضنها وتحس بالراحه ان قلبها صفي لعمتها وارتاحت من شعور الكره ليها اللي كان بيوترها جدا ومعيشه في خوف
وبعد العشا تطلعهم اوضة الضيوف هي ومرات ابنها وبنتها الصغيرة وتطمن عليهم وتروح لبيسام بنتها تطمن عليها وتديلها علاجها والفيتامينات بتاعة الحمل وتروح ليارا تطمن
عليها وعلي ابنها باسل وتطمن انها خدت علاجها وتمسي عليهم وتتمنا لهم نوم هادي واحلام سعيدة
وتروح لاوضتها وتدخل وتشوف باهر شايل وليد وبيحاول ينيمه تروح تاخده منها وترضعه وينام وهو بيرضع
تسمي علبه وتنيمه في سريرة وتروح لباهر تحضنه وتبكي
باهر:- ليه الدموع يا حبي انا بحاول اعمل اي حاجه تسعدك وانتي تبكي ويمسح دموعه ويضمها لصدره مالك بتعيطي ليه
هنا:- انت كتير عليا اوووي يا باهر حبك وحنانك وقلبك الكبير كل ده ملكي انا لوحدي اكيد امي وابويا كانو بيدعولي وابواب السما مفتوحه وعلشان كده ربنا استجاب ليهم وبعتك ليا
باهر:- وانا عملت ايه علشان تكوني ليا يا ملاكي الجميل
هنا:- كفاية قلبك الطيب وروحك السمحه لما خلتني اسامح عمتي حسيت براحه كبيرة اوووي وبشكرك انك رجعته لحياتي تعرف وانا معاها حسيت فيها بروح ابويا ومش عارفه ازاي هقدر اوفيك حقك بعد ما عملت ليها العمليه وخليتها تقدر تمشي تاني بجد انت مفيش زيك ابدا
باهر:- انتي كنتي هتسمحيها لوحدك لان قلبك ابيض من اللبن الحليب بس كنتي محتاجه شوية حماس ام بقي توفيني حقي ازاي تعالي وانا اقولك ويشيلها ويحطها علي السرير افتكري اني قلتلك متتعبيش نفسك كتير علشان هتحتاجي لكل قوتك بليل وجه وقتها دلوقتي مستعده للمعركه
هنا:- هي بقت حرب وتضحك وحتي لو مش مستعده هو حضن منك وبوسه حلوة بتسحبي لعالمك وبتوه معاك فيها
باهر:- الله عليكي يلا نبداء واخد مكافاتي علي رجوع عمتك ونبداء ببوسه طعمه من شفايفك الكريز ده ويلتهم شفايفها بشغف وحب وينطلق في غزو جسدها وهنا تعطبه حب فوق حبه ورغبة اكبر من رغبته لاحساسه الكبير بالسعاده
🌾🌾🌾🌾🌾🌾🌾🌾🌾🌾🌾🌾🌾🌾🌾🌾🌾
وفي الصباح تسافر تفيدة ومرات ابنها بعد.ما راحو زارو قبر ابوها وتبداء هنا في ترتيب حفل زفاف نجلاء وجعفر اللي هيكون خلال ايام وهيتم الزفاف بالسرايا
وتمر الايام سعيد وكلها فرحه ما بعدها فرحه علي العيله
وتشرق شمس صباح يوم زفاف نجلاء وجعفر وتتزين السرايا
باجمل الزينات وتحضر نجلاء ومعاها الميك اب ارتيست ليقوم بتجميلها للزفاف وتستقبلها هنا احسن استقبال وتخصص ليها اوضه في السرايا لتتمتع ببعض الخصوصيه
وتبداء مراسم الزفاف بحضور العريس واهله والماذون ليتم كتب الكتاب وتوكل نجلاء ابيها وبعد عقد القرآن تنزل نجلاء
في ايد اخوها سامح اللي يسلمها لابوها عزت وبدوره يسلمها لزوجها جعفر وتعلو الزغاريد وتصدح الاغاني والموسيقي
والكل يبارك ويهني ويرقص كل واحد مع حبيبته وتفضل سلوي السكرتيرة وحيدة تنظر للعروسين وتتمنا تكون زيهم
في يوم من الايام وربنا يرزقها بابن الحلال اللي يحبها بجد بعد ما اتفسخت خطوبتها من شهر لاكتشافها ان خطيبها متجوز وعنده اولاد وكان بيتسلي بيها وهي سرحانه بتفكر في لعبه بيها ،دموعها تنزل من غير ما تحس وتشوف ظل يقف امامها وتفوق لنفسها وتبعد عنه
سامح:- يطلب منه انه يراقصها تبصله باستغراب لكنها توافق علشان تهرب من عيون الناس اللي بتبصلها وبتتسال ليه دموعها هي كانت بتحب العريس ولا ايه
سامح:- تسمحي ليا اسالك ليه دموعك انتي مجروحه من حد
سلوى:- لا ابدا بس افتكرت نفسي وقد ايه كنت بتمني البس الفستان الابيض وافرح ماما وبابا بيا واريحهم من همي
