《《اللهم اجمع القرأن في قلبي حفظاً وعلي لساني تلاوة وفي سلوكي خلقاً وارزقني منه العلم والعمل》》
________________//
■■■■■●●《《الخاتمة ج١》》●●■■■■
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
تشرق شمس القاهرة علي سرايا ممدوح الدرملي بعد مضي عشر سنوات علي ابطالنا واليوم هو يوم مميز للعائلة يوم تخرج علاء من كلية الصيدلة وبتفوق والاول علي الدفعه
ده غير شهرتة كلاعب كرة في النادي الاهلي
والكل مجتمع علي سفرة الفطار
ممدوح بية:- اخيرا جه اليوم اللي هحضر فيه تخرجك
علاء:- ايوه يا جدو بس متنكرش ان شهرتي كلاعب طغت علي تفوقي العلمي والدراسي لكن علشان اخليك فخور بيا تفوقت في كل المجالات لانك كنت ليا اعظم جد وعوضتني انت وخالو باهر حرماني من ماما وبابا الله يرحمهم
هنا:- بقي كده يا علاء وانا اللي كنت بحسب نفس امك
علاء:- لا انت حاجه تانيه هما عوضوني لكنك كنت فعلا الام ليا وليارا واتحملتيني سنين طويل ورتبتي ليا مواعيدي وتظمتي ليا حياتي التفوق ده يرجع ليكي انتي يا ماما هنا
باهر:- انا اسعد واحد النهاردة علاء الولد الصغير الشقي بقي راجل ولاعب مشهور والنهاردة هيكرموك لتفوقك الدراسي
في حاجه ممكن تفرحني اكتر من كده في حياتي
باسل:- طيب وانا مش فخور بيا يا بابا انا اخدت دكتوراة بالهندسة وتفوقت عليك وبقيت ادير شركتي الخاصه
باهر:- انا فخور بيكم كلكم بس يلا لنتاخر وفين اولادك
يا باسل مجوش يفطرو معانا ليه
باسل:- الاستاذ ممدوح راح المدرسة ونانسي وشادي في تدريبات الجمباز ويارا معاهم من بدري وهتحصلنا هناك
باهر:- تمام وبيسام وولادها فين
ممدوح بية:- انت ناسي صلاح اخد بيسام والاولاد رحلة لشرم وهيقعدو هناك اسبوعين اجازته السنوية
باهر:- هما سافرو امتي مش كان قايل انه هيسافر الاسبوع الجاي لا سافرو بدري عن ميعادهم ومتنوش يحضرو حفلة علاء
هنا:- لا سافرو الصبح ومش لحقتهم ونسيت افكرهم بحفلة علاء انها النهاردة
علاء:- خسارة كنت عايزه يحضرو لكن مفيش نصيب
تدخل بيسام هي واولادها وصلاح وراها وبيضحكو
بيسام:- تحضن علاء حبيبي يا لوئة بقي كنت تفكر بيسام تنسي يوم تخرجك لا طبعا انا رجعتلك صلاح من نص السكه
صلاح:- والله انتي مجنونه كان لازم تفتكري بعد ما نمشي
بيسام:- اعملك ايه ولادك شياطين دول نسوني نفسي
وتروح تحضن ابوها وجده ثم انا مسلمتش علي بهور ولا جدو
كنت عايزني ارتاح ازاي اعقلها كده كنت هجننك اكتر
صلاح :طيب الحمد لله انها جت علي قد كده ورجعنا من نص السكه بدل ما كنا نوصل وترجعني تاني ماهي مجنونه وتعملها
هنا:- تعالي يا صفاء ايه اللي مامتك ملبسهولك ده
صفاء:- دي قبعه يا تيته علشان الشمس
هنا:- قبعه جميله عليكي يا قلب تيته ومجبتش ليه زيها
لصفي ومنصور وبسمله
بيسام:- لا ياماما جبتلهم بس بسمله لسه صغير وبترضع بلبسه طاقيه ام صفي ومنصور سابوهم في العربيه
باهر:- طيب هاتي بسمله حبيبة جدها وحشتني اوووي
