"الفصل السادس"
يحيى واقف ف مطار لندن وبيدور على الراجل اللى جمال قاله عليه ، يلاقيه واقف ولابس الشنطه زى اللى معاه يروح عنده ومن غير كلام يديله الشنطه ويمشى
يحيى: ايه الناس الغريبه دى!
يفتح الشنطه يلاقى مفتاح شقه وموبايل جديد وفلوس وفيزا ،يتصل على جمال
جمال: قاعد ف الزنزانه مستني التليفون بتاع يحيى ، الو ايوه يايحيى
يحيى: انا وصلت واخدت الشنطه
جمال: كويس اوى روح بقى على العنوان اللى مكتوب ف رساله ف الموبايل اللى معاك ده هناك شقتك والمفتاح اللى ف الشنطه بتاع الشقه وارتاح النهارده بس من بكرا هنبدأ شغل يا يحيى
يحيى: ماشى تمام
جمال: يقفل الخط ، وريني بقي يااسد العالم ف النسوان هتعمل ايه ف المهمه دى ههههههههه
*********************
اوچين قاعده ع المكتب بعد ما كتبت الورقه ولفتها ف الازازه حاطه دماغها ع المكتب وبتعيط من غير صوت والا اى حاجه دموع نازله بس
مروان: يخرج م ورا الحيطه اللى مستخبى فيها ويقعد جمبها ع الكرسى
اوچين:تمسح دموعها ، فى حاجه يامروان؟
مروان:اه فى يااوچين ، مالك مصعبه كل حاجه كده
اوچين: انت شايف ان كل حاجه سهله ؟
مروان: لا مش سهله بس مش مستحيله
اوچين: لكن صعبه ، صعبه اوى لما يكون الشخص اللى بتعشقه وقلبك اختاره يبقى بالشكل ده صعبه لما كل الخيوط اللى بينكم اتقطعت و باديك انت ، صعبه اوووى لما تبقى تايهه مش عارف تروح لنقطه النهايه ولا البدايه حتي
مروان: يبص على رقبتها يلاقيها لابسه السلسله بتاعتها اللى جبهالهت يحيى ، يبتسم ويمسكها ، انتى لسه لبساها
اوچين: عمرى ما فكرت اقلعها من وانا عندى 5 سنين وهى ف رقبتي مقلعتهاش خالص ، دايما بتحسسني انه جمبي او ان لسه فى امل
مروان: طب امال ليه بتعاندى معانا
يخرج من الاوضه فارس
فارس: عشان هى دى اوچين يامروان لو معاندتش متبقاش اوچين فايز الجمال
اوچين: لا يافارس المره دى غير اى حاجه تانيه
فارس: لا هى هى انتي اللى دافنه نفسك ف الذنب ، يحيى بيحبك وانتي بتحبيه وهو غلط وبيتعاقب وانتي اللى عاقبتيه وخلاص هو كده كده كان لازم ياخد جزاءه الا بقى انتى..
اوچين:تقوم تقف وهى متنرفزه ، انا ايييه يافارس هترجع تقولى حبست يحيى عشان غرض شخصى تااانى
فارس: هههههه طالما اتنرفزتى يبقى صح ، بصى احنامتربين مع بعض يعني اسس تربيتنا احنا عارفينها ف متكدبيش عليا
اوچين: تفتكر يحيى هيسامحنى
مروان: سيبيها عليااا
فارس: اوچين: انتي بقالك 30 سنه بتفكرى بعقلك ، اركني عقلك شويه وشغلى قلبك لمده يوم بس
اوچين: قلبي لو اشتغل وفكرت بيه مع يحيى يبقى هتنازل عن كل حاجه واولهم انا
مروان: يحيى مش وحش اوى كده يااوچين ادى لنفسك فرصه
اوچين كلنا بنغلط
اوچين: بس انا مش هنسسى وهو مش هينسى
فارس: ولو هو نسى؟
اوچين:_____________
**************************
الساعه 2 بليل
عامر نايم ف اوضته والداده نامت والڤيلا ساكته خالص
علا نايمه ف سريرها وسليم صاحى جمبها بيشرب سجاير كتييير اوى وسرحان وبيبص ل علا ويرجع يسرح تانى
علا: تقوم تكح كتير اوى من السجاير ،ايه ياسليم كل ده دخااان حرام عليك
سليم: يطفى السيجاره وينفخ الدخان،معلش ياحبيبتي كنت مخنوق شويه
علا: مالك ياحبيبي فى ايه؟
سليم:مشاكل ف الشغل متشغليش بالك
علا: تفضل بصاله شويه
سليم: مالك ياعلا
علا: ساعات بستغربك اوى وساعات بحس انك خيال مش بجد وساعات بحس انك بتحبني
سليم: ساعات؟ ، لا ياحبيبتي انا فعلا بحبك اوى
علا: تبص ف عينه اوى ، نفسى اصدقك ياسليم
سليم: يتعدل ويبلع ريئه ، ايه الكلام ده
علا: اصل الواحده مننا ياسليم بتحس باللى بيحبها وخصوصا لو كان جوزها يعني ، بتحس بمعني الحب معاه
سليم: وانتي بقى مش حاسه بمعنى الحب معايا؟
