روايه (حطمت كبريائه)
البارت الثالث
الداده: جميله قومي يا حبيبتي الساعه 6
جميله: حاضر يا داده هقوم البس اهو بسرعه وانتي اجهزي
الداده: ماشي يابنتي
ـــــــــــــــــــــــــــــــــــــــــــــــــــــــــــــــــــــــــــــــــــــ
وفي فيلا اياد نصار
رامي: ايدوووووو يلا يا صاحبي هنتأخر
اياد: يابن**** انت يازفت انا مش قولتلك بلاش ام الاسم دا
رامي: طب يلا يا ايدو اتاخرنا
اياد: وحياه امك لطلعك من هنا ع المستشفي ويجري يهجم علي رامي
رامي: ينهاااار اسووووووود انت هتعمل ايه لا والنبي اهدي ياعم بهزر
اياد: وحياه امي لنفخك
رامي: يامااااا اهدي يا ايااااد
ونسيب اياد يضرب رامي ونروح لمكان تاني
ــــــــــــــــــــــــــــــــــــــــــــــــــــــــــــــــــــــــــــــــــــــ
في شركه النصر للاستيراد والتصدير
شريف نصار: اياد ابني هينزل مصر بكره باذن الله
فريد المنشاوي: وجميله بنتي هتنزل بكره بردو
شريف نصار: يوصلوا بالسلامه باذن الله
فريد المنشاوي: اخبار الصفقه اللي مع احمد ومحمد ايه
شريف نصار: والله الولاد دول ما شاء الله عليهم الشركه ماشيه زي الفل معاهم
فريد المنشاوي: ربنا يوفقهم
ـــــــــــــــــــــــــــــــــــــــــــــــــــــــــــــــــــــــــــــــــــــ
في فيلا فريد المنشاوي
ريم: والله انا هموت واشوف جميله بعد النجاح اللي حققته ف امريكا
الام بفخر: طبعا اختك دكتوره ممتازه ماشاء الله عليها ربنا يحميها
ريم: يارب يا حبيبتي
محمد: سمعليكووووووووو
الام: يابني اعقل بقا بلاش الهبل دا
محمد: ايه يا ثريا يا قمر انتي زعلانه ليه بس
الام: والنبي ماهاخد معاك حق ولا باطل
ريم: اللي يشوف هبلك دا يقول انت الصغير فينا بطل الهطل دا بقا
محمد: اتلمي يابت يا ام لسان ونص انتي
ريم: شايفه يا ماما ابنك
الام: والله مانا عارفه اعمل معاكم ايه لا ولسه جميله لما تيجي بشقاوتها
ريم: والله البيت كئيب من ساعه ماسافرت
محمد: اه والله
ــــــــــــــــــــــــــــــــــــــــــــــــــــــــــــــــــــــــــــــــــــــ
في المطار جميله ماشيه وفاجأه تخبط ف شااب
جميله: اااه مش تفتح يا أخ انت
اياد: انا اللي افتح ولا انتي
جميله: وكمان بجح ومعتذرتش
اياد بغرور: اعتذر لمين يا بت انتي
جميله بصدمه: بت انت واحد عديم الادب والاخلاق
اياد: وانتي بنت قليله الادب
جميله: تضرب اياد بالقلم انت انسان مش محترم
اياد بغضب شديد: انتي ايه اللي عملتيه دا
ويجي رامي فاجأه ايه فيه ايه يا جماعه
جميله: اسأل الاستاذ خبطني ومعتذرش لا وكمان مغرور وقليل الادب
رامي في سره: اوباااااااااا يبقي هتحصل عاصفه دلوقتي
اياد: انتي اللي عاميه مبتشوفيش
جميله: انت اللي ماشي وكأنك شخص مهم اوي ومحدش قدك
اياد: انتي متعرفيش انا مين انا ايااد نص....
