"الفصل الرابع"
جمال: قعد ع الكرسى وسليم قدامه ، عامل ايه ياسليم وحشتني
سليم: وانت كمان يابابا وحشتني اخبارك ايه هنا مش محتاج حاجه
جمال: محتاج طبعا محتاج كتير بس مش مشكله كلها كام شهر واخرج ، قولى انت عامل ايه مع علا
سليم: ياخد نفس عميق ويحط وشه ف الارض ويرجع يبصله تانى ، علا حامل يابابا
جمال: يبرء ويرجع ضهره لورا وهو بيبص ل سليم وعينه متريحش
*****************
عز: والله يايحيى الزنزانه كانت زى القبر من غيرك
يحيى: هههههه بيعجبني نفاقك ياعز والله
عز: انا منافق يايحيى هههههه ماانت كمان منافق وجابر منافق لا جابر ده شيطان
يحيى: وانت ايه ياعز ده انت تقريباً رئيس الشيطاين
جابر: جرى ايه يابهوات مالكم قلبتو على بعض
يحيى: انا محدش يعرف يقلب عليا ياجابر ولا نسيت
عز: لا بيعرفو يقلبو عليك واولهم جمال السيوفى ولا قعدة المستشفى بتنسى
يحيى: انت قولتها بلسانك اهو اولهم وهو اخرهم ان شاءالله
عز: ههههههههههه يحيى انت مش عارف انت بتلعب مع مين ولا ايه
يحيى: لا عارف ان جمال السيوفى لدغتة والقبر بس انا يحيى الجمال ياعز
عز: بلاش يايحيى بلاش تلعب مع جمال ، جمال ده يقتلك انت واهلك ويطلع منها زى الشعره من العجينه
يحيى: مكنش دخل السجن ف تزوير ياعز فوق للكلام
عز: بمزاااجه يايحيى ، جمال السيوفى داخل السجن بمزاجه مسألتش نفسك هو بيتاجر ف السلاح والمخدرات وبيزور وبيعمل بلاااووووى ومتقبضش عليه ليه رغم ان الدنيا كلها عارفه انه بيتاجر وده شغله
ودخل فجأه كده السجن ف قضيه تزوير واخد فيها سنه وفجأه يتنقل الزنزانه اللى جمبنا
يحيى: عايز تقول ايه؟
عز: عايز اقول ان جمال السيوفى داخل السجن عشانك يايحيى
يحيى: 😲😲😲
************************
مروان ف مكتبه
مروان: داليا فى شقه هنستلمها على الابيض وهنسلمها متشطبه خلال 3شهور اتصلى بالناس اللى بنتعامل معاها عشان هنبدأ فالشغل من بكرا
داليا: حاضر يامروان
مروان: يبصلها شويه ويضحك
داليا: فى حاجه بتضحك؟
مروان: اه طبعا فى لما داليا بجلالة قدرها تقول حاضر من اول مره ومتجادلش ولا تتكلم ولا تغلس عليا كده يبقى فى حاجه
داليا: لا ابدا بس بحاول انفذ اوامرك
مروان: اوامرى؟؟
داليا: ايوه اوامرك ، ياداليا انتى اختى ياداليا ده مكان شغل ياداليا مفيش حاجه بيني وبينك ياداليا اقبلى العرسان اللى بتجيلك وانسينى مش هى اوامرك
مروان: يتكلم بصوت عالى وكأنه بيزعق ، لا مش كده وبس وكمان ياداليا تفردى وشك وانتى بتتكلمى وبتنفذى الاوامر وياداليا احنا اخوات اه بس الاخوات والصحاب فى بينهم كلام مش شغل بس وياداليا تتعدلى ف الشغل وتخرجى كل الامور الشخصيه برا الشغل
داليا: تحبس دموعها ،حاضر يامستر مروان فى حاجه تانيه؟
مروان: لا اتفضلى على مكتبك ولما تخلصى مكالماتك مع الناس تعالى قولى عشان اديكم عنوان الشقه اتفضلى
داليا: تخرج من المكتب وهى دموعها على خدها وقلبها مكسور وداخل جمبها فارس
مروان: تعالى يافارس
فارس: ايه يابنى مالها الانسه داليا
مروان: سيبك منها وقولى حجزت التذاكر؟
فارس: اه خلاص وحجزتلك معايا وهنسافر الاسبوع الجاي خلاص
مروان: فارس ليا عندك طلب
فارس: طبعا اتفضل
مروان: لما تكلم اوچين متقولهاش ان انا جاى معاكم
فارس: من غير ماتقول طبعا مفتحتش بوئى
مروان: تمام
فارس: طيب انا هروح الشركه عشان ابلغ الموظفين ان الشغل بتاعهم هينضم للشغل بتاعى
مروان: تمام
فارس: بس محتاجك معايا ومحتاج توكيل
مروان: هديك نمرة المحامى بتاعنا وظبط معاه انا ورايا شغل قد كده هظبطه عشان السفر كمان
فارس: انت خالى مسؤليه اصلا