سامح:-ايه اللي يمنع انتي جميله وواضح انك مثقفه وكمان رقيقة جدا وحساسه بس اظن اللي قولتيه مش هو سبب دموعك هو انتي تقربي للعريس
سلوى:- شكرا جدا لثناءك عليا مش العريس اقرب للاتنين
سامح:- باستغراب ازاي العروسة والعريس مش قرايب
سلوى:- تضحك ايوه فعلا مش قرايب لكن زمايل انا سكرتيرة باهر بيه وهما شاغلين معايا بنفس الشركة فهمت الواضح بقي انك قريب العروسة لانك سالت عن قرايب العريس واستغربت لما قلت اني قريبه للاتنين
سامح:- لا وذكية ولماحه كمان صفات السكرتيرة الناجحه انا فهمت انت ليه سكرتيرة باهر احب اعرفك بنفسي انا سامح اخو نجلاء العروسة وابن خال المهندس باهر وعلي فكرة انا ضابط مباحث ولوحبيت اعرف عنك كل حاجه هعرف بس لحد دلوقتي معرفتش بردك سبب دموعك
سلوى:- تضحك بخجل مش قلت انك ضابط مباحث وتقدر تعرف كل حاجه وريني هتعرف ازاي انا كنت بعيط ليه وتستاذن منه وتروح للفراند تاخد نفسها وتشم هوا
سامح يروح لنجلاء ويطلب من جعفر يكلمها ويسالها
سامح:- انتي تعرفي سكرتيرة باهر دي كويس
نجلاء:- سلوى اه ماله هي عملت حاجه دي بنت طيوبه اوووي
سامح :- باين بس هي كانت بتحب جعفر ولا ايه لقيتها من شويا بتعيط وهي بتبص عليكم بحزن
نحلاء:- لا مش جعفر دي كانت مخطوبه لمهندس بالشركة وباهر فصله لما عرف انه كان بيلعب بيها وانه متجوز وعنده اولاد كان بيستغل قربها من باهر علشان ياخد اسرار الشركة ويبيعها ويكسب بس هي كانت امينه جدا وشكت فيه علشان كده حكت لباهر كل حاجه وطلب منها تسايرة لحد مايتاكدو ويعرفو مين وراها وساعتها اكتشفو خيانته وكمان انه متجوز انجرحت اوووي وفضلت حزينه لفترة بس رجعت اقوي من الاول لانها انسانه ناجحه ومخلصه جدا وطيبه جدا
بس انت بتسال ليه هي عاجبك ولا ايه بصراحه يبقي حظك من السمالو فكرت فيها دي بنت مؤدبة جدا واسال باهر عنها
سامح:- مش محتاج اسال سماهم علي وجوههم
ويروح لباهر اللي كان بيرقص مع هنا ويطلب منها يكلمه
باهر:- ايه واقف لوحدك طبعا مش لاقي واحده تعبرك وترقص معاك تستاهل مش عامل فيها العازب الاوحد
سامح:- لو وافقت هلاقي اللي هترقص وتعيش معايا كمان
هنا:- مش معقول انت بتفكر تتجوز بجد وياتري مين اللي وقعتك وخليتك تتخلي عن عزوبيتك
سامح:- هو مش جوز نتعارف الاول ولو حصل توافق نتجوز
باهر:- وانا ايه دخلي في الموضوع وليه موافقتي هو انت هتخطب مين بالظبط
سامح:- السكرتيرة بتاعتك الانسه سلوي
هنا:- بتتكلم بجد دي بنت سكره لو فعلا معجب بيها سيب عليا الموضوع ده وانا هقنعها بيك
سامح:- بجد ابقي متشكر ليكي جدا ولمعروفك معايا
هنا:- ياه يا سامح ده اقل واجب اعمله معاك واردلك حاجه من جميلك معايا عن اذنكم اشوفها فين واخد رايها
سامح:- هتلقيها في الفراند لسه داخله من شويا
هنا:- تضحك لا بجد دا انت واقع بقي وبتراقبها اخيرا لقيت اللي حركت مشاعرك يا بختك ياسلوي عرفتي تسرقي سامح
وتروح الفراند تلقيها قاعد حطا ايدها علي خدها وسرحانه
تضحك هنا وتقولها الجميل قاعد لوحده ليه في حد مزعلك
سلوى:- ابدا يا مدام هنا بس الجو جو صاخب اووي وانا بحب الهدوء جيت هنا اشم هوا واختلي لنفسي
هنا:- طيب لو قولتلك ان في واحد تعبان من غيابك عنا
سلوى:- واحد مين ويعرفني منين وتعبان ليه
هنا:- ايه في ايه هو انتي هتحقق معايا تنفعي تبقي مرات ضابط بقولك انا بحب الصراحه سامح اخو نجلاء معجب بيكي وطلب مني اتوسط ليه عندك لانه عايز يتعرف عليكي وعلي فكرة ملوش اي تجارب سابقه لا خطوبة ولاجواز وكان رافض الجواز من اصله لانه مشغول دايما ومش عايز يظلم اللي هيتجوزها وهو عارف عنك كل حاجه ها رايك ايه
