Maling magkagusto sa'yo
Kaya't kailangang pigilin ko
Ngunit paano nga ba?
Gayong laging hanap-hanap ka
Kahit anong gawin ko
Hindi ka maalis sa isip ko
Napapangiti pa rin ng 'di sinasadya
Pagkadurog ng puso ay tila nagbabadya
Pagka't 'pag ang nadarama'y 'di na napigil
Darating ang panahong puso'y makikitil
'Pag ika'y nakikitang masaya sa piling ng iba
May kirot na nadarama
Ayoko nang maulit pa
Ang magkagusto sa taong iba ang nadarama
Tunay na nakakatanga
"Sana hindi na lang kita nakilala!"
Mga salitang sana kaya kong sabihin
Ngunit alam kong 'di ko kakayanin
Sapagka't walang dapat sisihin
Na kusang naging mahalaga ka sa'kin
'Di alam kung pagkakataon ay namilit
Dahil kailan ma'y 'di piniling lumapit
Ngunit nang maamin sa sarili ang tunay na damdamin
Ayoko nang malayo ka sa'kin
BINABASA MO ANG
Ang Aking Mga Tula
PoetryAng aking lihim na nadarama, idinaan na lamang sa mga tula. *Plagiarism is a crime. Do not copy or reproduce without the Author's permission. **The photo used as book cover was downloaded from an application (Themes) on my cellphone.
