Legendary Slime Tamer (Tagalog)

Chapter 14: Team Doranbalth

| Bone Trove Cave |

"Sa tingin ko kailangan na natin maghihiwalay ng daan... " Sabay turo ng Archer sa tatlong lagusan sa di kalayuan. Siya si Enton na kasamahan ni Doranbalth, siya ang naging Scout ng party dahil wala silang assasin.

"Ano sa tingin mo Master Herzy?" Kaswal na tanong ni Doranbalth.

Sumang-ayon naman ang grupo ni Master Herzy, ayon sa kanilang napagkasunduan ay paghahatian nila ang makukuhang treasures pero kung sino ang maka last hit ng Boss ay sa kanya ang personal belongings ng Boss at aspect beads. Gayunpaman, kailangan rin nilang maghiwalay para makatipid sa oras.

Halos dalawang oras na sila dito sa Cave na nakikipaglaban at marami silang nakuhang mga loots at tsaka Primal Aspect Beads kaso wala itong mga silbi sa mga katulad nilang Ranker dahil puro lamang itong trash rank aspect gear. Ibang usapan naman pag ang aspect gear ay galing mismo sa Cave Boss, dahil newly discovered ang cave nato ay nasa 90% epic gear ang makukuha nila pagnagkataon.

Mataas ang Drop rates sa bagong discovered Cave kaya maliban sa treasures, ang aspect gears ang pinaka popular sa mga treasures seekers lalo na ang mga low level players.

"Sige, dito kami sa kaliwa," pumili agad si Doranbalth at tumitig kay Master Herzy na naka ngiti.

Kumunot ang noo ni Herzy ng makita ang ngiting tagumpay ni Doranbalth, "Kung ganon dito kami sa gitna," Dumiretso agad pumunta ang grupo ni Master Herzy sa gitnang lagusan at hindi na pinansin si Doranbalth.

"Master Herzy, pag kayo ang naka jockpot sa boss make sure na balitaan mo agad ako ahh.. he he" Sigaw ni Doranbalth habang sinusundan niya ng titig ang papasok na grupo ni Master Herzy sa lagusan.

Lumingon si Master Herzy at sinabing, "Sana ay... ganon rin kayo" Medyo cold pero magandang pakinggan na boses ng dyosa, sabay alis at in-ignore si Doranbalth.

Biglang natawa si Doranbalth na parang timang, syempre hindi ito narinig ni Master Herzy dahil sinugarado muna ni Doranbalth na papasukin muna sila.

"Captain, anong nakakatawa? Share mo naman samin?" Sabi ni Jovlar na isang tanker, siya si Mr. Clean na binigyan ng nickname ni Roan.

Lumingon si Doranbalth at tinitigan ang buo niyang Team at sabay grin. Pa suspense niyang ibinuka ang mga kamay at lumutang sa taas ng kanyang palad ang isang Crystal na kulay asul.

"Jargo Crystal! Jusko! Isang uri ng Crystal na nakaka-detect ng mga Boss. Perfect itong gamitin sa mga Dungeon Hunting at Boss Raid! Sa sobrang Rare nito ay napakahirap itong i-obtained dahil nakukuha lamang ito sa Black Laguna Mountain kung saan naka tira ang Jargo Scale Dragon. Balita ko ang crystal na'to ay ang mismong luha ng nasabing dragon!" Napa gasp si Enton sa nakitang item na nasa ibabaw ng kamay ni Doranbalth. Napalunok ng laway ang buong team at nanlalaki ang mga mata ng marinig ang sinabi ng Enton.

"Nung nakaraang buwan ay may isang Guild sa Waterfolk Kingdom ang ni-wipeout ng pinagsanib na lakas ng mga top guild ng dahil lamang sa crystal na yan! Lahat ng teritoryo nila ay nilamas sa loob lamang ng isang araw!" Namutla ang muka ng Acolyte nilang si Yunzu habang tinitigan ang crystal na sumasayaw sa kamay ni Doranbalth.

"Isa nga yang Treasure Class item pero at the same time isa rin yang isinumpang  bagay!" Dagdag ni Enton.

"Well said, tama mga sinabi nyo, gumastos lang naman ako ng 1 million gold para makuha ito. Wag kayong mag alala, may pinsan ako na isa sa mga Guild Master ng Big Three Guilds ng Beastkin Continent kaya malabong may mangahas na i covet ang mga pag-aari ko!" Bulalas ni Doranbalth.