كل سسسسسسسسسنة وانتم طيبين وبخير 🍁
وينعاد عليكم ب الصحه والسلامة يارب🧡
وان شاءللة يتقبل منكم صيامكم و قيامكم🍂
وصالح أعمالكم وحسن نواياكم ☘️
عيدكم مبارك وعساكم من عواده🌺
حبيت نزيدكم بارت اضافي حيث تكون حلقة 30 هيا نهاية الجزء لأول من روايتي وبأذن الله حنزل الجزء الثاني لما نكمل كتابة وعشان منطولش عليكم ف نفس الوقت
دمتم ف رعاية الله وحفظه☘️🍂
______________________________________
حلقة29 قبل لأخيرة
رواية وتيني💗
للكاتبهTakwa Ali
علي: هكي ياواطي تخلعنا عليك
عمر: ابتسم ويتكلم ب صوت مبحوح قلت نشوف غلاي عندكم
علي: غلاتك كبيرة ياحيوان بس انت تصح وتاخد حقك منه الكلب
عمر: يصير خير من امتي اني راقد
علي : ليك يومين يافالح
عمر: اووف هلبا والله نحس ف جسمي متكسر وجنبي يوجع الزفت
علي: معلش من الخياطة بس
عمر: عندك تليفونك
علي: اي علاش
عمر: نبي نكلمها ياراجل اكيد امي قلبت عليها الدنيا مسكينه ومن قبل عمتك الله الله فيها وزادت توا
علي: اي بصراحه عماد قال امك والله عطتها طريحه نباش القبور
عمر: استغفر الله العظيم وخلاص اعكيني بالله اعطيني ربي يهديها ماعندي مانقول
طلع علي تليفون وطلع من دار بيش ياخد راحته معاها
____________________
ريما: كنت مقعمزة ف دار من ليا يومين منزلتش لوطي نطمن ع جدتي وجدي ب التليفون وامه ف ه اليومين تجي تعيط وتسمعني كلام وتمشي تعبت نفسيتي اكتر ما اني تعبانه وبطني بدت تبان وخشيت ف الشهرال4 وحتيتني ع النوم بسس
ترن ترن
ريما: رقم غريب بس رديت
عمر: الو
ريما: ب صوت اشبه ب الهمس عمر
عمر: عيون عمر وقلبه
ريما: عيوني دمعو انت كويس
عمر: كويس حبيبتي متخافيش اني كويس حمدالله انتي طمنيني عليك كويسة
ريما: كنت بنقوله لا بس محبيتش نزيدة اني تمام كويسة حمدالله
عمر: انتي اول وحدة كلمتها ع فكرة عشان تعرفي بس انك غالية عليا
ريما: ابتسمت نبيك ترجعلنا طيب
