Clueless
Nagpupuyos ang damdamin ko sa galit nang umuwi ako ng mansyon. Padabog kong sinarado ang pinto ng aking kwarto at doon nagsisigaw sa sobrang inis at galit.
That Reid Alvedo is a proven arrogant and bastard!
Nanginginig ang kalamnan ko sa sobrang galit. Sa unang pagkakataon sa buhay ko ay idineny ako, hindi ng magulang o kaibigan ko kung hindi ng fiancé ko sa harap pa ng ibang tao! Ayos lang naman sa akin kung ayaw niya makasal sa akin pero ang pagmukhain akong tanga ay hindi katanggap tanggap!
I had a good motive, I wanted to know him so bad and see if things between us will work out. I wanted to try and see how it will go if I get to know him. I just wanted to at least learn more things about him so I can decide if I'll proceed with this agreement or will abandon the promise I made to my parents.
Kaya lang sa ginawa niya sa akin kanina, parang umurong na ang lahat ng interes ko para kilalanin siya at sang-ayunan ang kasal na iyon!
Natural ang pagiging arogante sa mga mayayamang katulad niya. He has everything. Kaya niyang makuha ang lahat ng gusto niya sa isang pitik. Nga lang, hindi ko inaasahan na abot impyerno ang pagkasama ng ugali niya.
Hindi ko gustong mag-isip ng masama sa kapwa ko kaya lang ay paano ko namang mapipigilan ang sarili kung harap harapan niya akong binastos? Not even once! He did it to me twice already and I know he will do it again the next time we see each other!
Buo na talaga ang loob ko! Hindi ko na siya papakasalan! Iyon nga ang magandang gawin, Ali! Matulog ka na lang kaysa isipin ang lalaking iyon!
Nga lang, nagising ako kinagabihan dahil sa paghihisterya ni Mama.
"Aliyah! Aliyah, wake up!"
"Mama?"
Napilitin akong idilat ang mga mata ko dahil sa pagkakayugyog sa akin ni Mama. Pansin ko ang suot niyang formal attire. Mukhang kakauwi niya lang galing sa trabaho. What time is it? Napatingin ako sa wall clock at nakitang alas siete na ng gabi.
"Oh, my goodness, sweety! Ano'ng ginawa mo? Bakit nandito si Reid?! He's waiting for you! What did you do?!" ani Mama sa nababaliw na boses.
Tila nilayasan ako ng antok sa narinig. Bumalikwas ako ng bangon at laglag pangang tinignan ang aking inang naghihisterya na.
"Wh-what did you say, Mama? S-sinong nandito?"
"Reid Alvedo is here, hija! Ano'ng ginawa mo? He told us something happened earlier between the two of you? What did you do?!"
Ngayon ay nang-aakusa ang mga titig sa akin ni Mama. Sumimangot ako. Wala nga akong ginagawa sa matandang iyon! Siya nga ang umaway sa akin!
"Ma, wala akong ginawa sa kanya!"
Nasapo ni Mama ang kanyang noo.
"Mama, I didn't do anything wrong! Siya nga itong may kasalanan sa akin!" giit ko pa.
"My goodness, Aliyah! Magbihis ka at harapin mo ang fiancé mo sa baba!"
Napairap ako nang iwan ako ni Mama sa kwarto ko. Bakit siya nandito? Ano'ng kailangan niya sa akin? Bumisita ba siya para sabihin sa pamilya ko na hindi niya ako papakasalan? Pwes, sige!