مروان: مش فاهم
فارس: يعني زى خالى شغل كده هههههه
مروان: ههههه مبلوعه
**************************
علا: قاعده بتختار اسم النونو
مروان: بتعملى ايه يالولو
علا: بختار اسم النونو
مروان: انتى لحقتى تعرفى نوعه
علا: لا انا بحضر يعني عشان اكون جاهزه
مروان: اممممم ربنا معاكى
سليم: بتعملو ايه
مروان: تعالى ياعم شوف مراتك اتجننت
سليم: ههههه مالك يالولو
علا: انت هتسمع كلام العيل البايظ ده
مروان: ايوه حد يختار اسم النونو من تالت شهر حمل
سليم: _________
علا: ايوه واختارت خلاص
مروان: اختارتى ايه؟
علا: لو ولد هسميه يحيى ولو بنت هسميها نواره
سليم: يكشر ويقوم يقف يبصلها ، انتى بتختارى من نفسك كده يعنى
علا: مالك ياسليم انا بقترح بس
مروان: يبصله ب استغراب
سليم: ايوه بس المفروض تشاركيني الاقتراحات كمان هو ده مش ابنى زيك
علا: محصلش حاجه ياسليم عادى هى الاسامى مش عجباك
سليم: لا مش عجبانى الاسامى قديمه جدا
مروان: خلاص ياسليم الموضوع مش مستاهل يعني اقعدو واختارو تانى
سليم: يسيبهم ويطلع اوضته من غير كلام
مروان: هو ماله؟
علا: هو كده من ساعة ما عرف ان انا حامل
عام : يطلع من اوضة المكتب بالكرسى ، اشربى ياعلا مش ده اللى اتجوزيته غصب عنى وروحتى كتبتى الكتاب وجيباه ف ايدك وجايه اشربى بقى
علا: بابا لوسمحت مش وقته الكلام ده
عامر: يتنرفز عليها،لا وقته ده اكتر وقت مناااسب للكلام اتجوزتيه ودلقتى حامل منه وكل ده غصب عنى عشان قاعد على كرسى عاجز مش عارف اربيكى
علا: بتبكى جامد وتمشى من قدامه
مروان: ايه اللى حصل لكل ده يابابا ، فى ايه هى حبته واتجوزته ومشكله صغيره بينهم وهتنتهى اي لازمته كل الكلام ده
عامر: هتفضل طول عمرك مش فاهم حاجه
مروان: خلاص فهمنى
عامر: ولا هتفهم يامروان خليك ف شغلك نقاااش
مروان: لا انا مش نقاش انا مهندس ديكور وعندى مكتب وشغال تحت ايدي ناس مهندسين وناجح ف حاجه انا بحبها زى علا بالظبط شايفه ان حياتها الزوجيه ناجحه مع حد انت مش مقتنع بيه لمجرد انه مالوش اهل
كل واحد شايف حياته بالكريقه بتاعته وشايف انها ناجحه لكن رأى اى حد مش مهم قصاد راحتنا يابابا
عامر: فيينك يايحيى يابنى
مروان: يحيى يابابا دخل السجن عشان عاش حياته بالطريقه اللى تريحك
عامر:____________
**********************
يحيى رايح ل جمال السيوفى ف المكان اللى بيقعد فيه ف الفسحه
كهربا :وقف ورفع عليه المطوه ، اوعى شيطانك يوزك وتعمل حاجه للكنج
يحيى: نزل اللى فايدك بدل مااقطعك بيه
جمال: بس ياكهربا سيبه
يحيى: يعدى من جمب كهربا وهو مبتسم
جمال: خير اؤمر؟
يحيى: انا موافق على اتفاقك
جمال: يضحك ويبصله ، تمااام عيين العقل
يحيى: هخرج امتى من هنا ؟
جمال: خلال اسبوع
يحيى: ازاى ؟
جمال: دى طريقتى انا بقى
يحيى: ايه الشغل بتاعك اللى هديره برا ؟
جمال: شبكه بنات ، سفر بنات ، تخليص ورق ليهم
يحيى: دعاره يعني؟
جمال: لا طبعا ، دى لذاااات
يحيى: ياخد نفس ويبصله ويفتكر اوچين ،موافق
جمال: نقرا الفاتحه
يحيى: سرح شويه وقام من جمبه
جمال: ولا الضااالين امين
*****************************
يحيى نايم ف الزنزانه وبيفكر ف اوچين
اوچين قاعده على المكتب بتاعها ف السقه وبتكتب ف ورقه
" ليس الخطأ ان تخطأ ولكن الخطأ ان لا تعترف بخطأك وتتمادى فى كل خطأ ترتكبه ، والخطأ الاكبر ان تعلق اخطائك على اشخاص ليس لهم ذنب الا انهم جزء منك او من حياتك ، اخطأ ولكن صحح خطأك ب اعترافك "
تلف الورقه وتحطها ف ازازه وتركنها جمب اللى زيها
الى اللقاء فالفصل الخامس غداً بأذن الله
#بقلم يويو علاء
