روايه (حطمت كبريائه)
عند مايا وميرڤت
ميرڤت: انا مش طايقه اللي اسمها جميله دي
مايا: ولا انا مامي انا مش قادره اشوفها مع اياد ولا قادره اشوف الحب اللي بينهم دا اعملي حاجه يامامي انا بحب اياد اوي
ميرڤت: اياد هيكون ليكي وكل حاجه هتكون ليكي قريب اوي
مايا: ازاي بس يا مامي
ميرڤت: هقولك.........
مايا: تفتكري الفكره دي هتنفع
ميرڤت: ايوه بس انتي نفذي اللي بقولك عليه
وتيجي عليهم فريده: احنا هنروح نتغدي في النادي ايه رئيكم نروح كلنا ونتصل بيهم في الشركه يجولنا علي هناك وبالمره اعرفكم علي اهل ريم وجميله
ــــــــــــــــــــــــــــــــــــــــــــــــــــــــــــــــــــــــــــــــــــ
عند اياد في الشركه
اياد: انا هروح عند تالا الڤيلا دلوقتي
احمد: العيله كلها مستنيانا في النادي
رامي: وهتقول لجميله كنت فين لما تسألك
اياد: هقولها كان في شغل في الشركه ومعرفتش اجي
رامي بعدم اقتناع: طيب يلا بينا احنا يا احمد
ــــــــــــــــــــــــــــــــــــــــــــــــــــــــــــــــــــــــــــــــــــ
عند ميس واريچ
ميس: خلصتي يا اريچ محمد وصل وواقف بره الڤيلا مستني
اريچ: ايوه مع اني مليش مزاج
ميس: مش هينفع كده يا اريچ حاولي تنسي
اريچ: لو كان بايدي كنت نسيت من زمان
ميس: معلش ياحبيبتي ربنا هيعوضك خير باذن الله
اريچ: يارب ياقلبي يلا بينا
ميس: يلا ياحبيبتي وتنزل ميس واريچ يركبوا مع محمد العربيه
محمد: عاملين ايه
ميس واريچ: الحمد لله
محمد: اكيد ميس اللي اخرتنا عارفها
ميس: لا والله بقي كده طب علي فكره بقي اريچ اللي اخرتنا انا جاهزه من بدري
محمد: يالهوي خلاص خلاص
اريچ: ههههههههههههه الله يكون في عونك والله
محمد بصوت واطي: اه والله الصبر يارب
ميس: بتقول حاجه
محمد: احم بقول نمشي علشان منتأخرش
ميس: اه بحسب
محمد: لا متحسبيش
اريچ: هههههههههههههههههههههه
ويمشي محمد علي النادي
ــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا شريف نصار
فريده: يلا ياجميله
جميله: انا جاهزه يا ماما بس هطلع اشوف ريم
فريده: طيب بسرعه
وتطلع جميله عند ريم تلاقيها في الحمام بتاخد شاور وتقعد تستناها بس تفتكر انها نسيت الموبايل بتاعها
وتروح علي اوضتها وتفتح الباب تلاقي مايا في الاوضه
جميله: انتي بتعملي ايه هنا
مايا بخضه: ا.ا.انا ك.ك.كنت احم قصدي طنط فريده قالتلي اشوفك خلصتي انتي وريم ولا لا
جميله: طيب اتفضلي اطلعي بره ومتدخليش الاوضه دي تاني
مايا بخبث: اه اكيد مش هدخل هنا تاني وتنزل مايا وعلي وشها ابتسامة نصر
وتاخد جميله الموبايل بتاعها بعصبيه وتروح عند ريم تلاقيها خلصت لبس وينزلوا تحت
جميله: يلا يا ماما احنا جاهزين
ويمشي الكل يروح النادي
ــــــــــــــــــــــــــــــــــــــــــــــــــــــــــــــــــــــــــــــــــــ
عند اياد في الشركه يخلص شغل ويركب عربيته ويروح عند تالا الڤيلا ويدخل يسأل احد الخدم
اياد: تالا موجوده
الخادم: ايوه يابشمهندس اتفضل حضرتك هطلع ابلغها ان حضرتك هنا
ويطلع الخادم يبلغ تالا بوجود اياد وتنزل وهي بتجري عليه وتحضنه
