((لا إله إلا الله رب السماوات ورب الأرض ورب العرش الكريم اللهم إني أسألك الجنة وأستجير بك من النار ))
🌻❣البارت الثامن عشر❣🌻
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀
في احد البيوت القديمة والمتهالكه كانت ترقد بيسام وهي في حالة اعياء شديدة بسبب النزيف الشديد الذي اصابها وتقف بجوارها امراءة في الثلاثين من عمرها
وتصرخ علي جوزها واخيه بعد ان نادتهم ابنتها الصغيرة
الزوجة:- بقولك ايه خلصنا من البلوي دي ورجعها مطرح ما حبتها شكلها ماتت والنزيف مش عايز يقف
الزوج:- انتي مش قولتي فاقت والنزيف وقف ايه جري تاني
الزوجة:- قامت وطلبت تشرب ميه ورجعت اغمي عليها تاني والنزيف رجع بقولك ايه كده انت بتودينا في داهيه
الزوج:- روحي لأمي واساليها نعمل ايه علشان النزيف يقف
يمكن هو سبب الاغماء علشان بيضعفها مش لازم تموت اجري
وتخرج الزوجه وتنزل لتحت وتدخل اوضه كبيرة وشبابيكها واسعه جدا وعلي سرير قديم ترقد عليه امراءه عجوز
صباح الخير ياما ابنك بيقولك في طريقه نوقف بيها النزيف
للشابه اللي جبوها الصبح البت هتموت كده من كتر الدم اللي نزفته ده لو ممتتش اصلا
العجوز:شابه ايه دي اكبر منك اسمعي عندك بقدونس وكرفس
الزوجة:- ايوه عندي هنزل اقطع حبة من الغيط
العجوز:- كويس اغليهم وشربيهم ليها هيقف الدم طوالي
الزوجة:- اشرب مين بقولك مغمي عليها ومش بتتحرك خالص
العجوز:-بردك هتيهم واغليهم ولما تفوق شربيهم ليها ودلوقتي هاتي قماشه وحطي فيها تلج وحطيه علي بطنها من تحت
وهيوقف النزيف ولما تفوق شربيها البقدونس المغلي بالكرفس
وقولي لجوزك يدبح جدي وخدي كبدته واكلهالها اول ما تفوق وتشرب البقدونس اكلهالها بدمه ولو جزعت شوحيها ليها في حته زبده خليها تعوض الدم اللي نزفته
الزوجه حاضر وربنا يستر وتروح تعمل اللي حماته قالت عليه
وتدخل تقول لجوزها كلام امه واطلع بره خلينا احطلها التلج
وهناك في المستشفي كان باسل بيصارع الموت
رؤوف:- يطلب انهم يعملو صدمات للقلب ويشحنو فولت اعلي
وبالخارج يارا تشوف جوزها الشاب المفعم بالحيويه والنشاط
بقي زي الجثه الهامده بدون اي حراك ورؤوف بيصرخ عليهم يشحنو ويعلو الفولت كذا مره ومفيش فايد دكتور مساعد
سيبه يا دكتور رؤوف يرحل في سلام كفاية صدمات كده
رؤوف:- يصرخ اخرصو واشحن تاني انا مش هخسره لا مش هسمحلك تستسلم ويشد باسل عليه ويصرخ فيه باسل ارجع اسمعني وارجع ابوك وامك مش حمل خسارتكم انتو الاتنين
سيب بيسام اتركها ترحل في سلام وارجع انتي ارجع ويخبط علي صدره ويدلكه في ضربات متتاليه ارجع متستسلمش لاء
ويارا تشوف جوزها هو بيروح منها خلاص تصرخ وتقع مغمي عليه رؤوف يصرخ لا يا باسل ارجوك حاول ارجع يا باسل
ويستمر في عمل الصدمات لكن مفيش فايدة الاجهزةعملت اشارة ايقاف النبض رؤوف لاء لاء لاء ليه با باسل حراااااام لاء