جميله: اصلا ميهمنيش اعرف حاجه عن واحد همجي زيك وتسيبه وتمشي
رامي:ايه يا اياااد اهدي شويه ياعم مش كده
اياد بغضب: انت مش شايف عملت ايه بقا انا اياد نصار واحده زي دي تضربني بالقلم
رامي وهو يكتم ضحكه: خلاص بقي يا ايدوو تعيش وتاخد غيرها
اياد بغضب: والله لو مغورتش من قدامي دلوقتي هقتلك يا رامي الكلب
رامي: ياما اعوذ بالله انصرف انصرف
اياد يبصله بعصبيه
رامي: ياما لا خلاص هنصرف انا
ــــــــــــــــــــــــــــــــــــــــــــــــــــــــــــــــــــــــــــــــــــــ
في اوضه ريم بتكلم احمد
ريم: يعني انت هتروح تجيب اياد من المطار
احمد: ايوه يا حبيبتي هروح اجيبه هو ورامي همشي ع الساعه 5 الصبح اياد قالي الطياره هتوصل 7
ريم: ماشي يا حبيبي طب اقفل ونام شويه قبل ماتروح المطار
احمد: ماشي ياقلبي تصبحي ع خير
ريم: تلاقي الخير يا قلبي باي
احمد: باي
ــــــــــــــــــــــــــــــــــــــــــــــــــــــــــــــــــــــــــــــــــــــ
في مطار القاهره الدولي احمد واقف مستني اياد ورامي ويلاقيهم جايين عليه
رامي: حبيبي يا ابو حميييد ليك واحشه والله يا راجل
احمد: مفيش فايده ف لسانك انا قولت راح امريكا واتغير
رامي: عيب عليك ازاي يعني انا مصري اصيل وابن بلد واعجبك اوي كمان
احمد: ههههههه مش بقولك مفيش فايده فيك هتفضل مصيبه زي مانت
احمد: ازيك يا اياد
اياد : الحمد لله يلا بينا نروح
احمد يبص لرامي ورامي يشاورله بمعني يسكت ويمشي
احمد : اه طبعا يلا دا ماما هتموت وتشوفك
اياد : طيب يلا
رامي: احلف بسماحه وبترابها
احمد يضربه ويقول بسمااهاا سمااااهاا ياهبل امشي قدامي يلا
رامي: متزوقش طااااااااه
ويروحوا ع الڤيلا
اما جميله خرجت من المطار وكان السواق ف انتظارها ركبت هي والداده وراحت ع الڤيلا واول ما وصلت
جميله: سمعليكوووووووووو يا اهل الدااااار انا جيت
الام وتجري ع بنتها: يا حبيبتي يابنتي يا حبيبتي وحشتيني
جميله وتجري عليها: ماااااماااا حبيبتي وحشتيني يا ست الكل وحشتيني اوي
الام: وانتي كمان يا حبيبتي وحشتيني اوي كده يا جميله تبعدي عني كل دا
جميله : معلش يا قلبي غصب عني والله حقك عليا
ريم: تنزل جري من اوضتها اول ماتسمع صوت جميله
ريم: جووووجووووو يا جوووووووجووووو وحشتييييييييني وحشتييييييييني
جميله وتجري عليها تحضنها : انتي اكتر يا ريمو يا قلبي وحشتيني اوي
ريم: ماهو باين لولا زعلت لما قولتي مش هتعرفي تنزلي مكنتيش جيتي اصلا
جميله: مانتي عارفه غصب عني اومال الواد محمد فين
ويدخل محمد من وراها ويقول انا جيت اهو ويجري ع جميله ويشيلها ويلف بيها جووجوو ياقلبي وحشاني وحشاني
جميله بضحك: خلاص يا مجنون نزلني خلااااص
محمد ينزلها وياخدها ف حضنه وحشتيني يا جميله الجميلات وحشاني
جميله: وانت كمان ياحبيبي اومال فين بابا
محمد: قال عنده اجتماع مهم اول مايخلص هيجي ع طول
