حلقه28
رواية وتيني💗
للكاتبه Takwa Ali
فاتت ليله صعبة عليهم او ل لأصح ع ريما يلي مش عارفة تزعل ع عمر وين وصل بيه الحال ولا ع عليتها يلي مش مصدقتها ولا ع خوها يلي دبس ف مصيبة وهرب
سوسن: ريما كولي حاجه مش كويس ليك هكي
جدتي: نوضي سلم بنتي كولي انت معاك روح حرام عليك
ريما: والله مش قادرة يا جدتي نية مسدودة
جدتي: الله غالب يابنتي قدر ومكتوب من عند ربي والحمدالله علي كل شي نوضي توضي وصلي وادعيله ومتاخديش علي كلام سهام ف لأهير هيا ام متاخديش ع خاطرك منها
ريما: نعرف ياجدتي وعاذرتها تنهدت ااااه ربي يسامحه وينوضه بسلامه يارب
جدتي: نوضي سوسن انتي وريما توضوا وصلوا وبعدها تاكل غصبا عنها
سوسن: حاضر وساندت ريما ومشوا يصلوا
_____________________________
ثاني يوم عندنا ف الحوش
ع سفرة الفطور مقعمزين كلهم إلا اني
ميسم: وكيف حاله توا يابابا عمر
بابا: ياسين قال لتوا مستقرة بس لان خدي اكتر من طعنه ع جيهة كلية ف يستنوا تمر24ويشفوا لو تعدي مرحلة الخطر
علي: كلب هرب طول بعد ماضربه
وسيم: ع فكرة امس اني وسام لحقناه وضربناه وتوا هوا ف المزرعه بتاعنا
علي: بعصبيه وعلاش مقلتش من امس شن تستني
وكان بينوض
بابا: علي قعمز ومتتحركش من مكانك وانت تكمل وتمشي انت وسام تجيبوا الولد وتلحقوني
ماما: ربي ينوضه بسلامه
ميسم: يارب حتي عمتي ف حالتها هادي مش مخليه البنا في حالها معقوله تضربها وهيا ب الحاله هادي
ماما: ف النهاية ولدها يلي ف المستشفي اعذروها
بابا: وينها بنتك
ماما: من حين ماروحنا ف دارها طلعت كلمت فرح ورجعت خشت وسكرت ع نفسها
بابا: تنهد اااه شن ندير به
علي: الحق يابوي جدي زودها قصدي هدا زواج مش لعبه عشان يقرر عليها تتجوز واحد عمرها ماشفاته إلا مرة او اثنين ولو هيا رفضت تتحرموا رأيها مش تضربها
بابا: ضربتها لان قللة ادب علي جدك واني مربتكمش هكي وبعدين اني بوي منقدرش نكسرله كلمه وهوا عطي كلمة للراجل توا خلاص
وسيم: بس يابو قص عليه
بابا: وقف خلاص قلت ومعش نبي نسمع حد يتكلم عليه الموضوع هدا
وركب ليا
ميسم: حسبي الله ونعم وكيل
ماما: ربي يهدي وخلاص ولي عنده خدنة مشالها وماما وميسم ناضوا للمطبخ
