روايه (حطمت كبريائه)
ڤيلا شريف نصار
احمد: رامي متنساش الاجتماع بتاع النهارده دي فرصه كويسه لشركتنا
رامي: لا فاكر بس هاجي علي ميعاد الاجتماع علشان عندي شويه شغل كده
احمد: طيب تمام همشي انا بقا
رامي: ماشي وانا هطلع اشوف اياد من ساعه مارجع من المستشفي انبارح وهو في الاوضه مش عايز يكلم حد ولا ينزل
احمد: طيب يلا انا هطلع معاك اطمن عليه
ويطلع رامي ومعاه احمد لاياد واول مايفتحوا الباب يلاقوا اياد قاعد علي السرير ماسك صوره جميله ودموعه نازله
احمد: اياد
اياد ويمسح دموعه: ايوه ياحمد
رامي: ايه ياعم من ساعه مارجعت انبارح ومحدش شافك
اياد: معلش يارامي بس محتاج اكون لوحدي
احمد: بس قعدتك لوحدك مش هترجع جميله
رامي: روح لمراتك يا اياد اطمن عليها وخليك وراها لحد ماتسامحك
اياد: جميله طلبت الطلاق
رامي: ايه
اياد بحزن: قالتلي مش هتقدر تشوفني غير اني السبب في موت ابنها
احمد: معلش يا اياد كل حاجه هتتحل بأذن الله
رامي: ايوه يا صاحبي روح وكلمها تاني وخليك وراها متسيبهاش هي اكيد محتجالك بس غصب عنها اللي حصل معاها مكنش قليل
اياد: نفسي تسامحني نفسي تعرف اني مخونتهاش
ــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا فريد المنشاوي
فريد المنشاوي: محمد انت رايح الشركه امتي
محمد: شويه كده يا بابا رامي هيعدي عليا
فريد المنشاوي: ماشي يابني ربنا معاكم
جميله: صباح الخير
محمد: صباح النور ياقلبي
فريد المنشاوي: صباح الخير ياحبيبتي
جميله: بابا لو سمحت انا عايزه انزل ابدأ شغل في المستشفي تاني
فريد المنشاوي: بس انتي لسه تعبانه يابنتي
محمد: ايوه ياجميله انتي لسه تعبانه
جميله: يا محمد انا بقيت كويسه ومش عايزه اقعد في البيت عايزه انزل شغلي
فريد المنشاوي: يابنتي احنا خايفين عليكي
جميله: ياحبيبي والله انا كويسه بس
ويقاطعها صوت اياد
اياد: بس ايه مفيش شغل دلوقتي
جميله: انا بكلم بابا وبعدين انت ايه اللي جابك هنا
اياد: واضح يا هانم ان انتي ناسيه اني جوزك
جميله: وانا طلبت الطلاق
محمد: ايه
فريد المنشاوي: ايه اللي انتي بتقوليه دا ياجميله عيب كده
جميله: انا اسفه يا بابا بس انا فعلا طلبت الطلاق ومش هرجع في قراري تاني
اياد وهو يتنهد لكي يخفف من عصبيته: جميله تعالي نقعد الاول ونتكلم بلاش نفرج الناس علينا
جميله: وانا مش هقعد معاك وقولت طلقني يا اياد وتسيبه وتطلع علي اوضتها
محمد: معلش يا اياد انت عارف ان هي لسه تعبانه وكل حاجه هتبقي كويسه بأذن الله
اياد: لو سمحت ياعمي ممكن اطلعلها
فريد المنشاوي: اكيد يابني اتفضل ربنا يهدي الامور بينكم
ويطلع اياد عند جميله الاوضه
جميله انت ازاي تدخل الاوضه من غير إذن
اياد: تفتكري اني محتاج إذن علشان ادخل اوضه مراتي
جميله: وانا مش كل مره هقولك اني طلبت الطلاق
اياد: وانا مش هطلقك ياجميله علشان ببساطه انا مش هقدر اعيش حياتي من غيرك
جميله: وانا مش عايزه اعيش معاك
اياد: جميله ارجوكي اسمعيني وحاولي تفهميني بلاش تضيعي الحلو اللي بينا بسبب قرار سريع
جميله: وانا مش هرجع في قراري تاني
اياد بحزن: جميله طيب اسمعيني لاخر مره وبعد كده خدي القرار اللي يريحك وصدقيني مهما كان قرارك هيتنفذ
جميله بقوه عكس مابداخلها: اسفه يا اياد بس مبقاش ينفع اسمعك لو سمحت طلقني
اياد بحزن ودموع في عينه: حاضر ياجميله هطلقك انتي طالق ياجميله اتفضلي الكاميرا دي ياريت تفتحيها وتشوفي اللي فيها كويس عن اذنك ويسيبها ويمشي والدموع في عنيه ونقعد جميله علي السرير وتعيط وبعد شويه تمسح دموعها وتمسك الكاميرا وتفتحها وتشوف اعتراف مايا وميرڤت وتتصدم ازاي هي اتسرعت كده ويدخل عليها محمد
محمد: عرفتي بقي ان اياد بيحبك ومستحيل يخونك
جميله: انا غلطت يا محمد غلطت اياد طلقني وتترمي في حضنه وتعيط
محمد: اهدي ياجميله خلاص ارتاحي
جميله: اهدي ازاي بس اياد خلاص طلقني وهيبعد عني
