روايه (حطمت كبريائه)
تاني يوم تصحي جميله وتلاقي حد قاعد في وشها وتتخض وتقول انت دخلت هنا ازاي
اياد يبص علي الباب ويقول: من الباب هدخل ازاي يعني
جميله: اطلع بره يا اياد من فضلك
اياد ويروح يقعد جنبها علي السرير ولو قولتلك مش طالع
جميله بتوتر: ا.ا.ا اياد م مينفعش كده
اياد وهو بيقرب منها: بس ايه القمر اللي بيطلع علي الصبح دا
جميله وتبص علي نفسها وتتصدم لما تفتكر انها لابسه بيجامه برامودا
جميله تقوم تقف: اياد ارجوك اطلع بره عقبال ماغير هدومي
اياد: طب ماتغيري هو انا ماسكك
جميله: اطلع بره مينفعش تقعد هنا انزل تحت وانا هغير هدومي وهنزلك
اياد ويقرب منها وهي تبعد وتخبط ف الحيطه وهو قدامها ويقول: ولو قولت مش طالع هتعملي ايه
جميله بارتباك ونفس متقطع: ا.ا ايا اد لو سمح...
اياد ويقاطعها ببوسه علي شفايفها وتحاول تقاوم بس تتجاوب معاه وبعد وقت يبعد اياد وتتكسف جميله ويخرج اياد من الاوضه وينزل تحت وتدخل جميله تاخد شاور وتلبس فستان بينك طويل وجذمه بيضه مع بعض لمسات التجميل وتنزل
محمد: اهي جميله نزلت اهي
اياد: بصي ياجميله طبعا انتي عارفه اننا بنفكر نفتح مستشفي
جميله: ايوه بابا قالي من فتره كده
اياد: وعايزينك انتي تبقي مديره المستشفي
جميله: ايوه بس انا....
محمد: بصي ياجميله المستشفي هتبقا تخصص جراحه قلب ومفيش احسن منك يدير المستشفي دي
اياد: وممكن تروحي كل فتره بس
جميله: طيب موافقه
اياد: طب يلا بينا احنا بقا نروح نشوف المستشفي
جميله: ماشي يلا
ـــــــــــــــــــــــــــــــــــــــــــــــــــــــــــــــــــــــــــــــــ
في المستشفي عند اياد وجميله
اياد: ايه رئيك
جميله: كل حاجه ممتازه بس فين مكتبي
اياد: اهو يلا بينا
وتتدخل جميله المكتب ويعجبها وتقول لاياد: المكتب حلو جدا وتصميمه ممتاز
اياد وهو بيقرب منها: والله المكتب حلو علشان انتي هتبقي فيه
جميله تتكسف وتغير الموضوع: هبدأ شغل من امتي
اياد: من بكره لو حبيتي بس انا كنت عايز اقولك حاجه
جميله: حاجه ايه
اياد: فرحنا ايه رئيك لو يكون يوم الخميس
جميله: الخميس اللي جي اللي هو بعد 4 ايام دا
اياد: ايوه يا جميله
جميله: مستحيل مش هنلحق نعمل حاجه في 4 ايام
اياد: ملكيش دعوه انتي بس بحاجه وكله هيبقي تمام بس وافقي
جميله: يا اياد بس .....