ويشدوه الدكاترة من علي باسل يقعد ويحط ايده علي راسه
ودموعه تنهمر كالشلال ويبص لباسل اللي الروح فرقتها ويبكي بحرقه ويسمع الدكاترة تقرير الوفاة الساعه ١١ و٢٢
وفجاء يعود النبض والاجهزه تبداء بعدد النبضات من تاني
وكل الدكاترة تقف مذهوله والنبض بيعود تدريجيا لطبيعته
ويفتح باسل عينيه ويبتسم لرؤوف ويغمي عليه
رؤوف :- يهب من مكانه يحضنه ويتفحص نبضه اللي رجع لمعدلاتها الطبيعيه ويركب ليه محلول ويخرج يطمن يارا
اللي حملها الممرضات لغرفه تانيه لافاقتها من الاغماء
ويدخل عليها رؤوف يكشف عليها وبعد ما يعطيها حقنه
تقوم تصرخ باسل باسل فين باسل اوعي تقولي مات ارجوك
رؤوف:- اهدي اهدي كده باسل بخير والحمد لله وكمان بيسام بخير باسل اصر يرجعها معاه وده دليل ان مؤشرته رجعت لطبيعتها بسرعه جدا بس انتي اقعدي ومتتحركيش كتير لانك معاكي امانه لازم تحافظي عليها يا عالم ممكن يحصل ايه
يارا:- امانة ايه مش فاهمه انا عايزه اشوف باسل دلوقتي
رؤوف:-حاضر هخليكي تشوفيه بس ممكن تهدي شويا علشان اللي في بطنك التوتر عليكي خطر في اول شهور الحمل
يارا:- هي مين اللي حامل قصدك انة يا دوك انت بتتكلم بجد
رؤوف:- ايوه ممكن بقي تحافظي علي الامانه اللي عندك
وتخلي بالك من صحتك ونفسك ولا عايزه خالك يقطع رقبتك
يارا:- تبوسه انت احسن دكتور في الدنيا المهم باسل بخير
رؤوف:-يتنهد الحمد لله ربنا يستر علي بيسام لانها متمسك بيها جدا وبيستسلم لضعفها حاليا هما الاتنين بخير
خلصي المحلول وانا هطمن عليه وهخليكي تشوفيه ويخرج ويسيبها والقلق اللي متملكه يرجع تاني هو قدر يخفيه عن يارا لكن حالة باسل في خطر فعلا بسبب اللي بتعنيه بيسام ومش قادر يفصل بينهم علشان يقدر يحافظ علي حياة باسل
علي الاقل وبقي في حتمية لانقاذ بيسام من اجل انقاذ باسل من الموت المحقق اللي بيحوم حواليه طول ما حياة بيسام في خطر حقيقي ويدعي ربنا ينقذهم الاتنين
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
بيسام:- تفتح عينها وتشوف طفله صغيرة بتتبسم ليها
الطفله:- اماي اماي الست فاقت يا ماي
الزوجة:- اشهد ان لا اله الا الله اخيرا فوقتي وتسندها وتقعدها خدي اشربي ده هيروقك خالص وتنادي لجوزها
ادبح الجدي بسرعه خلينا ااكلها الكبده وهي سخنه وطازة
بيسام:- انتو مين وعايزين مني ايه وجبتوني هنا ليه
الزوحة:- اسمعي انتي جيتي هنا وانتي خلصانه وبتموتي
اسمعي الكلام واقفي علي رجلك الاول وبعد كده اللي انتي عايزه تعرفيه هتعرفيه كله في وقته
بيسام:- يعني انتو خطفيني ولا ايه عايزه افهم
الزوجة:- يا شابه اسمعي الكلام وبلاش اسئلة كتيرة انتي الخسرانه االي هنا دول مبيرحموش وامهم رغم مرضي متهديتش ولسه قوية وكلمته سيف فبلاش تخليهم يقلبو عليكي وانتي مفكيش نفس انا هشوحلك كبده مدبوحه طازه
هترم بدنك وتقويكي وتعوض الدم اللي نزفتيه واسمعي كلامي هتكسبي ولما تشدي حيلك كده ابقي اقفي في وشهم