سلوى:- تنكسف وتوطي وشها معقول اصل انا هربت منه لان ده نفس احساسي نفسي اتعرف عليه اكتر اول مره احس كده
هنا:- طيب تعالي معايا سامح ده لقطه متتعوضش وانت كمان طيوبة زيه وتسحبها من ايدها وتروح لسامح اللي لسه واقف مع باهر وانصم ليهم رؤوف وباسل وصلاح
وتنادي عليه سامح تعالي ويجي جري ويبص لسلوي بفرح
احب اعرفك دي سلوي عندها ٢٧ سنه وبنت فوق الممتازة وتبص لسلوي احب اعرفك سامح الدمنهوري ضابط مباحث وبعتبره اخويا وعلي فكره دمه هو اللي انقذني اتفضلو اتعرفو علي بعض وعايز قبل ما يخلص الفرح تكون عرفتو عن بعض كل حاجه وتقررو هتكملو ولا لاء يلا مستنيه الاخبار الحلوة
وتمشي وتروح لجوزها اللي يمسكها من وسطها ويشدها ليه
باهر:- حبيبة قلبي بقت خاطبه ولا ايه
هنا:- لا حبيبي بس حبيت ان سامح بتجوز ويفرح زي الشباب
باهر:- مش عارف حاسس بحاجه تانيه ورا سعيك لجوازه
هنا:- تشده ليه بغيظ اه انت زعلان انها هتتجوز ولا ايه
باهر:- اوبس حبيبة قلبي بتغير معقول دا انتي دون عن اي زوجة مش لازم تغيري لاني مبعرفش اشوف غيرك يا مجنونه
هنا:- ايوه غيرانه منها لانك اغلب وقتك في الشغل معاه ومن يوم ما فسخت خطوبتها وانت شايل همها لان المهندس اللي خطبها استغلها بسببك وانت شايل همها قلت اخلصك من همها وكمان هجوزها لانسان ممتاز ويستحقها فعلا وكمان قلبي يرتاح من ساعة شفتها اول مره وانا قلبي مش عارف طعم الراحه من الغيرة عليك منها وجتلي فرصه ارتاح حرام
باهر:- يحضنها وانا بموت فيكي وانتي غيرانه عليا كده بقولك ايه ما تجي توريني غيرتك دي كانت تعبه قلبك ازاي وانا هريحك علي الاخر ويشدها ويحاول يطلع لفوق
هنا:- باهر يا مجنون انت مبتشبعش ابدا دايما مشتاق كده ارحم نفسك واهدي كده لحد الفرح ما يخلص ولا ناسي انهم ضيوفك
ممدوح بية:- ايوه هنا عندها حق بطل شقاوة بقي واعقل هو مفيش حد حب غيرك ولا اتجوز غيرك ابنك اعقل منك
باسل :- يدخل في الحوار ومين قالك يا جدو انا طالع شقي زي بابا بالظبط بس حمل يارا منعني اتشاقي ولا ايه يا يارا
يارا:- والنبي يا جدو انت وخالو خليه يهدي عليا انا هولد قبل الاوان من اللي بيعمله فيا
هنا:- تضحك من قلبها بمرح من شابه اباه فما ظلم امه وتبص لممدوح بيه بس يا بابا ممدوح اكيد باهر طالع شقي ليك مدام باسل طالع لابوه شقي كده العرق يمد لسابع جد وتغمزله
باهر:- يضحك اوبس هنا كشفتك وعرفت انك ابو الشقاوة كلها
ممدوح بية:- باهر عيب وانتي يا هنا شايفه باباكي كده
هنا:- تروح تحضنه وتنام علي كتفه انت احلي بابا والله وهي الشقاوة وحشه دي احلي حاجه باهر ورثه منك
ممدوح بية:- لا انتي بكاشه يا هنا بس كلمه في سرك انا كنت اشقي من باهر بمراحل بس مطلبات شغلي كقاضي كانت بتخليني احبس ده جوايا وبيني وبينا مراتي بس
هنا:- تضحك وتوشوشه سرك في بير
بس فعلا باهر زيك بالظبط نفس وفائك لمراتك هو نفس وفاء باهر ليا رغم الشقاوة اكتفيت بحبك لنورهان هانم وحرمت نفسك من الجواز وعايش علي ذكراها
ممدوح بية:- نورهان كانت حبي الاول والاخير ويلا خلينا نزف العروسة وياخدها عريسها ونخلص من ليلتهم دي
وبعد الزفه تنطلق نجلاء وجعفر لبدء حياتهم الجديدة
وسامح وسلوي يتفقو علي ميعاد يروح يتقدم رسمي لاهلها
والكل يطلع ليرتاح وهنا تسبق باهر علشان تطمن علي وليد
وتدخل اوضتهم وتروح لسرير ابنها علشان ترضعه قبل ما تغير حتي فستانها وتستعد لمغامرتها اليوميه مع باهر وشقاوته
فجاء الكل يسمع صراخ هنا وهي بتنادي باهر باعلي صوت باهر الحقني يا باهر اطلع بسرعه .......!!!!
💥💥💥💥💥💥💥💥💥💥💥💥💥💥💥💥💥
يتبع............
#سلمى سمير