تالا: حبيبي وحشتني اتأخرت عليا ليه
اياد ويبعد عنها: معلش كان عندي شغل
تالا وتقرب عليه: مش مهم المهم انك معايا
اياد يبعد عنها: تالا لو سمحت مينفعش كده
تالا: مينفعش ليه انا حبيبتك وهبقي مراتك
اياد ولسه هيتكلم يسمع صوت الفون ويلاقي رساله من جميله (اياد حبيبي العيله كلها راحت النادي وانا في الڤيلا محضرالك مفاجأة تعالي بسرعه مستنياك)
تالا: ايه ياحبيبي مالك
اياد: تالا معلش انا لازم امشي دلوقتي
تالا بحزن: انت لحقت يا اياد
اياد: معلش يا تالا بس عندي مشوار مهم هبقي اجيلك وقت تاني
ويمشي اياد يروح علي الڤيلا وهو فرحان انه هيقضي وقت مع جميلته
ــــــــــــــــــــــــــــــــــــــــــــــــــــــــــــــــــــــــــــــــــــ
في النادي الكل متجمع
مايا: معلش يا جماعه انا هستأذن علشان عندي مشوار مهم وتبص لجميله بنظره بارده
جميله تحس ان قلبها بيوجعها وتحس بخوف متعرفش سببه ايه
اشرف نصار: رايحه فين يا مايا
مايا: خارجه مع صحابي
ميرڤت: طيب ياحبيبتي متتأخريش
مايا: حاضر وتمشي
فريده: والله ليكي واحشه يا ثريا
ثريا: وانتي كمان والله يا فريده
فريده: ابقي تعالي نورينا في الڤيلا وكمان تقعدي مع بناتك شويه
ثريا: والله ربنا يعلم البيت من غيرهم عامل ازاي
محمد: ايه دا ايه دا هو انا قليل في البيت ولا ايه
ريم: علشان تعرف بس
ميس: والله ياطنط بصراحه ليكي الجنه ههههههه
ثريا: اه والله يابنتي
محمد: احم من الواضح ان الكل اتفق عليا
اريچ: ههههههههه واضح انهم بيحبوك اوي
شريف نصار: اهو ذياد وصل اهو
تحس اريچ بوجع في قلبها اول ماتسمع اسم ذياد
وتبص وراها وتشوف ذياد وتتصدم
ذياد: معلش ياجماعه اتأخرت عليكم ويشوف اريچ ويتصدم
محمد: نورت ياخويا تعالي اقعد
ميس: اريچ مالك فيكي حاجه
اريچ:لا ابدا انا هروح اتمشي شويه
جميله: خليكي يابنتي قاعده معانا
اريچ: معلش هروح اتمشي شويه وهرجع
ريم: متتأخريش
اريچ: حاضر
محمد: ماتقعد يابني مالك مفيش حد غريب دي اريچ بنت خال ميس
زياد يبصلها ومازال مصدم: ت.تشرفت بمعرفتك
اريچ تبصله بحزن: الشرف ليا وتمشي اريچ وتتمشي علي البحر
احمد: ماتقعد يابني
ويقعد ذياد بس يسرح ويفتكر
فلاش باك
زياد: خلاص يا اريچ كل حاجه انتهت
اريچ: ليه بتقول كده انا مقدرش اعيش من غيرك
زياد: قولتلك خلاص كل حاجه انتهت انا مبقتش بحبك ولا عايزك في حياتي
اريچ بصدمه: لا مستحيل انت بتحبني انا عارفه انك بتحبني وانا كمان بحبك اوي بس بطل كلامك دا بقي
زياد بعصبيه: قولتلك مبحبكيش انا بكرهك يا اريچ بكرهك افهمي بقي وخلي عندك كرامه
اريچ بصدمه: كرامه فعلا عندك حق ومن اللحظه دي مش هتشوف وفي تاني
وتمشي اريچ ويقعد ذياد في الارض وتنزل دموعه
زياد: سامحيني يا اريچ والله العظيم بحبك غصب عني سامحيني
بااااااك
محمد: ذيااااااد
زياد: ايه يابني انت
احمد: بنكلمك مبتردش ليه
زياد: معلش ياجماعه هستأذن انا هروح اتمشي شويه
محمد: طيب متتأخرش
ويمشي ذياد وهو بيدور علي اريچ ويشوفها واقفه عند البحر
زياد: اريچ
اريچ: عايز ايه يا ذياد
زياد: عامله ايه
اريچ: ودا يهمك في ايه
زياد: اريچ عايزك تسمعيني