بيسام:- حاضر بس ممكن سؤال واحد وارجوكي ردي عليا
الزوجة:- تاني سؤال ها قولي وخلصيني
بيسام:- هو في حد لمسني يعني اغتصابني علشان النزيف ده
اصلي مش فاكرة اي حاجه من اللي حصلتلي خالص وفين خاتمي وليه قطعتو صباعي كده انا اذيتهم في ايه نفسي افهم
الزوجة:- بصي اللي عرفته ان في عربية خبطيتك وهما جبوكي هنا علشان كنتي بتجري بقميص نوم ولا معاكي بطاقه ولا يعرفو اسمك باين ناس ولاد حرام خطفوكي واغتصبوكي
وسرقوكي اصلك جميله اوووي لكن اللي مجنيني ان امهم عايزه تشوفك وبتقولهم ميخرجوكيش من هنا غير لما تخفي الاول وهي هتتصرف بعدها معاكي ليه بقي معرفش فاهمه ولادها مش بيسمعو غير كلامها وينفذوه كمان
علشان كده بقولك اسمعي الكلام وخفي وبعد كده اساليهم
بيسام:- يعني انتي متعرفيش اسمي طيب
الزوجة:- لا والله بس بقي الكبده هتبرد وفيديتها هتروح
وتخرج وتسيبها وبيسام تغمض عينها وتشوف شاب بيضحك ليها وروحها بتتخطف عليها وتتبسم علي بسمته الحلوه
وهناك بالمستشفي باسل يفتح عينه ويشوف رؤوف ماسك ايده ويوطي يحضنه اول ما يفوق من الاغمائه
رؤوف:- حمدلله بالسلامه كنت هتوديني في داهيه اختك وباهر وهنا كانو هيموتوني انقذتني يا ابن صاحبي
باسل:- دكتور رؤوف اتصل بماما وبابا وبلغهم بيسام بخير
رؤوف:- عارف بس انا عندي ليك خبر هيفرحك
باسل:- خبر ايه وعرفت ازاي ان بيسام بخير
رؤوف:-يارا حامل ام عرفت ازاي انه بخيربعد اللي عملته فينا
انت تقريبا موت وفقدنا الامل في انعاشك وفجاء النبض رجع ومش كده وبس في ثواني انتظمت ضربات قلبك بكل راحه
اتاكدت ان بيسام فاقت وبخير اول ما فقت انتي
باسل:- احساس غريب انا فعلا حسيت اني كنت خارج جسمي
بس في جسم بيسام كنت معاها وحاسس بالمها وحاسس بالروح بتخفت فيها وكنت ماسك ايدها وهي بتقع مني في بير عميق ضلمه وباخره نور ابيض قوي حاولت اشدها علشان منقعش احنا الاتنين مقدرتش بالعكس كانت بتهوي بسرعه رهيبه وفجاء زي ميكون حد بيدفعها من تحت بقت تطلع هي وتزقني لفوق واول ما طلعت شدتها لحضني فتحت عينها وابتسمت وبصت ليا لقيتني ببعد عنها وبرجع لجسمي واول ما فتحت عيني شفتها بتضحك ليا واختفتي بسرعه
باسل:- دكتور رؤوف انت قلت يارا حامل بجد هي فين
رؤوف:ثواني اروح اجيبها دي كانت هتموت عليك من الخوف
باسل:- طبعا هي تقدر تستغني عني انا حبيب القلب ويخرج رؤوف من عنده ويقول مجنون انت وهي وهو خارج يشوف في وشها سهير وهي غضبانه ووراها امها شايله البيبي
سهير:- انتي هنا بتعمل ايه يارؤوف ومخبي عليا ايه انطق
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
هناك في السرايا ممدوح وصلاح وسامح بيحللو كل تفاصيل
اليوم السابق بالتفصيل وصلاح يحكي اول ما دخلت عليه
بيسام في المحكمه وهي جايه تفرحه بخبر حملها
صلاح:- انا كنت بحقق في افراج عن مشاجرة بالطريق
