#رواية...انا هي جميع نساؤك..

توضيح

صباح الخير يالمسعدات...😅

حبيت اوضح شغله بخصوص الي يكول منارس جريئه...

هي كانسانه عمرها 16 سنه داخله ب 17 سنه

عاشت طفولة بائسه من اب شهيد وام تحكمها العادات والتقاليد وبيئه صعبه...

خلصت اكثر طفولتها ومراهقتها بين الحيوانات والدواجن...

لا اكوو تلفزيون لا موبايل لا بنات بعمرها بس اختها وماتت من وكت...

وبنت عمها شفتو تصرفاتها تحسسها هي،خبله وتضعف شخصيتها فوك ما هي ضعيفه..

موت اختها سببلها ازمه عاطفيه ومرض اخوانها دمر كل كيانها...

فقدانها الاحبابها خلاها تدور منفذ تتخلص بي من ذكرياتها البائسه...

من التقت بالمنذر رسمت احلامها عليه...وضل حبه يكبر يوم عن يوم...

شفتو شكد هي تحبه رغم هنه بس 8 بارتات ماسردت احداث سنه كامله لا اختصرت...

نست وتناست هي،ملك لشخص ثاني منذ الصغر...

خوفها من ان تصير لشيخ وثاب الي هي تشوفه مثل تصرفات جدها وعمها وبيئتهم المنغلقه..

خلاها تكره وثاب من غير العذر الفطري...هي متحبه ابد متحبه مو بيدها الگلب وما يهوئ..

وغير تحرشه بيها ومحاولة اغتصابها حسته دمر برائتها وطفولتها وانقض عليها مثل الوحش كرهته اكثر...

هي كانسانه متريد تضلم نفسها وتزوج شخص متحبه

خلو نفسكم مكانها وعيشو احساسها...

تحس المنذر هو بلسم لجروحها و وثاب ساحة اعدام بالنسبه الها...

من راحت للمنذر واعترفت بحبها هي مستعده تسوي اكثر من هييج حتئ،بس تخلص من وثاب

وتتزوج المنذر..

من اصعب اليالي المرت عليها هي ليلة خطبتها من وثاب

وانهيارها وعدم تصديقها للواقع هو الي،خلاها تروح برجلها للمنذر وتعترف...

متناسيه عاداتها وتقاليدها وحكم جدها الصلف...

المهم تزوج المنذر

تصرفاتها عفويه وطفوليه ومرات تصير رعنه

تخاف حييل..حتئ تخاف احد من اهلها يشاركها افكارها لكن بنفس الوقت عنيده والي برأسها تسوي

متعرف شنو الزواج كل معرفتها للزواج هو بوسه وثلاجه وتلفزيون ابو الطكه...

اكثر من هيييج متعرف...

غيوووره حييييل ومرات تصرفاتها تجلط...

تريد تكسب المنذر بكل صوره لكن فاقده الوسيله..

تفكيرها بريئ،وهو تفكيره بعيد عن تفكيرها....

طبعا هي كوووولش حلووه جمالها طبيعي وبيضه وخدودها حمر ونازكه حيييل ونضيفه...

بس لهجتها وتصرفاتها...

لعد لو تدرون من امتحنت خارجي شسوت لعبت لعب 😂😂😂😂😂😂😂😂

ومن راحت للجزيره شسوت لعبت لعب .نكتلت كتلها من زوجها خلاها اسبوع تون..😅بس تستاهل

احبها حيل منارس وهي تقره التعليقات من واحد يحجي علئ المنذر تضووج وتنقهر وترجعلي

تحجي وياي هو حباب حتئ لو يحب النسوان هو منو ميحب النسوان..وتضل تبرر اله...

ححيت هوواي تعبت ..بس حبيت اوضح شغله

القصه لحد الان مبدت...

تتخذ 3 مسارات...

رومانسيه...سياسيه...عشائريه

هي مدكول لا ولا دكول لا له...دكول ياله..يعني لا

كونوا انتم كونوا بخير..احبكم

نور سمو العراق💔

القصه تبدي من التسعينات وتنتهي بوسطها...

هاي صدوك نسيت امتحاناتي يوم السبت القادم 25/5 😭😭😭😭😭

قدموهن للجامعات امتحانات الفاينل...جانوا وره العيد هسه قدموها وغدرونه 😢

وشلون اكمل القصه احتمال اتوقف..😭

ان شاء لله خيير..

تابعوو هذي الكاتبه حبابون مبتدئه ومحتاجه دعم Shahoda_ShoSho