#رواية...انا هي جميع نساؤك..

البارت الثامن والعشرون

البارت... الثامن والعشرون
رواية...انا هي جميع نساؤك
بقلمي...نور سمو العراق

💔💔💔💔💔💔💔💔💔

أريدك لي وحدي
تشاركني أفراحي وأحزاني
أريدك لى وحدي
أريد أن أتنفس هواك 
أريد أن أستنشق عطرك 
أريد أن أخطفك من كل البشر
أريد أن أضعك بقلبي
وأسكنك كل الحجر
أريدك أن لا تنظر إلى غيرى من النساء
أريد أن تكون وحدك مغرمي
أريد أن أكون أنا فقط 
ملهمتك
طفلتك
مدللتك
حبيبتك
أريدك لى وحدى

.........................................

وكعت علئ الكاع احسن ضهري انطر...

شفته رتعبت اكرهه هو وعكاله...

وكفت بسرعه اسد الباب بس هو دخل....

رجعت خطوات كبيره واشرت بعصبيه وخووف...اطلع بره محد بالبيت انت شلون هيج تقتحم حرمة بيتنه

هو مسح لحيته وبضحكه مستهزئه...مشتاق لبنت ولايتي شلونج يبعد كلبي

اشرت علئ الباب ورجليه ترجف...اطلع بره رجاءا موش فاضيتلك وبعدين لا يجي رجلي وحگ ابو فاضل يسويها دول الدولات...

ضحك بصوت عالي ورفع راسه ليفوك.....ههههههههههههههاي غير اذا فتح حلكه بكلمه اترسنه نعل

همست بخفوت نعل بحلكك يا نعال

رديت ...يالله تطمنت روح لحد يجي

كال...افااا هيج تضيفين خطار يبعد روحي

بلعت ريكي وبكلبي...راحت روحك ولا طابت جروحك

رجع كمل كال...انه موش وثاب اذا ما خليتج تبجين دم عبن انه ينضحك عليه وتزوجين غيري

انه لجنت باني احلام وكل سنيني معتبرج زوجتي

احجي وياج واناغيج واشوفج بكل بمكاني بااحلامي وخيالي

قررت اخلف منج ونسمي جهالنه

تاليها تزوجين ابن عمج العار ابو النسوان...وينه هسه بحظن منوو من حبايبه

صحت بوجهه بعصبيه...وانت شلك غرض انه ورجلي شدخلك انت من تدخل فيما لا يعنيه لقيه ما لا يرضيه..

اطلع بره لا اتصرف وياك تصرف ثاني وروح ابووي اوصل سوالفك لجدي صلف واخليها تعلك للضالين...

هو سرفن ردانه وبجمود...هههه انشوف بعد الي يصير تحجين لو لا....

اني رجعت خطوات كبيره..وركضت الغرفتي دخلت بيها وقفلتها

هو ركض وراي بس ما لحك ضل يدك حاول يكسره..

سمعت صوت خرخشه..