Legendary Slime Tamer (Tagalog)

Chapter 1 - Roan (Revised)

*Blink*

*Blink*

Napadilat bigla ang isang bagito mula sa kanyang pagtulog, nagising nanaman siya ng madaling araw. Sa katunayan, di na niya mabilang ang mga gabi na nai-interupt ang kanyang pagtulog.

Tulala ito at naka titig lamang sa ceiling ng kanyang kwarto at napa hikbi. Dahan-dahang tumulo mag-isa ang mga luha sa kanyang pisngi.

Ba't ba lagi kong napapaniginipan ang mga iyon? Ito ang paulit-ulit na tanong niya sa kanyang sarili dahil sa madalasang pagdalaw ng masamang ala-ala na desperate niyang makalimutan.

Siya ang ating bida na si Roan Limen, isang Neet A.K.A Shut in, walang trabaho at umaasa lamang sa online gaming at ito ang tanging source of income niya. 1 year ago, sa kalagitnaan ng kanyang paglalaro sa isang sikat na online RPG game, isang life events ang di niya inakala na magpapabago sa kanyang buhay.

Habang nasa ingame, biglaan na lamang siyang na 'Force Logout' at hindi na muling nakabalik pa sa loob ng laro. Sa una, binaliwala lamang niya ito dahil sa pag aakalang isa sa mga matalik niyang mga 'Online Friends' at Guild mates ang posibleng gumamit ng kanyang account, pero ang hindi niya inakala ay ito na pala ang huling araw ng kanyang pinakamamahal na Account.

Nalaman nalamang ni Roan sa social medias na may malawakang pang ha-hack ang nangyari sa loob ng game. Isa sa na-apektuhan nito ay ang kanyang account na ang puhunan ay ang kanyang oras, dugo at pawis. Isang Top Ranker, Guild Master at nag iisang pinakamalakas sa buong server ang kanyang Account. Kaya't sa isang iglap, biglang gumuho ang kanyang mundo.

Dahil sa insedenteng ito, lahat ng mamahalin na items at ingame money ni Roan ay nilamas ng mga letseng digital na kawatan. Pati mga nakatagong Treasure Items at Golds sa loob ng Treasury Hall ng kanyang Guild ay winalis rin at walang itinira kahit potions man lang.

Kahit alam ng mga guild members na biktima rin si Roan, nanaig parin ang kanilang mga frustrations lalo na't walang official statement ang Game Company tungkol sa hacking. Para lamang may mabuntungan ang kanilang galit, even though na selfish ang galawang ito, halos lahat ng mga miyembro ay humingi ng compensation kay Roan sa mga nawala nilang precious items. Isa sa mga rason na nag udlot sa kanila ay ang pag tutol ni Roan na lagyan ng security password ang Treasury Hall.

Dahil sa walang tigil na pag D-DM (Direct Message) nila kay Roan sa Bluebird (Social Media) at kabi-kabilang reklamo ng mga buraot na miyembro, ay lalong naging depressed si Roan. Para mabayaran ang lahat, kahit hindi naman niya kasalanan at masakit man, ay humantong na lamang si Roan sa desisyon na ibenta ang tangi niyang account.

Dahil sa larong ito ay huminto si Roan sa pag aaral para makapag concentrate bilang isang pro gamer at para narin kumita ng pera. Pero hindi niya inakala na isa rin ito sa dahilan kung bakit siya na baon sa utang ngayon.

Kaya ganon nalamang ang kanyang pag ka heart broken (mas masakit pa sa iniwan ng jowa) at simula nun ay di na siya humawak ng keyboards kailanman.

******

Bumangon siya sa higaan at nag ayos ng sarili para simulan ang kanyang araw sa pag tratrabaho sa isang construction site.

"Ma, papasok na ako!"

"Cough, cough. Roan, mag almusal ka muna habang mainit pa ang sabaw."

"Hindi na hoh ma, ma lalate na ako."

Bago siya tuluyang maka-alis ay may bigla siyang naalala, lumingon at bagtanong sa kanyang ina. "Ma, may gamot paba kayong natitira para sa week na ito?"