اريچ: وانت مسمعتنيش ليه مسمعتنيش ليه وانا بترجاك متسبنيش للاسف خلص الكلام بينا يا بشمهندس ذياد وتسيبه اريچ وتمشي
ــــــــــــــــــــــــــــــــــــــــــــــــــــــــــــــــــــــــــــــــــــ
في كليه الهندسه
نور تخلص محضراتها وهي ماشيه شاب يعاكسها
الشاب: هو القمر بيطلع بالنهار ولا ايه
شاب2 : الحلو ماشي ومش معبرنا ليه
شاب 3 :يبقي نروح احنا لحد عنده ويروح عند نور ولسه هيمسك ايديها يلاقي بوكس في وشه ويقع ع الارض
نور بصدمه وخوف: رااامي
رامي روحي انتي اركبي العربيه
نور: رامي يلا نمشي ملكش دعوه بيهم
رامي وهو يهجم علي الشاب: بقي بتمد ايدك عليها والله ليكون اخر يوم في عمرك يابن ..... ويضرب رامي فيه بعصبيه والشباب التانيه تخاف وتهرب
نور: رامي الله يخليك يلا كفايه كده
وبعد وقت يسيب رامي الشاب ويمشي ويركب العربيه وتركب نور معاه
نور: كنت سيبته ليه عملت كده
رامي بعصبيه: ازاي يبقي عايز يلمسك واسيبه يحمد ربنا اني سيبته عايش وبعد كده كل يوم انا هاجي اخدك علشان محدش يتكلم معاكي تاني
نور: ياسلام وانا صغيره علشان تيجي تاخدني
رامي: لا علشان مفيش كلب عينه تيجي عليكي انا مش عارف سيبت الحيوان دا ازاي اصلا نور علشان خاطري خلي بالك من نفسك
نور بكسوف: احم حاضر
رامي: ايوه كده اموت فيك وانت بتسمع الكلام
نور: نعم
رامي: هههههه بهزر بهزر
ــــــــــــــــــــــــــــــــــــــــــــــــــــــــــــــــــــــــــــــــــــ
في ڤيلا شريف نصار
يوصل اياد ويدخل الڤيلا ميلاقيش حد يطلع اوضته يلاقيها فاضيه ينزل يقعد تحت ويرن علي جميله بس موبايلها مقفول وبعد شويه يلاقي مايا نازله من فوق
مايا: اياد انت جيت امتي
اياد: ملكيش دعوه وينادي اياد علي حد من الخدم
الخادم: نعم يا اياد بيه
اياد: لو سمحت ياعم عبده اعملي قهوه
عم عبده: حاضر يا اياد بيه ويروح المطبخ يعمل القهوه ويلاقي مايا قدامه
مايا: هات القهوه ياعم عبده انا هوديها
عم عبده: هوديها انا يابنتي
مايا: انا رايحه عند اياد وهوديها انا وتاخد منه القهوه وتطلع عند اياد وتقف علي الباب وتحط حاجه في القهوه وبعدين تخبط
اياد: ادخل ياعم عبده
مايا: انا مايا
اياد: انتي ايه اللي جابك هنا
مايا: عم عبده راح يجيب حاجه وطلب مني اجبلك القهوه وتحط القهوه قدام اياد وهو ياخدها
اياد: طيب اتفضلي بره بقي ويشرب رشفه من القهوه
مايا وتقرب عليه: اياد انا بحبك اوي
اياد: اطلعي بره يا مايا وخليكي عارفه اني بحب مراتي وبس وعمري ماهحب غيرها ويكمل اياد القهوه ويحس بدوخه وتقرب عليه مايا وتقعد علي رجله
مايا: بس انا بموت فيك يا اياد ومش عايزه غيرك
اياد: بيحاول يبعدها عنه ويقوم يقف بس يدوخ اكتر
ويقع علي السرير وتقعد جنبه مايا وتفك زراير قميصه وتقلعه القميص وتنام جنبه وهو يفتكرها جميله ويبوسها من شفايفها ويقول بحبك اوي يا جميله
مايا: وانا كمان بموت فيك يا اياد ومش هسيبك لغيري
وتدخل جميله في الوقت دا وتشوفهم في الوضع دا وتتصدم
جميله: ايه اللي بيحصل دا
ــــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