علا: حاسه بمعني الحب من ناحيتي انا لكن من ناحيتك انت ، حب عشره مش حب ف القلب اتزرع
سليم: لو كنت اعرف ان الحمل هيوجع دماغك بالكلام الاهبل ده مكنتش وافقت نخلى الطفل ده
علا: تحط ايديها على بطنها بلهفه ، اخص عليك ياسليم طب ده انا لما بحس ان ف حته منك جوايا وبتكبر بطير م الفرحه
سليم: ياخدها ف حضنه الظااهر ياحبيبتي ان مخك اللى طار
علا: تخبطه ف كتفه وهى بتضحك
سليم: يبتسم ابتسامه حزن ويبوسها ف رقبتها ويحضنها اوى ، احنا الاسبوع الجاى نطلع رحله مع بعض
علا: طب وبابا
سليم: ماله بابا
علا: مروان مسافر ومش هيرجع دلوقتي وبابا هيبقى لوحده
سليم: لا اتصرفى انا اخدت اجازه اسبوع بالعافيه من الشغل
علا: مممممممم هفكر واقولك
سليم: يحضنها وعينه فيها شر
************************
داليا قاعده مش هاديه خالص عماله تفرك ف السرير وبتعض ف ضوافرها وتبص ف الفون كل شويه لحد ما تلاقى رقم برا مصر بيتصل ،الووو
مروان: ايه ياداليا انا مروان
داليا: تفرح اووى وترجع تكشر ، نعم يامستر مروان
مروان: ايه يابت الهبل ده ماتتعدلى
داليا: خير يامستر فى حاجه ؟
مروان: قاعد ف البلكونه بيتكلم ، اوووووف عليييكي ، المهم عملتي ايه ف النهارده ف الشقه اللى لسه مستلمنها
داليا: اتصلت بالناس واشتريت الخامات والحاجه وعرفت هما عاوزين ايه وهنبدأ بكرا بأذن الله
مروان: ماشى لو فى اى جديد كلميني ع الرقم ده
داليا: اوك اوك
مروان: كتك القرف ف رسميتك ، سلااام
داليا: تبرء وتاخد نفس جامد
مروان: يحط الفون جمبه
اوچين: دى داليا؟
مروان: اه بت تخنق
الفون يرن داليا
مروان: ايه ؟
داليا: انت ازاى تقفل ف وشى وتشتمنى كده اييه هو انت محدش عارف يلمك ولا حد عارف يتكلم معاك
مروان: عايزه ايه يامجنونه
داليا: مش عايزه حاجه بس بعد اذنك زى مابحترمك انت كمان تحترمني
الخط يقطع عند مروان وعندها "رصيدك خلص بس الكلام لسه مخلصش "
داليا: يوووووه ترمى الفون جمبها
مروان: احسن ان الخط قطع
اوچين: والله انت معنظكش قلب داليا بتحبك
مروان: بس انا شايفها اختي صاحبتى الكلام ده
اوچين: عشان انت عايز تشوفها كده
مروان: والله لا حاولت بس معرفتش
اوچين: بتسمع مروان وهى بتبص فالبلكونه اللى قدامها تلاقى النور منور تستغرب اوى لان الشقه دى محدش بيجي فيها اصلا
**********************
علا محضره شنطتين هدوم ليها ول سليم
عامر: خدى بالك من نفسك يا علا
علا: حاضر يابابا وانت كمان اى حاجه اتصل بيا
عامر: حاضر يابنتى متقلقيش عليا كريمه معايا
علا: لسه مش عايز تيجى معانا؟
عامر: لا يابنتى انا هنا كويس روحى انتى وحوزك اتفسحو بس خدى بالك من نفسك
سليم: متخافش عليها ياعمى علا ف عيني
عامر: خد بالك منها ياسليم
سليم: من عنايا ، والله اسكندريه هتبقى وحشه من غيرك
عامر:___________
علا وسليم يركبو العربيه ويمشى ع الطريق
بعد وصلهم اسكندريه يكلعو ع الشقه اللى هو مشتريها مخصوص للمصايف بتاعتهم
علا: تدخل من باب الشقه ، سليم هات واحده تساعدنى ننضف البيت
سليم: حاضر ياعلا هجبلك واحده لازم اجبلك واحده عشلن مش هكون موجود
علا: مش هتكون موجود فين ؟
سليم: يمسك ايديها يكتفها ورا ضهرها مش هكون موجود هناااا
علا: تصرخ م ايديها ، فى ايه ياسليم!
سليم:يخبطها ب السلاح ع دماغها يغم عليها ويربط ايديها ف رجليها ويسيبها ف الارض ف الاوضه ويقفل عليها وينزل
*****************
اوچين: واقفه ف البلكونه بتتكلم مع نفسها بدل ماتكتب تتخيل ب حد شبهه يحيى
" والخيال يطاردني ف كل مكان ،فهذا من شعور الذنب ام من الشوق واللهفه ، كيف تكون ردة فعلى عندما اراه وجهه لوجه ولا استطيع ان اهرب ، فاقسم لك ايها القدر ان كل ما افعله هو البكاء فقط..."
الى اللقاء ف الفصل السابع غدا باذن الله
#بقلم يويو علاء
