روايه (حطمت كبريائه)
تاني يوم يصحي اياد ويبص جنبه ميلاقيش جميله ويفتكر انها ف الاوضه التانيه يقوم يغسل وشه ويروحلها الاوضه ويفتح الباب علي طول وهو بيزعق
اياد: انتي ياهانم
جميله تقوم بخضه: ايه فيه ايه
اياد: انتي مش عندك راجل بيروح شغل والمفروض تصحيه
جميله تفوق وتقوم تقف وتقول بعند: وهو انا كنت المنبه بتاع حضرتك
اياد ببرود: كل يوم تصحيني وتحضريلي هدومي واحسنلك يا جميله بلاش تعاندي قصادي
جميله بعناد: مش هحضر حاجه روح حضر لنفسك
اياد بعصبيه ويقرب منها: لاخر مره بقولك متعانديش معايا يا جميله
جميله بخوف تحاول تداريه: ابعد عني اوعي تقرب مني تاني
اياد: عشر دقائق لو الفطار مش جاهز متلوميش الا نفسك ويسيبها ويروح ياخد شاور
جميله: اووووف استغفر الله العظيم يارب
ــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا فريد المنشاوي
محمد: ماما انتي هتروحي لجميله النهارده
الام: لا ياحبيبي هروحلها بكره بتسأل ليه
محمد: اصل انا واحمد ورامي وميس وريم هنروحلهم
النهارده
الام: ماشي ياحبيبي وسلملي عليها
محمد: ماشي ياحبيبتي عايزه حاجه
الام: لا يابني بس متتأخروش هناك دول لسه عرسان
محمد: ماشي ياست الكل يلا سلام ويمشي محمد يركب عربيته ويروح يعدي علي ميس ويتصل بيها
محمد: الو
ميس: ايوه يا محمد
محمد: انا مستنيكي ف العربيه يلا اطلعي
ميس: حاضر اهو نازله وتنزل ميس وتركب جنب محمد
محمد: وحشتيني
ميس بكسوف: ي.ييلا نعدي علي ريم واحمد
محمد: اموت فيك وانت شبه الفراوله كده ههههههه
ويمشي محمد يروح عند احمد الفيلا ويركب رامي مع احمد ريم
ــــــــــــــــــــــــــــــــــــــــــــــــــــــــــــــــــــــــــــــــ
عند جميله واياد
جميله بتحضر الفطار علي السفره وتطلع تنادي علي اياد وتخبط علي الباب
اياد من جوه: ادخل
جميله: الفطار جاهز
اياد: كليه انتي مليش نفس
جميله بعصبيه وصوت عالي: اومال خليتني اعملوا ليه ادام ملكش نفس
اياد ويقوم ويقرب منها ويمسكها من دراعها جامد: قولتلك متعليش صوتك عليا
جميله بخوف وعياط: ح.حااضر
اياد: روحي غيري هدومك دي علشان اخواتك ورامي واحمد جايين
جميله بعياط: حاضر وتيجي تمشي يوقفها اياد
اياد: استني
جميله: نعم
اياد: حسك عينك حد يعرف حاجه من اللي حصل احنا قدامهم اتنين متجوزين وبنحب بعض
جميله بسخريه: اه طبعا وتمشي جميله تدخل اوضتها وتترمي علي السرير وتعيط وبعد شويه تقوم تاخد شاور وتلبس فستان احمر قصير جدا وليه فتحه عند الصدر وشعرها ينسدل علي ظهرها مع بعض لمسات التجميل وتبص علي نفسها ف المرايه بخبث وتقول يا انا يانت يا اياد وتنزل جميله واول مايشوفها اياد يقوم يقف ويتنح وبعد شويه يفوق ويروح عندها ويقول بعصبيه ايه القرف اللي انتي لابساه دا
جميله بهدوء: ماله لبسي ماهو حلو
اياد بعصبيه: لا طبعا مش هتقعدي كده انتي متجوزه راجل يا هانم
جميله ببرود: هو دا عاجبني
اياد ويقرب منها: جميله ارجوكي غيري الفستان دا وبلاش العند دلوقتي
جميله بارتباك من قرب اياد منها: ا.ااانا م.مش هغير حاجه
اياد: ويقرب منها اكتر: جميله اسمعي الكلام
جميله بارتباك اكتر: قولتلك م.م مش هغير حاجه
اياد وفاجأه يشيلها ويطلع بيها علي الاوضه بتاعتها
جميله: انت بتعمل ايه اوعي نزلني
اياد ويطلع الاوضه وينزلها: اتفضلي بقا غيري الفستان دا حالا
جميله: انت ازاي تعمل كده وبعدين انا قولتلك مش هغير حاجه هو دا عاجبني
اياد: لاخر مره بقولك غيري الفستان دا والا متلوميش الا نفسك يا جميله
جميله بعند: قولتلك مش هغي....
