روايه (حطمت كبريائه)
جميله تقعد علي السرير جنب اياد وتعمله كمادات وبعد وقت تنام جميله جنب اياد
ـــــــــــــــــــــــــــــــــــــــــــــــــــــــــــــــــــــــــــــــــ
تاني يوم يبدأ اياد يفوق ويتفتح عينه يلاقي جميله حنبه ونايمه ويبص حواليه يلاقي الادويه والكمادات
ويرجع يبص لجميله ويبوس ايديها ويعدلها جنبه وياخدها في حضنه ويقعد يبص عليها ويملس علي شعرها وبعد وقت تصحي جميله وتلاقي نفسها في حضن اياد وتفتكر ان هي كانت قاعده جنبه علي السرير بس ايه اللي نيمها في حضنه
اياد: انا اللي نيمتك في حضني كنت محتاج لحضنك انا اسف بس مقدرتش اسيطر علي نفسي
جميله باحراج: ا.اا.يه ا.اناا مقولتش حاجه اصلا انا مش فاكره نمت امتي وازاي
اياد: عارف انك بتفكري ازاي نمتي في حضني علشان كده قولت انا اللي نيمتك في حضني وانا اسف لو ضايقتك
جميله: احم حصل خير خليك نايم هنزل اعملك الفطار علشان تاخد علاجك
اياد: متتعبيش نفسك انا كويس
جميله: لا ابدا عادي وتنزل جميله تعمل الفطار لاياد
ـــــــــــــــــــــــــــــــــــــــــــــــــــــــــــــــــــــــــــــــــــ
ڤيلا شريف نصار
احمد: هو رامي مش باين من انبارح ليه
الاب: والله يابني مش عارف والموبايل بتاعه مقفول
احمد: هيكون راح فين الواد دا
الام: فيه ايه
احمد: رامي مش موجود من انبارح وموبايله مقفول
الام: ايه هيكون راح فين ماتتصرف ياشريف انا قلقانه علي الواد
احمد: انا هروح الشركه يمكن يكون هناك ولو ملقتهوش هتصرف انا ومحمد بس يارب موبايله يتفتح بس
الام: ابقي طمني والنبي يابني
احمد: حاضر
ـــــــــــــــــــــــــــــــــــــــــــــــــــــــــــــــــــــــــــــــــ
في الشركه يروح احمد علي مكتب محمد
احمد: محمد متعرفش حاجه عن رامي
محمد: لا فيه ايه
احمد: محدش يعرف عنه حاجه من انبارح
محمد: ازاي هيكون راح فين يعني
احمد: مش عارف مش عارف طب هنعمل ايه
محمد: طب هنعمل ايه نتصل باياد يمكن يعرف هو فين
احمد: بلاش اياد علشان لو عرف هينزل الشركه وهو لسه عريس بلاش ننكد عليه
وفجأة يدخل عليهم راامي
رامي: سمعليكوووو
احمد: انت يابني معندكش دم يعني احنا قلقانين عليك من انبارح وانت داخل تهزر
محمد: كنت فين يابني
رامي اهدو عليا طيب اخد نفسي الاول
احمد: انطق يازفت كنت فين
رامي: بص ياعم انا لما كنت راجع من الاجتماع..............وحكي رامي لاحمد ومحمد اللي حصل معاه
ـــــــــــــــــــــــــــــــــــــــــــــــــــــــــــــــــــــــــــــــــ
عند ميس في الڤيلا قاعده في اوضتها تدخل عليها بنت عنيها لون السما الصافيه وبشرتها بيضه ومتوسطه الطول وشعرها طويل يصل لاخر ظهرها ولابسه فستان دهبي يصل لحد ركبتيها وجذمه نفس لون الفستان
ميس: اريييييچ مش معقول وحشتينييي
اريچ: وانتي كمان ياقلبي وحشتيني جداااا وتحضنها
ميس: انتي مش قولتي انك هتيجي في طياره انبارح