صفاء:- انا زعلانه منك يا جدو يعني بسمله وحشتك وانا لا
ممدوح بية:- لا طبعا بس انتي وحشتي بابا جدو الكبير اكتر
صفاء:- تروح تحضن جدها وانا بموت فيك يا بابا جدو
علاء:- طيب ايه انا هسبقكم وانتو حصلوني واوعي تنسي
تجيب يارا يا باسل لازم تحضرو كلكم الاحتفال والحمد لله بيسام وصلاح رجعو وهيحضرو معانا
تدخل يارا ومعاها الاولاد وتروح لاخوها بفرحه
يارا:- لا انا اللي جيت قبل ما حد يناسي ده فرحة اخويا حبيبي وتروح تحضنه مبروك يا قلب اختك ونانسي تحضن خالها وتبوسه مبروك يا خالو وعلاء يوطي يحضن شادي
باهر:- كده تمام العيله كله هنا يلا الكل يستعد ونروح نحضر حفلة التخرج وتكريم علاء والاستاذ وليد وايه ومحمد جاهزو
وبعد الظهر والكل في القاعه تبداء حفلة التخرج وكان اول طالب هو علاء علاء وطلع يستلم شهادة التقدير وطلبو منه القاء خطبة الدفعه كلها
ويلقي خطبه جميله والكل فخور بيه وممدوح بية عينه تدمع
باهر:- يحضنه في ايه بس ده حفيد من السبعه اللي عندك
ولا ناسي لسه وليد وايه ومحمد
ممدوح بية:- لا ياباهر علاء ليه معزه خاصه في قلبي انت عارف ان امه وابوه ماتو يوم ولادته واتحرم منهم ده غير اني دخلت في مشاكل مع اهل ابوه علشان اربيها انا وانتي والنهاردة وانا شايف تفوقه الرياضي والعلمي حسيت اني قد ايه انا نجحت فعلا في تربيته ووصلته للطريق اللي اكيد لو امه عايشه كانت وصلته ليه وكده يبقي اديت رسالته علي خير وجه وبحمد ربنا انك كنت معايا وكرمني بيك وباولادك
باهر:- ياه يابابا كل ده هم شايله جواك وانا جمبك اومال كنت عملت ايه ولو كنت عجزت او موت يومها في الحادثه
ممدوح بية:- بعد الشر عليك ده انت اللي صبرتنا علي فراق اختك وامك وبحمد ربنا عليك انت وهنا وولادكم اللي ملو حياتي ورجعو الفرحه لقلبي وملو السرايا علينا
باهر:- وانا كمان بحمد ربنا انه اكرمني برجوع هنا ليا وربنا رزقنا منها اولاد زي الفل يشرفونا ويشرفوك
علاء:- لو سمحت يا جدو انت وخالو انا عايز اعرفكم علي تالا زميلتي بس هي رابعه صيدله اصغر مني بسنه
باهر:- اهلا وسهلا بيكي يا تالا يا بنتي
تالا:- اهلا يا اونكل علاء بيعتبرك والده
باهر:- يعتبرني بس انا والده فعلا انا مربية وهو لسه مولود احب اعرفك علي مراتي مدام هنا
تالا:- اهلا يا طنط علاء كلمني عنك كتير وبشكر فيكي جدا
هنا:- اهلا بيكي و ما شاء الله عليكي زي القمر قوليلي امتي نقدر نجي نزوركم ونتعرف علي اهلك يا تالا
علاء:- حبيبتي يا ماما هنا فاهماني عايز اقول ايه
ممدوح بية:- تعالي يا تالا سيبك من الولد علاء ده انا اللي استاهلك اسمعي مني اديني رقم باباكي او حددي لينا معاه ميعاد بس اعملي حسابك انا العريس انا اللي هينفعك مش هو
تالا:- مدام انت انا موافقه يا بابا جدو ومن بكره اتفضل شرفنا
علاء:- بقي كده يا جدو هنقطع علي بعض يعني ولا اه
ممدوح بية:- علشان تحرم تخبي ليا بقي ليك اسرار يا مفعوص وغراميات وبتخبيها علي جدو لا وكمان بتحب من ورايا يا علاء
