ماما : ريماااااس هيا نوضي ساااعه 1
اني : شويه بس يا ماما نبي رقد 😪
ماما : نوضي منوض ي بايرة نوووووضي بتفنصيه 🙄
اني :نضت خلاص نضت تخلوش الواخد يرقد ع راحته اوف 😑
نضت خشيت للحمام حشاكم طلعت صليت وبدلت ونزلت نفطر معاهم
ماما : فرح هي حتي انت نوضي
فرح : تتاوب حاضر شوي بس
ماما : قلت نوضوا
مسيم : باهي ي ماما خلاص نضنا اووف 😣
بابا : وينكم ي بنات لتوا هدا كله نووم 😏
اني : سهرت امس يا بابا عندي امتحان
بابا : ربي يوفقك ي بابا ويكون معاك
اني : امين
ميسم : صباح الخيير ي قووم
فرح : صباح الخير
علي : ضربني ع رقبتي وينك معش تباني 🤔
اني : اني ولا انت يلي مش باين 🙄
علي : مشاغل ي طشه مشاغل وغمزلها 😉
اني : به به 😂😂 حسستني وزير 😁😂
علي : به سكريه فمك وهو زي القراج
اني : ي بابا كلمه 🙄
بابا : خلي اختك في حالها
فرح : نحن هنااا 🙄
وسيم : وهو نازل صباح الخير وقعمز جنب فرح
بابا : هي بعد تكملو شوي ونمشوا نصلو
علي : حاضر
وسيم : تمام
بابا : وانتم نجوا نلقوكوم واتيين
ماما : ان شالله ي محمد
اني : بابا منبيش نمشي لحوش جدي
امي : بتفنيصه بتمشي وغصبك عنك😒
اني : به 😤
كملنا فطور وقعدنا نضموا ونوتوا ف روحنا
خلي نعرفكم ع حوش جدي جيهت بابا
بابا عنده زوز خوت واخت وحده
عمي الكبير : اسمه سالم واعر هلبا ويحب صغاره وميرضاش فيهم شي حتي ولو كان هما غالطين
عنده 3 شباب و 2 بنات
ولده الكبير : عبد المهيمن مواليد ال 88 موعيد ف جامعه معقد ميحبش البنات مواصفاته طويل وجسمه حلو عيونه سود وكبار شعره اسود عنده لحيه خفيفه
ولده المتوسط : معتصم هدا اقربب واحد ليا فيهم ونعتبر فيه تؤمي مواليد ال 90 متخرج من اقتصاد ويخدم مع بابا وجدوا وعمي ف شركه مواصفاته طويل وعريض عنده عضلات 😍 عيونه عسليات كبار وعنده غمازة ع خده اليسار
ولده الصغير : انس مواليد ال 98 يقرا سنه اولي هندسه كميائيه
بنته الصغيرة :: هنادي بااااااردة ودمها رزين متخرجه من معهد حاسوب مواصفاتها بيضه قصيرة شعرها لي كتافها عيونها متوسطة
عمي الصغير : اسمه عماد موليد ال 83 مش متجوز كان خاطب وفسخ مسؤل ع قسم ادارة
عمتي :سهام شايفه نفسها هلبااا ومتحبناش عندها بنت و ولد
ولدها : اسمه عمر متع بنات وكل يوم مع وحده موالد ال 88 متخرج من it ويخدم مع بابا وجدوا ف الشركه مواصفاته مش طويل ومش قصير
نقشه ع لاسمر عيونه سود وكبار ورموشه طوال
جسمه حلو وعنده لحيه
بنتها :سوسن طيبه وع نياتها مواليد ال 96 متخرجه من لغات ومتخدمش مواصفاتها قصيرة مش هلبا بيضه عيونها متوسطات لونهم اخضر دااكن
روحوا بابا وخوتي من الصلاة
اني : اوووف منبيش نمشي
فرح : علاش متبيش عشان احمد
اني : اي مش قادرة ننسي
فرح : خلاص حبيبتي انسيه وانسي انك حبيته هو الخسران عيشي حيات وانسي والبسي وارجعي زي قبل
اني : ان شالله
مسيم : قصدك انت مزال تفكري فيه والله انك وحده فاضيه 🙄
اني: انت اسكتي وامشي البسي
مسيم : حتي اني ماشيه
اني : لبست سوريه بيضه ع سروال دجين سحابي وسندل ابيض طبعا اني مش متحجبه ودرت ميك اب خفيف
فرح : لبست عبايه اومر خطيبها
مسيم : لبست بنطلون واسع اسود وسوريه بيج ووشاح اسود وشنطه وسندل بيج ف الاسود ودارت ميك اب خفيف
بابا : هيا بنات وينكم
احني : هي نازلين ي بابا
وحني طالعين لقينا ناس جاين وجايبين سيارات وحاجات شكلهم سكان جدد
مهم طلعنا وسلم عليهم بابا وطلع يعرفهم
مهم مشينا لحوش جدي ونزلنا
اني : كيف نازله لقيت احمد حسيت بكمية برود اول مرة نحس بيه
خلي نعرفكم ع احمد
كنت علاقه معاه من الثاناوية ف يوم
اني : حبيبي خيرك متغير الايام هادي
احمد : شي حبيبي ضغظ بس
اني : لا حبيبي وكانت نبرة صوتي مهزوزة وعارفه شن فيه امك مش موافقه عليا وانت مش قادر تقولي
احمد : ريماس حبيبي هادي امي منقدرش نكسر كلمتها
اني : نبكي وخانقتني العبرة 😭 علاش درت فيا هكي حرتم عليك انت وعدتني وقتلي انك مش حتسيبني علاش هكي ي احمد علاش
احمد : اني حبيتك من قلبي وان شالله ربي يبعتلك ولاد الحلال يلي يستاهلك
اني : حسبي الله ونعم وكيل فيك
نرجعوا توا لوقتنا هدا
جت عيني في عينه ولا هزتلي شعرة حب 3 سنين مات
مهم خشنينا لحوش جدي وكانت العيله كلها ملتما
وسمعنا جدي يقوول ......
نجو للعيله الثانيه
ياسين : خلاص يا باتي تميت كل شي
مصطفي : تمام معناها جيب امك واختك من عند حوش خالتك واني وخوتك واقين ع العمال
ياسين : تمام (ف عقله يتكلم ااااه ي باتي ربي يسامحك والله نحبها ورايدها ب الحلال ربي يسامحك ي باتي وخلاص )
من هيا الي يبيها ياسين وعلاش بوه رافضها حنعرفوا ف باقي الحلقات
يتبببع ....
