#رواية...انا هي جميع نساؤك..

حلم منارس 💔

بكل حُب أعترف لك أنني أحارب تعاسة العالم فيك 🖤💍

اهلا احبتي شلونكم...

حبيت اشارك وياكم حلم منارس...

طبعا اتصلت بيها قبل فتره قبل ازمة كورونا ضلينه نسولف واسالها عن احوالها...

وعزتني بوفاة بيبي الله يرحمه...

وضلينه نسولف علئ ان الميت يعلم بالحي ومن هاي السوالف

كالت...قبل فتره  رحت للنجف اني واحد من التوم انزور المرحوم سود عليه...

دكول..كملت زياره ورحت للقبر بجيت وقريت قران وما اعرف شنو

وضليت ابجي علئ قبره واني اعاتبه...يا صاحبي يا ابو غرام تشوفني اجيتك لحد الان ما انسئ ولا ذكرئ منك اذا جانت سلبيه او ايجابيه

دكول المهم ضلينه كاعديين هووايه يمه وبعدها ابني رش مي وقره قران ورجعنه...

من رجعنه ردت اشتري المؤمل سبحه فتحت الجنطه مالتي ادور ادور الفلوس ماكو

تخبلت كتله...يااا يمممه فلوسي ضاعن

كال...شسالفه دوري يمه شوفي اخاف بجيب الصغير

ضلينه اندور اندور ماكوو

كتله ضاعن الفلوس ...

صدك بيومها حيييل ضجت جانن 150 الف حتئ وان كان مبلغ قليل بس الانسان تحز بخاطره

ركبنه السياره واني احس الدنيا طلعت من عيني منا المنذر روحي عنده ومنا فلوسي ضاعت همست...اضل مكسورة خاطر يالمنذر وفلوس،الدنيا متعوضني الحمد لله ياربي راضيه بقسمتك...

مشت السياره واني غلبني النعاس نمت وحطيت راسي علئ كتف ابني ...

وهو خطيه لازم راسي اخاف انام و اوكع من ايده...

والله رحت بغير عالم...ما احس غير بنذري كاعد بصفي ومثل كل مره من يدلعني ويباوعلي بنظراته الحلوه

حط ايده علئ خدي كال ...شبيج ضايجه

حضنته حييل بحب وفرح...انت عااايش انت عدل ليش هيج سويت بيه ليش فاركتني وكسرتني

كال بصدمه...لا والله ممفاركج اني اصلا يوميه يمكم وادري بالصار وادري شنو يصير وياكم

ضحكت كتله...صدك ؟

ابتسم كال...اي صدك وانتي مضيعه فلوسج مو صح

جريت نفس حزين..اي ضيعتهن مدري بالامام مدري مدري بالسياره من اجينه

ضحك كال...لا حطيتيهن بجيب ابنا كليله وهو ينطيجياهن

بهل اثناء فزيت حالتي حاله جنت فرحانه بس انصدمت هذا حلم ورجعت الحاله البؤس...

ابني كال...يممه شبيج

كتله...هيج وهيح السالفه

هو خطيه ضل يدور بجيوبه جان شتا ولابس قمصله نفخ ضل يدور...

جان ضحك كال...يمممه صدك هاي فلوسج تذكرين من ردتي تدخلين تتوضين وانطيتينايهن

كتله...اي والله صدك نسيت

رجعت باوعت للطريق ودمعتي نزلت لا ارادي همست...سوووده بوجهي يحبيبي يا ابو غرام دريت بيه ضجت واجيتني ويلوموني لان لهسه لابسه اسوود عليك...

لك اني كلبي صار اسود يا ابو غرام ضلت علئ ثوبي

.......................

صدك اني ككاتبه غلبتني العاطفه وبجيت وياها وحتئ من كتبت الحلم دمعت عيوني

وفعلا الميت يعلم

الله يرحم المنذر ويسكنه فسيح جناته

ومنارس تتشكر من الكل وتحبكم كلكم وتعتذر من عدم التواصل لاسباب خاصه

التصميم للمبدعه وئام الشيخلي snwn2231

شكر خاص من منارس الج حياتي ❤

كونوا انتم كونوا بخير...احبكم 💔

نور سمو العراق 😘