علاء:- خلاص يا جدو سماح المرادي عيل وغلط وانت قلبك كبير وبيسامح الكل مش هتسامح حفيدك الغلبان
ممدوح بية:- خلاص يا تالا خديه هو من سنك هتعملي بيا ايه وانا عجوز كده يلا بقي ملناش نصيب فيكي اكح اكح اكح
باهر وهنا يضحكو علي ممدوح بيه وهوبيمثل انه عجوز
باهر:- بقي انت عجوز انتي اللي يشوفك يقول انك تصغر مني
ممدوح بية:- قل اعوذ برب الفلق ما يحسد المال الا اصحابه كده يا باهر بتقولها في وشي انا همسك الخشب علشان انت بتحسدني علي صحتي يا ولد ويضحك
صحتي ده نعمه من ربنا وبحمده ليل ونهار عليه وانت تخبطه كده طيب عند فيك انا هدور علي عروسة شابة كده صغيرة تدلعني وتعيد ليا شبابي وهغيظك انت ومراتك
هنا:- انا مالي انا في صفك يا بابا وافرحلك واختارلك العروسه كمان ده يبقي يو الهنا لما اشوفك في الكوشه مع عروستك
ممدوح بيه:- بقي كده بتتريق عليا وتقولي كويشه ماشي انا هوريكم ومتشكر ليكي مش عايزك تختاري ليا انا هعرف اختار لوحدي تعالي يا تالا عرفيني علي اصحابك لما اختار عروسة ليا حلوة كده زيك وسيبك من الناس الحقودة دي
تالا:- وليه تدور يا بابا جدو انا اهو وموافق
ممدوح بية:- لا مينفعش انت لحفيدي علاء انا هشوفلي عروسة تانيه علي ذوقي يلا تعالي معايا وانت كمان يا علاء
ويسبوهم ويمشو وهنا وباهر يضحكو بمرح
وعلاء ياخد تالا ويعرفها علي اهله
علاء:- ده باسل جوز اختي يارا وولادهم ممدوح ونانسي وشادي ودي بيسام وصلاح وولادهم صفاء وبسمله وصفي ومصور وده صديقي وابن خالي وليد خلاقتي في الملاعب
اما التؤام دول ايه ومحمد وخلي بالك اشقياء جدا
تالا:- اهلا بيكم اتشرفت بمعرفتكم جدا
يارا:- بقي كده يا علاء كنت مخبي عننا القمر ده كله لحد.ما تخلص بقيت خلبوص وليكي اسرار علي اختك
علاء:- ايوه علشان اقدر اتقدم ليها وانا راجل عندي شهادة وبشتغل مش لسه طالب وبتعلمي
باسل:- برافو عليك معملتش زيا واتجوزت وانا بدرس كنت بحسبها سهله بس يامي كنت بتاخر علي كليتي وحسيت بحمل زياده من مسؤوليتي كزوج وطالب بس بارا ربنا يخليها ليا وفرت ليا كتير من الراحه لحد ما خلصت وكمان اخدت دكتوراة في الهندسه واسست شركتي الخاصه بيا كمان بمساعدتها ليا بس انت تفكيرك احسن والجواز مش هيطير
يارا:، هو مش هيطير بس انا اللي كنت هطير لو متجوزناش وانت لسه طالب وبتدرس ولا عندك اعتراض
باسل:- هو كنت اقدر اسيبك تطير مني يا قمر
بيسام:- ما انت وصلاح ضحكتو علينا وخطفتونا قبل ما نخلص دراستنا
تالا:- هو الجواز وحش وانا لسه بدرس طمنوني وتبص لعلاء بقولك ايه احنا بنحب بعض من ٣ سنين مجتش علي سنه نصبر انا وانت واكون خلصت وفضيت ليك
علاء:- يبص لبيسام ويارا بقي هي كده بتخوفو عروستي وتطفشوها يرضيك كده يا ابو صلاح
صلاح:-علي فكرة يا انسه تالا بيسام ويارا هما اللي كانو متصربعين علي الجواز واسالي ممدوح بية هيقولك بنفسه
