روايه حطمت كبريائه
تاني يوم الصبح قاعد اياد في اوضته بيحضر شنطه هدومه ويلاقي صوره جميله علي السرير يمسكها ويبوسها ويحطها في الشنطه ويقفلها ويروح اوضه نور ويخبط
نور: ادخل
اياد: الجميل عامل ايه دلوقتي
نور: ابيه اياد اتفضل انا الحمد لله كويسه وتشوف شنطه السفر بردو هتمشي يا ابيه خلاص
اياد: معلش ياحبيبتي لازم امشي علشان الشغل
نور بحزن: طيب يا ابيه تروح وتيجي بالسلامه
وينزل اياد يسلم علي الكل
فريده بدموع: خلي بالك من نفسك ياحبيبي
اياد: ويحضنها حاضر يا ماما
رامي: خلاص يا صاحبي هتمشي
اياد: ايوه يا رامي
احمد: بردو ناوي تستقر هناك يا اياد
اياد: ايوه يا احمد مبقاش فيه داعي اقعد هنا انا كنت هناك مرتاح
زياد: ربنا معاك يا اياد
ريم: توصل بالسلامه يا اياد
اياد: الله يسلمك يا ريم اومال بابا فين يا احمد
احمد: في الشركه ميعرفش انك هتمشي بدري كده
اياد: طيب انا لازم امشي دلوقتي
رامي: طيب يلا انا هوصلك
زياد: محمد اتصل بيا وقالي هو جي في الطريق علشان نروح كلنا مع اياد لحد المطار
اياد: مفيش داعي يا جماعه انا همشي انا
رامي: خلاص يا اياد خلينا نوصلك لحد المطار
زياد: اهو محمد بيرن اكيد وصل برا يلا بينا ويطلع اياد ويسلم عليه محمد
محمد: خلاص ناويت يا اياد
اياد: ايوه خلاص يلا علشان اتأخرت
محمد: يلا ويركب اياد جنب محمد ووراهم زياد ورامي واحمد ويوصلوا المطار ويودعوا اياد ويروح اياد يركب الطياره
ــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا فريد المنشاوي
جميله صباح الخير يا ماما
ثريا: صباح النور ياحبيبتي رايحه فين
جميله: المستشفي
ثريا: بردو يابنتي اسمعي الكلام انتي لسه تعبانه
جميله: ياحبيبتي انا كويسه اهو سبيني امشي بقي
محمد: رايحه فين يا جميله
ثريا: شوف اختك يابني عايزه تنزل المستشفي وهي لسه تعبانه
محمد: مش دلوقتي ياجميله انتي تعبانه اطلعي ارتاحي
جميله: يا جماعه والله انا بقيت كويسه سبوني بس انزل الشغل وانا هبقا احسن
ثريا: ماشي يابنتي مروحتش الشركه ليه يا محمد
محمد: انا والشباب كنا بنوصل اياد المطار
جميله: تحس بوجع في قلبها وتنزل دموعها طيب عن اذنكم انا ماشيه
ثريا: عملت ايه يا محمد مع والد ميس
محمد: لسه كنت في الشركه عنده واتفقت معاه بعد 4 شهور الفرح
ثريا: طيب يابني ربنا يسعدكم
محمد: تسلمي ياست الكل انا رايح الشركه بقي ابلغ بابا
ثريا: طيب يابني
ــــــــــــــــــــــــــــــــــــــــــــــــــــــــــــــــــــــــــــــــــــــ
في الشركه
محمد: وحشتيني
ميس: وانت كمان اتأخرت ليه
محمد: كنت بوصل اياد علي المطار
ميس: انا زعلانه عليهم اوي
محمد: هما هياخدوا وقتهم واكيد مش هيقدروا يبعدوا عن بعض
ميس: يارب
محمد: طيب صحيح انا كنت عند عمي عمران دلوقتي في الشركه
ميس: بابا ليه
محمد: اتفقت معاه نعمل الفرح علي طول بعد 4 شهور
ميس بفرحه: بجد
محمد: بجد ياقلبي
ميس: طيب يلا امشي من هنا بقي علشان عندي شغل
محمد: هي كده يعني
ميس: ايوه كده امشي بقي