محمد: ياحبيبتي اياد بيحبك مستحيل يبعد عنك
جميله: محمد لو سمحت احكيلي كل حاجه حصلت وانا مخطوفه
محمد: حاضر ياقلبي بس ارتاحي ويحكي محمد لجميله اللي حصل وازاي اياد انقذها من اللي كان بيحاول يعتدي عليها وازاي مايا وميرفت وتالا خططوا
جميله: ليه كده انا عملت ايه لكل دا عملت ايه وتنهمر دموعها
محمد: اهدي ياحبيبتي انتي تعبانه ارتاحي دلوقتي وكل حاجه هتبقا تمام بأذن الله
ــــــــــــــــــــــــــــــــــــــــــــــــــــــــــــــــــــــــــــــــــــــ
في الشركه
يدخل اياد مكتب احمد
احمد: اياد انت مش قولت هتروح لجميله
اياد بحزن: طلقتها يا احمد
احمد: انت بتقول ايه ويدخل رامي
رامي: فيه ايه يا جماعه
احمد: اياد طلق جميله
رامي بصدمه: اييه ليه يا اياد عملت كده
اياد بحزن: خلاص يا رامي انا مش قادر اتكلم
رامي بحزن علي حاله: طيب خلاص يلا بينا ياحمد علشان الاجتماع
اياد: انا هاجي معاكم يلا
احمد: طيب يلا
في اوضه الاجتماعات يدخل رامي واياد واحمد
محمد: اياد
اياد: محمد معلش مش عايز اتكلم في حاجه دلوقتي
محمد: اللي تشوفه يا اياد يلا علشان الاجتماع
وبعد وقت يخلص الاجتماع وتدخل ميس
ميس: استاذ فريد عايزكم في مكتبه دلوقتي
محمد: طيب ماشي يلا بينا يا شباب
في المكتب يدخلوا الشباب
محمد: حضرتك عايزنا
فريد المنشاوي: ايوه تعالوا
احمد: خير ياعمي
فريد: خير يابني بس الفرع اللي ف امريكا حصلت فيه مشاكل بسبب المناقصه الاخيره ولازم حد يسافر يشوف المشاكل اللي هناك
احمد: بس انا ياعمي مش هينفع اسافر واسيب ريم لوحدها حضرتك عارف ان هي بتتعب كتير بسبب الحمل
فريد: بس لازم حد يسافر
اياد: انا هسافر ياعمي وهرجع استقر هناك
محمد: وجميله يا اياد هتسيبها
اياد: كل حاجه انتهت خلاص يا محمد بأذن الله ياعمي هسافر في طياره بكره الصبح عن اذنكم
ــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا شريف نصار
نور في اوضتها يدخل عليها زياد
زياد: الجميل عامل ايه دلوقتي
نور بتعب: زياد انا الحمد لله كويسه انت مروحتش الشركه ليه
زياد: ابدا مليش مزاج قولت اقضي اليوم معاكي
نور: ربنا يخليك ليا ياحبيبي ويخبط الباب
رامي: يعني انت سايبنا غرقانين في الشركه وانت قاعد هنا
زياد: ايه اللي حصل
رامي: ابدا بس اياد هيسافر الفرع اللي ف امريكا وناوي يستقر هناك
نور: ازاي وجميله معقول يسيبها لوحدها
رامي: للاسف جميله طلبت الطلاق ومصممه عليه واياد طلقها وهيسافر بكره الصبح
زياد بصدمه: انت بتقول ايه
رامي: دا اللي حصل
نور بحزن: ليه الناس الكويسه دايما يحصل معاها كده ذنبهم ايه هما علشان يفترقوا بسبب طمع وجشع ناس تانيه
زياد: كل حاجه هتتحل ياحبيبتي انشاء الله
ــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا فريد المنشاوي
ثريا: يعني هنسيب الولاد يضيعوا نفسهم كده
فريد المنشاوي: للاسف خلاص اياد هيسافر بكره الصبح
جميله: فيه ايه يا ماما
فريد: ابدا مفيش بس اياد هيسافر بكره الصبح امريكا وهيرجع يستقر هناك تاني
تتصدم جميله وتنزل دموعها وتطلع اوضتها
ثريا: لازم يعرفوا ان هما كده غلط وكده بيضيعوا حياتهم مع بعض
فريد: ربنا يهديهم اومال محمد فين
ثريا: في اوضه المكتب قال بيخلص شويه شغل
فريد: طيب انا عايز اتكلم معاه في موضوع ميس البنت ملهاش ذنب احنا اتفقنا مع اهلها الخطوبه تبقي بعد اسبوع وأجلنا الموضوع اكتر من مره
ثريا: طيب ماشي
ويدخل فريد المكتب عند محمد
محمد: بابا اتفضل تعالي اقعد علي المكتب
فريد: لا يابني خليك انا بس عايزك تكلم ميس علشان الخطوبه مينفعش كده يابني الناس تقول علينا ايه
محمد: انا كنت هكلم حضرتك بردو بس انا كنت عايز اعمل فرح علي طول
فريد: طيب يابني كلمها وخدلنا ميعاد مع اهلها علشان نتفق معاهم
محمد: حاضر يا بابا
ــــــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