الاب: واهو جيت وتجري عليه جميله وتترمي ف حضنه
جميله: باابا حبيبي وحشتني اوي يا بابا
الاب: وانتي وحشتيني يا روح بابا
جميله: ينفع كده هو الاجتماع اهم مني ولا ايه
الاب: معلش ياقلبي بس اياد ابن عمك شريف نزل مصر وعمك شريف مشي بدري وكان لازم حد فينا يحضر الاجتماع
جميله: ماشي يا حبيبي سماح المره دي علشان خاطرك بس
الاب: طيب يا غلباويه ايه يا ثريا مش هنتغدي ولا ايه
الام: الغدا جاهز يلا يا جميله اطلعي اوضتك غيري هدومك وتعالي اومال داده فاطمه فين
جميله: راحت تشوف بنتها وهتيجي بكره
الام: طيب يا حبيبتي روحي غيري وتعالي علشان تتغدي
جميله: حاضر
ـــــــــــــــــــــــــــــــــــــــــــــــــــــــــــــــــــــــــــــــــــــ
في ڤيلا شريف نصاار يدخل احمد واياااد ورامي
رامي: ياااقوووووووم نحن اتينااااااااا
الاب: بس يا ولد انت هتفضل طاايش كده ع طول مش هتعقل ابدا
احمد بضحك: هو اللي زي دا بيتغير
رامي: طلقني لو مش عاجبك طلقني
الاب: بس ياولد ياقليل الادب ازيك يا اياد
اياد ويسلم ع والده ويحضنه: الحمد لله يا بابا
الاب: واخبار الشركه هناك ايه
رامي: طبعا تمام هو ابنك دا بيرحم نفسه او بيرحمني دا ليل ونهار شغل
الاب: ربنا يوفقكم يا ولاد
الام: تطلع تجري ع ابنها ايااااد يا حبيبي يابني وحشتني اوي وتاخده ف حضنها وتعيط
اياد: خلاص يا ماما انا جيت اهو يا حبيبتي
الام: ليه كده يابني تغيب عني كل السنين دي بس
اياد: خلاص ياست الكل مانا جيت اهو
رامي: تراني اتأثرت لحظه ابكي
الام وتشده من ودانه خد هنا يا بكاش انت هتفضل عمرك كله كده
رامي : والله الحاجه الوحيده اللي بتخليني منزلش مصر الحركه دي
الام وتاخده ف حضنها: ايه يا واد هتكبر عليا دا انا اللي مربياك من ساعه ما والدك ووالدتك ماتو
رامي: ربنا يخليكي ليا يا ست الكل انا اقدر بردو
الام : طب يلا كل واحد ع اوضته يغير هدومه وينزل يكون الغدا جاهز بسرعه
اياد: لا يا حبيبتي انا هطلع انام شويه
الام: مفيش نوم غير بعد الغدا يلا بسرعه
الكل: ماشي
ويعدي اليوم من غير احداث جديده ويجي تاني يوم جميله وريم خارجيين علشان يشتروا فساتين للفرح واحمد واياد ورامي ومحمد خارجين علشان يشتروا بدل للفرح
جميله : بصي يا ريمو الفستان دا تحفه عليا ايه رئيك
ريم باعجاب: واااااااو بجد تحفه انتي كده هتاكلي مني الجو
جميله بغرور مصطنع: اومااال اييه
ريم: طب ايه رئيك ف الفستان دا البسه يوم الحنه
جميله: جميل جدا طب انا كده اخترت فستان البسه يوم الحنه يلا نشوف واحد للفرح
ريم: اشطا يلا بينا
ــــــــــــــــــــــــــــــــــــــــــــــــــــــــــــــــــــــــــــــــــــــ
اما بالنسبه للشباب
اياد: ايه رئيكم يا شباب
رامي واحمد ومحمد باعجااب: وااااو لا جامد يا باشا
اياد: طب تمام كده انتو جيبتو البدل بتاعتكم
الشباب : ايوه يلا بينا
وتعدي الايام ويجي يوم حنه ريم واحمد
بقلمي: دنيا إمام