محمد: ماشي مسيرك تقعي تحت ايدي
ميس بكسوف: محمد امشي بقي
محمد بضحك: هههههه حاضر همشي
ــــــــــــــــــــــــــــــــــــــــــــــــــــــــــــــــــــــــــــــــــــــ
في المستشفي عند جميله قاعده في مكتبها ماسكه الموبايل بتقلب في صورها هي واياد وتضحك بدموع
جميله: انا عارفه اني غلطانه بس صدقني غصب عني بس انت كمان غلطت لما سافرت ارجعلي يا اياد ارجع لحبيبتك وحشني حضنك اوي يا اياد ارجع وتقوم جميله وتمسح دموعها وتاخد شنطيتها وتخرج من المستشفي تركب عربيتها وتمشي ترجع الڤيلا
ثريا: مالك يابنتي
جميله: ابدا يا ماما مفيش حاجه انا بس تعبت شويه وجيت انا هطلع اوضتي ارتاح شويه
ثريا: طب ليه يابنتي عملتي في نفسك كده اياد كان بيحبك
جميله وتترمي في حضنها وتعيط: صدقيني يا ماما كان غصب عني مكنش سهل عليا اخسر ابني قبل مايجي علي الدنيا مقدرتش
ثريا: ربنا يصلح حالك ياحبيبتي اطلعي يابنتي ارتاحي
جميله: حاضر يا ماما متعرفيش محمد عمل ايه في خطوبته هو وميس
ثريا: ايوه الفرح بعد 4 شهور
جميله: طيب ياماما انا هطلع اوضتي وهنام شويه
ثريا: ماشي يابنتي
ــــــــــــــــــــــــــــــــــــــــــــــــــــــــــــــــــــــــــــــــــــــ
في الشركه في مكتب اشرف نصار يدخل رامي
رامي: عمي لو سمحت كنت عايزك في موضوع
اشرف: اتفضل يارامي يابني
رامي: بصراحه كنت عايز اطلب من حضرتك ايد الانسه نور
اشرف: والله يابني انا معنديش مانع انت عندي زي زياد ابني بس لازم اسأل نور واللي فيه الخير يقدمه ربنا
رامي: طيب ياعمي متشكر اوي ويخرج رامي من المكتب ويروح عند محمد مكتبه
رامي: سمعليكووووو
محمد: ايه يازفت انت داخل سوق
احمد: يابني اعقل شويه
زياد: هههههه الله يحرقك
رامي: ايه ياعم انت وهو داخلين فيا شمال كده ليه
احمد: شمال
محمد: طب اتنيل اقعد وقولنا كنت فين
رامي وهو يعد ياقه قميصه: انا كنت بخطب
محمد: كنت ايه ياخويا
احمد: يابني مش كل حاجه فيها هزار كده
رامي: والله كنت بخطب
زياد: ومين سعيده الحظ
رامي: طيب انت بالذات متتريقش
زياد: ههههه اصل بصراحه ربنا يكون في عونها
محمد: ماتخلص يابني
رامي: انا كنت في مكتب عمي اشرف بطلب منه ايه نور
زياد: نور اختي انا
رامي: اومال اختي انا
احمد: يا سبحاان الله بصراحه متشبهوش بعض خالص
رامي: ليه يعني ياعم
احمد: ايوه طبعا البنت ماشاء الله هاديه جدا وانت اعوذ بالله
محمد: هههههههههههه
زياد: وبابا قالك ايه
رامي: هو موافق بس قال هيسألها
زياد: يعني انت خطبت اختي ومحمد هيتجوز بعد 4 شهور وانا هفضل كده انا كمان هروح بكره اتقدم لاريچ
احمد: هههههه روح ياخويا حد حايشك
رامي: يا سلاام لو فرحنا كلنا يبقي في يوم واحد
محمد: طب والله فكره حلوه
زياد: فكره تجنن والله
رامي: انا هقول لعمي اشرف النهارده في الڤيلا
زياد: انا هتصل بأريچ واخليها تاخدلي ميعاد مع اهلها بكره
احمد: ربنا يتمملكم علي خير
الشباب: يااااارب
احمد: ههههههههههههههه
ــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا شريف نصار
نور: طنط تحبي اساعدك في حاجه
فريده لا ياحبيبتي ارتاحي انتي لسه تعبانه
نور: لا ياطنط انا كويسه
فريده: خلاص ياحبيبتي انا خلصت اهو هعمل بس عصير نشربه انا وانتي وريم بس اطلعي انتي نادي ريم من فوق
نور: حاضر ياطنط وتطلع نور اوضته ريم وتخبط
ريم: ادخل
نور: ريم طنط فريده بتقولك انزلي تحت اقعدي معانا
ريم: حاضر ياحبيبتي يلا بينا وتنزل نور وريم تحت
فريده: مالك ياريم يابنتي انتي تعبانه
ريم: لا يا طنط بس كنت نايمه وصحيت من شويه
رامي: يا اهل الداااااار انا جعااان
فريده: ايه يا واد انت الدوشه دي
رامي ويبوس ايديها: ست الكل حبيبتي الحقيني انا واقع من الجوع
فريده: اومال عمك اشرف وعمك شريف واحمد وذياد فين
رامي: داخلين ورايا
فريده طيب اطلع غير هدومك وانزل اكون حضرت الغدا انا والبنات
رامي: هوااا
شريف نصار: السلام عليكم
الكل: وعليكم السلام
اشرف نصار ويقعد جنب نور: صحيح يا شريف رامي جالي النهارده وطلب ايد نور
شريف: ايوه ماهو قالي بصراحه رامي كويس وشاب ممتاز كفايه ان انا اللي مربيه انا وفريده
اشرف: عارف يا شريف انا معنديش مانع بس كان لازم اسأل نور ايه رئيك يانور
نور باحراج: اللي تشوفه يا بابا
زياد: البت عامله فيها مكسوفه ماتقولي موافقه وخلاص
فريده: بس يا واد انت مالك ومالها
ريم: مبروك يانور
اشرف: علي خيرة الله
زياد: مبروك يانوور ويحضنها
نور: الله يبارك فيك يا زياد
وينزل رامي: متجمعين عند النبي
ريم: هههههه ياارب
احمد: مبروك ياعريس
رامي: الله يبارك فيك بس ياعمي كنت عايز اقول لحضرتك نخلي فرحنا مع محمد وميس بعد 4 شهور يعني مفيش داعي لفتره الخطوبه احنا عايشين في بيت واحد وعارفين بعض
شريف نصار: ايوه ورامي ليه جناح خاص في الڤيلا زيه زي احمد واياد
رامي: معلش ياعمي بس انا هشتري شقه ليا انا ونور
فريده وتشده من ودانه: يعني اربيك واكبرك علشان تتجوز وتسيبني وتمشي
رامي: اااه لا خلاص ياست الكل هقعد معاكي خلاااص اااااسف
احمد: ههههههه والله تستاهل
زياد: بابا انا كمان كنت عايز اقول لحضرتك نروح بكره لوالد اريچ علشان اطلبها منه
اشرف: علي خيرة الله يابني ماشي
شريف: والله الاخبار دي ناقصه اياد
احمد: ربنا يهديه ويرجع
ــــــــــــــــــــــــــــــــــــــــــــــــــــــــــــــــــــــــــــــــــــــ
عند ميس واريچ
اريچ: مااااااااااايس
ميس: يخربيتك خضتيني
اريچ: انا فرحااااااانه فرحاااانه
ميس: خير ياقلبي
اريچ: زياد كلمني وقالي اكلم بابا علشان ينزل مصر وجي يتقدملي بكره
ميس: مبروك ياقلبي ربنا يتمملك علي خير
اريچ: عارفه وكمان رامي اتقدم لنور اخته وفرحهم معاكي انتي ومحمد
ميس: بجد والله فكره حلوه نور بنت كويسه وانا حبيتها اوي بصراحه
اريچ: ربنا يتمملكم علي خير ياقلبي
ميس: يارب انتي كلمتي خالو وطنط
اريچ: ايوه وهينزلوا في طياره بكره الصبح
ميس: طيب ياقلبي
ــــــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