كان واحد اتسرقت محفظته وهو واخوه ضربو السارق
وكنت بحذره من انه ياخد حقه بايدة وطبعا السارق كان سوابق حطيته بالحبس وكنت بطلع اذن الافراج ودخلت بيسام كنت انا وشخص بحقق معاه وكاتب المحكمه
واستغربت وجودها وبالذات ان المكان مصدر قلق اكبر من خوفي السابق عليها انا وباسل بسبب المشاكل اللي كانت بتعمله بسبب جماىها والتحرش اللي كان بيحصلها اتخضيت اول ما شفتها ازاي تجي مكان زي ده كله مجرمين ومتحرشين
اول ما دخلت سبت اللي بعمله وسالتها لكن هي طلبت اخلص شغلي قعدتها علي الكنبه اللي بالمكتب وروحت اكمل شغلي
وامرت بالافراج وطلبت بطاقتة المفرج عنه واديتها لكاتب المحكمه علشان ياخد بياناته ومضيته علي التحقيق وخرج
وطلبت من سكرتير النيابه يسيباني لوحدنا اول ما خرج لقيت بيسام اتشعلقت في رقبتي زي الطفله وشفت دلع منها نساني مكاني فين ولما فقت طلبت منها انها تروح لكنها اصرت تعملي سهرة خاصه في شقتنا القديمة وطبعا وافقت واتفقنا وخدت مني المفتاح وهي خارجه خبطت في الشخص اللي كنت بحقق معاها كان راجع ياخد بطاقته شديت بيسام من قدامه لان نظارته ليها قلقتني جدا وسلمت ليه البطاقه وخرجت مع بيسام وركبتها تاكسي واديته العنوان كمان وبس بعدها شفتها بالشقه وقضينا السهرة مع بعض وصحيت وسيبتها ويارتني ما سبتها كنت لازم اوصلها للسرايا انا السبب في اللي حصلها
ممدوح بيه:- اسم الشخص ده ايه يا صلاح
صلاح:- اسف يا ممدوح بيه انا مش فاكره لاني اخدت بياناته من بطاقتة الشخصيه اللي ادتها لسكرتير بتاعي يكتبها منها
ممدوح بيه:- اتصل بالسكرتير خليه يجيب بياناته بسرعه
الشخص ده منسيش بطاقته ورحع ياخدها زي ما بتتصور الشخص ده اتلصص عليكم وقصد يسيب بطاقته علشان تبقي ليه حجه يرجع بيها تاني واغلب الظن انه شاف طريقة دلعها عليك وشك انها مش مراتك وبالذات انها خدت منك المفتاح مفيش زوجه ممعهاش مفتاح شقتها ده سبب انه راقبها واستنك لما نزلت من عندها واطمن انها لوحدها وطلع فوق ممكن تكون اتعرضت للاغتصاب وده سبب ليها النزيف ولما خاف علي نفسه انه يتفضح امره لانها صديقه لوكيل نيابه خطفها علشان يداري علي جريمته وربنا بستر علبه ليأذيها
واتت ياسامح استعجل تقرير الطب الشرعي بسرعه هو اللي هيوضح حاجات كتير جدا لو كان حصل اعتصاب ولا لاء
هنا:- اه يا بنتي اتبهدلتي بسببي لو كانت لقت حنيه مني مكنتش فكرت تهرب من البيت وتخرج تحتفل بحملها برة السرايا مع جوزها لوحدهم بس
باهر:- اهدي يا هنا ده نصيبه ان شاء الله هتبقي بخير
صلاح:- يتصل بسكرتير النيابه ويطلب منه ربع ساعه يطلع التحقيق من الارشيف لانه اتحفظ وهيرجع يتصل بيه تاني ويديله البيانات المطلوبه
هنا:- باهر عايزه اطمن علي باسل ارجوك هو اللي حاسس باخته والوحيد اللي هيقدر يطمنا عليها
باهر:- حاضر ويتصل برؤوف علشان يطمن علي حالة باسل