ممدوح بية:- ما انا قولتلك مسمتعيش الكلام سيبك من علاء مش هيقدرك تعالي لجدو حبيبك هيدلعك ويقدرك
علاء:- لا والله انتو متصالتين عليا كل ده علشان خبيت عنكم اني مرتبط وبحبك يا قلبكم الاسود اخص عليكم
بيسام:- تحضن تالا متخافيش احنا كنا بنضحك معاكي احلي حاجه انك تتجوزي الانسان اللي بتحبيه وفي اي وقت بقي مش مهم المهم انكم تبقو معا بعض وتحت سقف واحد
يارا:- انا كنت متغاظه منه لكنك تستاهلي تتخبي عن الكل شكل اخويا بيخاف من الحسد الف مبروك ويلا شدي حيلك عايز نفرح بيكم عن قريب
ومع ترحيب العيله بخطيبة علاء والاتفاق علي تحديد زيارة للتعارف علي اهلها وخطوبتها تنتهي ليلتهم علي خير وسعادة
⚘⚘⚘⚘⚘⚘⚘⚘⚘⚘⚘⚘⚘⚘⚘⚘⚘
ويمر اسبوع وبعد تحديد الخطبه والاتفاق علي الزفاف بعد شهر ظهرت مشكله كبيرة مع علاء
ممدوح بية:- يعني ايه تاخد سكن خاص ليك السرايا كبير وليك فيها زي ما يارا ليها و زي كل واحد من احفادي
علاء:- افهمني يا جدو يارا فضلت بالسرايا علشان اتجوزت باسل وبيسام مع مامتها وابوها ده غير لسه وليد وايه ومحمد
انا عايز ابداء حياتي صح والمال كتير والحمد لله ولما استقل بحياتي ده مش لاني كاره العيشه معاكم بالسرايا بالعكس لكن يا جدو مش عايز تظهر مشاكل في المستقبل تالا مش قريبة حد هنا حتي لو قولتلي صلاح غريب بس متربي مع باسل وبيسام وكمان ابن دادة خالو واخو طنط سهير مرات صديق خالو وشريكة ام تالا هتبقي غريبه وسطكم كل اللي هنا منتسبين لعيلة الدرملي ام انا ابن عائلة بابا علاء شاكر
باهر:- يروح يحضن علاء انت واحد مننا وابننا وكلام انتساب للعائلة ده كلام فاضي وانت مراتك هتبقي غريبه في الاول بس زي اي عروسة بتبقي غريبه عن اهل جوزها بس بالمودة والرحمه بتبقي فرد من العيله وموضوع انك تبقي ليك حياتك لوحدك دي حريتك الشخصيه ومقدرش افرض عليك انا او جدك تعيش معانا بالغصب لكن فكر في اختك واولادها اللي اتعودو علي وجودك معاهم متخلهمش يكرهو مراتك لانها خدتك منهم وهيتحرمو من خالهم بسببها
علاء:- يا خالو انا لا اقدر استغني عنك ولا عن جدو.بس صدقوني كل شاب بيستقل بحياتي وده مش انتقاص من حبكم في قلبي لكن ده الطبيعي وانا مش عايز اخد حق مش حقي السرايا دي لاولاد خالو ام نصيبي انا ويارا انا مش عايزه لان تربيتكم وحنانكم عليا ميسواش كنوز الدنيا مش مجرد ورث في مكان اكتسبت منه الحب والحياة
ممدوح بية:- ده مش،ورث ده حقك بامر الله ولو فعلا مصر تخرج وتتجوز بره يبقي انا اللي هشتري ليك الفيلا اللي هتعيش فيها واختار انت المكان غير كده انا مش هوافق علي اي حاجه ومش هحضر فرحك كمان ها تختار ايه
علاء:- يحضن جده اللي تقوله انا موافق عليه ولو عايزني اعيش هنا بردك موافق انا مقدرش علي زعل جدو حبيبي انا بس كنت بقول وجهة نظري لكن مقدرش ازعلكم مني ابدا