اياد ويمسك ايديها: حبيبتي انتي قلقانه مني او مش مرتاحه معايا
جميله: لا طبعا ياحبيبي مش كده
اياد: انتي قولتي ايه
جميله بارتباك: بقول لا طبعا مش كده
اياد: لا اللي قبلها
جميله بكسوف: يا حبيبي
اياد يبوس ايديها: روح قلب حبيبك وافقي بقي ياجميله
جميله: ماشي يا اياد موافقه
اياد: طيب يلا هوصلك للڤيلا وهروح انا علي الشركه اقول لبابا وعمي فريد
جميله: يلا بينا ويوصل اياد جميله الڤيلا ويروح الشركه
ــــــــــــــــــــــــــــــــــــــــــــــــــــــــــــــــــــــــــــــــ
في الشركه يوصل اياد ويروح عند والده في المكتب ويبقي قاعد معاه والد جميله
اياد: عمي فريد كويس انك هنا انا كنت هاجي لحضرتك المكتب دلوقتي
فريد المنشاوي: خير يا اياد يابني
اياد: خير باذن الله انا بس كنت عايز اطلب من حضرتك نخلي الفرح الخميس اللي جي
فريد: ازاي بس يابني دا فاضل عليه 4 ايام مش هنلحق نعمل حاجه
اياد: ياعمي انا محضر كل حاجه وبعد اذن بابا هقعد انا وجميله في الڤيلا بتاعتي
شريف نصار: اللي يريحك يابني
فريد: طيب جميله رئيها ايه
اياد: جميله موافقه
فريد: طيب علي خير
اياد: شكرا ياعمي عن اذنك هكلم جميله اقولها ان حضرتك موافق
ــــــــــــــــــــــــــــــــــــــــــــــــــــــــــــــــــــــــــــــــــ
عند جميله في الڤيلا
جميله قاعده في اوضتها ماسكه الموبايل وتتصل بميس
جميله: الو
ميس: ايه ياقلبي
جميله: ميس عايزاكي تعالي اقعدي معايا
ميس: فيه ايه يابت
جميله: هقولك لما تيجي
ميس: طيب يا حبيبتي ربع ساعه وهكون عندك
جميله: طيب ماشي وتقفل جميله مع ميس وتنزل تقعد مع مامتها
جميله: ماما اياد عايز يعمل الفرح بعد 4 ايام
الام: ازاي يابنتي مش هنلحق نعمل حاجه
جميله: هو قال الڤيلا جاهزه وكل حاجه جاهزه وهيروح بكره يشوف القاعه
الام: المهم انتي مرتاحه يابنتي
جميله: ايوه يا ماما الحمد لله اياد بيحبني وانا كويسه معاه
الام: ربنا يسعدكم ياحبيبتي
وتدخل ميس وتسلم علي ثريا وتطلع فوق هي وجميله
ميس: فيه ايه بقي
جميله: اتفقت انا واياد الفرح هيكون يوم الخميس
ميس بصدمه: بتهزري صح مش معقول يابنتي دا فاضل 4 ايام
جميله: هو بيقول كل حاجه جاهزه بس مش عارفه ليه انا قلبي مش مطمن
ميس باستفهام: قصدك ايه
جميله: لا ابدا مفيش المهم هننزل بكره انا وانتي وريم نجيب الفساتين
ميس: ماشي ياقلبي هعدي عليكي بكره الضهر
جميله: ماشي يا حبيبتي
ــــــــــــــــــــــــــــــــــــــــــــــــــــــــــــــــــــــــــــــــــ
في الشركه عند اياد في المكتب يدخل عليه رامي
رامي: صح اللي سمعته
اياد: سمعت ايه
رامي: هتتجوز جميله بعد 4 ايام
اياد: ايوه
رامي: نفسي اعرف هتستفاد ايه يا اياد من اللي بيحصل دا
اياد: هستفاد كتير
رامي: ربنا يهديك يا صاحبي بس احب اقولك جميله بتحبك ولو خسرتها هتتعب علشان تعرف ترجعها ليك تاني دا لو رجعت سلام يا صاحبي وفكر كويس في كلامي ويمشي رامي واياد يقعد يفكر في كلام رامي
اياد بسخريه: اياد نصار مبيندمش علي حد وبكره تشوف
ــــــــــــــــــــــــــــــــــــــــــــــــــــــــــــــــــــــــــــــــ
معلش ياجماعه البارت صغير بس تعبانه اوي والله وتعبت لحد ماكتبته واتمني يعجبكم ورئيكم يهمني
بقلمي: دنيا إمام
