حلقة21
رواية وتيني💗
للكاتبةTakwa Ali
اني: وينك يا حلوة منزلتيش لتوا
ريما: بصراحه معنديش وجهه نقابل بيه العيلة لوطي وبذات لو عمتك تحت حتي هيا
اني: متعدليش حبيبيتي وبعدين انت مش غالطة انت صاحبة حق واي حد يقول عليك كلمة بس قوليلي ولا قولي ل ميسم اختي صغيرة والله لسانها يسد قبيلة مشاءلله😁
ريما: هههه يعطيك السلامة ياريماس لكن بجد مش قادرة ننزل
اني : لا حتي وني ندف فيها لعند ما خشينا لدار النوم وقفتها قدام الدولاب هي يا هانم تو طلعيلي احلي قفطان عندك وتخشي ديري دوش ع سريع وتطلعي نسشورلك شعرك ونديرلك مكياج عيب عاد عريس جديدة انت رة
ريما: بهزوة اي صح
اني: بعدي بعدي وجيت جنب الدولاب (طبعا طلعت اني وعمتي جبنالها لبس قالت كتني قدام ناس في الاخير ومنقدرش نخليها تطلع بي اي منظر)
طلعتلها قفطان اخضر داكن كمامه للمرفق وماشي ع الجسم في فتحه من صدر ع حرفvولعند الرك
به
اني: هالك انتلفي دوشي مابين وتيت السشوار ومكياج
__________________
خشت فرح للمربوعه ومعاها بابا وعلي وعبد المهيمن وجدي
جدي: اسمعيني يا بنتي للاخير ومتاطعينيش
فرح: تشوفلهم ومستغربة امجد وين وعلتش عبد المهيمن معاهم وبوها وخوها
فرح: به
جدي: بنتي فرح انت كبيرة واعية وعاقلة نبيك تستوعبي يلي حنقولة كويس امجد فسخ منك ومباش يقراء عليك الفاتحه لان وصولوه ليك صور وحاجات منبيش نتكلم فيهم بس اكيد انت فهمتي قصدي وباش مننفضحوش قدام الناس عبد المهيمن قري فاتحه عليك يعني تو انت متجوزة عبد المهيمن مش امجد
بابا: فرح بنتي انت تعرفي معزتك عندي وانك غاليا عليا انت العاقلة والكبيرة خطيبك صدق كلام الناس عليك باعك من اول عقبة ف طريقكم لو هو فعلا يحبك وصاين العشرة الي بينكم ره جي وتكلم معاك وفهم الموضوع هدا لو هو شاك طبعا لكن يا بنتي حني درنا هكي منبيش سمعتك تسؤ بين الناس ويطلع عليك كلام ع شرفك وهدا شي اني مستحيل نقبل بيه ولو علي قطع رقبتي وتو انت وليتي زوجة عبد المهيمن ومش حتلقي خير من ولد عمك ليك
علي: فروحة حبيبتي عارف انك مصدومه ومش قادرة تستوعبي يلي صار لكن هدا كله درناه ع هاطرك قبل كل شي
فرح وقفت وقعدت تشوف ل عبد المهيمن : ممكن تخولنا بروحنا لو سمحتم
جدى: خدي نفس تمام يا بنتي وفكري ف الكلام يلي قتلك علية
وقف ع كوز واشر ل بابا وعلي ان يطلعو
وطلعو وقعد عبد المهيمن وفرح بس ف المربوعه
عبد المهيمن: عارف انك متبيش او بمعني لاصح انك مش مستوعبة يلي صار و.. قصت عليه فرح
فرح: زواجنا بيكون لمدة سنه وحدة وحيكون قدام الناس بس ان حني متزوجين لكن لما نكونو بروحنا كل واحد ف دار ولا كأن راجل ومرته وياريت تحترم رغبتي أظن هدا اقل شي نستحقة بعد يلي صار هدا كله