رؤوف:- ايوه يا باهر معاك باسل بخير والحمد لله ثواني
واخليه يكلمك خليك معايا علي الخط
سهير:- باسل ماله باسل فيه ايه انتي مخبي عليا ايه
رؤوف:- اصبري عليا وانا هفهمك كل حاجه
ويدخل لباسل غرفة العناية المركز وسهير تشوف باسل
جوها تغضب وتتجنن عايزه تفهم في ابه وتشوف يارا جاية علي العنايه ووشها اصفر لا في حاجه مش طبيعيه
سهير:- يارا في ايه وانتي هنا ليه وباسل في العنايه ليه
يارا:- د/ سهير حمدلله بالسلامه انتي ولدتي امتي
سهير:- سيبك مني دلوقتي وقوليلي في ايه عايزه افهم
يارا:- مش عارفه اقولك ايه انتي لسه ولادة واللي حصل كتير
وخايفه يكون الزعل خطر عليكي وعلي البيبي لو قولتلك
سهير:- زعل في ايه عايزه افهم وتلبس جوان متعقم وتدخل لغرفة العنايه المركزه وتسمع كلام باسل مع هنا وباهر
باسل:- متقلقيش يا ماما بيسام بخير دلوقتي ومفيش اي الم
هنا:- وانتي يا ضنايا عامل ايه كويس طمني عليك
باسل:- انا بخير طول ما بيسام بخير متقلقش واطمني علينا
ماما عندي ليكي خبر هيفرحك هو مش وقته بس حاجه تخرجك من اللي انتي فيه يارا حامل يا ماما
هنا:- تبكي الف مبروك يا حبيبي ربنا يرجع اختك بالسلامه
وافرح بولادكم انتو الاتنين معا بعض يارب
باهر:- الف مبروك يا باسل شد حيلك وشجع احتك واديلها الامل ان شاء الله ترجعولنا بالسلامه انتو الاتنبن
باسل:- ان شاء الله يا بابا خلي بالك من ماما وانا هحاول ارجعلكم بسرعه وهتكون بيسام معايا وبخير طمن جدو وصلاح سلام يا بابا بحبكم اوووي انت وماما
سهير:- لا انا لازم افهم في ايه مالها بيسام وانت جرالك ايه
وليه محدش قالي ان مراتك حامل هو انا مش اختكم خلاص
باسل:- تعالي هنا الاول وتروح ليه ياخدها في حضنها انتي
احسن واجمل اخت في الدنيا ام موضوع حمل يارا لسه عارف دلوقتي من د/ رؤوف وكمان انتي ولدتي امتي طمنيني
سهير:-ولدت امبارح ربنا رزقني فريدة ممكن بقي اعرف بيسام
فيها ايه وليه صلاح مجاش ليا زي ما قالي امبارح وانت هنا ليه وفي العناية المركزه كمان في ايه حد.منكم يفهمني
باسل:- انا تعبت شويا والحمد لله بقيت بخير اهو زي ما
اتتي شايفه ام بيسام انتي عارفه الحمل لسه باوله وتعبانه
سهير:- بعرفك لما بتكذب دا انا اللي مربياك يا ولد قولي في ايه يا باسل احسلك مالها بيسام فيها ايه
بتسل:- اه اه الم شديد اوووي يا رؤوف الحقني ويمسك
في سهير اللي تتخض عليه وتشوف رؤوف ساكت وهو شايف
باسل بيتالم ومش بيعمل ليه اي حاجه تساعده
سهير:- اعمله حاجه يا رؤوف مش شايفه بيتالم
رؤوف:- اهدي شويا وبشيل ايد باسل من علي كتفها اتمدد
يا باسل وخد نفس قوي واهدي باسل عمل اللي قاله وهدي
سهير:- انا مش فاهمه حاجه ماله باسل وليه بتعامله كده
رؤوف:- باسل بيتالم الم بيسام هو مفهوش حاجه الواضح ان بيسام بتعاني وشكلها هتجهض الحمل ده لو مكنش نزل من النزيف اللي حصلها ادعيلها يا سهير ربنا يسترها معاها