اريچ: مانا جيت فيها بس حصلت مشكله معايا ومعرفتش اجي غير دلوقتي
ميس: حصل ايه وبعدين مالك ايه اللي في وشك دا
اريچ: انا لما نزلت من الطياره خدت تاكس بس نزلت قبل الڤيلا بشويه علشان اتلغبطت في العنوان والورقه اللي فيها العنوان وقعت مني ولما وطيت علشان اجيبها لقيت عربيه خبطتني واغمي عليا ومفوقتش غير النهارده لقيت نفسي في المستشفي وقاعد جنبي شاب وبيقول هو اللي خبطني ووداني المستشفي واعتذرلي وهو اللي وصلني هنا بس نزلت قبل الڤيلا وجيت
ميس: ياحبيبتي كل دا حصل معاكي الحمد لله انك كويسه ياقلبي
اريچ: الحمد لله
ميس: طيب غيري هدومك وارتاحي شويه
اريچ: ماشي ياقلبي
ـــــــــــــــــــــــــــــــــــــــــــــــــــــــــــــــــــــــــــــــــ
عند اياد وجميله
جميله حضرت الفطار لاياد وطلعت بيه الاوضه وحطت الاكل علي السرير
جميله: يلا بقي افطر علشان معاد العلاج
اياد: تسلم الايد اللي عملت
جميله بكسوف: طيب كل يلا
وياكل اياد وياخد العلاج ويدخل ياخد شاور ويغير هدومه وينزل تحت يلاقي جميله لابسه بيجامه قط برامودا يبلع ريقه بصعوبه ويروح يقعد جنبها
اياد: اول مره تقعدي بالهدوم دي
جميله بكسوف: ع.ع.عادي ا.ا.اانا بس زهقت من لبس الفساتين
اياد: ويقرب منها ويمسك ايديها مش ناويه تسامحيني بقي يا جميله
جميله تحاول تسحب ايدها: اياد مينفعش كده لو سمحت ابعد
اياد ويقرب منها اكتر: والله يا جميله بحبك وندمان علي اللي عملته معاكي ارجوكي ياجميله سامحيني
جميله دموعها تنزل: بعد ايه يا اياد انت وصلتني لدرجة اني مبقتش عارفه اسامحك
اياد: اسف وهعوضك عن كل دا بس ارجوكي سامحيني وخلينا نبدأ حياتنا من جديد
جميله: مش قادره يا اياد مش قادره وتعيط
اياد يمسحلها دموعها وياخدها في حضنه: انا اسف حقك عليا سامحيني مقدرش اشوف دموعك
جميله وتبعد عنه عن اذنك انا هطلع اوضتي وتجري جميله علي اوضتها
ويطلع وراها اياد وهو مصمم ينهي كل المشاكل دي
اياد: جميله ممكن ادخل
جميله: عايز ايه يا اياد
اياد: عايزك ياجميله لو سمحت افتحيلي
جميله تقوم تفتح: ايه يا اياد
اياد يدخل ويقفل الباب ويقعد جنب جميله علي السرير : جميله ممكن تسمعيني
جميله: مبقاش في حاجه اسمعها خلاص
اياد: اديني فرصه ياجميله واوعدك اني هعوضك عن كل العذاب دا
جميله: متردش
اياد: ارجوكي يا جميله
جميله: متردش
اياد: يارب اموت لو عملت حاجه تزعلك تاني بس سامحيني ياجميله
جميله بدون وعي: بعد الشر عليك
اياد: خايفه عليا يا جميله
جميله: متردش وتبص الناحيه التانيه
اياد يلف وشها ليه: بحبك ياجميله بحبك ويبوسها بوسه طويله من شفايفها وبعد وقت يبعد عنها وهو بينهج ونفسه سرع ويبوسها تاني مرات متتاليه ويلاقيها مبتقاومش يقوم يشيلها ويحطها علي السرير عدل و (تسكت شهرزاد عن الكلام الغير مباح)
ــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