ويقاطعها اياد ببوسه طويله وتحاول جميله تقاومه بس تتجاوب معاه وتلف ايديها حوالين رقبته وهو يضمها ليه وبعد دقائق يبعد عنها اياد وهو بينهج وهي تتكسف وتبعد عنه
اياد: جميله ارجوكي البسي حاجه غير الفستان دا مستحيل تقعدي بيه قدام حد
جميله: طيب ماشي انزل انت وانا هغير وهنزل
وينزل اياد وجميله تغير الفستان وتقول بردو يانا يانت يا اياد نصار وتنزل جميله ويشوفها اياد ويتعصب اكتر
جميله لابسه فستان ابيض ضيف جدا وقصير
اياد بعصبيه: ايه اللي انتي لابساه دا اطلعي غيري الفستان دا كمان يلا وفي الوقت دا يسمع اياد جرس الڤيلا ويعرف مين ويقول لجميله اتفضلي اطلعي غيري الزفت دا كمان
جميله بعند وتقعد: مش هغير حاجه تاني وروح افتح
اياد بنفاذ صبر: ماشي يا جميله حسابك معايا بعدين ويروح يفتح ويسلم علي احمد ورامي وميس وريم ويدخلوا يقعدوا كلهم وتقوم جميله تجيب العصير وتقدمه ليهم ويقعدو يهزروا
اياد: ايه رئيكم نقعد ف الجنينه احسن
محمد: اشطا يلا بينا ويروحو الشباب يقعدو في الجنينه
رامي: فاكرين لما اياد اشتري الڤيلا دي كنا بنيجي هنا نعمل ايه
احمد: هههههههه وهي دي حاجه تتنسي
محمد: كنا بنلعب كوره هههههه
احمد: هي الكوره لسه هنا يا اياد
اياد: ايوه لسه مكانها
محمد: طب يلا نلعب
رامي: ايوه يلا
اياد: طيب هقوم اجيب الكوره وهاجي
محمد ويروح ينادي البنات يتفرجو
ويجيب اياد الكوره : يلا نبدأ
رامي: بس مين الحكم
احمد: البنات
محمد انا واياد فريق ورامي واحمد فريق
اياد: تمام يلا
ويلعبوا في جو من المرح والبنات بتضحك عليهم لما رامي وقع علي اياد وبعد وقت
محمد: بس خلااااص مش قاادر كفايه
احمد: وانا كمان تعبت
رامي: طيب يلا نقعد
اياد: يلا
ميس: ايه رئيكم نلعب لعبه
محمد: لعبه ايه
ميس: الاغاني كل واحد يغني اغنيه وصاحب احلي صوت يطلب طلب من حد فينا ويتنفذ
ريم: اه كنا بنلعبها انا وميس وجميله
محمد: طيب يلا هنبدأ بريم
وتغني ريم وبعدها احمد وبعدين ميس ومحمد ورامي
ويجي الدور علي اياد
احمد: يلا يا اياد
اياد: لا انا مليش مزاج اغني
محمد: لا هتغني يلا
اياد: طيب ويبدأ اياد يغني
نفسي اقولك ع اللي بيا نفسي اقولك كلمه واحده انت داري بشوق عنيا متجاوبش ثانيه واحده
سيبني اقولك من الكلام حاجه توصف اللي بيا ولما اخلص فيك غرام ابقي رد انت عليااااا
انت مهما تقولي ايه مش هصدق غير عنياااا
دايب ليله بناديك دايب وانا بهوااااك جوه قلبي انا ليييك حب عيشته معاااك
حبيبي بعد حراام جوه قلبي غراااام ولما عيني تنام بردو بحلم بييك ايوه دايب قلبي فيا ايوه دايب شوق وناار ثانيه واحده تغيب عليا القي ليلي بالنهار
ايوه انا محتاج لحضنك ايوه انا محتاج ليييك نفسي اعيش العمر جنبك نفسي اشوف صورتي ف عنيييك
نفسي اقولك يوم ميلادك نفسي اقولك فيا ايه دايب ليله بناديك دايب وانا بهواااك جوه قلبي انا ليييك حب عيشته معااك حبيبي بعد حراام جوه قلبي غرااام ولما عيني تنااام بردو بحلم بييك
دايب ليله بناديك دايب وانا بهواااك جوه قلبي انا ليييك حب عيشته معااك حبيبي بعد حراام جوه قلبي غرااام ولما عيني تنااام بردو بحلم بييك
ويتخلص الاغنيه والكل يسقف لاياد وهو عينه علي جميله وهي تبص ليه بحزن وتلف وشها الناحيه التانيه
ريم: يلا يا جميله دورك
جميله وتبدأ تغني
اوقات بيجي الصح في الوقت الغلط
والقلب زي السهم لو شدو فلت
اوقات بيجي الصح في الوقت الغلط
والقلب زي السهم لو شدو فلت
وبصراحه الدنيا بتغيرنا براحه ومابين شعور بالذنب والراحه كله اختلط
وبصراحه الدنيا بتغيرنا براحه ومابين شعور بالذنب والراحه كله اختلط
بقا عادي ناس يختارو صح ويتاذو
والحب مش محكوم بحاجه تميزه
مش اي احساس بالسعاده بيتقبل
ولا اي وعد بناخده سهل ننفذه
وبصراحه الدنيا بتغيرنا براحه ومابين شعور بالذنب والراحه كله اختلط
وتخلص الاغنيه والكل يتبهر بصوتها واحساسها مع الاغنيه وتنزل من عنيها دمعه محدش يلاحظها غير اياد ويحس ان روحه بتروح منه لما شاف دموعها
ويستأذن الكل ويمشي وتطلع جميله تجري علي اوضتها وتعيط بانهياار ويطلع وراها اياد ويخبط علي الباب وهي بتعيط وبتكسر كل حاجه قدامها ويخبط اياد علي الباب جامد ويقول: جميله افتحي ارجوكي افتحي
جميله: اااااااه ليييييه ليييييييه يااااااااااارب يااااااااارب ليييييييييه حراااااااام لييييييه
اياد ويكسر الباب ويتصدم من منظر الاوضه ويروح عندها ويغمي عليها بين ايديه
ـــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