باهر:- طيب انا عندي الحل االي يريح الكل جدك ينتقل معايا في الجناح بتاعي وانت ليك الجناح الغربي كله وتعيش معانا سنه او اتنين لحد ما ابني ليك فيلا في مكان قريب لينا وتكون جديده احسن ما تاخد فيلا جاهزه علي الاقل تخططها علي مزاجك وانا اللي هشرف علي بناءها بنفسي ايه رايك
علاء:- وانا موافق مدام ده هيريحكم بس خلي جدي في اوضته وكفايه عليا باقي الجناح انا مش هستخدم فيه غير اوضة نومي والصالون والباقي مش محتاجه وكمان انا ضيف سنه او اتنين ليه جدي يسيب اوضتة اللي بيرتاح ها اتفقنا
ممدوح بية:- خلاص اتفقنا ونقولك مبروك وانت يا باهر من بكره تبداء في تجهيز الجناح للعروسين وتشوف ارض كويسه وقريبه لينا وتبني عليها فيلا لعلاء وعروستة
باهر:- حاضر يا بابا علم وسينفذ باذن الله
هنا:- ها خلاص اتفقتوا اخيرا اسمع بقي مراتك تجي هنا تحت عيني وهعملك عليها حما وهاعلمها ضروربات الحياة وطلباتك اللي مبتخلصش وهطلعلك عينها اومال ايه دي انا هخليها تكره نفسها واليوم اللي اتجوزتك فيه كمان قال ايه تتجوز بره
عارف لو كنت اتجوزت بره كنت جيت وقعدت علي قلبكم
علاء:-يضحك وانا موافق علي الاقل اسطبح باحلي ماما في الدنيا وكمان مراتي تتوحم عليكي ويجيلي بنوته اموره زيك
باهر:- علاء كفايه كده يا حبيبي ويلا روح عندك تدريب روح سليم احسلك بدل ما تروح مكسر لان جتلك الجراءه وتعاكس
مراتي قدامي وانتي يا هانم ملسوطه اوووي انه بيعاكسك
علاء:- يروح يحضنها ايوه ده حقي فيها ولا نسيت اني ابنها وليا فيها زي اخواتي ويمكن زيادة لاني مشبعتش منها
باهر:- يشدها منه اتلم يا علاء بلاش تخسرني وانتي فرحانه بحضنه اووي طيب انا هطلعه عليكي بالليل
هنا:- لا خلاص حرمت انا مش حملك يا بهورتي سماح يا بيه
باهر:- لا هتتعاقبي يعني هتتعاقبي وهاتي بوسه علي الماشي من اللي عليكي لحد ما ارجعلك بليل ويضحك
هنا:- انت مش هتعقل بابا وابن اختك مش ملين عينك انكسف بقي انت بقيت جد
باهر:- يشدها لحضنها اتكسف من ايه هو انا بعمل حاجه حرام انتي مراتي حلالي ويزيد من احتضانه ليها وبنسي نفسه ويبوسه بقوه مره وبرقه مره وتعددت المرات لحد ما يتنهد
هو ايه ده انا مشبعتش ويبص حواليه ميلقيش حد ويضحك
هنا:- تضحك وتقوله هما اتكسفو منك وانت مبتتكسفش يا مجنون
باهر:- اعمل ايه ما انتي اللي بتجنينيني بجمالك اللي بيزيد كل يوم عن التاني يلا انا ماشي لو فضلت جمبك لا هروح شغل ولا هخرج من البيت
هنا:- ماشي بس متتاخر عايزين نرتب انا وانت كل حاجه للزفاف خلينا نفرح بعلاء عقبال الباقي وبالذات وليد
باهر:- ربنا يعينا عليهم يا حبي ويبوسها بسرعه ويخرج
وتطلع هنا تقعد مع اولادها ويارا ويتفقو علي ترتيبات الزفاف
وشويا والباب يخبط عليهم وتقوم يارا تفتح تلاقي الخادمه
الخادمة:- ست هنا في واحد شكل وهيئته غريبة عايزكي
ضروري وبالحاح ومصر يقابلك
هنا:- مين ده وعايز ايه .....؟؟؟؟؟؟
💥💥💥💥💥💥💥💥💥💥💥💥💥💥💥💥💥
يتبع.........
الي لقاء في الجزء الثاني من الخاتمه بعد قليل
#سلمي سمير