سهير:- مالها بيسام وتجهض ليه هو فين صلاح مش معاكم ليه ردو عليا فيها ايه ببسام مالها ماحد يطمني عليها بقي
يارا:- بيسام اتخطفت يا د/ سهير ومحدش عارف يوصلها
والوحيد اللي علي اتصال بيها هو باسل اللي ممكن يموت لو جرالها حاجه ومن شويا كان هيروح مننا لولا ببسام فاقت
سهير:-ازاي مش ممكن دي ارتباط عاطفي بين التؤام بس مش
لدرجة دي ساعات بيكون في حالات نادرة جدا
رؤوف:- باسل وبيسام من الحالات دي وللاسف باسل حياته متعرض للخطر طول ما بيسام في خطر
سهير:- حبيبتي يا اختي وحببي يا خويا بعدالشر عليكم وفين
صلاح ليه مش عارف يوصل لمراته
رؤوف:- اهدي مينفعش اللي بتعمليه انتي لسه ولدة واي زعل خطر عليكي خدي ماما وروحي وانا هطمنك هفضل جمب باسل متقلقيش اخواتك امانه هحافظ عليهم
سهير:- انت مجنون كلكم محتاجين ليا عايزني اروح وارتاح
ازاي انا هفضل جمب باسل او هروح لهنا افضل معاها حالتها
اكيد صعبه وبالذات انها في اخر حملها وقلبها مش هيتحمل الحمل والضغط النفسي اللي هي فيه دلوقتي بخسارة اولاده
سامحني يا رؤوف انا هروح اقف مع اخويا وهنا وباهر
وتبص ليارا وانتي تعالي معايا وجودك هنا خطر عليكي
وتروح لحماتها تاخد منها بنتها روحي انتي ياماما ولما نطمن
علي باسل وبيسام هرجعلك مع فريدة الصغير للفيلا
فريدة الكبيرة:- روحي يا بنتي ربنا يخليكم لبعض
وهناك بيسام تصرخ من الالم ومتعرفش ايه السبب
الزوجة:- مالك تاني فيكي ايه كنتي هديتي وارتحتي
بيسام:- الم شديد مش قادرة اتحمله خايفه انزف تاني
الزوجة:- ارفعي كده لا مفيش دم تلاقي مغص من النزيف
خدي اشربي باقي العصير المغلي ده وهتبقي زي الفل
بيسام:- حاضر وشكرا علي بتعمليه ليا بس ياريت تعرفي
منهم اسمي ايه انا حسا اني تايهه ارجوكي ساعديني
الزوجة:- وهما هيعرفو منين بقولك لقوكي بالشارع
بيسام:- اه طيب وتغمض عنيها وتشوف اخوها انتي مين
وانا مين ساعدني ارجوك
وهناك في السرايا يجي اتصال سكرتير النيابه مصطفي
صلاح:- ايوه يا مطصفي هات الاسم بالكامل
كويس جدا والعنوان كمان كويس اوي شكرا يا مصطفي
ويلف ليهم صلاح معايا الاسم والعنوان هنعمل ايه دلوقتي
سامح هات اكشف عليه اشوفه مسجل ولا سوابق
صلاح:- مظنش بس لازم نتحرك ايه رايك نعمل ليهم زيارة
مش هنقدر نامر باحضاره او تفتيش بيته بدون اذن نيابه واحنا معندناش اي ادله انه هو ممكن يكون الخاطف الفعلي
ممدوح بيه:- انا معاك في موضوع الزيارة ده
هنا:- خدوني معاكم عايزه اطمن علي بنتي
صلاح:،مش هينفع وانتي بحالتك دي
باهر:- اسمه ايه الحيوان ده ومنين
صلاح:- اسمه بالكامل ....... ؟ومن ......؟
هنا:- ترتعش وتحس بفزع وخوف رهيب وتصوت وتصرخ باهر انقذ بنتي انقذها بسرعه هيقتلوها انقذها يا باهر ارجوك
هو ده اللي خاطفها انا السبب انقذوها قبل ما يموتوها
💥💥💥💥💥💥💥💥💥💥💥💥💥💥💥💥💥
يتبع.......
#سلمى سمير
